غريب أمر العرس ؟!!!!!!؟

[هامة حاسوبية]

[align=center]

قهررر

إذا وجهت نظرك نابعة من تجربتك

دام أنها انتهت بالفراق فهذا يعني أنها لم تكن مناسبة إطلاقا

أي أنه لم يكن هناك أي توافق بينكما

ابحث عمن تناسبك من جميع النواحي وسيكون بالتأكيد حظك مختلفا

أما بالنسبة لزواج المسيار فهل تعتقد أنه يحقق الإستقرار الذي ينشده الرجل والمرأة غالبا ؟!

بالتأكيد لا ، فالفتاة ترضى أن تعيش مع زوج متوسط الحال على أن تتزوج مسيارا !!

فعلى الأقل تكون ضمنت زوجا يلازمها ، وبيتا يجمعهما ، وأبا يعيش أبناؤها في ظله

أما المسيار فلا ، وربما تكون له بعض الحالات ولكنها بالتأكيد شاذة

المرأة تريد (زوجــاً) ، لا تريد (رجلا) ينام معها آخر الأسبوع ..!!

[/align]

[قهورررري]

ممكن تذكرين لي الاستقرار اللي في بالك .. أنا أسمع كثير عن هذا الاستقرار وكلن يقول ما في جعبته
والمشكله كلها في اختلاف .. عطيني وصف كامل لهذا الاستقرار ..؟؟

[عاشق ديرتي بريده]

اقتباس:  المشاركة الأصلية كتبت بواسطة قهورررري     ممكن تذكرين لي الاستقرار اللي في بالك .. أنا أسمع كثير عن هذا الاستقرار وكلن يقول ما في جعبته والمشكله كلها في اختلاف .. عطيني وصف كامل لهذا الاستقرار ..؟؟

خذ انواع الاستقرار ياقهوري
اول شي انك كل ماجيت للبيت قالت ترا مابه زيت والا لبن
واذا جيت جوعان تقول اصبرتوه الغداء ماخلص
والا جاي للبيت ودك تقعد وتنبسط تطلع عليك بقولة قوه ودنا لاهلي
والا اذا رحت للاستراحه وزانت الجلسه دقت عليك وقالت تعال خذنا اهلي نامو !!
والا اذا شافتك مبسوط ذاك اليوم وتضحك معها رفعت ضغط وطلبت طلب يمكن قيمته 8000 ريال تحسبك قاعد على كنز !

ذولي لازم كل متزوج يذوقها !!


بس شف الناحيه الثانيه (الزينه)
الزوجه السنعه مهب مثل السعلوه ذيك
اذا جيت تتبسم بوجهك وتقول الله يعطيك العافيه يابو فلان
وانت جالس بالاستراحه تدري انه فيه وحده تنتظرك وتتمنى انك ترجع
والا اذا جيت من الدوام تعبان تصير مولمه لك ملابس جديده وفاتحه البزبوز لين يروح الماء الحار اللي بالمواصير وتدخل وتاخذ شاور وانت مبسوط
<<<<<متعقد من الماء الحار بالصيف
والا اذا حسيت بمرض لاسمح الله تحصلها بس قاعد فوق راسك وكل شوي تكزها وتطير ماتقول لا مهوب مثل ولد المنصور كل ماكزيته قالي دك هنا رح انت !!!
واذا شفت الدش ذيك الليله وشفت انواع الزينات ماتبلش بنفسك عندك شي حلال محله الله
ياخي يكفي من الزوجه انها تخليك ابو عيال وتهتم فيهم
وشف حالت الازواج وقت الاربعين يوم (النفاس) حالتهم يرثى له كنهم صايعين بلشين بارواحهم
وتدري متى تحس بقيمة الزواج اذا كان كل شلتك متزوجين اذا طلعو لحريمهم وانت مرتز بالاستراحه لحالك

كملو له تعبت انا
قهوري صحيح الزواج فيه اشياء تقهرك وتصير قهورري بس والله الزواج مريح للنفس
ايجابياته اكثر مليون مره من سلبياته

[قهورررري]

عاشق ابيك بكلمه راس .. تراه كلام يعور القلب .. عارف أنا إنك خراره ..
لي رجعه للموضوع .. بس خلني أخلص من الضحك حقت السلبيات اللي ذكرتها موب صاحي أنت ..
بجمع لك حروف أن تلم راسك من كثرها عشان ارد عليك

[عاشق ديرتي بريده]

اقتباس:  المشاركة الأصلية كتبت بواسطة قهورررري     عاشق ابيك بكلمه راس .. تراه كلام يعور القلب .. عارف أنا إنك خراره .. لي رجعه للموضوع .. بس خلني أخلص من الضحك حقت السلبيات اللي ذكرتها موب صاحي أنت .. بجمع لك حروف أن تلم راسك من كثرها عشان ارد عليك

واوك انتي تدري اشين شي بالعالم اذا قالي الواحد تعال ابيك وبعدين يهون ترا ينشطب راسي تعال قلي وشي كلمة الراس مااقدر اصبر

[قهورررري]

[align=center]

اقتباس:  المشاركة الأصلية كتبت بواسطة عاشق ديرتي بريده     واوك انتي تدري اشين شي بالعالم اذا قالي الواحد تعال ابيك وبعدين يهون ترا ينشطب راسي تعال قلي وشي كلمة الراس مااقدر اصبر

مو هونت .. بس هذا أسلوب التفخم والتضخم لك يا عاشق .. عشان ما تنسى ..
الإجابيات اللي ذكرتها .. أظن أن الزمن نساها بالوقت هذا .. ووين البنت اللي تسوي بك كذا ..
الحين يا عاشق لو تلاحظ أن 70% بالمية من الأزواج يشتكون من زوجاتهم .. هذا غير اللي كاتم بقلبه ولا يحب أن الواحد يطلع على أسراره ..
المسؤوليه صعبه بهذا الوقت وخبرك عارف .. البنت تبي زوجه ينفذ كل طلباته .. وتبغاه يكون دوم جنبه وتحت خدمته وخدمة أهلها .. وهذا اللي نا قص
أنا مو ضد الزواج لا .. بس الواحد منا يتروى ولا يستعجل .. تونا أحنا أعمارنا بالعشرينات .. إذا صرنا هه ب((35)) وجاي بدينا نفكر بالزواج من جديد ..
يكون الواحد منا ملل وطفش من حياتة العزوبيه .. ويدخل بحياة جديدة .. ويغير من الروتين الأول ..
أما الآن صدقني أنا مو مستعد أتحمل مسؤوليه أحد غيري .. لأن الزواج مسؤوليه عظمى .. وأنا موب قد الشيء هذا ..
أحب أنام وأنا مرتاح وأصحى وأنا مرتاح .. ما يكون أحد مثل الذباب يون كل شوي بأذني .. الراحه زينه .. والخف رحمه .. والهون أبرك ما يكون ..
ولاني محتاج أحد يخدمني باللي ذكرت بالإجابيات .. لأني الحمد نشيط وصحتي عال العال .. ولاني محتاجها بالوقت هذا تفج كشرته لي بالدخول والخروج .. يكفي كشرتي أنا مفتوحه أربع وعشرين ساعه .. وبس

دمت يا قلبي [/align]

[هامة حاسوبية]

[align=center]

هههههههههههههههههه

عاشق ماكملت

وبقول بعد لقهر ، خل نظرك أبعد من كذا

لا تشوف اللحظة الحالية وأنت بشبابك وصحتك ومع ربعك

شف لما يكون عمرك فوق الخمسين ، ستين ، سبعين

تشوف الرجال بين عيالهم وبناتهم وأحفادهم

مالين عليهم البيت وماغير عند راسه سم وش تبي ؟؟

وأنت لحالك بين أربع جدران

عيال خوانك وخواتك مب فاظين لك ، بيهتمون بيشبانهم وعساهم


أظن هالسبب كافي

وعموما إذا ماتبي تعرس لا تعرس عشان ماتظلم بنت الناس معك

[/align]

[ابوخالد382]

كلامك ياهامه أصاب كبد الحقيقة....فقد عرضت جريدة الرياض معاناة المواطن خميس والذي تكاسل عن الزواج وبدأ بالتسويف حتى بلغ الخمسين ,جميع إخوانه متزوجين ولديهم أطفال..ومن ضمن حديثه يقول أنني إرتكبت جريمة في حق نفسي بعدم زواجي ,فأنا أعيش الآن في هذه العشة المتواضعة وعندي ثلاث قطط هم عائلتي فالجميع تخلى عني,والكل مع عائلته,أنا أحب الأطفال وأحيانا أزور إخوتي من أجل أن أحتضن أطفالهم. أنا أعيش في ظروف نفسية لايعلم بها إلى الله ,صدقوني أتمنى الموت عن هذه الحياة ,,أكره الليل عندما يهجع ..

[عاشق ديرتي بريده]

اقتباس:  المشاركة الأصلية كتبت بواسطة ابوخالد382     كلامك ياهامه أصاب كبد الحقيقة....فقد عرضت جريدة الرياض معاناة المواطن خميس والذي تكاسل عن الزواج وبدأ بالتسويف حتى بلغ الخمسين ,جميع إخوانه متزوجين ولديهم أطفال..ومن ضمن حديثه يقول أنني إرتكبت جريمة في حق نفسي بعدم زواجي ,فأنا أعيش الآن في هذه العشة المتواضعة وعندي ثلاث قطط هم عائلتي فالجميع تخلى عني,والكل مع عائلته,أنا أحب الأطفال وأحيانا أزور إخوتي من أجل أن أحتضن أطفالهم. أنا أعيش في ظروف نفسية لايعلم بها إلى الله ,صدقوني أتمنى الموت عن هذه الحياة ,,أكره الليل عندما يهجع ..

شف ياقهوررري اعرس ترا تصير خميس وتجمع بساسه عندك !

[قهورررري]

[align=center]

اقتباس:  المشاركة الأصلية كتبت بواسطة عاشق ديرتي بريده     شف ياقهوررري اعرس ترا تصير خميس وتجمع بساسه عندك !

تقوله صادق أنت ..
الحين والله يانا عندي بالمزرعه كلب تقل فيل من كبره
وعندي بساسه كثر التراب مربيهن من زمان لو تشوف واحد منهن أن تحبه من أول نظره ..
عندي ثلاثه يختلفن عن غيرهن كل يوم أوديهن لمكان .. تصدق أن أوزعهن بعض المرات .. أخليهن ينامن عن خواتي وأخواني ببيوتهم .. أعيال أخواني وخواتي يشغولنن بهن .. أغدين أدخل الجنه مير بسببهن
وأن جيت للحق هالبساسه جلسة عندهن تسوى الدنيا وما به أهم من جلسه الحرمه هي وعياله وغثاه اللي ما تنتهي [/align]

[فتاة المستقبل]

اقتباس:  المشاركة الأصلية كتبت بواسطة ابوخالد382     كلامك ياهامه أصاب كبد الحقيقة....فقد عرضت جريدة الرياض معاناة المواطن خميس والذي تكاسل عن الزواج وبدأ بالتسويف حتى بلغ الخمسين ,جميع إخوانه متزوجين ولديهم أطفال..ومن ضمن حديثه يقول أنني إرتكبت جريمة في حق نفسي بعدم زواجي ,فأنا أعيش الآن في هذه العشة المتواضعة وعندي ثلاث قطط هم عائلتي فالجميع تخلى عني,والكل مع عائلته,أنا أحب الأطفال وأحيانا أزور إخوتي من أجل أن أحتضن أطفالهم. أنا أعيش في ظروف نفسية لايعلم بها إلى الله ,صدقوني أتمنى الموت عن هذه الحياة ,,أكره الليل عندما يهجع ..

الله ماشرع الزواج الا لحكمة يعلمها , ومافي شئ بالدنيا بدون كد وتعب ومشاكل
هذي حال الدنيا , من صبر لقى الاجر من رب العالمين .

[قهورررري]

[align=center]

اقتباس:  المشاركة الأصلية كتبت بواسطة هامة حاسوبية     [align=center] هههههههههههههههههه عاشق ماكملت وبقول بعد لقهر ، خل نظرك أبعد من كذا لا تشوف اللحظة الحالية وأنت بشبابك وصحتك ومع ربعك شف لما يكون عمرك فوق الخمسين ، ستين ، سبعين تشوف الرجال بين عيالهم وبناتهم وأحفادهم مالين عليهم البيت وماغير عند راسه سم وش تبي ؟؟ وأنت لحالك بين أربع جدران عيال خوانك وخواتك مب فاظين لك ، بيهتمون بيشبانهم وعساهم أظن هالسبب كافي وعموما إذا ماتبي تعرس لا تعرس عشان ماتظلم بنت الناس معك [/align]

لا والله بعرس بس موب الحين .. بس الإستعجال ظلم لنفسي ولبنت الناس ..
أما أني أرفض سالفت الزواج من حياتي كلها هذا أظنه مستحيل .. وغير كذا ظلم لنفسي مدى حياتي ..
والعيال مثل ما قلتي زينة الحياة الدنيا .. هذا إذا برو بأبوهم مو يطغون ويكونون عاله على أبوهم وأمهم ..
بس أنا كان قصدي أن الزواج بالعشرينات هذا مستحيل أؤيده بيوم من الأيام .. دامي مستقر ومرتاح بحياتي العزوبيه ليش أفتح باب مسكر وأدخل حياتي بأشياء ما أدري وش نتايجها بالمستقبل .. الزواج بهذا العمر شختك بختك يا يصيب يا يخيب ..
أحب أكون مثل ما أكون دام الله منعم علي بالصحه والعافيه والسعادة ... وبعيد كل البعد عن حاجه الغير .. الحمد لله , الله ميسر لعبده كل شيء في دنياه وأنا كل شيء مسير أمامي .. حتى أني قادر أتزوج متى ما أحتجت هذا الزواج ..
الحين يا هامه مشكله الزواج وأنت صغير يكون يا عن غريزه يتبعها هو محتاجها .. يا أنه من شان خاطر عادت وتقاليد مع الخيل يا شقراء .. مجرد ما يقولون الناس عنه فلان تزوج ..
أو يكون إلحاح من الاهل .. هذه المصيبه التي يقع فيها كثير من الناس ..
يتوقع بهذا الزواج أن راح يكون هو السجان وبالنهايه يكون هو السجين لزوجته .. أو يتوقع أنه يكون ملك ببيته وبالنهايه يكون هو المملوكه لدى زوجته ..
وفيه نسبه من المتزوجين يبحثون عن التوالد اللي هم الأطفال .. فا بكذا ما حط كل أساسه جميع الإجابيات التي محتاجها هو وكمان الزوجه .. لأنه بهالحاله على ما أظن أنه راح يفتح له باب من أبواب الأختلاف في الرأي [/align]

[....الأمير....]

نقااش حااد

ما عندي شي أضيفة

فأنا لست الى أحد الجانبين

[خلف المعطف]

موضوع فعلا مضحك وبنفس الوقت جاد

اخي قهر احبه اذا كنت في اول حياتك لم توفق في مشروع الزواج

فجرب بالاخرى ربما تصيب هذي المره

او انك لست قدر المسؤليه بتحمل اعباء البيت والزوجه و و و و الخ

فهذي اسباب ترجع لك انت شخصياًًًًً

وانت اعلم بنفسك

تحيتي لك كاتب الموضوع

فربما كتبت هذا لفراغ ممل تشعر به

وفقكما الباري

[ابوخالد382]

اقتباس:  المشاركة الأصلية كتبت بواسطة بنوته حلوه     تحيتي لك كاتب الموضوع فربما كتبت هذا لفراغ ممل تشعر به [/COLOR]

يعني ياعاشق أنت تعاني من فراغ ما,,,,,وشو هالفراغ اللي تعاني منه ياعاشق؟؟؟؟ واحد يحب الشر..