قــلــب مـحـــتــــار وروح حـــلــــوه

[عادل الحبيتر]

[align=center]والان بعدما استضفت عموري .. بكرا بأذن الله راح أستضيف أحد العضوات [/align]

*********************************

[align=center]يالله عن اذنك يامدونتي الله يعين ابروح أسافر أبمسك طريق 360 كيلو .. أبمشي اللحين وأحتمال اذا وصلت أدخل بعد السحور .. أو بكرا .. بأذن الله[/align]

[عادل الحبيتر]

[align=center]عموري .. [/align][align=center]

أثرك مسوي مقالب بالاعضاء مرسل لهم الرساله هذي تبي تشوف ايش ردت فعلهم .. عاد أشوى يوم أرسلتها لي انت ما رديت على رسالتك .. لانك مرسلها من معرف اول مره اشوفه .. عاد انا يوم قلت لواحد قالي يمكن يكون مقلب .. قلت له لا ما أتوقع أنه مقلب . لان الرسالة اللي جايتني جاد بكلامه هههه .. عاد صار صادق اللي قالي أنها تراها يمكن تكون مقلب .عاد أنا أقول منهو اللي موهقه يحسبني أعرف أحد بوزارة الخارجية ههه .. عاد تبي الصدق ( تراي أعرف واسطات لو تبي واسطه ههههه) .. قلبي يرجف يوم قريت الرسالة قلت شكله يبي يورطني ههه . عاد أنا ما دريت أنها مقلب الا بعد ما شفت المقلب الاول اللي سويتوه بأحد الأعضاء .. لكن بصراااحه رسالة أسلوبها روعه . تخلي الواحد ما يشك انها مقلب

هذي الرساله اللي جتني .. اللي بغيت أتورط وجاوب عليها .. وبعدين تكون مقلب مضحك ههه .. عاد أشوا صار المقلب لغيري من الأعضاء ..[/align]

نص رسالة المقلب

[align=center]المكرم أخي الغالي عادل الحبيتر حفظك الله[/align][align=center]

حقيقه .. أنني محرج منك جداً ولم أكن أرغب في مصارحتك لولا تقدير لك ولثقتي برأيك السديد ممن اخبرونى عنك
أخي الغالي ..
أنا لست سعودي الجنسية ولكني ولدت هنا وترعرت هنا مع عائلتي في قرية قبة حيث تبعد عن بريدة تقريبا 150 حيث عمل والدي يرحمه الله راعي أغنام لدى أحد المشايخ .. الذي فشل في التوسط لمنحنا الجنسية السعودية رغم أنني وأخواني ولدنا في السعودية وليس في السودان
أعلم أنها مفاجئة غير عاديه بالنسبة لك .. ولكن هي الحقيقه
أخي الغالي أنا وأخوتي مهددين بالتسفير الى بلدنا بعد أن توفى كفيلنا الشيخ ورفض أبنائه نقل كفالتنا على أي منهم ولم نجد من ينقل كفالتنا عليه لكننا طالبنا بمهله حتى نهاية هذا العام 1431هـ لكي نرتب أنفسنا ونفي حقوقنا وحقوق والدنا والالتزامات مع الناس .
المهم ..
أن أحد المشرفين بعد أن ذكرت له معاناتي ذكر لي بأنك تعرف مسئول كبير في الخارجية السعودية .
ولي طمع بسيط بكرمك أن تساعدني وأشقائي وشقيقاتي الثمانية في الحصول على الجنسية حيث انه لدينا طلب مرفوع ومدعم بشهادات ميلاد تثبت ولادتنا هنا في السعودية وتزكيه من عدد من العمد والمشايخ إلا أن الملف بحاجة لواسطة
وأنا مستعد لدفع مكافئة لك أنت ومستعد لدفع مكافئة للواسطة وهذه المكافئة ليست رشوه .. أنما مكافئة أو هديه أو بشاره ..
الا يحز في خاطرك ان ضيفا عندكم يطلب المساعدة لاجل الله ويرجع خايبا لا يجد احدا يساعده خاصة وان اهل بريدة معروفون بحب الخير وبذل الغالي والنفيس من اجله
آمل أن تكون صداقة المنتدى ليست مجرد صداقة أنترنت وأن تكون صداقة صدوقه لها أهدافها كهذا الهدف وانا مسجل من قبل كذا سنة لانى احب الرياضة واحب بريدة واصدقائي يعملان سكرتير في نادى الرائد والتعاون
واعلم أنني لن أنسى لك هذه الخدمة ماحييت ..
ارجو أن ترد لي بسرعه عاجله لأنني متورط ..[/align]





[align=center]**********************[/align]




[align=center]يالله لا تنسون كل واحد يصلي العصر .. [/align][align=center]
فرح أني جامع صلاة الظهر والعصر لاني مسافر ههه .. عاد أقول للي عندي يالله كل واحد يروح يصلي ههه . عاد تراه دعوة المسافر مستجابه . لو تبونني أدعي لكم[/align]



[align=center]

*******************[/align]



[align=center]عموري : حلوه أجوبتك .. والاحلى أنك تقول راح تعزمني .. بس تراه انت طلبت أني أطبخ لك .. لالالا ما أعرف برمضان تعرف الواحد يصير صايم ههه .[/align]




[align=center]*********************[/align]


[align=center]
الليله أن شاء الله راح أستضيف أحد العضوات هنا .. [/align]

[عادل الحبيتر]

[align=center]والان كما وعدتكم .. راح تكون ضيفتنا لهذه الليلة هي المتألقة ( جندوانا ) .. [/align][align=center]
وهذه هي أجوبتها :[/align]



[align=center]
1 / كيف تقضي يومك برمضان ..؟ بإختصار

انام بعد الفجر ثم اقوم الساع 2 ونص لان المطبخ ينادي اول مااقوم اقعد اقرأ شوي بعده ادخل المطبخ ومااطلع منه الا المغرب ونفطر تمر ومويه وقهوه واالي يبغى الشوربه .. بعد الصلاة نحط السمبوسه وخواته.. بعده جلسه مع الاهل .. ثم انام لمين بعد التراويح والسنه هذه جايه ع بالي اصلي التروايح بالمسجد .. لاني عارفه لو اقعد في البيت كان قعدت ع النت بعده اجي من الصلاة واقعد شوي اسولف بعدين امسك لي كتاب اقراه لمين اشب ع العشاء إذا كان يومي وإذا مو يومي اكمل الجلسه مع اهلي ونتعشاء بعده ادخل شوي ع المسن لزوم الحبايب نسلم عليهم من شان مايزعلون بعدين لا قرب السحور اقرى كمان



2/ ماهو الطبق المفضل لديك على مائدة رمضان ؟

والله مافيه حاجه محدده .. بس احب تكون ع السفره السمبوسه والشوربه والتوت لو انه يجي ايام واحيانا يمر رمضان كامل مااكلت فيه السمبوسه .. بس احبه يكون ع السفره



3/ موقف حصل معك "طريف" وأخر "محرج"..في رمضان اللي راح ؟

والله المواقف كثيره . بس اغلبهن مشفره .. واخاف اقولكم مواقف همينن ماتضحكون بعدين اقعد القط وجهي


خذ هذا طازج


المحرج /امس كلم اخوي فواز يسلم ويهنينا برمضان واول ماقلت نعم واقعد اصيح ع قوله الماما كأنه مقطوع منك لحمه .. بصراحه انا مافشلت من فواز لانه متعود .. الفشيله من اهلي قاعدين نتقهوى واسولف واضحك واول ماسمعت صوته بكيت ..



الطريف / رمضان اللي فات واشوف الجوال 3 ونص
وافز لان امي لو مااقوم كان تسوي عني الشغل .. واقوم واغسل وجهي وانزل ونصي نوم عين مفتحه والثانيه مغمضه وانزل بالصاله اثاري نايف فيه جالس .. واقعد ع الكنب اتمغط وثواب يجي وثواب يروح ونايف يأشر لي شوي انا مدري وش السالفه عيونه صارن حمر من الحراره .. يوم ناظرت ودققت وش يبي ذا بس يأشر .. اثاري بالصاله واحد يسوي المودم والاسلاك .... ونايف يأشر مايبي الولد ينتبه اني بالصاله يخاف يلتفت .. انا اول مانزلت احسبه فواز لان من ورى كأنه فواز .. واجي والله وانط من مكاني وادور اقرب فتحه بالصاله واثاريه دورة المياه الله يكرمكم وادخل فيه حوالي الساعه .. المشكله عقب ماطلعت وشف الساعه اثاري توه تتم ثنتين يعني المنبه مخترش
الولد احس انه مستحي مرررررره هههههههههه




4/ وين تقضي رمضان هذه السنه ؟

اممممممم شف هذي السنه ببريده مو مثل كل سنه بالهند ............< كذابه



5/ هل محدد لك وقت لدخول النت في رمضان ....؟

والله ع حسب الفرغه لاني محدده وقت للقراءه بالكتب بدل النت



6/ شخص وجوده على سفرة رمضان غير..من هو؟"غير الوالدين..لانهم هم الاساس"

يوووووووه اكيد فواز يابعد طوايفي .. مشتاقه له .. ومشتاقه لحركاته بالشوربه .. لابدا يتفنن ويرسم بالشطه ع الشوربه قلب او حرفه او وجه ..
ع فكره تراه هو استهتاري بس وقت الجد يعجبكم
كمان كان يدخل معنا للمطبخ ويساعدنا انا وخواتي ..



7/ وش هالطبخه اللي تعرفين تطبخينها وتحبي دايم تطبخيها برمضان ..؟

اعرف كل الطبخات بس انتوا طبوا وتخيروا .. بس اهم شيء مايكون بالكاتم ولا يكون مطازيز او جريش



8/ ماهي الوجبه المفضله لديك عند السحور ؟

مويه وتمر واحيانا قهوه



9/ ماهو افضل برنامج إذاعي أو تلفزيوني لديك .؟

بصراحه حاليا مافيه شيء محدد



10/ماذا تتذكري من ايام الطفولة في رمضان .؟

كانوا اهلي لاقيننا انا واختي وعمتي وعمي اللي كبري .. كانوا يخلوننا نعبي ترامس للتراويح والقيام .. اذكر انهن 12 ترمس يعني لاصار بالعشر يصيرن 24 ترمس المشكله انهن كبار .. كنت ازمل لرمضان من شان الترامس .. بس اهلي كانوا يزرقوننا ويشحطوننا وجدي يعطينا خمسه اللي يشيلهن .. همينن انا اشيلهن وانا احلطم .. رحمةٍ من ربي اللي ماشرقوا الجماعه



11/ وجهي الدعوه لثلاثة اعضاء من المنتدى للفطور معك ؟

والله كل الاعضاء والعضوات .. تعالوا اباص عاشق



12 / ما هي احلا لحظآت الصوم ؟

تبون الصراحه .. قبل الاذان بشوي هذا خلاص افقد السيطره ع نفسي من الجوع بس بعد ماافطر احس بلذته



13/ كم ختمه من القرآن تستطيعي ان تختمها خلال الشهر الفضيل ؟

وحده الله يخلف ..



14/ هل تتذكري اول رمضان قمتي بالصيام فيه ؟

والله انواع الدجه بي بس الله يتوب علي .. اذكر اني اصوم همينن اقعد ورى البراده واشرب ما .. شيء بالنفس ..كذا بليس لاعبن علي .. طول اليوم صايمه بس لاقرب الآذان شربت ملا البياله ماء .. كذا عناد
حتى الصلاة اصلي همينن بالركعه الاخيره اتلفت واقطع صلاتي ... هههههههههه



15/ كلمة أخيره تودي التكلم بها ..؟

عاد جينا للجد .. نعدل الجلسه ونبعد الخصله كنايه عن الشماغ هههه



تبيقى الكلمات عيوننا التي نطل بها على احبابنا ولغة تواصل بيننا وبينهم فنحن مجرد ارواح تتلاقى حيث لاوجود لاجسادنا بينهم فإن كانت هناك من كلمة فأقول فيها : هنيئا لكم شهر الرحمة والغفران شهر العتق من النيران.. فقد روي علي قال : كونوا لقبول العمل اشد اهتماما منكم بالعمل .. الم تسمعوا الله عز وجل يقول ( إنما يتقبل الله من المتقين )


فرمضان فرصه للتغير من السيء للحسن ومن الحسن للأحسن .. وهذا لن يكون إلا لمن عزم الامر واجتهد وبادر .. فهو شهر القرآن فلنغتنمه بكثرة تلاوة القرآن وتدبره .. ولا نضيع تلك الفرصه بمشاهدة مسلسلات او سماع مايغضب الرب .. فالنفس إن لم تشغلها بالطاعة شغلتك بالمعصيه .. .. فوالله اننا لنحسد على ادراك رمضان فغيرنا ممن هم تحت الثرى يتمنون لحظه يذكرون بها الله ويستغفرونه .. فقد روي ان النبي صلى الله عليه و وسلم صعد درجات منبره الثلاث وكان في كل درجة يقول آمين فتعجب الصحابة رضوان الله عليهم وسألوه فقال عليه الصلاة والسلام: أتاني جبريل فقال يامحمد: رغم أنف عبد أدرك رمضان ولم يغفر له ....الخ


فها نحن ادركنا رمضان .. لكن أي نية بويتت لقضاء اوقاته ..؟!


فكلما خبت همتكم فتذكروا قوله (ايام معدودات )



وكل رمضان وانتم قناديل تضيئ في حالك الدرب [/align]



[align=center]*********************[/align]

أشكرك جندوانا على تلبيتك لدعوتي .. أتحفتينا بالاجوبة ..!

[عادل الحبيتر]

[align=center]وبكرا بأذن الله راح أستضيف بمدونتي أحد الأعضاء ..![/align]

[عادل الحبيتر]

38 (الأعضاء 1 والزوار 37)
‏عادل الحبيتر


[align=center]شوفوا صاير لحالي بقسم المدونات .. وينكم ياناس .. شوافوا الزوار عددهم 37 زائر . يعني تبي تورطونني تبونن أعزم كل الزوار لحالي ..![/align][align=center]
ذبحكم النوم يالاعضاء تعالوا جسروني أو ساعدوني لا يجي أحد ويسرق شئ من مدوناتكم ههه .. صرت أنا اللي أحرس مدوناتكم اللحين وتراي راح أخذ من كل واحد منكم راتب لاني حرست مدوناتكم من السرقات . ههه[/align]

[عادل الحبيتر]

[align=center]اليوم الثالث من رمضان .. هو ضيفي العزيز ( غربة أنسان ) [/align]




[align=center]
1 /كيف تقضي يومك برمضان ..؟ بإختصار

يومي برمضان يوم بسيط , لكن انا اشوف روعه اليوم الرمضاني تكمن بما نحاول فعله من اعمال الخير
حتى وان كانت بسيطه , طبعاً اخصص اغلب وقتي لقراءه القرآن , وفيه وقت للجلوس مع الاهل , ووقت بسيط للجلوس على النت ومافيه شي ثابت طوال الايام ممكن يحصل تغيرات مثل زياره احد وكذا.



2/ ماهو الطبق المفضل لديك على مائدة رمضان ؟

والله طبق مفضل مافيه , يعني اي شي وان كان بسيط يكفي , لكن يكون فيه غالباً الشوربه , والسمبوسه , واللقيمات والباقي مختلف مرات بيتزا ومرات فطاير.



3/ موقف حصل معك "طريف" وأخر "محرج" .. في رمضان اللي راح ؟

والله ما اتذكر , ناسي كل تفاصيل رمضان اللي راح < الذاكره لك عليه ههههههه



4/ وين تقضي رمضان هذه السنه ؟

في بريده وبالبيت مع الاهل



5/ هل محدد لك وقت لدخول النت في رمضان ....؟

لا انا ماعندي وقت محدد لدخول النت
لكن اهم شي ما اجعل النت ياخذ اغلب وقتي بدون فايده
خصوصا برمضان , لان الواجب الاستفاده من الوقت قدر المستطاع .



6 / شخص وجوده على سفرة رمضان غير..من هو؟"غير الوالدين..لانهم هم الاساس" ولو تقدر صور لنا فطوركم ؟

والله فيه , واتمنى جلوسهم , واكيد بسعد بتواجدهم
لكن ماكل مايتمناه المرء يدركه
طبعاً الجلسه على السفره بتكون حلوه بوجود الوالدين والاخوان.



7 / هل سبق وطبخت لو طبق واحد برمضان ؟

لا والله الصراحه ماوصلت الى الطبخ
اكتفي بقولي انه مساعده بتجهيز بعض الاطباق
اما ابداء كل شي من الصفر ماجربت اخاف مايفطرون ههههههههههههههههه



8/ ماهي الوجبه المفضله لديك عند السحور ؟

مافيه شي معين عند السحور , ممكن يكون رز
وممكن فطاير او اي شي موجود لان احيان بعد الفطور الى السحور مانشتهي شي ههههههههه



9/ ماهو افضل برنامج إذاعي أو تلفزيوني لديك .؟

اكثر شي احب اتابعه البرامج المفيده مثل خواطر



10/ ماذا تتذكر من ايام الطفولة في رمضان .؟

اتذكر اذا مسكت معنا صيام وصمنا ومتى ماحسينا بجوع او عطش قلنا مهب لازم اليوم صيام بكره نصوم ويجي بكره وحنا نفس الحكايه



11/ وجه الدعوه لثلاثة اعضاء من المنتدى للفطور معك ؟

بس 3 تحرجن كذا ياعادل ههههههههههه
اللي بهالمنتدى اغليهم وودي لو اعزمهم كلهم
واذا ابختصر يبي يطعون حول 10 والله كلهم غالين وانت منهم
فاخلنا نعزمهم كلهم احسن ولا وش رايك ههههههههه



12 / ما هي احلا لحظآت الصوم ؟

اللحظات اللي تسبق الافطار جداً جميله
فيها شعور ايماني وفيها فرح واحساس بحجم النعمه



13/ كم ختمه من القرآن تستطيع ان تختمها خلال الشهر الفضيل ؟

والله هذا على حسب اقدر الى 3 مرات واكثر
لكن اكيد اذا شديت حيلي وتعبت بحصل نتيجه تعبي
لكن اذا اقول بخلي القراءه باوقات بسيطه ختمه وحده
والله يقدرنا على عمل مايرضيه



14/ هل تتذكر اول رمضان قمت بالصيام فيه ؟

لا والله ما اتذكر , بس المهم انه من زمان ههههههههه



15/ كلمة أخيره تود التكلم بها ..؟

كلمتي الاخيره وهي لكل اعضاء المنتدى
اتمنى منهم يشغلون انفسهم بما ينفعهم بهالشهر الفضيل
لان اي شخص ادرك رمضان يمكن السنه الجايه مايدركه
والله يمد باعمارنا جميعنا , وندرك رمضان اعواماً عديده
وأسأل الله ربي ان يغفر ذنوبنا وان يبدلها حسنات
كما اسأل ربي ان يعيننا على الصيام والقيام وان يتقبل عملنا خالصاً لوجهه الكريم.
كما اتمنى من كل اعضاء المنتدى ان يبتعدوا عن البغضاء
وان تكون بدايتهم بهذا الشهر بقلوب بيضاء تملئها المحبه
وكل الشكر لك اخوي عادل على الاستضافه وشرف كبير تواجدي بصفحات مدونتك المميزه
اتمنى اكون وفقت بما كتبت
شكراً لك اخوي الغالي .[/align]

*********************

[align=center]
ما شاء الله أتحفتنا يا غربة .. وشرفتني بمدونتي على أجوبتك الصريحة ..

بعد ما كان ضيفي لهذا اليوم هو أحد الأعضاء .. بكرا بأذن الله راح يكون الضيف أحد العضوات ..![/align]

[عادل الحبيتر]

[align=center]ضيفي بمدونتي لليوم الرابع من رمضان .. هي الاخت ( الشوش ) . [/align]


[align=center]
1/ كيف تقضي يومك برمضان ..؟ بإختصار

يومي الله يسلمك آقضيه ..
آصحى آخر آلعصر بعدين آفطر وآقعد مع آهلي هومينن اروح لصلآة الترآويح وبعدين نحط القهوه
ولآ صآرت السسآع 2 قعدت آتعبد <~ اللهم لآ ريآآء
وبعدين آتسحر وآصلي وأقرأ قرآن وآدخل النت الفجر الى الصبح ثومينن انآم ..



2/ ماهو الطبق المفضل لديك على مائدة رمضان ؟

آهم ششي سموسسآآ جبن
ولآ بيتزآآآآء



3/ موقف حصل معك "طريف" وأخر "محرج"..في رمضان اللي راح ؟

الحمدلله كل حيآتي طريفه
آصلآ مآ اذكر شي ههههه
محرج ..
اللي آذكره بمآ اني نسايه درجه اولى
العآآم بعد الترآويح بعد مآطلعت من المسجد رحت مشي وآمشي وآمشي وآمشي مآدريت الا بغيت اصبخ مدرستي يوم انا بالثآنوي
المششكله المسجد قريب للبيت ..بس الأخت ف الله طآقته هوآجيسس
والله يَ انا فشلت من روحي موب بس من هالعيآل اللي قدآم بيتنآآ صآفين يسولفون



4/ وين تقضي رمضان هذه السنه ؟

ببيتنـــآآ ..
السنه اللي طآفت بمكه ي الله الجنه



5/ هل محدد لك وقت لدخول النت في رمضان ....؟

اي محددتن لي بعد الفجر ..



6/ شخص وجوده على سفرة رمضان غير..من هو؟"غير والدتك ..لانهم هم الاساس" ولو تقدر صور لنا فطوركم

آنــــــآآ
فطورنآآ سمآط وتمر وقشطه ومآآء وقهوه و3 فنآجين و4 اكوآب <~ مآلي خلق اصور



7/ ما هي الطبخه اللي تجيدين طبختها برمضان ؟

قليل آطبخ برمضآن ..
وإن طبخت لفيت سموسسآآ
ولآ زينت مع آميمتي , تـآآوه ..



8/ ماهي الوجبه المفضله لديك عند السحور ؟

لبنة آمي من لبن بقرتنآآ



9/ ماهو افضل برنامج إذاعي أو تلفزيوني لديك .؟

مآنب آتآآبع شينن آبد برمضآآن وبغيروه ..



10/ ماذا تتذكري من ايام الطفولة في رمضان .؟

هههههههه والله مآ اذكر الا اني يقآآلي آصوم
ولآصمت حطيت لي كآس مويه بآآآرد ورآ بالسيب اللي هو الحوش الصغير عششان يقالي اروح العب بالسيكل هومينن اشرب كل مآعطششت
وآذكر بعد عمي آحمد
كل عصصر لآزم يودين للبقآآله اشتري عصير وبطآطس عشان لا افطرت <~ يقآله صآيمه ..



11/ وجه الدعوه لثلاثة اعضاء من المنتدى للفطور معك ؟

آنثى خرآفيه ,, بآنسسك ,, نقآآآء



12 / ما هي احلا لحظآت الصوم ؟

قبل آلاذآن وآنت متحمس تدعي



13/ كم ختمه من القرآن تستطيع ان تختمها خلال الشهر الفضيل ؟

كنت اختم مرتين ..
بس آلسنه اللي طآفت ثلاث , وإن ششآء الله هالسنه 3
ومآندري عن الظروف ..



14/ هل تتذكري اول رمضان قمت بالصيام فيه ؟

لا والله
بس ششكلي يوم انا بزر <~ صدز



15/ كلمة أخيره تودي التكلم بها ..؟

كل عآم وانتم بخير ,, رمضآن كريم ,, عيد سسعيد
مَ آطيل عليكم بَ الكلآم ..
كل ششخص يعرف فضيلة هذآ الششهر [/align]


[align=center]الله يبلغنآآ إيآه آعوآم وآعوآم ..[/align][align=center]
دعوآتي القلبيه لكم
شُشُشُكرآ إسسستآآذي عآدل ..[/align]

***************

[align=center]أشكرك كل الشكر يالشوش .. لتلبيتك دعوتي .. لقااء جدا ممتع ..![/align][align=center]


وأنتظروا بكرا بأذن الله أحد الضيوف ..![/align]

[عادل الحبيتر]

[align=center]سعدت جدا بأستضافة بعض الاعضاء في مدونتي .. [/align][align=center]
طبعا كل يوم راح أستضيف أحد الاعضاء .. لحتى نهاية رمضان بأذن الله ..!

والأعضاء اللي تمت أستضافتهم هم :[/align]


[align=center]1 / عموري [/align][align=center]
2/ جندوانا
3/ غربة أنسان
4/ الــشــوش [/align]





[align=center]***********************[/align]

هذي بعض الاشياء اللي أقتبستها من أجوبتهم

[align=center]( عموري ) [/align]

[align=center]جلست أضحك من الموقف يوم تنسون التمر وتصفي على تمره وحده هه[/align]




[align=center]( جندوانا ) [/align]

[align=center]خلاص راح يطلبون منك كل الطبخات .. بس مسوين شروط أنك تطبخي بالكاتم ههه[/align]



[align=center]
( غربة أنسان ) [/align]

[align=center]خلاص اجل ما راح اقولك وجه دعوة لثلاث اشخاص .. اوكي موافق مثل ما قلت أنت 10 أشخاص مو مشكله مدام أني من ضمنهم هه[/align]


[align=center](الــشــوش )[/align]

[align=center]جلست أضحك بالمويه اللي تحطيها ورا السيب .. لا ما شاء الله ذهينه كأنك تلعبي بالسيكل وأنتي تشربين ههه[/align]




[align=center]***********************************[/align]




[align=center]فعلا تشرفت كثير وأستمتعت جدا بأستضافتهم .. [/align][align=center]


واليوم بأذن الله راح أستضيف أحد الضيوف وأنتظروا الضيف لهذه الليلة ::[/align]

*************************

[align=center]أي سؤال في بالك أسألني هنا ...![/align]

http://www.******.me/Adel9999

[عادل الحبيتر]

[align=center][/align]


[align=center]أن لله وأنا اليه راجعون [/align][align=center]

ورحل عن الدنيا الوزير الدكتور ( غازي القصيبي ) .. صاحب الاخلاق الحميده ..! ( الله يرحمك ويتغمدك في واسع رحمته يارب )
لن ينساك ( خالي ) عندما وجهة له أعتذار بعدم قدرتك لحضور حفل زفاف أبنته .. وكتبت في رسالتك ودعوت لها بالتوفيق في حياتها الزوجية .!
ولن ينساك ( خالي ) بكل شئ ..![/align]

فأقدم التعازي الى ( خالي ) عبدالرحمن القصيبي .. وغفر الله لميتكم يارب ..!

[align=center]وهذه هي قصيدته وهو على فراش المرض :[/align]

[align=center]أغالب الليل الحزيـن الطويـل .. .. .. أغالب الدواء المقيـم الوبيـل[/align][align=center]
أغالـب الآلام مهمـا طغـت .. .. .. بحسبـي الله ونعـم الوكـيـل
فحسبـي الله قبيـل الشـروق .. .. .. وحسبـي الله بعيـد الأصيـل
وحسـبـي الله إذا أسـبـلـت .. .. .. دموعها عيـن الفقيـر العليـل
يارب أنت المرتجـى سيـدي .. .. .. أنر لخطوتـي سـواء السبيـل
قضيت عمري تائها هـا أنـا .. .. .. أعود إذا لك يبقـى إلاّ القليـل
الله يـدري أنـنـي مؤمـنـاً .. .. .. في عمق قلبي رهبـة للجليـل
مهما طغى القبح يظل الهـدى .. .. .. كالطود يختال بوجـه جميـل
أنـا الشريـد اليـوم ياسيـدي .. .. .. فإغفـر يـارب لعبـدٍ ذليـل
ذرفت امـس دمعتـي توبـةً .. .. .. ولم تزل على خـدودي تسيـل
ياليتني مازلـت طفـلاً وفـي .. .. .. عيني مـازال جمـال النخيـل
أرتــل الـقـران ياليتـنـي .. .. .. مازلت طفلا في الإيهاب النحيل
هديل بنتي مثل نور الضحـى .. .. .. أسمع فيها هدهـدات العويـل
تقـول يابابـا تريّـث فــلا .. .. .. أقـول إلا سامحينـي هديـل[/align]

[عادل الحبيتر]

[align=center]في هذا اليوم .. حلت علينا ضيفه عزيزه علينا .. وهي الاخت ( جوانا ) وكانت الاستضافة ممتعه ..![/align]


[align=center]1/ كيف تقضي يومك برمضان ..؟ بإختصار [/align][align=center]

انام من بعد الفجر تقريبا او من طلوع الشمس لين تقريبا 2 او 2 ونص طبعا نصلي الظهر ونكمل نوم .. وبعده ندخل المطبخ ونجهز للفطور وان لحقنا على الوقت قبل الآذان أقراء شوي وبعد الفطور أجلس اتقهوى مع اهلي او اجلس ع النت شوي وبعد التراويح اطلع لدوامي وبعد ماأرجع اتقهوى << كل السالفه تقهوي ماتلاحظون
وبعده اتعشى تقريبا ع 2 اللي يتيسر لين السحور << وإلا بعد تبين سحور بعد عشاء 2
عاد السحور لابد كاس حليب ع الأقل (( تسحروا فإن في السحور بركه ))



2/ ماهو الطبق المفضل لديك على مائدة رمضان ؟

مافي طبق معين اهم شي عندي القهوه على السفره واحيانا اصب لي فنجالين ع بال مايبرد اشرب الثاني بعدين التفت على الأكل << يقول طبق تقص قصته مع القهوه



3/ موقف حصل معك "طريف" وأخر "محرج"..في رمضان اللي راح ؟

بصراحه هو موقف محرج مررررره واحتفظ فيه اعذروني ..
وطريف .. مره اذن وانا احوس بالمطبخ وخلص الآذان وانا ماأفطرت وجيت طايره وطبيت على خشتي على السفره ادور التمر وادخل التمره كله جميع واول علكه طلع التمر ذاك اللي له نكهه غريبه مادري وشي تكرم النعمه تقل مخمر بماء له سنه
<< هذي عواقب الشفاحه ارفقي شوي



4/ وين تقضي رمضان هذه السنه ؟

هنا في ربوع مدينتي << يمديكم ع التفلسف



5/ هل محدده لك وقت لدخول النت في رمضان ....؟

تقريبا مافي وقت لكن الغالب إذا صرت بدوامي من بعد صلاة التراويح لين يخلص دوامي



6/ شخص وجوده على سفرة رمضان غير..من هو؟"غير الوالدين..لانهم هم الاساس" ولو تقدري صوري لنا فطوركم

مافي شخص محدد لكن تحلى السفره بلمة العائله ..
وهذي صورة فطورنا اليوم

[align=center][/align]




7/ ما هي الوجبة اللي تجيدين طبختها في رمضان ؟

الحمدلله كثير من الأكلات اجيد طبخهم << بدينا شغل المدح



8/ ماهي الوجبه المفضله لديك عند السحور؟

تمر وحليب ..




9/ ماهو افضل برنامج إذاعي أو تلفزيوني لديك .؟

مافي برامج معينه اي برنامج اطيح عليه ويعجبني اتابعه لين ينتهي ..



10/ ماذا تتذكري من ايام الطفولة في رمضان ؟

كنت صغيره وصايمه وواقفه على صحن التمر واعجبني منظره سرقت تمره واكلته
ويوم تورطت دخل اخوي علي فجئه والصق التمره فوق واسكر خشتي جاء اخوي يتكلم علي ورافعه راسي له ويوم فتحت اثمي ارد عليه طلعت التمره خخخخخ



11/ وجه الدعوه لثلاثة اعضاء من المنتدى للفطور معك ؟

فيه كثير ودي افطر معهم بس نخلي الدعوه عامه << بعزمهم على اقرب تفطير صايم



12 / ما هي احلا لحظآت الصوم ؟

قبل آذان المغرب بلحظات جميل جدا .. يكون البيت بقمة هدوئه ماأسمع غير صوت خافت من ابوي يقراء القران أو أمي وهي مستقبله القبله ورافعه يدينه وبين فتره وفتره تسمع إبتهلاته ومنجاته لله .. الله يحفظهم لنا يارب ..
ويحفظ للجميع والديهم ويرحم الميتن منهم ويجمعه بهم بالجنه يارب ..



13/ كم ختمه من القرآن تستطيعي ان تختمها خلال الشهر الفضيل ؟

مره وحده والله يقدرنا على الثانيه ويهدينا ويعننا على ذكره ويتقبل منا ومنكم صالح الأعمال ..
المفروض يكون اغلب وقتنا للقرآن بس حنا الله يهدينا



14/ هل تتذكري اول رمضان قمت بالصيام فيه ؟

بصراحه ماأتذكر اول مره صمت ..



15/ كلمة أخيره تودي التكلم بها ..؟

اولا اشكرك اخوي عادل على هالإستضافه << حسيت إني مهمه على كلمة استضافه
اقول للكل اغتنموا الفرصه فأيام رمضان قليله نحاول مانفرط فيها ..
وصفوا نياتكم واحسنوا الظن بالغير ..

والله يتقبل من الجميع صالح الأعمال وان يعيننا على الصيام والقيام ..
لكم تحيتي ..[/align]

***************

[align=center]أشكر ( جوانا ) على تلبيتها لي لأستضافتها وسفرة الفطور ما شاء الله روعه .. والف شكر لها .. ![/align][align=center]



وبكرا بأذن الله راح أستضيف أحد الأعضاء ( المعروف عنه بخفة الدم ) ..![/align]

[عادل الحبيتر]

[align=center]صباحكم خير ..![/align][align=center]
اليوم تأخرت ما حطيت الاستضافة .. أنشغلت أشوي .. كود تعاقبونني ..![/align]

[align=center]
ضيفي لهذا اليوم .. هو خفيف الظل .. ( عبدالله بريده ) صاحب الضحكه الداااائمه وخفيف الدم ..!

لكن جيت أبكتب بنفس الخط اللي كتبه .. لكن ما عرفت الطريقه زين .. وجي أضطر أني أكتبه بخط غير الخط اللي كتبه [/align]

[align=center]وهذه هي أستضافتي له :[/align]



[align=center]1/ كيف تقضي يومك برمضان ..؟ بإختصار[/align][align=center]

بالليل سهر وبالنهار نوم


2/ ماهو الطبق المفضل لديك على مائدة رمضان ؟

شوربا اوليه بس لو بوه عسكريم شوريا <<< ادري تقولون تسبد
بس الغريب مستحيل اشرب شوربا من خارج بيتنا يعني شوربا حقت الناس ما اشتهيه مثلي انتم ولا انا مهبول لأن ماحد صارحته بهاذي الا واحد من العيال ويقولي مثلك انا



3/ موقف حصل معك "طريف" وأخر "محرج"..في رمضان اللي راح ؟

مرتن بأيام المتوسط معزومين على فطور عند قراايب لي وكنا ننتظر الفطور وكثااارين الجالسين للفطور وانا لافعن الجوع والعطش وجالس بوسطهم ومرعص بالزحمه

والمشكله تسسلطت وجلست بين اثنين زلوقين ورااعصيينن يالله يالله اتنفس قسم ابمد ايدي اباخذ تمره وعجزت المهم أومير يذن ويبدون بالفطور كلهم الا أنا أبحتسي وعجزت

لمين واحد انتبه لي بطرف السفره وقال هااي هااي ياحول ياعبدالله ما افطر افحزوا له
يوم قااال تسسذا أومير تغــولن العبره عجزت أجرع التمره من قوة العبره أومير انفجر اصياااح يوم قضينا مفطرين ونطلع نلعب مع العيال بالشارع ويبدون يعيروون أصييحه



4/ وين تقضي رمضان هذه السنه ؟

ببريده وين اروح مرتبط بدواام



5/ هل محدد لك وقت لدخول النت في رمضان ....؟

العصر اتسلى واتصفح بس ما ادخل منتديات اخااف استاثم
ما ادخل الا هالحزه


6/ شخص وجوده على سفرة رمضان غير..من هو؟"غير الوالدين..لانهم هم الاساس" ولو تقدر صور لنا فطوركم ؟

الرسميين بالبيت انا وأمي واخوي اصغر مني بس
وهاذي صورة فطورنا كلش جميع مرتن وحده


[align=center]




[/align]



7/ هل سبق وطبخت لو طبق واحد برمضان ؟

ايه بعض المرات اطبخ السحور تصير امي نيمه واروح امحوق بالمطبخ



8/ ماهي الوجبه المفضله لديك عند السحور ؟

اي شي تطبخه امي لمنه صارت نشيطه اكله



9/ ماهو افضل برنامج إذاعي أو تلفزيوني لديك .؟

مانب والله اتاابع التلفزيون ماهنا الا طاش ماطاش المغرب وبعدها اطلع



10/ ماذا تتذكر من ايام الطفولة في رمضان .؟

الله على ذيك الأيام كنت ابيع طرطعان وبصلاة التراويح نروح نلعب بالمسجد أومير يمسكن شايب اسمه ابو صالح ويشتل اذني لمين قااالت ( جــغ ) <<< (جغ ) صوت الأذن لمنه طقت



11/ وجه الدعوه لثلاثة اعضاء من المنتدى للفطور معك ؟

عبود زمان
ابو الريش
قلب الأسد
كثااارين براااسي بس انت تقول ثلاااثه



12 / ما هي احلا لحظآت الصوم ؟

وقت انتظار الفطور ياهي وناااسه وياسعدنا برمضان لو يدرون اليهود والنصارى بوناسة شهر رمضان عندنا تسان اسلموا



13/ كم ختمه من القرآن تستطيع ان تختمها خلال الشهر الفضيل ؟

للأسف مقصر واحتفظ بالرد على هالسؤال



14/ هل تتذكر اول رمضان قمت بالصيام فيه ؟

ههههههه ايه انت صاااتز قسم اني اذكر لمنه صار العصر اقعد اصيح من العطش امس طاااريه هالسالفه على سفرة الفطور



15/ كلمة أخيره تود التكلم بها ..؟

عسالله يرحمنا ويغفر لنا ووالدينا وكل مسلم ومسلمة [/align]


[align=center]

********************[/align]


[align=center]
أمتعتنا يا عبدالله بأجوبتك الحلوه .. والف شكر لك على تلبيت دعوتي ..![/align]

وبكرا بأذن الله راح أستضيف ..!

[align=center]*******************[/align]





[align=center]أي سؤال في بالك أسألني هنا ...![/align]

http://www.******.me/Adel9999

[عادل الحبيتر]

[align=center]مساء الخير للجميع :[/align][align=center]

أمس أستضفت بمدونتي ( عبدالله بريده )
واليوم راح أستضيف ( بنت منيره ) اللي أتحفتنا بأجوبتها الممتعه ..![/align]





[align=center]1/كيف تقضي يومك برمضان ..؟ بإختصار[/align][align=center]

بـ اختصار شديد طبخ ونفخ اقعد مع اهلى شوي واقراء شوي وقعد على النت شوي



2/ ماهو الطبق المفضل لديك على مائدة رمضان ؟

قهوووه لا خلا لاعدم < اللهم ادمها نعمه



3/ موقف حصل معك "طريف" وأخر "محرج".. في رمضان اللي راح ؟

موقف طريف حصل معي قبل كم سنه

كان عندنا عمي على الفطور(عمي وعياله)
وكنت بالمطبخ اشتغل واركض وادهر وعطشانه كل تفكيري بالمويه
اول ما قال الله اكبر طرت للبراده وشرب من مويه لين رويت << ويدخل على خالي وانا اشرب ماء

قال هيه وش هالصايم وانتي تشربين ؟؟ < فرح على باله ناسيه ويبي يذكرني

ردت عليه انه توه اذن خلاص الحمدالله وشربت موويه

قال لي لا والله انه مهووب اذان بس انا وانا اجي لمتس بالمطبخ اذنت اوسع صدري واعلمك اني جيت

>> قلت له كل يوم تعال لمنا وسع صدرك ياحبي لك(فرحه نص العصر شاربه مويه)



4/ وين تقضي رمضان هذه السنه ؟

ببريدة للحين ماطلعت



5/ هل محدد لك وقت لدخول النت في رمضان ....؟

لالا


6/ شخص وجوده على سفرة رمضان غير..من هو؟"غير الوالدين..لانهم هم الاساس" ولو تقدري صور لنا فطوركم ..؟

خوالي الصغارين انخرش معهم



7/ ما هي الوجبة اللي تجيدين طبختها ..؟

الحمدالله كل شئ اطبخ الا شئ شعبي



8/ ماهي الوجبه المفضله لديك عند السحور ؟

مافيه شئ



9/ ماهو افضل برنامج إذاعي أو تلفزيوني لديك .؟

مافيه << ماتبع لا اذعه ولا t.v



10/ ماذا تتذكري من ايام الطفولة في رمضان .؟

اذكر نتحرجم عند الدفايه << برد جميده
واذكر بعد نختبر << وخذ من هالذكريات



11/ وجهي الدعوه لثلاثة اعضاء من المنتدى للفطور معك ؟

3 اممم بـ ما انك قلت ثلاثه
ابخليه لـ احلى دينا ونقاء وسيماء << عشان يجين بسياره وحده هع



12 / ما هي احلا لحظآت الصوم ؟

قبل اذان المغرب بقليل كل واحد يختلي بنفسه



13/ كم ختمه من القرآن تستطيع ان تختميها خلال الشهر الفضيل ؟

اللهم لا رياء قد ختمتي



14/ هل تتذكري اول رمضان قمت بالصيام فيه ؟

ايه ايام كنا ساكنين بالرياض واكل موز<<وانا ماحب الموز بس نسيت(سبحان الله اهم شئ نست)

عاد كم عمري مادري



15/ كلمة أخيره تودي التكلم بها ..؟

احب ابارك للجميع بشهر الفضيل
واذكر ان شهر رمضان شهر خير وطاعات ورحمات[/align]

******************

[align=center]الف شكر لك لتلبيتك الدعوه ..![/align][align=center]

وبكرا بأذن الله راح أستضيف أحد الأعضاء ...![/align]

[عادل الحبيتر]

مدري وش جاني الايام هذي بكثرة الاحلام

قبل خمس أيام حلمت أنه أحد الاعضاء أنتقل و الى رحمة الله ..! عاد انا كل ما اشوف المعرف موجود بالمنتدى من ضمن المتصلين .. أقول بيني وبين نفسي ما يدري أني محلم فيه أنه ميت ههه .


وقبل يومين حلمت أن اثنين من أصدقائي وبنفس الوقت يقربون لي .. أنه دخلوا الجنه ..! بس ما راح كامل الحلم لان الحلم طويل وما يصلح اقوله علشان محد يفسره ..! هههه



وأمس حلمت بجدي الله يرحمه اني جالس عنده وكان معنا عمي مفسر الاحلام وكانت عمتي جالسه معنا .. عاد الحلم طويل ما يصلح أنه أقوله .. علشان محد يفسره ههه .. عاد متردد أقول أتصل على عمي وأقوله اني حلمت فيك انت وجدي وعمتي .. لكن متردد .. اخاف يكون الحلم تفسيره شين .. عاد معروف ان الحلم غالبا أذا فسر يقع .. لكن أبعد عن الشر وأغني له .. ما يحتاج أفسره ههه ..

أتذكر قبل 9 سنوات بزعت وقلت لعمي حلم .. عاد يوم فسره لي .. قال تراك تبي تخسر بحدود 2500 ريال الى 3000 ريال خلال الشهر هذا .. وجي صدق يقع تفسير الحلم .. ومن بعدها قلت التوبه أني أفسر حلم ..!

والشئ المضحك . أنه قبل خمس سنوات كان فيه زواج أختي وكان واحد من أصدقائي جالس عندي بقاعة الزواج .. عاد جاء عمي وسلم علينا .. عاد يقولي صديقي محلم انا قبل كم يوم وودي اخليه يفسر الحلم .. وجي أقول لصديقي شوري عليك لا عمرك تفسر الاحلام . ولا تقوله الحلم .. عاد هو بزع وجي يروح لمه ويقوله الحلم .. عاد يوم فسره صار تفسير الحلم شين .. ههه .. وجي يتحسف أنه قاله الحلم ههه ...!


نصيحه مني لكم لا أحد منكم يفسر أي حلم يحلم فيه ..! علشان ما يصير تفسير الحلم شين او يصير تفسيره ضدكم ..!



[align=center]******************[/align]



[align=center]
أمس وأنا أتابع طاش ما طاش .. جلست أضحك عليهم وعلى العجوز ( رقيه ) حتى مطبق لهجة العجوز .. وصاير ابو مزيني يتكلم لهجة عجوز قصيميه ههه

وبعد ما خلصت .. فتحت على قناة المجد .. ولقيت برنامج أسمه ( أكثر من أسره ) لكن صدق عجبني البرنامج هذا .. كانوا مستضيفين . الدكتور ( عادل عبدالجبار ) الاعلامي والتربوي المعروف ... وكانوا بعد مستضيفين . الدكتور ( غازي الشمري ) المستشار الاسري ..
وكان اللقاء جميل وممتع .. كان مقدم البرنامج مره يسأل الدكتور عادل ومره يسأل الدكتور غازي . وكانت كل الاسئلة أسئلة عامه ..!
عاد من ضمن الاسئلة اللي سأل فيها الدكتور غازي .. قاله المقدم اللحين الناس اللي تشوف برنامجكم وتشوف مشاكل الناس اللي يسألونكم فيها عن طلاق وعن ضرب وعن عدم نفقه وعن عدم ظلم .. ويقوله الا ترى أنه أصبح عند بعض الناس الاحباط .خاصة الناس اللغير متزوجين .. خوفا من الحياة اذا كانت كلها مثل هذه المشاكل ... قاله الدكتور عادل .. أيه لاحظت هالشئ هذا .. ويوم لاحظت الشئ هذا يقول حاولت أني أحط حلقات عن التفاؤل بالحياة وعن أيجابيات الحياة .. علشان ما يصابون الناس بالاحباط .. عاد يقول الدكتور عادل .. يقول كنت قبل لا أملك المال حتى أأكل .. لكن من بعدما أصبحت مستشار أسري وبديت أنفع الناس .. يقول جاني رزق من غير ما أحس .. كلها من فضل الله ثم بفضل دعوات الناس لي .. ويقول حتى أنه أصبح عندي المال الكثير . ويقول حتى أني اصبحت أملك اكثر من بيت وسيارتي اللي أسوقها الان مشتريها ب 400 الف ريال .. كلها بفضل من الله ثم بفضل دعاء الناس لي .... طبعا فيه أشياء كثيره مثل مواقف وأشياء ثانيه لكن ما أتذكرها ..!


ومن ضمن الاسئلة التي سئل فيها الدكتور ( عادل عبدالجبار ) .. طبعا ابكتب مقتطفات عن بعض الاجوبة اللي قالها ... يقول كنت يوم أنا صغير كنت أشوف بقناة الاولى برنامج للشيخ اللحيدان ويقول وجي التفت على أمي الله يرحمها وقلت لها قولي امين أني اصير أطلع بالتلفزيون .. يقول وجي تقول أيه بس ما تحس أنه صعبه تطلع بالتلفزيون .. يقول يا يمه مب ضارك شئ أنتي بس أدعي الله .. يقول دعت لي .. يقول دخلت للمتوسطه ولا تحقق هدفي ودخلت للثانوي ولا تحقق هدفي ويقول ودخلت للجامعه ولا تحقق هدفي . ويقول لمين الحمد لله بعد ما تخرجت ومرت السنين تحقق هدفي وأصبحت أعلامي ..!
ومن ضمن الاشياء اللي قالها .. يقول كنت قبل يوم كنت أدرس بالمعهد العلمي .. يقول كنت أرى مع تحريم جميع التصوير بجميع أشكالها .. وكنت أحارب اللي يصورون وأقولهم حرام .. ثم مع مرور الوقت تغيرت قناعاتي .. حتى عرفت أن التصوير هو رسم الانسان هو المقصود بالتحريم .. ويقول حتى أني سألت أحد المشائخ ورأى أن التصوير الكاميرا عادي ..!

كانت الحلقه طويله وفيه أشياء قولوها عن حياتهم وعن مواقفهم .. لكن لو قلتها تحتاج لوقت .. وطبعا بعض الاشياء ناسيها ..!
لكن مثل هذي القاءات دايم أستفيد منها ..! وأستمتع فيها


أنا من زمان كنت أقول لو خيروني وقالوا لي أيش ودك تكون .. كنت أقول ودي أكون مستشار أطباء .. أحس أن المهنه هذي قووووية ..
وعلى طاري مستشار الطبيب .. أتذكر وحده مستشاره سعوديه مستشارة ولاده بالرياض يعرفونها أهلي .. ويقولون وظيفتها غالبا تكون على الهاتف وهي جالسه بالبيت يتصلون عليها الطبيبات ويسشيرونها وهي تعلمهم الطرق الصحيحه .. هي جالسه بالبيت .. لكن تروح أحيانا أذا كان فيه عملية طارئة .... ( أحس أن المهنه هذي . له أهميتها . يكفي أن الواحد أذا صار أستشاري طبيب . يكفي ان الطبيب هو اللي يبي أستشارتك .. وأذا شافوك الناس تحس بأهميتك كمستشار )


وفيه المستشار الاسري .. احس أن المهنه هذي حلوه لانك راح تكسب الاجر من دعوات الناس .. لكن أحس أنها مهنه صعبه صعبه صعبه وأنا أحيانا أذا دخلت لقسم الاستشارات أبقرأ المواضيع اللي في المنتديات .. عالطول أطلع لاني أشوف مشاكل الناس ثم يضيق صدري وأطلع عالطول من الصفحه اللي أنا داخلها ..!
[/align]

**********************

أي سؤال في بالك أسألني هنا ...!


http://www.******.me/Adel9999

[عادل الحبيتر]

[align=center]مساء الخير للجميع :

ضيفي لهذا اليوم .. هو خفيف الظل المحترم ( عبود زمان ) وكانت أستضافتي له ممتعه ..![/align]




[align=center]1/ كيف تقضي يومك برمضان ..؟ بإختصار

من بعد صلاة الفجر نوم لحد الظهر وبعدها أطلع لـ البيت اشوف وش مسوين العمآل

وأخلص بعض الشغلات لحد آذان العصر وبعدها اتجه لـ البيت وإذا محتاجين شي خلصته لهم بهالعصريه او اجلس على الجهاز وشوي قرآئه لـ القرآن الكريم

وبعد صلاة المغرب جلسه عائليه تخبر

وبعد صلاة العشاء اتجه لـ عملي
حتى الساعة 12 بالليل وبعدها اتجه لـ البيت واشوف وش بقى من الفطور علشان اقضي عليه
وبعدها اتجه لـ الكمبيوتر واجلس عليه لمدة ساعتين وبعدها جلسه عائليه حتى السحور وبث



2/ ماهو الطبق المفضل لديك على مائدة رمضان ؟

ما افرط بـ حاجتين ابد
السنبوسه واللقيمات



3/ موقف حصل معك "طريف" وأخر "محرج"..في رمضان اللي راح ؟

موقف طريق ( لما قلت لأحد الأقارب في مباركه بدخول رمضان قلبته وقلت عيدك مبارك )

وموقف محرج والله ما اذكر بالضبط شي



4/ وين تقضي رمضان هذه السنه ؟

اكيد بين الأهل والعائله



5/ هل محدد لك وقت لدخول النت في رمضان ....؟

لا مافيه وقت معيّن

يعني اي وقت اشوف نفسي فاضي ادخل



6/ شخص وجوده على سفرة رمضان غير..من هو؟"غير الوالدين..لانهم هم الاساس" ولو تقدر صور لنا فطوركم

أكيد بزرآني



7/ هل سبق وطبخت لو طبق واحد برمضان ؟

لا والله

بس ترآي مساعد محترف العام الماضي أما هالسنه تقل إني سحبت عليهم



8/ ماهي الوجبه المفضله لديك عند السحور ؟

مافيه غير الرزيزه



9/ ماهو افضل برنامج إذاعي أو تلفزيوني لديك .؟

بصراحه بصراحه ما احب اتابع شي برمضان



10/ ماذا تتذكر من ايام الطفولة في رمضان .؟

ياكثرهن

اتذكر البواجي اللي نركب بهن ريش ونترسهن تسباريت وانواع الطقطقه
واذكر كنا نسوي برمضان التنس الارضي
نخطط الأرض برمل همّن خذ خبز بهالكوره ههه



11/ وجه الدعوه لثلاثة اعضاء من المنتدى للفطور معك ؟

اممممم

ابي كيرلا علشان اوريه العزبه

وعاشق الخ
الأشهب
و

12 / ما هي احلا لحظآت الصوم ؟

كل الصيام حلو



13/ كم ختمه من القرآن تستطيع ان تختمها خلال الشهر الفضيل ؟

واحده ويالله يالله



14/ هل تتذكر اول رمضان قمت بالصيام فيه ؟

بصراحه لا



15/ كلمة أخيره تود التكلم بها ..؟

اقول ياليت المسلمين يتركون متابع التلفزيون وبلاويه اقل شي بهالرمضان

ولا تخافون كل شي بيعاد بعده

او حملوه من النت
بس خلو هالشهر وصيامك طيب وخالي من البلاوي
واشكرك كل الشكر يـ مشرفنا عادل [/align]




[align=center]******************[/align]


[align=center]
بكرا بأذن الله أبستضيف أحد بمدونتي ...![/align]

[عادل الحبيتر]

[align=center]بعد ما سويت أقتباسات لبعض أجوبة الاعضاء اللي أستضفتهم :[/align][align=center]



يبقى بعض الاعضاء اللي ما أقتبست بعضا من أجوبتهم :

وهذي بعض الاقتباسات ::[/align]


[align=center]
أقتباس من أجوبة ( جوانا )[/align]


[align=center]كنت صغيره وصايمه وواقفه على صحن التمر واعجبني منظره سرقت تمره واكلته [/align][align=center]
ويوم تورطت دخل اخوي علي فجئه والصق التمره فوق واسكر خشتي جاء اخوي يتكلم علي ورافعه راسي له ويوم فتحت اثمي ارد عليه طلعت التمره خخخخخ[/align]



[align=center]
موقف محرج .. شكله حس أخوك . وجاء أبتدا يسولف معك لمين طاحت التمره ههه[/align]



[align=center]*******************[/align]



[align=center]أقتباس من أجوبة ( عبدالله بريده )[/align]

[align=center]العصر اتسلى واتصفح بس ما ادخل منتديات اخااف استاثم [/align][align=center]
ما ادخل الا هالحزه[/align]



[align=center]هههه ليه تستأثم بالعكس أنا أشوفك دابة سليمه ههه[/align]



[align=center]*******************[/align]



[align=center]أقتباس من أجوبة ( بنت منيره )[/align]

[align=center]اذكر نتحرجم عند الدفايه << برد جميده[/align][align=center]
واذكر بعد نختبر << وخذ من هالذكريات[/align]


[align=center]يالله تذكرت البرد برمضان .. كنا أول نموت من البرد برمضان اللحين صار العكس ..! الله يستر من حرارة الشمس بالسنين الجاية ..![/align]



[align=center]*******************[/align]




[align=center]أقتباس من أجوبة ( عبود زمان )[/align]


[align=center]موقف طريق ( لما قلت لأحد الأقارب في مباركه بدخول رمضان قلبته وقلت عيدك مبارك ) [/align]



[align=center]وش جاك .. شكلك مستعجل تبي العيد يجي بأسرع وقت ههه .. ذكرتني بموقف قد حصلي .. راح أقوله واكتبه ..![/align]



[align=center]********************[/align]


[align=center]أصبح الان اللي أستضفتهم عددهم ( 8 ) وأستمتعت كثير بأستضافتهم :[/align][align=center]

والاعضاء هم ::[/align]


[align=center]1 / عموري [/align][align=center]
2 / جندوانا
3 / غربة أنسان
4 / الـشــوش
5 / جوانا
6 / عبدالله بريده
7 / بنت منيره
8 / عبود زمان [/align]


[align=center]فشكرا لكم من الأعماق لتلبيتكم دعوتي ..![/align][align=center]

وأن شاء الله راح أستضيف كل يوم أحد الأعضاء [/align]




[align=center]**********************[/align]



[align=center]تذكرت موقف حصل لي مشابه للموقف اللي قاله عبود .. [/align][align=center]
أتذكر يوم أنا صغير كنت رايح أنا وأبوي لم صديقه معزوم أبوي عنده .. عاد وحنا نتعشاء . عاد يوم خلصت من العشاء وجي أقوم . ويوم جيت أقول أكرمكم الله .. وجي أغلط وأقول أكرم الله النعمه .. ههههه عاد صديق أبوي قالي ( صحه وعافيه ) ههه ما سمعني زين أشوا .. عاد أبوي يقولي هاه وش قلت .. وجي أنا أضحك وأقول لصديق أبوي أني جيت أبقولك أنعم الله عليك وجي أقول أكرم الله النعمه ...![/align]



[align=center]*****************[/align]


[align=center]
السعاده من صنع يداك .. بأمكان الشخص أن يصنع لنفسه السعاده وبأمكانه أن يصنع لنفسه الشقاء ..!
ربما الشخص بتسرعه بقراراته ثم يصبح هذا القرار ضده .. ويكون شقاء له مدى العمر
وربما الشخص أذا تأنى وصبر وأتخذ القرار بدراسة وافيه .. ربما يكون قد كسب السعادة ..!

( بديت أكتب فلسفه هه )[/align]






[align=center]******************[/align]


[align=center]
أن أشيائي وأشياءك .. مهما صغرت ..
تصبح شعرا .......
تلك صفحات من التاريخ .. يا سيدتي ..
أبدا لن تتكرر .......![/align]