مالكم بالطويــــــــــــــــــــــــلة ...!!

[" TWIX "]

عاشق عبير...

اقتباس: كل شي مقبول منك ياتويكس بس ماعليش عيت تمسك معي اللزمة جديدة ولا التعريف كافي

اتصلت على ابن جني مايرد ودقيت على الخيل بن أحمد وحاط خدمة موجود
وبزعت وعرفتها ..!!
الحين المثقفين كل يوم جايبين من المصطلحات اللي تقل عالكتها بقرة
وتقبلونها وتشدقون بها في كل مكان وأنا يوم عرفت كلمة
صارت قضية ...
ياربي وش أسوي ..؟!!

[باسم الثغر]

ياهلا بتويكس

بالنسبة لي أنا أكثر تطور من خالك
لأن معي كلمتين ولاهب متعلقات معي بالمرة اللي هن ( معي أنت ) و ( أنت معي ) هالكلمتين مخاويتن بالسواليف

واللي وده يتخلص من حدى لزماته ترى الموضوع سهل ، لايتحمس كثير بالسوالف ويخفف من النصب وتزويد الهرج ويتخلص منها ، لأني أشوف الواحد يبلش بالكلام ثم تجي حدى هالكلمات للترقيع

[" TWIX "]

باسم الثغر...

اقتباس: بالنسبة لي أنا أكثر تطور من خالك لأن معي كلمتين ولاهب متعلقات معي بالمرة اللي هن ( معي أنت ) و ( أنت معي ) هالكلمتين مخاويتن بالسواليف

ما تعمل توأمة مع خالي بالهرج وتعطيه مما عندك وهو يعطيك من مخزونة الثقافي ..

اقتباس: واللي وده يتخلص من حدى لزماته ترى الموضوع سهل ، لايتحمس كثير بالسوالف ويخفف من النصب وتزويد الهرج ويتخلص منها ، لأني أشوف الواحد يبلش بالكلام ثم تجي حدى هالكلمات للترقيع

إلا هذي ما تمشي مع خالي يترك النصب ...!!
كان يصير أطرم ولا يهرج أبدا ..
هالنصب هو اللي مخليه اجتماعي بطبعة .. لو يكون صادق بكل
كلمة كان يعتزل الناس ويترك معارض الشفاء ..

[الفتـ الذهبي ـى]

الله يطول بعمر خآلك مآلبس البشت من فرآغ قله يسسلفن 10,000
نرجع لموضوعنآ لزمتي ياطويل العمر غريبه شوي..

لالالا <<< اذذا تحمست مع سآلفه أقولها بششكل سريع مع ضحكه

[" TWIX "]

الفتـ الذهبي ـى...

اقتباس: الله يطول بعمر خآلك مآلبس البشت من فرآغ قله يسسلفن 10,000

أنت جاي تشحذ الحافي نعال ..
لو تقول له سلف كان ما يقبله إلا مستشفى العسكري ..
عياله لاجو يطلبون منه مية ريال .. يطلبون ريال .. ريال.. حتى ياصلون المية ..

اقتباس: لالالا <<< اذذا تحمست مع سآلفه أقولها بششكل سريع مع ضحكه

لزمة خفيفة .. بالعكس ما يحس بها المستمع ومهضومة .

[نسيم تويتر]

; كتاب الوافي بالوفيات
ألفه ابن خلّكان
أليس عجيبا أن لا يعرف أبوه إلا بـ (خلّكان) ؟

بالنسبة لي .. حاولت فلم أجد .. ربما يوجد مما لم أتفطّن له ، !!!

شكرا twix

[" TWIX "]

اقتباس:  المشاركة الأصلية كتبت بواسطة نسيم تويتر     ; كتاب الوافي بالوفيات ألفه ابن خلّكان أليس عجيبا أن لا يعرف أبوه إلا بـ (خلّكان) ؟ بالنسبة لي .. حاولت فلم أجد .. ربما يوجد مما لم أتفطّن له ، !!! شكرا twix

الله يرحم ابن خلكان وولده والعائلة الموقرة .

[أحب نفسي]

أومآ أنآ ...
[المهم أقولتس]-->>ولمشكلة أني أمطه وأقولة بدلع هع ..

[" TWIX "]

اقتباس:  المشاركة الأصلية كتبت بواسطة أحب نفسي     أومآ أنآ ... [المهم أقولتس]-->>ولمشكلة أني أمطه وأقولة بدلع هع ..

مادام إنك تمطينها ..
انتِ قصمنجية أصل وفصل .. ولا غيرتك اللكنه الأعجمية من بعض
مناطق المملكة ...

[أحب نفسي]

اقتباس:  المشاركة الأصلية كتبت بواسطة ..twix..     مادام إنك تمطينها .. انتِ قصمنجية أصل وفصل .. ولا غيرتك اللكنه الأعجمية من بعض مناطق المملكة ...

والله أنك ذيب وعزّ الله أنك جبته ..
ولو أثرك تقرآ مآبين السطور .. هع

[" TWIX "]

أحب نفسي...

اقتباس: والله أنك ذيب وعزّ الله أنك جبته .. ولو أثرك تقرآ مآبين السطور .. هع

يعني توك تدرين ..؟!!
أفا ..

[دِيم]

[align=center]

.
.


مالــك بالطويلة ..
لكن أعترض على تسمية اللزمة أنها تربية شوارع
هي المنقذ بدل التأتأة والهأهأه (إذا كان فيه هأهأه )
المهم أن لاتكون (لعاناً أو سباباً)
,
عموماً الفتيات لزماتهن بريئات نوعاً مـا ورقيقات .. (ياعمري , ياحركات , يا مش عارفه ايش //)
’
كثيرات لزماتي أقصد منقذاتي ..
:
مثل : عارفة , فاهمة ,
ولزمات حركية ...
لازم أمسك اصبع من تحاكيني ..:
**
لذلك أعترض وبشدة على تسميتهن بتربية الشوارع

.
.[/align]

[" TWIX "]

إنسانية جداً..

اقتباس: مالــك بالطويلة ..

أنت خليتي بها شيء ..!!

اقتباس: لكن أعترض على تسمية اللزمة أنها تربية شوارع هي المنقذ بدل التأتأة والهأهأه (إذا كان فيه هأهأه ) المهم أن لاتكون (لعاناً أو سباباً)

الشعب السعودي شعب التأتأه والخقخقة .. في برامج الصيف أحيانا أتابع عيالنا الصغارين
وتسميعنه وهو يهرج ما تفرقينه هو والأخرس ..!!
اما بزارين المصاروة .. ماشاء الله عليهم تقل يقرون من ورقه

اقتباس: عموماً الفتيات لزماتهن بريئات نوعاً مـا ورقيقات .. (ياعمري , ياحركات , يا مش عارفه ايش //)

المفروض تشفرين هالكلمات .. ترنا شعب ما يتحمل زيادة حنية ..
ألحين رايح فيها بسبب كلمة عمري .. لأن التخيلات أخذت طريقها ..
’

اقتباس: كثيرات لزماتي أقصد منقذاتي .. مثل : عارفة , فاهمة , ولزمات حركية ... لازم أمسك اصبع من تحاكيني ..:

طيب ليه تمسكين أصبع الواحد تبين تعطينه أشتراك وإلا إيش ..

اقتباس: لذلك أعترض وبشدة على تسميتهن بتربية الشوارع

إيه عاد هالكلمة بنت حمايل ..!!
صارت هالكلمة والتعريف هو شغلتنا في ذا الموضوع ..

[روح لايسعهآ جسـد]

دكتورتنا بالجامعة معلقه على كلمة
صلوا ع النبي يابنات ,,صلوا ع النبي
وتكررها مرتين لازم
وانا اذا سمعت هالكلمه يحضرون اللي بي
على بالي تحمي الطار تبي تطق لنا

[" TWIX "]

روح لايسعهآ جسـد...

اقتباس: دكتورتنا بالجامعة معلقه على كلمة صلوا ع النبي يابنات ,,صلوا ع النبي وتكررها مرتين لازم وانا اذا سمعت هالكلمه يحضرون اللي بي على بالي تحمي الطار تبي تطق لنا

بسم الله .. حابس .. حابس ..!!
اللي يبي يستنزل بعيد عن الموضوع إحنا نتاول قضية اجتماعية
وأنت جايه بشياطينك تبين ترقصين ..!!
ناس ما تقدر العلم وأهله ..