هل ممكن تخطب بوردة؟؟

[فارس الميدان]

اقتباس: الذاهبة نسأل الله السلامة نسأل الله السلامة شباب ضايع .. بدال ما يغازل بنات الشوارع و يقامز وراهن و يقدم لهن الوردات ورا ما يتعوذ من ابليس و يخبط ( إيه يخبط ) له بنيّه .. يجننها و تجننه ؟ __________________

شوفي يالذاهبه انا ما راح اتكلم عن نفسي بس بتكلم بأسم الجمهور لاني انا مختلف بعض الشي

الذاهبه الشباب كيف يتزوج والمهور من 70 الف وفوق .. الله يخلف البنات صارو حلم مثل ماتحلم انك تشتري سياره بالاقصاد جميله يجب ان تحلم ان تتزوج لانها نفس السعر والتكلفه والمغامره .. عاد ماتدري يمكن تطيح في وحده غثه وتروح فيها صدق واتصير مثل نكبة الاسهم وتسمى نكبة العرس ..
الذاهبه كيف الشاب يتزوج وهو ماعنده وظيفه وحتى لو عنده تلقينه مو قادر يفتح بيت
الذاهبه البنات الحين مو مثل اول .. لو تودي زوجتك السوق تجيب بلوزه ماركه اخذت الف او اكثر ..
مابي اتشعب بالموضوع عشان متكرر كثير ملينا منه .. بس السبب بالنهايه هي الحكومه

انتي خلي الشباب يتقدمون حتى لو يجيب معه صطل كوسه بدال الورد .. حتى صطل طماط لا يجيب لانه غالي
يقول ابوي قبل امس الطماط صطله 40 ريال .. >> قلت لابوي كان مسكت طماطه و قلبتها وقريت يمكن تلقا مكتوب طماطه ماركة بربري .. قال باقة ورد قال هههههه


حتى الردود الي مكتوبه من البعض غير واقعيه بل مسطنعه .. تجدينه يعيش جو المكتوب لحضه (( يعني يجيه وازع تجاه ما كتب من كلام ويتأثر .. وكل شويه في موضوع وهكذا ... )) .. بالواقع وربي ما يعرف الورد وطريقة تقديمه واوقاته .





الذاهبة ---> دمتي بعز من يحبك بعد ربي







فارس