مشاوير ياقلب العناء مشاوير ... المشاوير الخاصة !!

[بــرمــودا]

[فداء]

دقة بدقة ولو زدت لزاد السقا
رجال بالاستراحات أمام فضائيات
ونساء في البيوت أمام فضائيات نسأل الله العافية

[عجوز سمنسي]

[align=center]

اقتباس:  المشاركة الأصلية كتبت بواسطة فداء     دقة بدقة ولو زدت لزاد السقا رجال بالاستراحات أمام فضائيات ونساء في البيوت أمام فضائيات نسأل الله العافية

يكفيني شرف يافداء ان اول مشاركاتك في هذا المنتدى هنا في متصفحي ولذلك قفزت الردود لابارك لك مشاركتنا في منتدى بريدة

نعم ياسيدي هنا يعبثون وهن في البيوت تعبث والله يستر على بنات المسلمين

شرفتني يابعدي[/align]

[عجوز سمنسي]

ما حكم ركوب المرأة مع سائق أجنبي عنها وحدها ليوصلها في داخل المدينة وما الحكم إذا ركبت المرأة ومجموعة النساء مع السائق وحدهن ؟

لا يجوز ركوب المرأة مع سائق ليس محرماً لها وليس معهما غيرهما ، لأن هذا في حكم الخلوة ، وقد صح عن رسول الله صلى الله عليه وسلم انه قال : *" لا يخلون رجل بامرأة فإن الشيطان ثالثهما "* ، وأما إن كان معهما رجل آخر أو أكثر أو امرأة أخرى أو أكثر فلا حرج في ذلك إذا لم يكن هناك ريبة ، لأن الخلوة تزول بوجود الثالث أو أكثر وهذا في غير السفر أما في السفر فليس للمرأة أن تسافر إلا مع ذي محرم " ، متفق على صحته ، ولا فرق بين كون السفر من طريق الأرض أو الجو أو البحر

سماحة الشيخ عبدالعزيز بن باز

[الكبري]

العجوز ربما هذا شوق لحديقة الأزهر ..

لكن يقال أن المرأة لاتعرض نفسها ولكنها تقوم بالإغراء والإغواء فقط ..

وهي كبقية الاناثي ..

فتجد القطة والعصفورة يطلبها الذكر وهي تهرب ..

حمداَ لله أن سائق هذا الباص ليس زمينا الكلاك عبود الشمته !!

لكم اطيب المنى

[ملكة الجوارح]

اقتباس:  المشاركة الأصلية كتبت بواسطة صاحي و رايـق     يا حول يالرجال كل ما طق عود بعود قالو الرجل هو السبب وأنتن عساكن للذهاب صايرات بضايع لكل من هب ودب والله لو تصير عليكن رقابه محسوبه بالثواني أن تفسدن إذا بغيتن يعني لو أرخي الحبل لكن شويا راح تتخلن عن الحشيمه والستر ليش أنتن مخلوقات عشان تخافن من الرجل وتراعن شعور ستركن يامن البلاء اللي يبلاكن يعني الرجل اللي مهمل الرقابه عليكم هو اللي بيدش النار وإلا أنتن الغلط الأكبر منكن وفيكم مستحيل يتعداكن مهما بالغتن من الأعذار الواهيه يضل غلط المرأة لوحدها مايشاركها غيرها فيه بنات أهمال ممن حولهن بشكل غريب من أب وأم وأخ تلاقينه تسوي السوايا الكبيره التي تستحقرها المجتمع لكن مع غريل هنا تتوقف لا تجرؤ على فعل هذا وفيه بنات الرقابه عليهم ملازمه لهن طوال الوقت لكن تفسد فساد لا يعلم فيه إلا الله الشاهد - البنت التي تريد الإفساد لنفسها حتى لو هي مراقبه من جميع ممن حولها وتكون بغرفه من أربع جدران ليس لها باب ولا شباك تأكد بإنها راح تتوصل إلى مبتغاها مهما بلغ الثمن - البنت التي لا تريد الإفساد لو وضعت بين مجموعه من الشباب كاسيه عاريه وهي لا تريد فعل هذا المنكر تأكد لن أحد يقترب منها ! الرجل يتحمل جزء بسيط من هذا الأجزاء الأخرى مشتركه بين هذه البنت مع من تجالسهم من بقية البنات ! الرجل ما خلق لكي يكون بوديقار لهذه البنت في كل وقت لديه أعماله وأشغاله إذا راقبها اليوم ما راح يراقبها بكرا مو كل مره قادر أنه يسوي رقابه ذاتيه على أهل بيته إذا البنت ما راعت هذا الغلط بنفسها فأن ولي الأمر غير قادر على حمايتها من سوء أعمالها !

الحق ينقال انا مع عبدالله في كلامه



.

[اكحيلان]

اقتباس:  المشاركة الأصلية كتبت بواسطة بــرمــودا     والله ياسمنسي الدعوى مدوبره ....أتذكر كلمة مازالت راسخة في ذهني قالها الدكتور الشيخ سلمان العوده في محاضرة أيام الدراسة الجامعية قبل أن يتم فصله من سلك التدريس قال : لو كل أب حافظ على أسرته لن تجد أي فساد في مجتمعنا ....أين رب الأسرة ؟؟لو قام بدوره لن تجد أسرة تلجأ لسائق أجنبي ولا لعمالة توصيل طلبات ....العماله لعبوا بالقش ياسمنسي والسبب غياب الرقيب ....تصدق إن السفارة في تركيا تذكر أن هناك 200.000الف سائح سعودي هناك ....كم واحد منهم قد ترك زوجته وأولاده وذهب هناك لكي يشبع شهواته ونزواته وتارك الأجنبي يلعب دوره في المنزل؟؟؟؟؟والله إنك شبيت تسبدي

اوافقك 100%

[عجوز سمنسي]

[align=center]

اقتباس:  المشاركة الأصلية كتبت بواسطة أنـفأإأس أإأللـيل     السبب الوحيد في انحراف المرأة دائما هو الرجل لو كل رجل تكفل بمحارمه وتكفل بتوصيلهن لعملهن أو جامعاتهن لما حدث ماحدث .. لأن حتى لو البنت محترمة نفسها يمكن تبتلي بسائق نقل مايخاف من ربه .. الرجل اصبح يتنازل عن مسئولياته ويترك الباب مفتوحا للمراة والمشكلة انه لا يعلم انه بذلك سيدفع الثمن غاليا ,, وانت بنفسك اعترفت بذلك 7 7 7 فالحل اصلحو انفسكم يارجال حتى تصلح نسائكم .. شكرا لك على الموضوع .. طرح موفق ,,,

انفاس الليل : مرحبا بك ياستي

طيب خلينا نفترض ان رجلا مسافر لدولة ماء لعمل او شي من هذا القبيل
هل يحق للمرأة ان تتسكع مع السائقين بتوع المشاوير وان تطلب الطلبات في انصاف الليالي ؟

نعم اني ارمي الثقل على الرجل لكن ليس دائما

اذا قلنا مانبيكم تسوقون ولاتخرجون من البيوت ونخلي رجالكم يسوون لكم كل شي ويحط ويشيل لكم بعد

قلتوا ماتثقون بالمرأة نبيها تسوق وتطلع وتروح وتجي

واذا قلنا ان الرجال بالاستراحة وطلبت المرأة ودشرت قالت كله من الرجال

الحين وهي في البيت وزوجها موجود يدشرون اجل وشلون لو يسوقون ويطلعون على كيفهم

انا ماتقرهني الا القصيدة اللي فرحانات فيها البنات

حنا بنات الوطن والزين نجدية

والله اقول انتن بنات الوطن والشين والشيفة

شكرا لاطلالتك ياست الكل

[/align]

[عجوز سمنسي]

[align=center]

اقتباس:  المشاركة الأصلية كتبت بواسطة & شرقاوية كووول&     لو عندنا رجال سنعين مالجينا للسواويق وتوصيل الطلبات بس ماعندك أحد الرجوله والغيرة ذهبت هباء منبثآ. الله مير يخلف على رجال الوقت...

والله لو تتزوج الوحدة عشرة رجال دفعة وحدة مايكفونها مشاويرها وحبها للطلعات والروحات والجيات

وبعدين خلي الرجال ماعنده غيره

المراة ليش مايصير عندها غيرة على نفسها ؟

والا لازم البودي قارد يصير حولها كل شوي ؟

على العموم كلامك صحيح

متى ماغابت غيرة الرجال غابت عفة النساء

شكرا لتشريفك ياستي[/align]

[عجوز سمنسي]

[align=center]

اقتباس:  المشاركة الأصلية كتبت بواسطة عبدالله30     مرحبا عجوز سمنسي00 هههههههههههههههه !!!!!!!!!!!!!!!!! نعم اهمال الرجل لايعني أن تتصرف المرأة وفق رغبتها وهواها فلو كل رجل اهمل قابلة تضييع من المرأة لعم البلاء والفساد0 وليس هناك مانع من اعطاء الثقة بشي من الحذر وعدم الاهمال وترك الحبل على الغارب 0 ملاحظة00 تجد هنا بعض الاخوات تضع اللوم على اعطاء الثقة والاهمال 00طيب هل وجودها هنا لايعد اعطاء للثقة ؟ طيب لماذا تصادر الثقة لغيرها وتحرمها بينما تحللها لنفسها وترى انها اهلا للثقة ؟!! المهم أي خلل في المرأة سببه الرجل 0 تحياتي لك0

هلا بالصديق عبدالله

ياحبي حطيت اصبعك على الجرح

حريم دردغانة تفرح بالكلمة اللي يقولها الرجل

بس يوم قلت ان بعض الرجال يتسدحون بالاستراحات وناسين حريمهم فرحوا بالمولمة وحطوا البلاء والجلاء كله بالرجل وانه صاحب الجريرة والجريمة

على قولتك لماذا لاتكون هذه المرأة هي مصدر الثقة لنفسها وان تحفظ وتحترم نفسها

ياكثرهم الرجال اللي مضيعين بيوتهم

يعني كل البيوت ضايعة حريمهم ؟

لايانساء المدينة فيه حريم عاقلة وتعرف تضبط امورها بدون الاثول

شكرا عبدالله على وجودك هنا[/align]

[عجوز سمنسي]

[align=center]

اقتباس:  المشاركة الأصلية كتبت بواسطة •°سـرىآ اللـيـل°•     [align=center]بنوته حلوه :: آمين يالغلا تسلمين ماقصرتي سمنس :: إيه خمس و خمسين و السادسة يعني ستة وخمسين هيك تفهم المعادلة مايحتاج تفصيل ., والله ياطويل العمر منب ميته قبلك و عروقي إذا إنفجرت بتوديني لأحد أمرين إما العناية ولاأنت طبيب يعني ماراح تشقى وراي بدواي ., وإما المقبرة ولاأنت حفار قبور بحيث أشقيك بحفر قبري ., يعني مايحتاج توزيع رحمات موتي وحياتي بالنسبة لك إيززي ., قال أبوك وجدك !! أبوي قلت ألف وثلاث طعش مرة ميت من عام 1413 وينه وين المشاوير وخرابيطهن ., وبعدين ياسيد ردي على موضوعك يعني خاص بالرجال اللي تقصدهم أنت بالطرح ماأعتقد له داعي تقول إخوانك وعيال خالك وعمك ., وتأكد إذا إخواني تصرفاتهم كذا إيه خشب ونص هم وعيال عمي وعيال جدي والمخطي يتحمل عقابه ., قلة الغيرة والدين والحمية والرجولة << للمعلومية فيه نصارى رجال ., الرجولة شيء والدين شيء ., عنتر المشرك أرجل من ثلاث أرباع شبابنا وهم مسلمين ., وللإسف مجتمعنا ماطلع البنت على الغيرة مطلعها وقايل لها أنتِ لازم رجل يحميك وإذا غفل وقتها يرجع لتربيتك ., إذا هالرجل مربيك صح فأنتِ صح وإذا نص فأنتِ نص ., وشكراً ., أهذب تاهيه’ لأبو شداد [/align]

الله يرحم ابوك ياسرسر هانم

اجل لصار ابوك ميت لاتقعدين تهايطين علينا كل يوم بالطالعة والنازلة وكل شوي قاعدة تسبين بالرجال تقل ماخلق الله الا اخوانك واقاربك

ياشيخة قسم بالله قايل لك انتي شهار يصلح لك بس ماطعتيني

فلسفتك عن المجتمع صعب تطبقينها وانتي عايشة بغير زمانك

عايشة بزمن الزير سالم وشلته

سلملم [/align]

[عجوز سمنسي]

[align=center]

اقتباس:  المشاركة الأصلية كتبت بواسطة المهاجـ2008ـر     المشاوير ماهي بعيب ولا حرام انا اعرف واحد حالتهم ميسوره أبوه ياخذ مشاوير زي كذاا يوصل لسوق لزواج بدون محرم من باب الثقه انه رجال كبير <عجوز>.......... واغلب الناس اللي ماعندهم سواق عارفين واحد ياخذهم مشاوير... لاكن المشكله بوه بنات اخذين اشي ذا حجه قدام اهلهم تقول انا ابي السوق وراح اتصل على ابو فلان يوصلن وهي لاكلمته ولا شي طالعه مع شخص ثاني,,,,,,

هلا بالمهاجر

المشاوير مهب عيب ولاحرام

تصدق اني حقدت على مصري مطنوخ يركب معلمات عند احد مدارس البنات ومامعه لامحرم ولا شي

والمصري ذاك حمر عطر يلق لق قسم بالله

ودي اسوق فان بمشاوير خاصة من يحصل له

بس استحي والله قسم رزق مع كل جهه

لكن مايقهرني بحق هي تلك النساء التي تقبل الركوب بدون محرم ولا حياء ولاخجل وتتكلم مع السائق بكل بجاحة وصفاقة وكأنه من بقية اهلها

وتتضحك مع السائق كنه اخوها

مايبط تسبدك؟ خاصة اذا صار اجنبي والله ياهو قهر وربي[/align]

[عجوز سمنسي]

[align=center]

اقتباس:  المشاركة الأصلية كتبت بواسطة الزين نجدي     عدنـــــــــــــــــــــــــــــــــــــا اعصابك اخوي ... انا اقصد انك قلبت علينا المواجع .. لأن الحريم وهن ماساقن فالتت يالله نمسكهن مب بعد يسوقن انا ضد أن المرأة تسوق وبقوه وأن شاء الله مايسمحون لهن ابد ابد .. لكن لو ساقن أعتقد والله اعلم أني من أولهن < لاحول وراه يامل العافيه ما يتكفل فيها ولي امرها مب يتنذل و يخليها يسرمحن على راحتهن بس عشان ما يبي يلتزم فيهن, وهو ماغير هبهبه استراحات و طلعات بر و امور يالله ياكافي .. بختصار مافيه رجال قد المسؤوليه .. وانا اشوف في عائلتي مايعرفون شي اسمه سواق . الرجال مستتين حريمهم وقايمين وبواجبتهن .. والله مهب مدح فيهم بس هذا اللي اشوفه .. لانهم ما عرفو السواقين الا يوم جيت عندهم بالقصيم < خراب وشكرا على التصحيح *).. بس من حر ما اوجس والله لان مايحس بالنار الا اللي واطييييه اقول من معاصرتي لامور النقل واللي ينقولون شفت العجب والعجاب .... حريم بجيحات و رجال ما يستحون .. والله ثم والله اني ازمل اذا بغيت اتعاقد مع سواق جديد مانيب اخاف من السواق نفسه الا اخاف من الحريم اللي يركبن معي لان بعض الحريم الله يصلحهن ما يعطن وجه بالسوالف و المزح ويبدن يمزحن مع بعض ويكهكن وكن الرجل اللي معهن جداااااااااار وراي صرت احكي كذا ؟؟ عموما المشكله كلها في جس النبض , والقبول او الرفض ,, يعني تركب الوحده فيهن اول مره متحشمه تخاف السواق يطلع مطوع .. ولا من هذولا اللي اشكالهم تخرع و يهجبها وإذا شافته وسيم و هادي و لا وسيم ويحب يتميلح و لا وسيم وخجول ولا وسيم عيونه زايغه المشكله تكمن في الوسامه .. ههه تبدأ تتميلح و تسولف معه وتقص له قصة حياتها < تولف عاد هو مايالام .. تضيع اعلومه و يحاول ينول من الطيب نصيب .. مره وحده كلمتني .. انسانه مثقفه متعلمه راقيه لها منصب مرموق قالت ابيك يا الزين تعطيني رقم السواق اللي ينقلك قلت ابشري وارسلته لها بطاقة اعمال .. سعودي محترم ومعه اخته وبينه وبين الركاب ستاره بعد يومن قالت وش ذا اللي انتي ارسلتي رقمه يخرع ياشيخه مارتحت له قلت طيب فيه هذا فلسطيني ,, ينقل بس الحقيقه ما قد وصلني ولا اعرفه بس مره تاخر السواق وعطتني رقمه وحده معي بالعمل عشان اكلمه لو ماجت سيارتي .. ولاكلمته وعطيتها الرقم راح وصلها لمشوار ويوم ارجعت قالت ايه هذا اللي يفتح النفس حلوو وذرب و شكله يهبل .. ياختي وشتبين بالسعوديين . مادري بتخطبه هي ولا بينقلها؟ .. المهم مره سافر السواق اللي ينقلني وقلت خلني اكلم هالفلسطيني رغم انه ما معه محرم بس باخذ ولد اختي معي . عاد والله ما كذب قلت بقزه وشوف الحلا اللي تقول عنه زميلتي استغفر الله وين الحلا جاين معه مادي من وين شافته .... لا ويتميلح تبين كوفي و لا موكا ؟ وش يبي ,, قلت لا مابي شي ؟؟ لا والمرايه منزلها علي وانا احاول ابعد عنها ارص بالباب مع اني متغطيه والحمدالله بس احساس غريبه .. يمون .. حتى ولد ختي لما وصلنا البيت قال وع وش ذا السواق .. قلت توووبه اكلمه من اول توصيله كذا هذا طبعا كله قبل ما جيب سواق خاص وزوجته بعدها ريحت راسي من الغثا والغرابيل اقول المشكله في بناتنا ,,لان الوحده تعودت اذا معها رجال ماتسمع لها صوت ادب وحشمه واذا صارت الحالها او معها مجموعة بنات تفرعنن والرجال اللي صاروا مو قد المسؤوليه حتى الواحد نايم ببيته ويخلي اهله يطلعون مع سواق ... اسفه طولت عليك بس مقهوره وانت جبتها على الجرح

ههههههههههههه

هلا وغلا بالزين النجدي كله

معليش تراي ضد ن فيه زين نجدي بس مقبولة منك وش نسوي مانبي نزعلك

ياستي شكلك على الحماس مقهورة بصورة مانتخيلها ابد والدليل سردك الرائع لتلك الحكايات التي عايشتيها مع تلك النسوة والسائقين للمشاوير الخاصة

اذا اصبت حينما اخترت هذا العنوان والموضوع واتمنى ان يكون له صدى في هذا المنتدى ومن خلال الزيارات لكي يعلم الجميع ان هذه المشكلة تزداد حدتها كل يوم

ان من الطبيعي ان تثور هذه المعاناة في المجتمع لتخلي البعض من الذكور عن مسؤولياتهم وواجباتهم تجاه اهلهم ونسائهم

وكذلك تخلي البعض من النساء عن قيمة الحياء التي زان الله بها المرأة فتبذلت وارخت العنان لجلباب الحياء وخرجت من خدرها فساح معه الدين والحشمة

ياستي ياحظ والله الاجانب اللي لاقينها يتضحكون مع الحريم

يمكن لو كان سعودي ماعطته وجه

تذكرت بالمقابل تلك الفتاة التي كانت عند الخياط وكانت فاتحة النقاب وستر الله ماتشيل العباة بعد من قوة البجاحة

المهم انا جيت للخياط ووقفت انتظر وبصراحة هبلتني بشكلها

هي انتبهت وغطت وجهها وقالت وش تناظر وجع ؟ يعني انا رجل والهندي مهب رجل ؟

قلت لعنة تلعنك فاتشة للهندي وان انهبلتي وراي اناظر ذبحتين قسم

لعنتني شوي وراحت

راحت روحها

انني من هنا اؤكد على ان خطر المشاوير الخاصة وخاصة مع الاجانب سيكون لها تأثير سلبي في الايام القادمة وسنسمع الكثير من القصص التي تحكي واقع بعض النساء المؤلم والله يستر

ست الكل : شرفتيني بنبض وفيض قلمك فشكر لتواجدك[/align]

[أستيشن أسود]

الحمد لله النساء فيهن خير ولازال إن شاء الله

لكن أحيانا الظروف ماتسمح لها مثلا وفاة الوالد وغياب الإخوان وأحيانا لا يكون عندها رجل من الأساس والله أعرف بيوت نساء فقط لايوجد رجل معهن كلهم بنات والأم والوالد متوفي أو يوجد أخو يشتفل بمنطقة أخرى ويذهبن مع النقل لكن مستحيل تركب بدون محرم

هذي الفئة بالله عليك من يخدمهم
أنا مع النقل بمحرم وموثوق للحاجة الملحة فقط

و هذة قصة منتشرة بين النسا والعبرة على من نقلتها
تقول انا معلمة زوجي لايعمل عاطل ورافض يوصلني للعمل أستأجر نقل و يقول لها دوري نقل وتفاهمي معة وإذا جاء بيوصلك للمدرسة بطلع أشوف أعجبن ودخل مزاجي تستأجرينة وإذا ما أعجبن دوري غيرة
أنا ما أصدق إن الدعوى وصلت لها الدرجة وإن شاء الله إنة كذب يارب


فية بعض النساء محترمات وملتزمات وممكن يبلن بها السواقين لكن لو حصل وتأذت ياويل الرجل من غضب ربي

عموما :: الخطأ الكبير من الرجال 90% لكن بعد المرأة إن إضطرت وركبت تركب بمحرم وللحاجة الملحة

والله يهدي الجميع

عجوز أنا أنتقدك وبشدة ليش تضع الحمل على النساء مع العلم أن الرجال يقدرون يحلون المسألة والدعوى بيديهم لكن يتملصون

وأنت ليش تناظر المرأة اللي عند الخياط يعني إذا شافها الهندي حلال تشوف لكن تستاهل اللي جاك

مجاهرة بالمعصية عيني عينك وأعتب عليك كتابة الموضوع (قلتخلال قرائتي ما شاء الله غيور لكن طلع العكس)
غض الطرف أنت وغيرك من الرجال والمرأة تحتشم وتتستر صدقني ماراح يصير إلا كل خير

وأخيرا أنا لست مع النساء لكن أعتب على الرجال لان النساء ضعيفات وتحتاج من يحتويها ويرفعها عن حاجة الناس

[&نجدية كووول&]

^^^^^^^^^

أشكــــــــــــــرك على طرحك الراقي

كلام مفيد وجميــــــــــــل