لو سمحت ممكن تدلوني علي دكتور اسنان

[الزين كلة]

[align=center]السلام عليكم ورحمة الله بركاته [/align]
الي الجميع كيف الحال ولاخبار لو سمحت ممكن تدلوني علي دكتور اسنان ممتاز اسم الدكتورو الدكتورة والعيادة اللي يدوام فيها الله يخليكم افيدوني سؤاء بريدة او الرس

[بسكاتي اذلك]

اهلين غنــاتي
والله انا مالي خبره بدكاتره الآسنان
لاكن يقولون
انوو مستشفى الطب الحديث حلوو
والدكتور اسمه سامي بس مدري من ولده هع
ان شاءالله افدتك
..
تحياتي
Nooof

[....الأمير....]

الله يعينك

لو اني من سكان بريده كان علمتك

وان شاء الله يفيدونك الي هنا

[الذاهـبـة]

في بريدة :

مستوصف الفيحاء .. د/ رحاب

مصرية .. بس ماشاء الله عليها يدها خفيفة و شغلها نظيف

إذا تبين تروحين جدة ؟ فيه عيادة أختي ..

<<< تهايط

[إشراق]

يختلف الوضع
وش تبغين تقويم أو خلع أو تلبيس أو ترميم أو ضروس عقل جراحه

لأن كل شي فيه له دكتور بارع

مثل التقويم أشطر دكتوره ميساء بمستوصف بريده

ضروس العقل جراحه د محمد زياد بدار الجمان

تلبيس وتركيب الأسنان د جحا بمستوصف الرواد

أتمنى أكون أفدتك

[khuzama2000]

والله مااعرف شي

[تركي بريده]

تبي الدكتور السنع يا الغالي ... مستوصف صحه الاسره ببريده .... فيه دكتور ممتاز .

[جلنار]

أنا خبرة مع دكاترة الأسنان من حوالي...؟سنة !! والحمد لله هالحين مرتاحة لي أكثر من سنتين ,, لكني أداوم على زيارة الطبيبة كل فترة للإطمئنان ,, وطبيبتي المفضلة ومستوصفي الخاص من أكثر من 15 سنة هو
((المركز السعودي لطب الأسنان))بالصفراء ببريدة وفيه الدكتورة((إيمان سعد سليمان))مصرية شاطرة جدا ً خصوصا ً بشيل العصب وتخصصها على ماأعتقد جراحة أسنان لأن شهادتها معلقة خلف مكتبها وسويت كل شي عندها
{من طئطئ لسلام عليكم } وأسناني سليمة ولله الحمد زيادة على منظرها الجميل والبياض الناصع طبعا ً مودعاية معجون لكن التجربة خير برهان ,,,
لكن يبيلك ترخي الكيس بالدراهم (mony )

[الكوكتيل]

كل يمدح سلعة

[جلنار]

يا الكوكتيل ؟؟؟؟
ترا هالمستوصف خاص ولا أعرف أهله ولا لي علاقة بأصحابه .. اللهم أني جربته ونال رضاي
يعني أكتب(أكتبي) العبارة بطريقة صحيحة( كل ٍ يمدح سلعته ) لغتك ضعيفة؟؟ وهالعبارة ماتمشي علي .. أوكي !!!!!!

[قناص]

يمدحون مستوصف بريده لطب الاسنان حيث انه يستقدم اطباء غربيين

[ابو عبادي 595]

انا افضل مستوصف بريده لطب الاسنان
المقابل لمستشفي الاطفال والاولاده
وافضل الدكتور سامي