الشيخ المطلق يجيز محادثه المخطوبين هاتفيآ قبل عقد الزواج

[زمن الغرباء]

أحيانا الدعاة والعلماء يفتون بشئ
لكن الانسان مايرتاح له

اعتقد الانسان المفروض ان يراجع ضميره حتى لو سمع فتوى من عالم

موفقة العالمية..

[عالمي]

بارك الله بشيخنا ـــ وما قال معروف من زمن

ولم يحضر شىء جديد

والمكالمة تكون بشروط كما قال


بعد العقد لو تبين شىء وتطلقت الفتاة تصبح مطلقة

أم لو كان قبل ذلك كلن راح في حال سبيله دون أن يتضرر احد

[ولد الحسون]

اقتباس: والله من واحد واحد فرح بهالفتوى ههههههه ...

اكيد يبي يفرحون..
بس الشيخ يشترط علم الاهل.

[مخملية روح]

اقتباس:  المشاركة الأصلية كتبت بواسطة ولد الحسون     اكيد يبي يفرحون.. بس الشيخ يشترط علم الاهل.

ياابن الحلال معصيه وحده اهون من ثنتين .. أوب لازم يدرون الأهل اذا صار الخطيب موثوق

[العالميه]

اقتباس:  المشاركة الأصلية كتبت بواسطة ولد الحسون     ليش غريبه!! ممكن الشيخ الله يحفظه يجيب على سؤال هو مايقول كان محظور اول ! والان يجوز!! ليش يتم تأويل اي رأي او فتوى بأفترضات لا وجود لها!!

إلاكان حرااام أول وكثير مشايخ قالوا ....مافيه شيء قبل العقد
واليوم صار حلال....
حياك الله ولد الحسون

[العود الازرق]

راحت علينا بس اشوى باقي لي وحده
اغدين اصبر يمكن تطلع فتوى تحلل الزواج بدون عقد هع

[العالميه]

اقتباس:  المشاركة الأصلية كتبت بواسطة Miss Tala     ماادري بس الموضوع مافيه شي والغرض منه لامغازل ولاخرابيط .. لان بعد العقد يكون راح اللي راح ..وش فايدته بالعكس قبل افضل ..

طيب ليه مو من الأول قالوا مُباح...
وياستي قبل العقد أوبعده كله سوا تمثيل وتميلح..
ماتوضح الأمور إلابعد حين...

ياهلا بك تالا

[العالميه]

اقتباس:  المشاركة الأصلية كتبت بواسطة آبو عبدآلرحمن     فتن الله المستعان حتى اليوم فيه خلاف في الصلآة وش عاد الاتصال أو المحادثة قبل خطبة المرآة مآفيه دليل يثبت على جوازهـ مايسعد هذا الخبر أو الفتوى اليوم كلن يحذر من الفتن الله يكفينا شر الدنيا الله يحفظنا من الفتن

تتوقع أبو عبدالرحمن هالفتوى من الفتن؟؟؟الله يستر
موبعيده أجل يتراجع ...
حياك الله أخوي

[العالميه]

اقتباس:  المشاركة الأصلية كتبت بواسطة أمير الشباب     باقي تكه ويقولون ليس فيه مانع ان تطلعا سوا كل يوم ثلاث مرااااااات

أصبر شوي لاتستعجل
وبعدين ليش حددت ثلاث مرات باليوم ؟؟يكفي قلت يطلعون بس
علاج هو
حياك أمير الشباب

[رغــــيد]

.

اقتباس: إن كان ذلك لمصلحة العقد،

الفيصل ..!!! بين العنوآن والمضمون ..

شكرآ ,,

[العالميه]

اقتباس:  المشاركة الأصلية كتبت بواسطة ترفق بحآلي     الحلال بـــيـــّـن والحرام بـيــــّن ..>> يظل أجنبي يسمع صوتهااا > لست عالمــه .. وعندي من الذنوب مالله به عليم .. ولكن على مين نلعب ؟؟ سبحان اللــــــه ..

يابنت الحلال إذا على الإتصال الحين عاااادي
هذا إحنا نتكلم مع أصحاب المحلات وفي الأسواق
الله يتوب علينا....والمشايخ
لكن ليش بعد هالسنوات يقولون يجوز !!!!!

حياك الله أختي

[العالميه]

اقتباس:  المشاركة الأصلية كتبت بواسطة مـ ــ ط ــ ـر     [align=center][tabletext="width:70%;"][cell="filter:;"][align=right]’ ’ لا أدري كيف بعض الناس لايفهمون الفتوى جيدا الشيخ لم يقل يجوز وسكت.. بل وضح وبين أنه إذا كان بحضور أحد من الاهل وبعلمهم أو إذا كانت المكالمة بألفاظ محترمة وخالية من التغزل.. وهذا نعرفه من زمان....ولايحتاج هذا الأمر حتى لفتوى.. {وَلاَ جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاء أَوْ أَكْنَنتُمْ فِي أَنفُسِكُمْ عَلِمَ اللّهُ أَنَّكُمْ سَتَذْكُرُونَهُنَّ وَلَـكِن لاَّ تُوَاعِدُوهُنَّ سِرّاً إِلاَّ أَن تَقُولُواْ قَوْلاً مَّعْرُوفاً وَلاَ تَعْزِمُواْ عُقْدَةَ النِّكَاحِ حَتَّىَ يَبْلُغَ الْكِتَابُ أَجَلَهُ وَاعْلَمُواْ أَنَّ اللّهَ يَعْلَمُ مَا فِي أَنفُسِكُمْ فَاحْذَرُوهُ وَاعْلَمُواْ أَنَّ اللّهَ غَفُورٌ حَلِيمٌ} (البقرة:235) ينقصنا كثيرا التفقه ليس فقط في أمور الدين...حتى في أمور حياتنا العامة شكرا لك أختي الفاضلة [/align][/cell][/tabletext][/align]

حياك الله أختي الفاضله
لاينقصنا أختي الفهم في الفتوى لكن ينقص مشايخنا الإجتماع على كلمه واحده
ورأي واحد وإصدار فتوى موحده من قبلهم وبتوقيعهم
كل يوم وشيخ مصدر لنا فتوى جديده ....لدرجه أننا إحترنا ماندري هل هي حلال أو حرام
من أعياد الميلاد والأغاني والإختلاط!!!
طيب أجاز الشيخ بشروط مثل ماتكرمتي وهو (حضور الأهل)
خلينا واقعيين الأهل راح يحضرون مره ومرتين بعدين يملوا
والأهل مالهم شغل إلا مكالمات بنتهم ؟؟؟؟حتى هم راح ينحرجون ويتركونها

المهم الشيخ أجاز وخلاص[/b][/u]