مالكم بالطويــــــــــــــــــــــــلة ...!!

[لعيون دودي]

تويكس..
اللزمه تسبب لك احراج احيانا
انا ماسكه على(ياعمري) لكل من يحكي معي فاشوف انها صعبه تنقال خصوصا اذا كنت بمجال عمل ..وتضطر تخاطب(رجال) ياهي احراااااج
لكن من جد وش تفسيرها النفسي؟؟؟
دمت برعايه الله

[" TWIX "]

لعيون دودي...

اقتباس: تويكس.. اللزمه تسبب لك احراج احيانا انا ماسكه على(ياعمري) لكل من يحكي معي فاشوف انها صعبه تنقال خصوصا اذا كنت بمجال عمل ..وتضطر تخاطب(رجال) ياهي احراااااج

ترى شبابنا الأغر من يسمع الكلمة ذي بيقول إما :
إن البنت حبتن .. أو البنت تلزي ..

اقتباس: لكن من جد وش تفسيرها النفسي؟؟؟

أنا : ألو .. طارق الحبيب
هو : مو موجود ..
هه .. دقيت عليه وانتِ تسمعين مو موجود ..
<<<< .. ما هو بعيد عن خاله بالنصب ..

[سَـاكنة القـلب]

مباشرة وتلقائيًا تذكرت زوج أختي و ( يا حبيبتي ) !
يـــــــــــا الله !!
يعني من جد من جد من جد إذا قالوا لزمة !!
مستحيل يتكلم بدون ما يقول يا حبيبتي مستحيل !!
مهما كان الموضوع ولو عن السياسة !!
وفي كل حالاته لازم يا حبيبتي ، ومع كل الناس !!
مره مكلم أختي معصب حده بينفجر وقال ياحبيبتي عشر مرات !!
أنا قد قالها لي ولأمي واخواتي !!
ومانستنكرها منه أبدًا ، بالعكس نستغرب لو ما قالها !!
من فتره رايحين لعمة أبوي- الله يقومها بالسلامة- المهم
غرفتها عامة فدخلوا الرجال وقعدنا برآ ..
وبنات عماني ميتين من الضحك على ( ياحبيبتي يا أم سعد )
اللي من دخل وهو يقولها .. هذا وعمتي حول الثمانين
الله يطول بعمرها عالطاعة !!

عن نفسي ما أدري ، أحس اللي يحكم على كلامي -وإذا فيه كلمة
معلقة عليها- اللي يتكلم وياي
من جد تحمست أسأل أهلي ، والله يستر ..

شكرًا تويكس ..

[" TWIX "]

الصمت الخجول ..

اقتباس: وبنات عماني ميتين من الضحك على ( ياحبيبتي يا أم سعد ) اللي من دخل وهو يقولها .. هذا وعمتي حول الثمانين الله يطول بعمرها عالطاعة !!

شكل أم سعد يوم سمعت الكملة خرخرت دموع تذكرت أبو سعد ..
حبيبتي ..
الكلمة حلوة ومقبولة .. حتى أنها تعطي المتلقي رفع للمعنويات ..
حتى أتوقع إن أم سعد يوم سمت كلمة حبيبتي كأنها شارب كرتون بايسون ..

[لعيون دودي]

اقتباس:  المشاركة الأصلية كتبت بواسطة ..twix..     لعيون دودي... ترى شبابنا الأغر من يسمع الكلمة ذي بيقول إما : إن البنت حبتن .. أو البنت تلزي .. أنا : ألو .. طارق الحبيب هو : مو موجود .. هه .. دقيت عليه وانتِ تسمعين مو موجود .. <<<< .. ما هو بعيد عن خاله بالنصب ..

شبابنا !!ياحليلهم!! مو اقولك انها احراج والله اني احاول بس الا تطلع
افا ياتوكس طارق مره وحده وانت ش (لزمتك) مو انت اللي طارح الموضوع اذا جاوب على اسئله الجمهور
دمت برعايه الله

[" TWIX "]

اقتباس:  المشاركة الأصلية كتبت بواسطة لعيون دودي     شبابنا !!ياحليلهم!! مو اقولك انها احراج والله اني احاول بس الا تطلع افا ياتوكس طارق مره وحده وانت ش (لزمتك) مو انت اللي طارح الموضوع اذا جاوب على اسئله الجمهور دمت برعايه الله

خالي ألحين نبي نعالجه وإذا مالقينا علاج له نبي نقطع
لسانه ونقطه للكلاب ..

[لعيون دودي]

اقتباس:  المشاركة الأصلية كتبت بواسطة ..twix..     خالي ألحين نبي نعالجه وإذا مالقينا علاج له نبي نقطع لسانه ونقطه للكلاب ..

كلللللللللللك ذوق ياذوق!!!!

[شميساوي]

كلمة ملازمة لـ لساني ...

أذا قال لي شخص أبروح للبيت <<< مثلاً ..

أقول له مزفلت ألى بيتكم ...

بعض الناس يعتبرون هـ الكلمات هذي بمعنى (( أقلب وجهك )) ..

و أنا عجزت أتركها أبد ...

ما عندك حل لي ..

[" TWIX "]

شُمِّيـسآآوي

اقتباس: كلمة ملازمة لـ لساني ... أذا قال لي شخص أبروح للبيت <<< مثلاً .. أقول له مزفلت ألى بيتكم ...

يحمد ربه ناس تمشي على مطينة وجلد ..!!

اقتباس: بعض الناس يعتبرون هـ الكلمات هذي بمعنى (( أقلب وجهك )) .. و أنا عجزت أتركها أبد ... ما عندك حل لي ..

مو مشكلة لا قلت الكلمة ألحقها بابتسامة .. فالابتسامة مفتاح القلوب .
وحاول تغير الشفرة ..
ولزمك ذي غريبة علي أول مرة أسمعها ..
يمكن لأننا ببريدة ومتعودين على الاسفلت اما أنتم بالشماسية ما تشوفون الاسفلت
إلا لامريتو من عندنا ..

[دِيم]

[align=center]

اقتباس: إيه عاد هالكلمة بنت حمايل ..!! صارت هالكلمة والتعريف هو شغلتنا في ذا الموضوع ..

وماذا ستخسر؟
كل مايقال في هذا الموضوع من حق اللزمة , لذا لابد وأن تحترمها ..
فتحت لك موضوعاً وجعلت منك كاتباً تتندر عليها
ولك جماهير يستحثونك للإكمال ... /

,[/align]

[" TWIX "]

إنسانية جداً...

اقتباس: وماذا ستخسر؟ كل مايقال في هذا الموضوع من حق اللزمة , لذا لابد وأن تحترمها .. فتحت لك موضوعاً وجعلت منك كاتباً تتندر عليها ولك جماهير يستحثونك للإكمال ... /

المفروض هاللزمة تفتخر إني فتحت لها موضوع وعطيتها وجه وخليت العالم يتعرفون عليها
هاللزمة هذي ما تدري عن نفسها أنها علة بألسن العالم ووغير مرغوب بها ..
التعريف اللي عرفتها لها .. تتكلم أسحبه منها تراي أهدد ..
لابوها .. لابو هي كلمته ..

[النهى]

اقتباس: طيب ممكن تعطينا وش اسم الكلمة اللاإرادية .. اللي موذية السامعين ..؟!!

الكلمة اللاإرادية .. اللي موذية السامعين ..
مالها اسم
وقلت مصطلحاتكم عجيبه مو من شان لزمه بس انتو دايم مصطلحاتكم وطريقة كلامكم غريبه عجيبه مقارنه بباقي لهجات المناطق الثانيه اغرب لهجه مرت علي بصراحه

[" TWIX "]

sarah..

اقتباس: وقلت مصطلحاتكم عجيبه مو من شان لزمه بس انتو دايم مصطلحاتكم وطريقة كلامكم غريبه عجيبه مقارنه بباقي لهجات المناطق الثانيه اغرب لهجه مرت علي بصراحه

الحمد لله ع السلامة .. يقولون إنك أمبارح جايه من تورينو ..
تويكس .. كل شيء يهضمه إلا الدعدعة الشاطحة ..

[نسيم تويتر]

twix :
# الله يرحم ابن خلكان وولده والعائلة الموقرة #

اللهم آمين .. وأموات المسلمين .. وأياي وإياك
على فكرّة لم أخرج عن موضوع (اللزمة) بما ذكرته عن ابن خلّكان .. ويبدو فُهم من كلامي خلاف ما أردته !!
خلّكان .. لزمته خلّ كان!

السبب باختصار: كان أبو ابنه يكثر من قول : (كان أبي) .. (كان جدي) ... الخ
فقيل له : خلّ كان .. (أترك كان) .. فلصقت به ..!

ومثل ذلك الكافيجي .. أشغل الناس بكافية ابن الحاجب .. كلّ كملة يقولها .. يقول: قال في كافية ابن الحاجب .. فلصقت به

ماأريده من مشاركتي .. وحتى لا يحصل سوء الفهم .. خلط الظرافة في موضوعك بإفادة يسيرة دون الخروج عن الموضوع .. وألف عذر

و... أليس عجيبا أن يكون عالم الأنساب (ابن خلكان) لا يعرف اسم أبيه ؟!!

على فكرة لو تأملت كتاباتي .. لوجدت عندي لزمة : (أليس عجيبا) !!!

وصبحت بالخير

[" TWIX "]

نسيم تويتر..

اقتباس: على فكرّة لم أخرج عن موضوع (اللزمة) بما ذكرته عن ابن خلّكان .. ويبدو فُهم من كلامي خلاف ما أردته !! خلّكان .. لزمته خلّ كان! السبب باختصار: كان أبو ابنه يكثر من قول : (كان أبي) .. (كان جدي) ... الخ فقيل له : خلّ كان .. (أترك كان) .. فلصقت به ..!

ياشين اللي يدرعم بعد ..
واللي مايعرفك ما يثمنك ولا يثمن ردك ..

الله ينور عليك ..على هالمعلومة .. من سمعت الاسم وأنا بالجامعة
وأنا أضحك عليه هي ولغة أكلوني البراغيث ..

اقتباس: على فكرة لو تأملت كتاباتي .. لوجدت عندي لزمة : (أليس عجيبا) !!!

ربما هاللزمة راكبة مع المجتمع وعجايبه ..!!