رحلت وعقبك الدنيا غلاها طاح من عيني

[جـلـيـ القمر ــس]

[align=center][table1="width:95%;"][cell="filter:;"][align=center]صَدِّق وإلا ما تِصَدِّق .. أنا عَاجِز عَن التفكير
تعَال وشُوف في عينِك غِيابك وش عَمَل فيني

حبيبي ما بُقى عِندي صَبر .. يتحَمَّـل التأخير
رَحَلت .. وعِقبك الدنيا غلاها طاح مِن عيني
أجَاوب اللِّي يسألني عَن أخبَاري وأقول بخير
وأنا لا خِير بغيابك .. ولا حَاجَه .. تهنيني !!

على طاريك كِل لحظه .. ولا أحتاج للتذكير
حَريص القلب ما ينسَى عيونِك , لا توصيني

مَحَد يِقدَر يعَوِّضنِي لأنِّك .. في عيُوني غير
ومَهمَا شِفت أنا الفرحَه .. بدونِك ما تسليني


وكيف الحَال وشلوني .. جَوابٍ ما يَبي تفسير
بدونِك إنت , ما تِضحَك حَياتي وترمِش سنيني

مِثل شَاعِر عِجَز يوصَف شعُوره وخانه التعبير
أنا ضايع .. ولا أدري مِن فراقِك .. أنا ويني

مِثل طيرٍ كِسَر بُعدِك جَناحَه وما قِدَرت آطير
أحَاول أبتِسِم وأنسَى ولكن وش ينسيني..؟!

أشُوفِك في صباحي إنت مَعنَى يا صباح الخير
وأشُوفِك في مَسَائي حِلم وردي .. لا تصحيني

تِصَدِّق .. السَهَر يَرسِم عيُوني ويتقِن التصوير
ويشِق النُور في صفحة حياتي .. وما ألاقيني

أنام شلون ومشكلتي عِجَزت ألقى لَهَا تدبير
طِلَبت النُوم .. لحظاته وعيَّى النُوم يعطيني

تِغيَّر وجهَي .. مِن أوَّل غيابك وإبتِدَى التأثير
حبيبي .. مِنْ التَّعَب كافي خذيت اللِّي يكفيني

يا أغلى مِن رَحَل عنِّي يا كِل الحُب والتقدير
تعَال: إن كان لِي عِندِك مَعَزَّه وكان تغليني

تعَال: إن كِنت تعشقني وإذا فِعلاً تبي لي خير
تعَال: ومِد لِي .. كَف الوَصِل .. وآمِد .. كَفيني

إذا كان الجِفا واجِب بدى مِن قلبي التقصير
أبيك الحِين تِرجَع لِي .. ولا تِرجَع تخليني

أنا ما أقول اللِّي صَار فِيني ما هقيته يصير
لأنِّي كِنت .. ( مِتأكِده ) .. بأنَّ البُعد ينهيني


مع حبي وحترااااااااااااااااامي[/align][/cell][/table1][/align]

[ابو هليل]

جـلـيـ القمر ــس


في البداية ترحيب كبير بانضمامك معنا في المنتدى ولنا الشرف بتواجد امثالك

وألف ألف شكر لك ولذائقتك التي أتحفتنا بهذه الأبيات الراقية


تحيتي وتقديري

[منســـــمه]

[align=center]مشــــــــــــــــــــــكوور اخوي كلمآآآتكــ جنآآن مشاءالله ..

تسلم آناملك ,,ربي يعطيكـ العآآفيه [/align]

[طبيبة القلوب]

[align=center]

اقتباس: حبيبي ما بُقى عِندي صَبر .. يتحَمَّـل التأخير رَحَلت .. وعِقبك الدنيا غلاها طاح مِن عيني أجَاوب اللِّي يسألني عَن أخبَاري وأقول بخير وأنا لا خِير بغيابك .. ولا حَاجَه .. تهنيني !!

,الرآآئع,

,,جليس القمر,,

أهلا وسهلا بك,,هنآ

صح لسان الشاعر و اعتلى شان الناقل
:
مشاعرك الرقيقه تُعبق الأجواء

ترسم بريشتها لوحةً عصماء

تجمعت حروفك كسحب السماء

فأمطرتنا رقةً وعذوبة ونقاءً

لله درك ودر ذالك القلم الذهبي

وتلك الاحاسيس المذهله

كُنت ُهُنا وسوف اعود كثير لتلك الرائعه

دمت بكل هذا الشموخ وتلك الروعه

تحياتي لك[/align]