بدء قيــادة الــمــرأه الـسـعــوديــة للـســيـــارة !! ..,

[شاطئ الراحة]

نعم سيأتي .. ولا جديد .. كل مافي الأمر .. تفريغ شحنات عن قيادة المرأة للسيارة .. أيضاً لا جديد ..

[الفلته 9]

بالمشمش إن شاء الله تسوقون بالجنة

[ماجد محمد]

يأخي هناك تناقض كبير



ممنوع قيادة المرأه ،،، لاكن مسموح أن ترينا أردافها بالمخصر ،،


ياخي هذه والله المصيبه ؟

[الحنتريش]

نجودي تراي سالت واحد قال تولم بس انهن يبي يسوقن

[حصيصه الامريكيه]

مجــرد ادعاء

وجس نبــض ..

قرار غير موثق , ومصدره لا يمت للحقيقة بصــلة


ليس كل ما يكتب نأخذه بمحمل الجد ..


بالتأكيد يا أخواتي انها بوابــة الهاويــة

وبعد الانزلاق في مهاوي الردى لن يبقى لنا سوى تلك الأصداء

انها شتات من نعيق بني علمـــــان..

أحرق الله أولئك الراقصون على جســد الفضيـــله

يريدونها أن تمارس حقوقها , ونسوا أن هناك من يريد نصيبه في كل ساذجة ..


أنفاسهم النتنــة لن تهــدأ حتى يرون الأنثى أرجوحة لرغباتهـــــــــم

الى متى نغمض أعيننـــــــــا

الاختلاط والتعرض للرجال مصلحـــة ؟؟

كما سموا الربـــا مصلحة ؟؟

يحللون ما حرم الله ويسمون الاشياء بغير أسمائها


وحتى لا أدع مدخل لبعض الغوغائيــين هــنــا
أنو ّه أن السواقة بمعناها المجرد للنساء حلال لا اختلاف

ولكن

أين ستقـــود هذه المرأة ؟؟


في أحضـــان التبــذل ..!!



المصلحة العامة تكمن في حقوق الارامل والمطلقات

وكفالة أبنائهن واعادة الــــنــظــر

في سلم رواتب الموظفات وتعيين ذوات الاحتياج ..


من جهة أخرى , أرى الرجال ضاقوا ذرعــاً في الزحـــام ..!!

أي صاحب سيارة يقودها في شارع التخصصي في الرياض سيحقد على القيادة

وهذا ما نلمحه في الرجـــال , فكــيف ببنات حـــواء ؟؟


أعود لألغي صحة الخــبــر وحما الله بلادنـــــــا من مفاتيح الرذيلــــة ..

[مسهرهم]

وش دخل المؤصلات ؟؟!!

[عاشقةالجنة]

تكفون يا رجال ارفضوا وبشدة قيادة المراءه انتم رجالنا والقرار بيديكم وذمتنا بيدكم لاحد يقول قوانين ومدري ايش

المراه ضعيفه وناقصه عقل ودين وان ساقت


عز الله ضاع كل شي البيت؟؟ الاولاد ؟؟ الزوج ؟؟ الدين ؟؟و الشرف

صح مو كل الحريم سوا بس الشر دايم غلاب الله يحفظنا من كل شر ويبعد عن المسلمين الفتن يا ارحم الراحمين

[اتعبني خطااااك]

المراه ضعيفه وناقصه عقل ودين


لوسمحتي اختي اقرائي تفسير الحديث جيداا

[’ ŚĀM]

اقتباس:  المشاركة الأصلية كتبت بواسطة عاشقةالجنة     تكفون يا رجال ارفضوا وبشدة قيادة المراءه انتم رجالنا والقرار بيديكم وذمتنا بيدكم لاحد يقول قوانين ومدري ايش المراه ضعيفه وناقصه عقل ودين وان ساقت عز الله ضاع كل شي البيت؟؟ الاولاد ؟؟ الزوج ؟؟ الدين ؟؟و الشرف صح مو كل الحريم سوا بس الشر دايم غلاب الله يحفظنا من كل شر ويبعد عن المسلمين الفتن يا ارحم الراحمين

....!!!!!!!!!!!!!!!!!!!
لووو سمحتي اختي عاااشقهـ...!
اذا انتي ماتبينـ تسووقينـ خلاص براحتك ..قراار السواقه مو شي اجباااري...!؟

واذا نظرتك ان البنت اذا سااقت تنحرف..! اجل ووش فاايده االديين اللي اناا اتبعه وامشي عليه (دييني هو اللي بيحفظني)...!
ابي فررق اذا انتي مع سوااق او لحاالك.!!!
واذا بتقولين محرررم ...اتحدى اذا كل مشااويرك بتجلسين تدورين لك احد يرووح معك .....!؟
تحيتي لك ولمروورك..,

[ღعبدالله العطيشانღ]

يا رب يسوقن بأقرب وقت
عشان نترك هذه الإستراحات ونسوي هجوله بهالشوارع
بصراحه من زمان ما ضحكت وودي أضحك بشوف أشكالهن وهن يسوقن وطريقة حوادثهن
بحط بسيارتي واير أشبك وأسحب !

[ورده تحت الثلج]

يارب يكون الخبر صحيح
علشان انطلع حرتنا في اشوارع
لا تخيلو يمنعون اسواقة ارجال وحنا يا الحريم الي انوديهم
وبعدين نبدا با اتشرط عليهم اوديك بس ابشرط تعطين افلوس اروح لسوق
يبدون يتشحذوننا علشان نطلعبهم يعني مثل ما يسون بنا

[عاشقةالجنة]

لا يا خواتي انا مب قصدي ان السواقه حرام ولا الغلط بيصير من البنات لا والله ليش زعلتوا مني واللي على الخاص يهاوش ؟؟؟

انا خايفه من الفساد اللي بيصير من ورا السواقه وحنا مب ناقصين فتن وبلاوي

وانا اقولها لك دايم اروح مع السواق وبدون محرم والبيت فيه خمس شباب سم الله عليهم ؟؟؟

بس كلن مشغول محد فاضي وشنسوي ,,,

والله اننا بخير لحد ما سمحوا للحريم بالسواقه ما تشوفون هالبلاوي والفتن اللي تصير بهالزمن !!!

شوفوا جوال الكاميرا وشسوا وشلون تبون نسوق !!!

لاحد يزعل مني الله يخليكم ابي انصاف وكلمة حق وانا راضيه باللي تقولون!!!

[د.منصور المنصور]

اقتباس:  المشاركة الأصلية كتبت بواسطة عاشقةالجنة     وانا اقولها لك دايم اروح مع السواق وبدون محرم والبيت فيه خمس شباب سم الله عليهم ؟؟؟ بس كلن مشغول محد فاضي وشنسوي ,,, !!

[align=center]يعني تروحين مع السواق بدون محرم افضل من انك تسوقين بنفسك وتقضين حاجتك بنفسك ؟؟!

وتتكلفين بتأشيرة سائق واقامته وسكنه وعلاجه ومصاريفه وبلاويه ونزواته عشان ايش كل هذا؟؟

واذا انتي ضعيفه وناقصة عقل ودين فلا تقسين مشكلتك على كل الحريم تكلمي عن نفسك بس

وافهمي الحديث صح وبعدين تكلمي

وبعدين ماحد مجبرك الاا تسوقين غصب

اللي تبي سواق بكيفها واللي مايبي اهله يسوقون بكيفهم هذي حرية شخصيه

لكن اتركوا اللي محتاجة تسوق

وبعدين الرجل في البيت هو اللي يقيس مدى حاجة اهله لقيادة السيارة من عدمها

اللذين يعارضون مبدأ قيادة المرأة للسيارة لم يقدموا حتى الآن سببا مقنعا لذلك[/align]

[قصــيميـــة...؟]

ماهــكذا النقاش دكتور منصور!!
انا مجرد قارئ

وصعقت بحديثك..
للنقاش اسلوبه واحترام الطرف الآخر هو من منهجية هذا النقاش اخي الكريم..
اتمنى قبولك ملاحظتي بصدر رحب..

انا لست اعارض السواقه ولست مِن مَن يؤيدهـا
ولكن لكل قضيه استثـنائــات..

اختكم: قص قص..؟

[شخصية]

اقتباس: المراه ضعيفه وناقصه عقل ودين وان ساقت

عاشقة الجنة , مفهومك غلط , وأستغرب جهلك بالمعنى مع كونك أمرأة , ولكنهم الرجال ( الجاهلون منهم خاصة والطالبانيين ) نجحوا في طمس شخصيتكن, بجبروتهم الجاهلي وقسوتهم حتى أثروا على الفهم , ألا من رحم ربي
[align=right]ثانيا \
لاتقيسي ظروفك , على ظروف كل النساء
فالدنيا أصبحت صعبة , والمنشآت متباعدة , من مستشفيات ومحاكم وغيرها من الدوائر الحكومية وهي بحاجة ألى وسيلة مواصلات , والمرأة المحتاجة للتنقل تقف أمام هذا الواقع أمام عدة خيارات :
أما أن تركب التاكسي (خلوة )
أما أن تجلب لنفسها سائق ( خلوة تحتاج ألى مقدرة مالية )
وأما أن تقود بنفسها السيارة ( بلا خلوة وبدون بلاوي حمرا )
أسألك وأجيبي في قرارة نفسك , أيهما تختاري من تلك الخيارات الثلاثة ؟[/align]

,