تحية وتقدير للدكتورة رقيه الوهيبي

[الذاهبة]

ماستر كارد ؟

ولا ماستر .. درجة علمية ؟

[الصقهاء]

انت قلت معك ماستر هل معناه ماجستير ولماذا لم تتناهبي المناصب معهم وش تخصصك

[الذاهبة]

هلا بالصقهاء

نعم

ماستر = ماجستير

بس شهادتي غير معترف بها في وزارة التعليم العالي

لأني دارسه على حسابي .. عبر الــ e-learning

بس ماني تبع التربية و التعليم .. الحمد لله

[الصقهاء]

خلينا يالذاهبة نحول المنتدى شااااات انت مشرفة او معلمة اجل ليش درستي وتعبتي نفسك هاللي تشوفين الدراسة للمناصب؟؟؟؟؟

[الذاهبة]

ياستي .. والله لاني مشرفة ولاني معلمة

ولعلي الآن في منصب و وظيفة .. أفضل من تلك المناصب ..

[عيون الصقر]

ماشاء الله تبارك الله على هالردود

نظرا لمجهودكم الطيب بالمشاركات المفيدة قررت ادارة المنتدى تأمين فصفص وكراث عشان الجلسه تحلو اكثر

[الذاهبة]

اقتباس:  المشاركة الأصلية كتبت بواسطة عيون الصقر     ماشاء الله تبارك الله على هالردود نظرا لمجهودكم الطيب بالمشاركات المفيدة قررت ادارة المنتدى تأمين فصفص وكراث عشان الجلسه تحلو اكثر

يـــــا الله !

خف ربك .. خوفت الجمهور المتابع ..

ماطلعنا عن صلب الموضوع ، مازلنا بالشهادات و الفضفضة التعليمية

نلطف الجو على بال ما ترجع صاحبة الموضوع

بالله لاتنسون الزنجبيل بالمره

[الصقهاء]

عيون الصقر ايهما احسن الزنجبيل يطبخ لحاله مع سكر او يوضع على الشاهي ؟؟؟؟ منب مكلفة عليك الزين جبه بزمزميه لا يبرد ؟؟؟ ياحليل هالمنتدى اجود................. ياوليدي كل هالموضوع سواليف حريم لا يقدم ولا يأخر ولجا طاري المنتدى قالوا خفافيش الظلام .... وينتقدون اللي يقراه وكل من سالت عنه قالت هاه..... وشو منتدى ب ب ب ريده الخاص وكلهن يقرنه يوميا حط خبر وشف صداه وسرعة انتشاره حرررررررررررررررريم يامال العافية الدافية

[الصقهاء]

عندي سؤال محيرني من فترة والاستاذة لطيفة العنزي منقطعة عن العمل وسمعت انها اعفيت و اصبحت مديرة لاحد مدارس الشقة وهناك من يقول انها باجازة مرضية واذا اعفيت من سيحل محلها لان اشوف مكتبها فاضي

[انسانة وبس]

الاستاذة لطيفة باجازة مرضية وان شاء الله تطلع بالسلامة وترجع لمكانها وادعوا لها بالسلامة

[الذاهبة]

اقتباس:  المشاركة الأصلية كتبت بواسطة الصقهاء     عندي سؤال محيرني من فترة والاستاذة لطيفة العنزي منقطعة عن العمل وسمعت انها اعفيت و اصبحت مديرة لاحد مدارس الشقة وهناك من يقول انها باجازة مرضية واذا اعفيت من سيحل محلها لان اشوف مكتبها فاضي

تعجبني نباهتك أيها الصقهاء

لكن ما تعجبني طريقة تفكيرك بصراحة ..

هل تلمحين إلى أني قد أكون لطيفة العنزي



ياشيخة ظلمتي المره إن كنتي تفكرين كذا فعلاً ..

هي معها ماجستير معترف به و من جامعة معترف بها أو من كلية و الله مادري

و انا ماجستيري يا حبة عيني ( فخري ) ..

إضيفي إلى ذلك .. تخصصي غير تخصص الاستاذة لطيفة

و اهتماماتي و هبالي و عمري و شخابيطي ..

كل ذلك لا يدل إني ( لطيفة ) ولا غيرها



أتمنى لها الشفاء العاجل ،

و إن شاء الله ترجع لكم بالسلامة .. و تقعد على قلوب حاسديها .. الكثر ..



* المعذرة لك يا لطيفة العنزي إن كنتي تقرأين هذا ..

بس إن شاء الله إني أبيض الوجه .. ماعليه إذا احد سألك قولي إيه أنا الذاهبة هههههههههه *

[انسانة وبس]

كنت شاكة من تكونين يا الصقهاء والحين قربت كثير اعرفك مع اني ما يهمني اعرف الاسم قد ما نعرف طريقة التفكير حتى انتي يالذاهبة قربت اعرفك والماجستير حصلتي عليه برى بس انتي كنتي مشرفة اذا انتي اللي في بالي

[نبض القلـم]

لاحووووووووول

أنتم حالفين حلف انه ما يخلو موضوع من مواضيع تعليم البنات عن منهي ذي ومن يكون ذا؟!!

بالله وين راح الموضوع الأساسي ؟!!

ياعيون الصقر

تكفى كز لهن زنجبيل وكراث .. بس على ملاهي الاسكان لاهنت !!


وأنتن ريحن مخيخاتكن وخلنكن أكبر من منهي ذي ومنهي ذيك؟!!

همن عاد ؟؟ ولا عرفتن ؟؟ وش يبي يصير ؟؟

الذاهبة مدرسة حاسب واستقالت من الغثا الي شافته من الاشراف وبلاويه !!!!

ارتحتن الحين ؟!!

تكفين يالصقهاء خليك من التخمينات وعطينا علوم مفيدة ..

لاهنتي نبي رسالة الدكتورة رقية الي غثت أنصاف العقول !!

ممكن بالله؟!!

[الذاهبة]

تصدقون أنا ماعندي مشكلة أصرح باسمي و أفصح عن هويتي ..

و الحمد لله كلي فخر

لكن تدرون وش المشكلة ؟

مشكلتنا في مجتمع لا يرحم ..

و خصوصاً .. أننا ستات ..

يعني عادي باكر يجيك واحد ما يخاف الله و يتكلم عنك .. ( بما انك صرتي معروفة بالاسم ) ..

و عادي جداً تجيك وحدة مجرمة و تصورك .. و تنشر صورك ..

وعادي جداً تواجهين محاربة .. فقط لأنك صرحتي و تجرأتي ..

أليس كذلك ؟

إذن يلزمنا كم مليون سنة .. على بال ما نتطور و نهضم التكنولوجيا هضم .. هه


انسانة و بس المحترمة

خبريني إذا عرفتي أنا من أكون ، أو فلانة من تكون .. طيب و بعدين ؟!

يا جماعة ساعدونا نطور بعضنا البعض و الله حرام كذا يوصل تفكيرنا ..


..

الماستر اللي من برى .. والله العظيم ما أخذته من برا

دراسة عن بعد ، عن طريق النت ..

و كاتبه لك فوق e-learning

و كنت مشرفة و الحين وش صرت ؟



ياناس والله العظيم مالي بالتدريس ولا بالتوجيه ولا بالمدارس و لا بالإدارة ولا بالإرشاد ولا بالتعليم كل آبوووه

مادري إلى متى مضطرة أحلّف أنا ؟

أرجوكن أرجوكن .. حررن أدمغتكن ..

ولا تحملنها على التفكير في غير فائدة أرجوكن


نبض القلم .. الله يجزاك خييييييييير ماقصرت ..

[دينا]

الذاهبه حبيبتي اذا تبين الفزعه
بلغيني احس ان بعض الناس بيقطعونك علشان يعرفون مين انتي
المشكله ان طلعتي بالاخير فراشه
بس مو مشكله المهم تابعه لاداره التربيه والتعليم