عواصف قوية .. وأمطار غزيرة .. هذه الحكاية في بريدة ( صور وحوادث الأمطار )

[ثامر الناصر]

اقتباس: هذا الموظف احس يقول لاتصور تفضحنا مشكور وماقصرة على هذا التقرير الاكثر من رائع موفق بإذن الله ... لك مني أجمل تحية .

بالفعل اخي الغالي كان يقول لي ممنوع التصوير .. ولكني اقنعته أن الأمر لن يكون الا تغطية لاحداث بالمدينة واخذت لي الصورتين ومشينا كملنا التغطية

[ارياف القصيم]

يعطيك العافية على الصور

[عاشق ديرتي بريده]

يازين قضبة الارض اذا امطرت ,

[ثامر الناصر]

اقتباس: شكرا اخي ثامر متابعة مميزة وماشاء الله عليك حتى بعز الامطر تخرج لتغطي لنا الحدث بالصورة الف شكر لك وانا متابع لك واشيد بك كثيرا وهنيئن للمنتدى بك الصراحة ولايهون البقية

مشكور اخي الغالي .. وانا بعز الامطار لابدن بالبيت خايف ماطلعت الا يوم هدأ الوضع .. هع

[kingablue]

آللهم آجعلهـ صيبآ نآفعآ

عوآفي يآبطل ,,,

[نايف بريده]

آللهم آجعلهـ صيبآ نآفعآ مشكور ياثامر وماقصرت

[ثامر الناصر]

اقتباس: ثـآمر شكل اللي ع يمين يقوول لآ تصـوٍر وأنت دآق حـوله عمـومـاً يعطيك آلف العافيه ع الصـور .. اللهـم أجعله صيباً نافعـاً ..

والله ماقصر اسلوبه حضاري في منعي من التصوير .. وانا نفذت طلبه الصراحة لكن بعد صورتين . قلت يكفن يمكن

[ثامر الناصر]

اقتباس: الصراحه انا كنت بالحسون وربي ماعندك احد مافي احد يعرف يتصرف وانا اخذت الحريم وطلعنا مخرج الطوراي وهناك مافي احد غيري وانا اللي منعت الحريم من الخروج ومن قوه كثره الحريم معنتهم لمده ربع ساعه ولاكن الحمدالله تصرفنا حسن التصرف وانا الصراحه خرجت لكي اجيب السياره والله فؤجئت بمدير السوق الحسون يتفرج عاتي علي السوق وانا اقوله خلي النساء يطلعوون عند باب الطواري فقالي بالحرف الواحد خلهم يتسووقوون وربي هالكلمه خلتني اصيب بنوع من القهر الصراحه ماهمته ارواح الناس وانا الصراحه ماهمني غير اهلي وخرجت بعد محاولت من الحراس وخرجت ولاكني اتصلت بالدفاع المدني علي نوعيه الرجل اللاوعي مثل هذى الاشكال ماهمته غير الفلوس ولاهمته الارواح يعلم الله ماقوله علي كل شهيد يعني الي هذى الدرجه وصلنا الماده تفوق كل شئ ولاكن حسبي الله ونعم الوكيل وانا احمد ربي لان الصراحه الموقف كان صعب بوسط السوق وانا كنت وسط السوق وواجهت مشاكل كبيره من حيث النساء ولاكني احمدربي توفقت من الله ثم من نصائح الوالد حفظه الله

الله يحفظ الجميع .. وسلامة المواطنين هي الاهم بلاشك ..

[ابونورة]

صــور من قلب الحدث ..

وحوادث متنوعــة ، وخسائر مادية وليست بشرية بإذن الله تعالى ،،


فشكرا يا اخي ثامــر على هذا التقرير والإعداد المتميز ،،

[ابو الفزعات]

اللهم صيبا نا فعا .. اللهم اجعله خير وبركة .. يسلموووووو

[ثامر الناصر]

اقتباس: أستسمحك يا أخ ثامر فقد أعجبني موضوعك واقتبسته ونقلت جزء منه لمنتدى مكشات أرجو أن ترد عليه هناك وشكرا لك عنون الموضوع هناك صور لأضرار إعصار الخميس الذي عصر مدينة بريدة

اهلين اخي الغالي .. الموضوع كله لك يالغالي .. ومشكور للتنبيه

[ثامر الناصر]

اقتباس: بعد أذنك يا أخ ثامر صور أضافة من عندي

مشكور للاضافة اخوي الفلتة .. صور روعة نورت موضوعي

[ثامر الناصر]

اقتباس: يوحش قسم كنت بالحسوووووووووون وصياح وصراخ حتى مافتوا االباب اللي ورا المبني يصب موووويه بقوه وضيعت امي وامي كانت عند الجهه اللي فيها مطر حسبت صار لها شي صرت امشي واصارخ واخر شي قالوا لنا بعدو عن الجهه اللي فيها قزاز عاد تشوف الناس يركضون رجال وحريم يوووووحش قسم للحين مرعوبهـ انا مع كلام اخوي اللي تكلم عن الحسون بالصفحه اللي قبل صحيييييح ماحد سوى شي كل اللي سوه سكروا البوابه بس وين قسم تسمع صراخ الحريم الرجاال تدفع الحريم علشان يدخلون بالوسط يبعدون عن القزاز لا يطيح انا كنت منصدمه ومندهشه ماتحركت الا يوم سمعت رجل يقول بعدي عن القزاز لان امي كانت هناك حسبت فيها شي ماحد تحرك وفتح الطوارى بالعكس رفضوا حتى الهنود معقوله كذا المبنى من فوق يصب مويه لا حياة لمن تنادي

الحمد لله على سلامة الجميع .. والحقيقة كانت الامطار ومصاحبتها للعواصف مخيفة بالفعل وتقلب لون السماء هو ماكان غريبا لدى الجميع ..