نطالب وزارة الاعلام بمسرح على غرار المفتاحه يقام بالقصيم

[حنيش الملز]

اقتباس:  المشاركة الأصلية كتبت بواسطة لمبة شارع     ايها الاقصائي العتل الزنيم !!!! تبدى منك ماتخفيه عندما تظاهرت في البداية انك تقبل الذاهبة حكما لقد جاءت الذاهبة محاولة فك طلاسمك ايها الهيروغليفي المحنط في كهف فرعوني قديم لولا الذاهبة لما استطعنا قراءة شفراتك الوراثية التي تبدت من خلال حروفك تلك ومن خلال ردك الاقصائي مالك ومال المسرح والفنون انت تذكرني بصديق ازلي يقيم في بلد آخر وعندما نسافر سويا وندخل المكتبات لا يترك انتاجا ليبراليا الا واخذه معه وعندما تتصل به المدام يتحول الى فلاح صحرواي قح ويكفر بكل كتبه الليبرالية ويقول: اشغلننا هالحريم كل دقيقة وهي متصلة وين رحت وين جيت.....

هذي مشكلتي مع لمبه مايعرف الا دحش
انا أنا عتله ؟ أنا ياأخي لاعتلة ولا مسحاة ، أنا بحالي ..... واذا انت تقصد انني عتال بلهجة اخواننا بالشام فيشرفني هذا ولا عيب ...

ولا زلت اطالب وارجو ان تكون الخت الذاهبه ســدا بيننا وحبذا قوة ردع ايضا وتسوي كنترول ....


يالله مورنينيق خير ( يعني يالله صباح خير ) اصطبح عالصبح يالمبه اتقي شري ...

[حنيش الملز]

اقتباس:  المشاركة الأصلية كتبت بواسطة الشاب     حنيش الملز صراحة ما اعجبني في موضوعك الا ان سلطانكو تنزل ورد عليك ارجو ان تنتبه لمشيتك لاتنساها اذا قلدت مشية الغراب

مع احترامي وانت واش كارك منا انا وسلطــان ؟
حنا هنا معرفة من زمان ( انت جاي من البريه تبي تآخذ الأوليه ) هالنقاشات ذي مع احترامي فوق مستواك

أنا عراب هذا المشروع ومتمسكا به وسأظل أناضل من أجله حتى النهايه ....

انت ماقلت شيء يسمن او يغني ...

[الذاهبة]

استاذ لمبة شارع ,,

اقتباس: انت تذكرني بصديق ازلي يقيم في بلد آخر وعندما نسافر سويا وندخل المكتبات لا يترك انتاجا ليبراليا الا واخذه معه وعندما تتصل به المدام يتحول الى فلاح صحرواي قح ويكفر بكل كتبه الليبرالية ويقول: اشغلننا هالحريم كل دقيقة وهي متصلة وين رحت وين جيت...

نعم .. هذه العينات كاثرة هاليومين ..

أحدهم يقول :

مافيها شيء .. خلوا البنات يصادقون عيال من سنهم و ينبسطون .. إلخ إلخ

و هو .. يشيك على جوالات خواته ليلياً ..

إذن عادي حدوث مثل حالات الانفصام العقائدي

والتي تنشأ ضمن التحولات الكبيرة في مجتمعنا .. من مجتمع سعودي محافظ إلى مجتمع برجوازي بالقوة ..

فاقد الهوية و تفتر العايلة ..



بالمناسبة استاذ حنيش الملز ..

تكفى ممكن تطالب لنا بــ فرع لـ دار الساقي ؟

اقتباس:  المشاركة الأصلية كتبت بواسطة حنيش الملز     ولا زلت اطالب وارجو ان تكون الخت الذاهبه ســدا بيننا وحبذا قوة ردع ايضا وتسوي كنترول .... ...

أتشرف بذلك استاذ حنيش

أسوي كنترول و نص ..

ليه ما اسوي .. ؟!


يا استاذ حنيش .. من دواعي فخري أن اكون واسطة ( خير يارب ) ما بين :

الحنيش .. و اللمبة ..

[حنيش الملز]

والله مهيب مشكلتي ياأخ لمبه انه يطلع عندك خطأ طلبي تكشف يقال لك عندك ديسك وانت فيك عرق نساء ..!!!

أنا اذكر واحد خوي لي راح مستشفى يعمل عملية للكليه واستأصلو له الزايده بالغلط ، كانو يبون الكليه والحمد لله طلعت له عمليه بلاش فالمستشفى عرف الغلط وسامح المريض وقالو له حتى الشاش والقطن والمقص لك مجانا ( حظه قايم : واش دراه يمكن يكون يطلع بووه زايده مستقبلا .... وهذا هو كسب عمليه ببلاش ... ) يااخي يحمد الله ويشكره ( هذي من فوائد الأخطاء الطبيه ( تكسب عمليات مجانيه وبدون نشــادر بعد هههه ، وعطوه بعد من الغرف الي تصك ، ماتفتح الا للي يعرف لهم والممنوع يصير مسموح : سبحانه ) هههه ههههه

يخوي لمبه انا اقول لاتتشعبون وتتحدثون عن البرجوازيه وعن التبرجز وعن البرقراطيه والتبقطر والاستقراطيه والتقسطر ، حنا هنا بموضوع محدد واضح ... فأدلي بدلوك وقل ماأنت مقتنعا به ،وليس املاءات مفروضة عليك
( يامواطن عربي دول عالم ثالث باميه ... )

أختي الذاهبه / اشكر لكي أريحتكي و سعة صدركي وانني هنا أصالة عن نفسي كرئيس لمجلس ادارة hunishians club lmtdونيابة عن الحنيشيون ، أزجي لكي اسمى التحايا والتقدير ، ونرجو السرعه بعمل اللازم ووضع الخطــوط الحمراء والصفراء ...

[ثامر الناصر]

وش صار على مسرحنا ياحنيش ؟

خلص الصيف وانت ماطلعت بنتيجة .. يالله تكفى نجزنا .. ترى محمد عبده الان فاضي .. يعني يالله يمدينا عليه ..

اجل جورج وسوف >> امس مرسلة رسالة قلت له لاترتبط ترى حنيش يبي يدبرنا بمسرح نجيبك على البيبان .. تطبب القراح

..

بس هاه لاتجيبون الجسمي .. ترى له اغنية اظن فيها شرك او ماادري وشو .. اخاف انه يذبح .. ويكون قتيل مسرح حنيش ..

..

الا على طاااري المسرح .. لو انا اقوول لو .. يعني لولولو .. يعني لو مثلآ فتحوا مسرح ببريدة .. وش تقترح اسمه ياحنيش ؟؟

ودمتمـ

[لمبة شارع]

لا يزال حنيش يريد مسرح من اجل انه مسرح فقط!!!!


تماما مثل كل الاشياء التي استوردناها من اجل ان نبدوا متمدنين وفاهمين....

بالمناسبة

عندما انشؤوا مدينة الملك عبد الله الرياضية في بريدة قبل 27 عاما أقامو مسبحا اولمبيا واقامو حوله مدرج للحمهور عظيم البناء يشبه هرم خوفو الكبير ...

هذا المدرج لم يستخدم منذ انشائه تلك السنة

يوم ما بعد الف عام سيأتي طلاب كلية الاثار مع استاذهم ليزوروا حضارة بريدة القديمة وعندما يقف الدكتور هناك والطلاب يرسمون المدرج في كراريسهم سيقول الدكتور...:

ومن اعقب الحاقات ياقماعة ان المدرق ده لم يستعمل ولا مرة واحدة!!!!

_ هاه!! قل غيرها يادكتور !!! مدرج طول وعرض ولم يستعمل!!!

_ آآآآه اومال... دا حتى فيه دراسات غير مؤكدة بتؤول ان كان في واحد اسمه حنيش الملز طالب بمسرح كبير هنا في البريدة!! ايام ماكنت الناس بتكتب في حاقه اسمها الانترنت!! عارفينها طبعا انتو اختوها فتانية تاني!!

_ نعم يادكتور تقصد اللي كانو يسموها الشبكة العنكبوتية!!

_ ايووووووووووه هيا دي بتاعة الواد بيل قيتس اللي شفتو تمسال ليه في قاعة قدماء الرومان في الكلية...

ما علينا










ماعلينا

اقتباس: والله مهيب مشكلتي ياأخ لمبه انه يطلع عندك خطأ طلبي تكشف يقال لك عندك ديسك وانت فيك عرق نساء

ويقول لا تتفرعون فينا

اقتباس: اصطبح عالصبح يالمبه اتقي شري ...

وهل سيأتي من شر اكثر من شرك هذا؟؟؟

كل يوم طالع لنا باقتراح شكل وكلها من اقتراحات السفارة الامريكية العزيزة على قلوبكم جميعا ايها العرب المستمركة

اقتباس: مقتبس من مداخلة سلطانكو الا على طاااري المسرح .. لو انا اقوول لو .. يعني لولولو .. يعني لو مثلآ فتحوا مسرح ببريدة .. وش تقترح اسمه ياحنيش ؟؟

هو اصلا ياسلطان ماعنده الا الاسم وقول نبي نسميه مسرح المليدا العالمي ..المليدا ثيتر وولد



ما علينا شوف ياحنيش



عندك افكار تريد ممارستها وتفعيلها تعال عندي انا مستعد اطالب لك بإحدى قاعات العرض التي تملأ بريدة واسوي لك كل خطط الدعاية والترويج واجمع لك المواهب الفنية في البلد وتعال يا ستيفان سبيلبيرق اشتغل أما الحكي الفاضي ومحاذاة القذة بالقذة حتى لوهي مسرح او جحر ضب فهذا الكلام مايمشي

[حنيش الملز]

اقتباس:  المشاركة الأصلية كتبت بواسطة سلطانكو المغترب     وش صار على مسرحنا ياحنيش ؟ خلص الصيف وانت ماطلعت بنتيجة .. يالله تكفى نجزنا .. ترى محمد عبده الان فاضي .. يعني يالله يمدينا عليه .. اجل جورج وسوف >> امس مرسلة رسالة قلت له لاترتبط ترى حنيش يبي يدبرنا بمسرح نجيبك على البيبان .. تطبب القراح .. بس هاه لاتجيبون الجسمي .. ترى له اغنية اظن فيها شرك او ماادري وشو .. اخاف انه يذبح .. ويكون قتيل مسرح حنيش .. .. الا على طاااري المسرح .. لو انا اقوول لو .. يعني لولولو .. يعني لو مثلآ فتحوا مسرح ببريدة .. وش تقترح اسمه ياحنيش ؟؟ ودمتمـ

يخليك اخوي سلطان على اهتمامك بأمرنا ..
يااخي عقدنا اجتماع طاريء بعد قايلة هذا اليوم فقرر الحنيشيون انهم يريدو خمسا ( خمس مسارح ) وفق خطة خمسيه مدروسه ( بريده ، عنيزه ، الرس ، المذنب ، الزلفي )

ولكن اخوك حنيش قال نكتفي بواحد الآن وباذن الله قريبا جدا تسمعون الطيران تلعلع بالمليــدا . ....

واقسم احجز لك البون الأولاني بالكامل لك ومن يعز عليك ..

( بئولك ايه اخي سلطان هو لمبه قيه ؟ ) !!!

يالهوتي ....
ياأستاز لمبه فيه ايه يااخي ؟
عاوز ايه ( خلي الداهبه تيقي بعدين يبئى النا كلام تاني معاك ..... يابتاع عرء النساء انته ....

[حنيش الملز]

أخ لمبة انت لست قيما على افكارنا وطموحاتنا هذا اولا
واذا انت تكيني بالأمركه فشكرا لك ولكن انت ممن تأخذ تعليماتك ( على حد علمي ان فلول طالبان نفقت واتضح زيفها ) وانا الحمد لله من العرب العاربه .... ( قال ايش قال افكار امريكيه ) بالله هذا رد ياوجيه الخير ؟!!!



يالمبة ياأخي انت وامثالك يالله يبي لكم ونتفاوض معكم مع العام 2026 ( عقب عشرين سنه )


طيب انت واش اعتراضك عليه ياأخي ؟
فنانين موجودون ، جمهور بعشرات الألوف ، فقرات غنائيه ، سامري ، وتقليد اصوات ، واناشيد اطفال ، وماحد ضربك على قفاك وقال الا بالقوه تعال ، وطق حريم بعد ليش لاء ؟ يكون ليلة مفتوحه للنساء فقط ، والرجال يحترون حريمهم بالطعوس ( تقدر تقول لحرمتك لاء ؟ ) ياشيخ روح .... تكلم على قدك ( أتحداك تقول لها لاء ...)


أنت اقنعنا بس ، وراك راكب رآسك !!!!؟
دخلتنا بخرفع وخوفو وابو الهول ورحت بنا شمال ويمين ...
خلنا بهرجتنا ... خلننا بالمسرح ليش تعارض عطن اسبابك ( عطن هات الأسباب ) ماودي اقول عقب هالمره لاتقبل هنا الا معك جاهيــة ( الذاهبـــه ) والا سلطان ....

عطن مبرراتك ورفضك ؟

أو الله علة مطاولــه ( قل الأسباب )

ايه ده .... .؟!!

أعود بعد الفاصل

[قصمنجيه]

حنـاتيشوا ...


سفير " جحور الضبان " المحترم



لا بس أبغى أقولك .. إلى الحين يتفصفصون فيك الشباب ..






.

[فور يو]

اقتباس:  المشاركة الأصلية كتبت بواسطة حنيش الملز     يااخي رموز الفن ذهبو وبقي منهم قليل الان وادو رسالة للتراث والثقافه وغيره ،

مستر حناتيشو ( بدلعك مثل قصمنجيه )

ممكن تقول لنا اسماء وامثله من الرساله اللي أدوها وخصوصا وغيره ...

________

وافر التقدير للكل .

[خالد التويجري]

والله مسرح ......فكره مو بطاله... حلوه.. خاصه إذا بيتولاه ثقات .


بس عندي سؤل ياجماعه
وشو مسرح المفتاحه.....؟؟ قسم بالله إني ماعرفه .



تقبلوا خالص تحياتي

[حنيش الملز]

اقتباس:  المشاركة الأصلية كتبت بواسطة قصمنجيه     حنـاتيشوا ... سفير " جحور الضبان " المحترم لا بس أبغى أقولك .. إلى الحين يتفصفصون فيك الشباب .. .

أخت قصمنجيه <<<<( شف اللقب بس ، سبحان الله مقرون بالتخلف ) يشرفني هذا اللقب ياسفيرة السحالي
على كل حال الضبان لاتخرج الا بأوا ل او ثاني اكسيد الكربون من الشكمانات ...

والله انا شايف انه لافائده من النقاش معكم ( اعرف هنالكم كثيرون مؤيدون لكن يخافون الدقشات والركلات )

قلت انتم تبون لكم عشرين سنه حتى نفكر بضمكم لنخبة المجتمع الثقافي التنويري الجديد لننسى غبن وسود سنون عجاف التسعينات ...

[حنيش الملز]

اقتباس:  المشاركة الأصلية كتبت بواسطة for you     مستر حناتيشو ( بدلعك مثل قصمنجيه ) ممكن تقول لنا اسماء وامثله من الرساله اللي أدوها وخصوصا وغيره ... ________ وافر التقدير للكل .

الرساله التي أدووها كانت في حينها قبل كليبات وفيدو كليبااات ، ولا زال ابو عبدالرحمن في أوجه ولازال في القمه ويتجدد مثل كثيرون مثل جورج وسوف مثل فيروز مثل واجد ، واتحداك اذا انت ماتسمعهم ( خل عنك يخوي الهرج الي قاضين منه وياليت اذا ماعندكم شيء تقولونه الا بس مناحر لحنيشكويون ، بلاش تردون ،

(يعني سياسة التطفيش مثل صاحب المؤسسة الى بغى يطفش الموظف السعودي .) قاعد على أكبدكم واذا غبت فتره ابرجع وانا مسافر الليله اقصد فجرا وانشاء الله بغعد عودتي اخي بريداوي 9 طلب مني الرد علةى موضوع له بالسياسي مانسيت تراي ..... بس تقضب الى الى شفت الردود او الرد هناك ...

[لمبة شارع]

اقتباس: لننسى غبن وسود سنون عجاف التسعينات ...

حنيش هذه المرة الـ 1000 التي اسمعك تذم فيها عقد التسعينات!!!!



هل لك ان تحدثنا عما جرى في التسعينات لعلك تبرر امامنا هذا العداء الغريب لتلك الحقبة المجيدة من تاريخ بلادنا الطاهرة؟؟؟

[حنيش الملز]

اقتباس:  المشاركة الأصلية كتبت بواسطة بريداوي9     والله مسرح ......فكره مو بطاله... حلوه.. خاصه إذا بيتولاه ثقات . بس عندي سؤل ياجماعه وشو مسرح المفتاحه.....؟؟ قسم بالله إني ماعرفه . تقبلوا خالص تحياتي

اخوي بريداوي 9
لولا اني اقدرك كان قلت ( هذا من رداكم انك ماتعرف المفتاحه ) مسيكين مغموت ببريده غمتــا ..
المسرح فكره رائعه جيده ممتازة ولكن ليت قومي يفقهون ...

نبي طيران وطبول تلعلع بالميلدا وتسمعه وانت بالثويرات ونبي سامري وحوطي ( للكبار )
نبي احد يزرع البسمه على شفاهنا من مقلدو اصوات ( للجميع والجميع سيضحك )
ونبي عروض ( تمثليلات مثلا ) سيرك .... ( لجميع )

عروض مختلفه يعني ( والفكره ايضا يكون المسرح قاعه وطاولات 6 كراسي و 4 و صف اول وثاني وكذا حتى بلكون ايضا وكل طاوله تخيل التذكره بكم للفرد والطلبات .... ( + الخدمه 15 % )

والا مسرح مدرجات ياأخي ثلاث درجات ( درجة ممتازة ، اولى ، ثانيه ) والتذاكر ريال 100 للمتازه ، 80 للأولى و ، 50 للثالثه مثلا ( الجمهور نفترض مثلا 200 = كم ؟ وطلبات مشروبات ومشويات وهميرقر وبيتزا مثلا كم ؟ ) تقعدون تقولون مطازيز ومرقوق وجريش وحنيني ( خخخخخخخخ تطوروا لأن الجيل الجديد الآن يبي كذا )


المسرح ليش لاء ؟