مقهى جونسن النسائي في بريده هل أنت معه أم ضده ؟

[حبيبة قلبة]

والله صراحة عيب يطلع منا هالشي الموضوع كلة خرابيط انا رحت للمقهى واسمه جوثن مو جونسن؟؟؟ بعدين حتى انترنت مافيه اللي بتجيب اللاب توب حقة عادي والمشغل كاي مشغل وحتى جوالي الكاميرا اخذوة ويوم طلعت رجعوة لي دليل على محافظتهم وحرصهم اتركو الناس بحالها وعيـــــــــــــــــــــــــب علينا اللي قاعد يصير ...وصراحه انا عاجبن وابكرر الزيارة وبنجتمع ونبسط ....بس صراحه الشيشة والله تضحك ماوصلت لهالدرجة بعدين بعدة عن محل الرجال 7 امتار ماشاء الله من قاعد يقيس بعدين هن يتقهون برا ولا جوا عشان يصير اختلاط شر البلية ما يضحك يا سخيف..

[ملاك بنت عبدالله]

السلام عليكم ورحمة الله وبركاته
بالنسبة لمقهي (جوثن ) بصراحه ما دخل راسي ....كذا وجهة نظري ،،،
ماأدري مدلعينه ((( جونسون ))) بس هل هو زيت أو شامبو ؟!

لأني بصراحه ماأحب اي مكان فيه شوشره ناس تؤيده وناس تستنكره
انا رحت الرياض وجده واماكن كثيره لكن بصراحه ماكنت ارتاح في ذا الاماكن
احب اجلس مكان مرتاحه فيه نـفـسيا ،مثلاً ع البــــحـــــر ! ،،
وإذا على صديقاتي أقدر اقابلبهم واجلس معهم في أي مكان آخر مو شرط مقهى
ولا استنكر هذا المقهي بالذات فنساء المنطقة مو جاهلات أو غبيات بالعكس فاهمات ومتعلمات ،،
ومومعقوله أن الوحده ما يحلى عندها الشر إلا في ذا المقاهي ،،
اللي فيها شر فيها لو هي في بيتها !!

وجهة نظر ،،،،،،،
تحياتي : مـــــلاك بنت عبـــدالله

[قلب الوله]

البعد عن جحه غنيمه

[ولــد نعمـة]

اذكرلي فائدة من وراءه اذكرلك تقيمي له من ناحية القبول او الرفض.............
ودمتم

[’ ŚĀM]

صراااحه استغرب من الضجه اللي مسوووينها على ذا المشغل..........!!!!!؟؟؟

يعني عشان حطوو فيه ((انترنت- قهووه))وصاارو البنات والحريم يلقوون مكاااااااااان يتلااقوون فيه مع انه مشغل
بس هذااا لقلة الامااكن المخصصه للنسااء ...!!


صراااحه معطينه اكبـــــــــــــــر من حجمه احسه مشرووووووووووووووع عاااااااادي ومتوووقع ...!؟؟

يعني الى متى بيضلوون البنات ببريده كذااا كل مااسوو مشرووع لهم طلعتو وقلتووو عيب وحراام وفيه اموور غير شرعيه........؟؟؟ ...!!؟؟؟ مع العلم انه مااافي اييييييييييييي شي من اللي يقوولونه..!؟؟؟؟

شكرآ لطرحك

[حبيبة قلبة]

ابو خالد بس اهلك وحريمك اللي ما يعطن وجهه ولا حنا وبنات الحمايل مربيين

[إشراق]

اللي يقول الحريم مايعطن وجه

أنا متأكده أنه من تجربه شخصيه وحكم على حريم الناس كلها

[fataa_ksa]

لا داعي لكثرت الكلام الغير مفيد ... أناس فارغون


تحياتي ..

[أميرة بريدة]

الي يقول انه بيكون فيه شيشه ومن هالكلام هذا مع احترامي له جاهل وتفكيره مضى عليه عصور وسنوات

الحين المقاهي الراقيه حتى مقاهي الشباب مافيها شيشه ومعسل وخربطه

خدمه راقيه مثل استار بوكس مقهى عالمي ,,,,,,,,,,,,,,,,


وبالعكس فكرة المقهى النسائي احسن من انه البنات يروحون لحالهم لمقهى عوائل

ويكون هناك الاختلاط الي تقولون عنه ,,



هذي فكره رائعه وانا اشكر صاحبته من كل قلبي

[نسيم الشمال]

الحقيقة سويت دعاية لجوثن بدون مقابل

[عبدالله30]

هل تريدون ان تقفوا على حقيقة وراي يقنع الجميع قارنوه بمقاهي الشباب وانظروا لحال الشباب الذين يرتادون

المقاهي بغيرهم !!!

[ابوخالد382]

شكرا للأخوات حبيبة قلب جوثن وبنت بريده اللي حاطه القرآن شعار ورمز لها وهي تلقي التهم جزافا وسيئة الظن.ولاتنسين أخواتي الكريمات أنكن أمانة في أعناق أولياء أموركن قال تعالى(الرجال قوامون على النساء........) ولا تجرين خلف من ينادي بحرية المرأه أو بالأحرى مسخ المرأة عن دينها وعفافها وحيائها.ألم تعلمي ماحل بالمرأة الغربية من ذل وهوان وأصبحت تباع وتشترى بأرخص الأثمان. وفي النهايه جوثن هو البدايه

[المووج]

خلوهن يتقهون وينقمن حب ويثرثرن ياجماعة الخير خلوهن يستانسن دامه في حدود المشروع

خخخخخخخخخخخخخخ

[محمد الهويدي]

مركز جوثن النسائي

دقة في التنظيم وروعة في البرستيج و إبداع في الضيافة ومراعاة الخصوصية

نقلة نوعية وحضارية في عالم التغيير والتجديد غير مسبوقة في المنطقة

وربما أثر على قوة بدايته ولا أقول نجاحه لأنه ناجح بكل المقاييس لكنه يحتاج إلى وقت

أقول ربما أثر على رواجه والإقبال عليه منذ بدايته بعض العوامل

كمناسبة الموقع و تناغم المجتمع معها و الضجة الإعلامية التي صاحبت قرب افتتاحه و نحو ذلك

كما لاننسى دور الدعاية والإعلان

والصبر و الثبات في مواجهة عدم تقبل الجديد لدى البعض

فبحق يستحق هذا المشروع أن نطلق عليه لقب المشروع الذي كيل عليه القدح والظلم

فقد واجه أضعاف ماوجهته مشاريع سابقة كادت أن تبوء بالفشل

كالنخيل وجيان ووإلخ...

تمنياتي للمركز وصاحبة فكرته بالتوفيق والنجاح

[المـعتصم]

صحيح الأسم الصحيح للمشغل جوثن وليس مثل ماذكرت جونسن

..

في رأيي أن المشغل عادي جدا وليس فيه خطأ شرعي

لكن الحريم ليسن كمثل الرجال يذهبن إلى المقاهي

لذلك ينبغي للمرأة المحتشمة أن لا تخرج من بيتها إلى مقهى .. وقرن في بيوتكن ولا تبرجن تبرج الجاهلية

..

أعطر تحاياي للجميع ..