عودة بلا مأوى للمشرفات

[الذاهبة]

مرحبا استاذ عبد الله الفقير

السالفة .. ماكو سالفة هي واضحة مرة

الاشراف التربوي بينتقل إن شاء الله إلى مبني جديد حكومي في حي الاسكان

المبنى ما انتهى للحين .. بس على الترم الثاني يكون جاهز و بينتقلون على طول ..


عاد الظاهر بقية الاقسام الثانية الاختيار و التوزيع و الخرابيط ذي مهب ناقلينهم

فقط ( المشرفات )


ياهووووووو .. خلهن ينغرن على سنع !!

و يبردن على كبيداتهن .. مكيفات و برادات ..






استاذ عبد الله .. لاتقول من مصدرك ..؟

ترى انا مالي خلق مواضيع التربية و التعليم احسها تسبب صداع قوي .. و مجرد بربرة فاضية

لا مجيب لها ..

بس حبيت أفرح المشرفات مع انهن عارفات بهالخبر قبلي


تحياتي

[alkzama]

اختي نبض القلم
لاخفنا من عينك الحمراء على قولك لانخاف الى الله سبحانه وتعالى
هو اقتراح لوضع مؤقت لوجود مباني حكومية فاضية منذ سنتين لم تستخدم ولم تفتتح بها مدارس ونقلت مسميات مدارسها الى احياء اخرى
مثلا المباني الحكومية الستة االموجودة في الاسكان اثنين منها شاغرة لايوجد بها احد بالرغم من وجود ابتدائيات في هذا الحي بمباني مستأجرة
وبعدين كم اتمنى ان يصبح الفصل الواحد 20طالبة فقط ويطبق التعليم التعاوني وتلزم المعلمات به ويطبق ماجاء في كتيب تنمية مهارات التفكير
واتمنى كذلك ان تطبق تجربة المشرفة المقيمة في المدرسة ولسنا بحاجة الى مباني

فالمهم والاهم هي التلميذة ومن يخدم الدين ثم الوطن
فلن ينقص منا شئ اذا لم نجد مكاتب ومباني ذات رفاهية طالما التلميذات مستفيدات

على فكره يانبض كثري من تخويفنا بعيونك الحمر

[نبض القلـم]

ثالث شي لازم تعترفين وما فيها شي ان اعترفتي إن اكثر هالي يدربن روسهن بالاشراف وهن ما يديرنه من ختله , ما تعدلن وصارن سيدا إلا بعد طوفان نبض القلم أو تسونامي منتدى بريدة !!!!!!!
يعني العين الحمراء تأدب الي ما يخاف ربه ..

وربك يزع بالسلطان مالا يزع بالقرآن ...


أما المدارس الفاضية الي تقولين بالاسكان وبنفس الوقت تعترفين ان فيه عندها مدارس مستأجرة وهذي على روس ابو الي خلفوكم !!!!!! ان نقلتوا لها يالاشراف وخليتوا بناتنا بالمستأجرات الخسته !!!!!

لا تبتهلين يالخزامى وتسردين لنا قائمة ابتهالات وامنيات !!!

أي 20 طالبة بالفصل؟؟ وأي تعليم تعاوني ؟؟ وأي قرق طاير بالهواء ؟؟؟؟؟؟؟؟

أنتم سدوا العجز بالمعلمات وبالمباني وخدمات المدارس وبعدين تمنوا زي ما تحبون ولا يردكم غير كيبورداتكم !!!!!

والا تدرون .. لا تسدون عجز ولا تحلون مشاكل ... بس فكوا هالضعوف من شركم وخلوا مبانيهم لهم !!!!!!




لمن لم يقرأ أعيد ما قلت سابقا :


اقسم بالذي لا إله الا هو لو كلام الذاهبة طلع صحيح وصار للمشرفات مبنى حكومي من الي مخصصات للمدارس اقسم اني لارفع الأمر للوزارة مدعما بصور المدارس المستأجرة المزحومة وفصولها الي بالحوش وفوق السطح !!!!

وعندي ملفات وملفات وملفات من الشكاوى !!!!

اقسم بمن حرم الظلم على نفسه وجعله في الارض محرما بأن الامر لن يمر مرور الكرام لو تحول إلى حقيقة !!!

بل سأصعده على كافة المستويات بلا استثناء .. وما معركة القيروان المعاصرة عنا ببعيد !!!!!

إذ عاد الحق إلى نصابه .. حينما طالب به المطالبون ..

فانتظروا اني معكم منتظر !!!!!!!!

بل سأفتح جبهة جديدة في هذا المنتدى وسأستقبل على الايميل كل شكاة ومعاناة المتضررين مدعمة بالصور والتوثيق وأعداد الطالبات وملاك المدارس من المعلمات وواقعها الآن !!!!

فانتظروني ..

أعيد وأكرر وأؤكد :

لا كان نبض القلم إن لم يعبر عن شكاة المظلومين المكممين !!!!!!

[نبض القلـم]

اقتباس:  المشاركة الأصلية كتبت بواسطة alkzama     هو اقتراح لوضع مؤقت لوجود مباني حكومية فاضية منذ سنتين لم تستخدم ولم تفتتح بها مدارس ونقلت مسميات مدارسها الى احياء اخرى مثلا المباني الحكومية الستة االموجودة في الاسكان اثنين منها شاغرة لايوجد بها احد بالرغم من وجود ابتدائيات في هذا الحي بمباني مستأجرة هذه وصمة عار عليكم !!! وقد ( شهد شاهد من أهلها ) !!!!!!! فكيف تكون فارغة منذ سنتين رغم ضيق المدارس المستأجرة وكثافة الطالبات فيها ؟؟؟؟ أم قوللك ( وضع مؤقت ) فما تمشي علينا يالخزامى !!!! لأننا ما شفنا مواكب الاحتلال الأولى انتقلت وأخلت المدارس !!!! بل هي مقيمة فيها كالهم على القلب !!!! فالمهم والاهم هي التلميذة ومن يخدم الدين ثم الوطن ما أدري ورى هالعبارة ما ركبت زين عندي !!!! شكل الخزامى وهي تكتبه قاعدة تجهز شي عن اليوم الوطني واختلط الحابل بالنابل عنده !!! والا وشلون تجي ذي : الاهم التلميذة ومن يخدم الدين ثم الوطن ؟؟؟؟؟ موب تسنها خطمة مالبو امها داعي ؟؟؟؟؟ والا الدعوى اقحام الدين والوطن حتى نقبل ( الوضع المؤقت ) الي تبرره الخزامى , ونبلع العافية ؟؟؟؟؟؟

تش مير تش !!!

[أبو حكيم]

متابع .. روعة الموضوع أنه في نطاق الموضوع ولم يتطرق إلى شخصيات بأسمها .... تحية إجلال وتقدير للجميع.

[تميم الداري]

أحسن....

عساهن من هذا وأردى........

والله ما قطع ارزاق بنات المسلمين الا هن....

[بشائر]

د0رقية الوهيبي ماقصرت مدت يد العون للمشرفات ووجهت بأن يكون الدوام من الساعة 8 أو 9 إلى الساعة 11 ،بدل من أن تجهز خطة للمشرفات قبل عودتهن للعمل،و90% من المشرفات يوقعن بالحضور وقهوة وحلا وغفوة ، أنا بالدور الثاني وأتفرج على المشرفات وأسأل نفسي كيف تنام المشرفة ..... في هذا الجو والازدحام .

[أ هـ م : 001]

ألف شكر لكم على المرور

[نبض القلـم]

بشائر

عطينا اثبات عن واقع الكلام الي تقولينه ..

هاتي لي صورة بالسكنر من التوجيه الذي ذكرتيه ان المشرفات يداومن من 8 إلى 11 ..

وبعدين وين ينامن به ؟؟ يعني وشلون تشوفينهن نيمات تحت وانتي بالدور الثاني ؟؟؟؟؟؟؟

[سفيرة]

[grade="4169E1 00BFFF 32CD32 00BFFF 32CD32"][align=center]السلام عليكم ورحمة الله وبركاته


إذا كنتو تعتقدون أن المشرفات لهم يد بكل اللي قاعد يصير

فأنتم غلطانين

يعني لما تقولون حطوا مباني للبنات

أنتو مين قالكم أنهم ما يقدمون تقارير عن هالمباني الخايسة

روحو ابحثوا في معاملات الإدارة وأرشيفاتهم تلاقون اللي الصاير

المشرفات كل كم يوم وهن طايرات من مبنى لمبنى عشان يقيمونه

وأول شي ممكن يردون عليهن لما يقولن ان المبنى غير مؤهل للتعلم

يقولون نكلم مقاول يرمم

ولا لو بايدهن حيلة

كان أخذن لهن من زمان مبنى بدال هالتحفة الأثرية اللي قاعدين به

أنتم عارفين أن الترميم اللي صار من سنتين للمبنى نفسه وشلون رجعو له

أنا على حسب ما سمعت ومانقل لي من ناس ثقة أن المغاسل في دورات المياه أكرمكم الله مكسورة

يعني لو قلنا هن موب لازم يغسلن أو يتوضن على الأقل نهاية الدوام

أقل شي الضيوف والمراجعات اللي ما يلقن كرسي زي العالم والناس يقعدن عليه

بس أنتم كل واحد يتكلم على باله المشرفات بايديهن الحل والربط

غير انكم تتكلمون عن التعيين وسد العجز في المدرسات والمديرات في المدارس

أنتو تعتقدون أن هذا من وظيفتهن

لو هذا من وظيفتهن كان شفتوهن يعينن من أهلهن مايحتاج يدورون على أحد جديد

يا أخي \أختي نبض القلم

عارفة بتقول أجل وش شغلتهن

وهذا ردك المعتاد لما أحد يقولك أن شي معين يعتبر مو من مسؤلياته

هن شغلتهن يتحملن المعلمات اللي يتهربن من مسمى مديرة ويقدمن طلبات مساعدة بالهبل

بتدري ليش

لأن المساعدة لو قصرت ما بوجهها شي

أما المديرة هي المسؤلة وعشان كذا الواحدة تقول ما أبي أصير مديرة

من وين يجيبون لك

ولا وش رايك يرجعون مديرات ويمسكن المدارس

هذولي المديرات اللي تدافع عنهن

ولا المعلمات المساكين اللي توظيفهن من الديوان

وش دخل الموجهات بهالموضوع

يعني أتمنى لما تتكلمون كلام يكون فيه محاسبة للكلام قبل ما ينكتب

لأن هذا مسؤلين عنه يوم القيامة

أما كلامك وقولتك أنهن مايستاهلن المبنى

وأنا مو متأكدة من صحة الخبر أنهن بينقلن لمبنى جديد

لكن يقولك إذا سألت فاسأل الفردوس

وليه مانكون مثاليين ويكون للطالبات ومشرفاتهن مباني جديدة

يعني أنتم كارهين الخير على أقل حالاته

لكن كل اللي أتمناه أنكم تذوقون عذاب المشرفات وتعرفون شلون تتكلمون عنهن

بعدين أنت متواجد في إدارة تعليم يكثر فيها الكلام من الكثير والتطبيق قليل

أنا ما أنكر أن المفروض يكون فيه نتايج أفضل من المشرفات

لكن هذا من ردى الإدارة

لو باقعد أتكلم يوم كامل وأرد على كلامك ماخلصت

لكن كل اللي أقوله

الله مع المظلوم

والله يسخر الإدارة لكل مافيه خير للتعليم

والله يكفينا شر المتلاعبين

......[/align][/grade]

[نبض القلـم]

أبو حكيم

أنت الأروع بمتابعتك واطلالتك يا غالي ..

اعذرن توي انتبه للفتتك الكريمة .. الله يخلف الشوف شجر !!!!

تحياتي لك

[المهره]

لا يطق بك عرق يانبض ترا لنا بك حاجه وترا الخزامي ماهيب مشرفه والا بلاش ماودي افضحه
وبعدين ترا فيه مشرفات زي الفل وش زينهن وفاهمات ومقدرات بس هذا لايعني ان هناك خمة قرشوع تتقرشع في الاشراف وهمه اللاب توب ونفخ البريطمات بالكولاجين خخخخ خخخ وماعندك احد بتوجيه المعلمه يعني السنفوره صادزه عن بعض المشرفاتيعني لاتعم كل هالمشرفات والله ان اعرف مشرفات ماهنا اسنع منهن وبعضهن حلت مشكله بالرغم من انه مشرفة ماده

[عيون الصقر]

اخواني المشاركين جزاكم الله خير

نرجو الحوار بهدوء

بعيد عن شخص المحاور

بعيد عن الاسماء

بعيد عن الاتهامات التي لاتستند الى دليل


المعذرة على تحرير بعض الردود التي لم تلتزم

[أنين]

بعد الحر والمعاناة مع الزحمات والهوشات على البراد جاء مسح المدارس وانهاء الدوام مبكرا ريح البعض شوي وعندنا ناس انفسهن شينه وتعاملهن حتى مع الزميلات زفت شلون يوم صارت كركبه وزحمه و حر تحلفين انك قاعده في بيت ابوها!!!

[سفيرة]

,,,,,,,,,,,,,,,