مدير الضمان يعطى اوامره بضرب مواطن مريض بالقلب وحذفه برى ادارته

[Mulberry Tree]

الاخ الكريم
يبدو أنك من اصحاب القلوب الطيبة جدا وتتعاطف مع كل من يظهر لك أنه مظلوم

نحن لن نحمل مثل قلبك ونتعاطف مع صاحبك

قبل أن نعرف الموقف بأكمله

عموما أسأل الله للجميع الهداية

[Mulberry Tree]

اقتباس:  المشاركة الأصلية كتبت بواسطة سندررريلا     ما استبعد هذا الشيء صديقتي ارمله صغيرة بالسن ذهبت لظمان ورفضو يعطونها ولما كلمت المدير قالها تعالي لمكتبي وتروح هي واخوها الصغير وجلس يلمح فيها ويناظرها نظرات قذرة قليل ادب

اختي اتقي الله هذا فيه قذف

هذا كلام صدبقتك فهل كنت معهم في المكتب عندما كانت هي

وشوفي صغيرتي بعض النساء هداهن الله إذا شافن رجل يناظرهن قالن ذا قليل ادب وخاصة بالدوائر الحكومية
تلقين الرجل نظراته رحمه وشفقة وهي فهمته غلط

[فيصل العنزي]

اقتباس: المشاركة الأصلية كتبت بواسطة سندررريلا ما استبعد هذا الشيء صديقتي ارمله صغيرة بالسن ذهبت لظمان ورفضو يعطونها ولما كلمت المدير قالها تعالي لمكتبي وتروح هي واخوها الصغير وجلس يلمح فيها ويناظرها نظرات قذرة قليل ادب

أتهام قوي هذا ويشكك بأخلاق المدير

وأنتي كذا تشهدين مع صاحب الموضوع ان المدير " خرطي "

أنا ما أقول كذب لأن مافيه أحد معصوم من الخطأ

بس ماصدقت يمكن هي فسرت نظراته غلط وقتها

لكن واضح اللي ينظارن نظرات ماهيب زينه

لكن الصراحه اتهامك قوي

لكن لو نفرض صحيح كلامك

هل خويتك متستره تستر كامل ؟؟؟

[بريداوي الأصل]

مع الأسف اللي يروح هناك يصدق اي خبر شين ينقال عنهم
فوضى بالصالة جيت يومين عشان استفسر عن المساعدة التكميل
مع العلم انهم لو وضعوا موضف متفرغ للإستفسارات وسط الصالة كان خفت الزحمة
بعض موظفيهم يكرهك بمراجعتهم
يحتاجون ترتيب ليتفادوا الزحمة لأنه حرام توجيه غلط من الموضف تتأخر يوم ثم تؤجل للأسبوع القادم
بعد الظهر لا يستقبلون طلبات
الله يعين

[أشغلتموهــا]

اقتباس:  المشاركة الأصلية كتبت بواسطة فيصل العنزي     أتهام قوي هذا ويشكك بأخلاق المدير وأنتي كذا تشهدين مع صاحب الموضوع ان المدير " خرطي " أنا ما أقول كذب لأن مافيه أحد معصوم من الخطأ بس ماصدقت يمكن هي فسرت نظراته غلط وقتها لكن واضح اللي ينظارن نظرات ماهيب زينه لكن الصراحه اتهامك قوي لكن لو نفرض صحيح كلامك هل خويتك متستره تستر كامل ؟؟؟

اظن ان صديقتى متزوجه وعندها عيال وتفرق بين النظرات

وبعدين هو ليش يقولها تعالي ادخلي المكتب تقولي البنت انا قلت له كل شيء وفهمته عن طريق التلفون ومع هذا يقولي تعالي عندى مافهمت عليك صديقتى تقول يمكن يبي اوراقي يطلع عليها
وتقول لما دخلت وانا اكلمه يقولى قربي قربي ما اسمع صوتك وكان يناظرها نظرات قذرة جدا وفي اماكن معينه من جسمها
اذا انا اتهمته الله راح يحاسبني
ارمله رايحه تبي رزق لعيالها ماراحت تترزز عشان تسألني هي متسترة او لا

[ابووليدالتيتو]

لاحولاة ولاقوة الا باالله

[فيصل العنزي]

اقتباس: المشاركة الأصلية كتبت بواسطة سندررريلا وتقول لما دخلت وانا اكلمه يقولى قربي قربي ما اسمع صوتك وكان يناظرها نظرات قذرة جدا وفي اماكن معينه من جسمها اذا انا اتهمته الله راح يحاسبني ارمله رايحه تبي رزق لعيالها ماراحت تترزز عشان تسألني هي متسترة او لا

ما أقول شيء أنا

لكن هي وذمتها وضميرها

وكان الأولى تروح للهيئة ويحطون له كمين وكانه راعي خرابيط بيطيح فيه
ويفتك منه الشعب كانهم متوذين منه


لكن مقولة أرمله رايحه تدور رزق لعيالها ماراحت تترزز

ما أظن أن الأرمله معصومة من الخطأ والترز " والبس المش كويس "

الله يزرقها ويستر عليها ويرزق المسلمين اجمعين

[أشغلتموهــا]

اقتباس:  المشاركة الأصلية كتبت بواسطة فيصل العنزي     ما أقول شيء أنا لكن هي وذمتها وضميرها وكان الأولى تروح للهيئة ويحطون له كمين وكانه راعي خرابيط بيطيح فيه ويفتك منه الشعب كانهم متوذين منه لكن مقولة أرمله رايحه تدور رزق لعيالها ماراحت تترزز ما أظن أن الأرمله معصومة من الخطأ والترز " والبس المش كويس " الله يزرقها ويستر عليها ويرزق المسلمين اجمعين

يعنى تروح للهيئه تقولهم يناظرني !!!!
بيقولو نفس كلامك انها مو متسترة
لكن انا الحين ابي افهم هو ليه يخليها تدخل عنده ؟
والله انى صادقه بكل كلمه قلتها عن هذا الرجل

[فيصل العنزي]

اقتباس: المشاركة الأصلية كتبت بواسطة سندررريلا يعنى تروح للهيئه تقولهم يناظرني !!!! بيقولو نفس كلامك انها مو متسترة لكن انا الحين ابي افهم هو ليه يخليها تدخل عنده ؟ والله انى صادقه بكل كلمه قلتها عن هذا الرجل

مو اختي هذي هي المشكله
حنا انا كشاب أقولك الشباب 99% مايناظرون أو إستحاله يناظرون وحده متستره تستر كامل والهيئة على قولتك بيقولون نفس الكلام
طيب هي ليه مارفضت تدخل معه المكتب

وصح عندي سؤال الضمان مافيه فسم للنساء ؟؟؟؟
بحكم انه يشمل المطلقات والأرامل المفروض يكون فيه قسم نسائي

[أنسام]

الاستاذ مدير الضمان الاجتماعي ببريدة

الحقيقة أنه يبدوا لبعض الناس بانه شديد يضيق على المراجعين ولا يستقبل الاتصالات والزيارات بطيب نفس

إنما هو لديه حرص زائد وتفاني . ...ولّد عنده شدة وتدقيق في أمور حري به أن يتجاوزها بحكم أنه مدير وله صلاحيات ..

هذا ما يظهر لي والله أعلم ... فالنحسن الظن بأخينا وندعو له .



بخصوص القصة .... سمعناها من رواة ..
لو سمعناها من طرفيها شخصياً لكان أفضل و أوثق .دمتم بخير .

[إياد الموسى]

لاحول ولاقوة الابالله

[بعيوني تسواهم]

ليت عندنا ببريدة خمسين مثل هذا المدير كان حنا بخير هذا رجل متواضع وخدوم

[أبوفيصل]

سبحان الله ، مثل هذه الأخبار وخصوصا الردود الأخيرة التي فيها اتهام خطير ، لا نأخذ منها شيء فكلٌ منا يستطيع أن يتهم ويتقول ويخطئ ، لكن كيف نعلم أنه صدق وحق لا لا يمكن أن نصدق عبر المنتدى ناهيك عن أن نصدق عن أشياء حساسة جدا وكلام خطير يقال في هذا المنتدى هذه تهمة والله سيحاسب كل من تفوه بكلمة ، وأيضا نقول للمشرف اتق الله ولا تسمح بمثل هذه الاتهمات الخطيرة جدا على رجل مسلم محترم ، فأنبهك إلى أن الكلام الجزاف كلٌ يستطيعه ولا حول لا قوة إلا بالله ، فاتق الله يا مشرف واحذف هذه التهم التي تتعلق بالعرض ناهيك عن أن مثل هذا الكلام ليس من صالح المنتدى طرفة عين ..

[ديحآنيه وآفتخر]

الشكووووى الله..... وربي ماستحق مانصبه!
ياليت من نزله وياكثر الي من طينته ..واكيد ها المسكين ماحد اهتم فيه آآآهـ يالقهررر آآآآهـ وين المسؤولين عنه وين وين وين من تبون نشكي له اذا احنا بلدنا وين نروح؟ ومسؤولينا مومهتمين؟؟ ياحسسرة بقت بقلوبنا...حسبي الله عليه وعلى كل ظااالم ... ولله انه حزت بخاااطرري وربي الكوووون قهرررررررررررررر ...

[خالد التويجري]

ابو فيصل

اقتباس: وأيضا نقول للمشرف اتق الله ولا تسمح بمثل هذه الاتهمات الخطيرة جدا على رجل مسلم محترم ، فأنبهك إلى أن الكلام الجزاف كلٌ يستطيعه ولا حول لا قوة إلا بالله ، فاتق الله يا مشرف واحذف هذه التهم التي تتعلق بالعرض ناهيك عن أن مثل هذا الكلام ليس من صالح المنتدى طرفة عين ..

أخي الكريم ..,
نحن هنا لسنا أوصيا على مافي قلوب الناس بحيث نستطيع الجزم ببطلان مايقولون أو صحته .,؟!
اخي الكريم
الإعلام المفتوح الحر ذو حدين
حد قاطع يصحح مفاهيم وينقل المجتمع من الأسواء إلى الأحسن بإذن الله .,
وحد فرصه للبعض من المرضى واصحاب العقول الصغيره .
ودورنا هنا إجتهادي يحفه الحرص و الموازنه قدر المستطاع
فكما ترى انت أن مايقال ( إتهام خطير لرجل محترم )
قد يراه غيرك أنه ( واقع صحيح يجب التصدي له ) .
وهنا يكمن دورنا كمنتدى ومشرفين عليه .

واسمح لي بسؤال لك وحتى تتضح الصورة اكثر .....
( ماذا لو كان مايقال عن ذلك المدير صحيح .. ؟ ) <<< وش رايك ؟!

نشكر لك غيرتك ونشكر لك حرصك ونشكر لك توجيهاتك لنا
ونحن نتعلم منك ومن امثالك من العقلاء واصحاب الرأي
بارك الله فيك ونفع بك ..., آمين .,


تحياتي .,’