نزفـــــ.. منفصلـــ ..وعزف متصلــــ..هنــا..

[نـــزف اصيـــل]

صدر محترق عشبه ،، وعين ترخص الدمعه
وقلبٍ بالمسا مجروح ،، سهر ماولع الشمعه
لاتسأل عن الخافي
وابد لاتسأل احساسي
ترى هاليوم ،، انا بالذات
...مجروح من ساسي
لـ .ـراسي

[نـــزف اصيـــل]

مشاعر ..وأقــلام وورقــ..
والعين يمــ...ــلاها الأرٍق
والبـ..ـوح في هذا البحـ..ـر
مركــ..ـب يناديــ..ــه
الغرقـــــ,,,ـ

[نـــزف اصيـــل]

وحشة شعور ...

غربة ..

وليلٍ بارد ٍمظلم ..

وانا لحافي قلبك الطيب فقدته ..

صوتك ..الأعذب فديته ..

كان ياخذني بعيد ..

كان ياخذني سحاب ..

وكان يشربني مطر ..

وينها ساعة لقانا ..هاجرت ..؟؟

انا فيني هالشعور ..وساعة الدمعه مضت

دخيلك الليله ..اهيم ..

والبارحه عفت القلم ..

ملّيت اشوفك هالرصيف ..

وكل حجر منه ألم ..

انوار هالشارع ..طفت

مابقى غير القطط ..

تبحث بجدول حنانك ..

تسأل ..الشارع ..مرورك ..

تسأله ..موعد زهورك ..

او نفس ..منك يزوره ..

ياحنانك ..ياكوكب الطيبة ..كلامك

يابسمتك ..ياضحكة الدنيا ..ابتسامك ..

انت ..شي مستحيل ..

شي نحدد له صفات ..

اي صفات ..؟؟وأي كلام ..؟؟

شوف..ذبولك ..صبح

وجنة ياسمين ..

منهو ملك هذا الجمال ..

غير ..تفاحة ..وجودك

خذني على اغصانك..زهر

خذني بقفص حبك ..طليق

مليت انا سجن ..الوداع

مليت انا سجن الشوارع والشعور ..

احساسي طير لما اشوفك ..

عيونك هي لي الفضا ..

وجنحاني ...اللهفه ..كفوفك ..

احساسي غير ..لما اشوفك

رمشك المجرم ..حنون

والمبسم الباكي ..فرح ..
* * *
اشتعلنا ..بليلة غيابك ..شموع

وسهرنا ..

بزاوية شارع مرورك ..

وش كبر ..هذا أملنا ..

نبتسم ..ونقول بااكر ..

والشمع ..ذاب احرق يدينا ...

ونرجع نعيد ..يالله باكر ..

بسمته ...تهطل علينا ..

المباني ..والشوارع ..والقطط

كلهم معنا ..سهارى ..

نبحث بجدول حنانك ...

نسأله.موعد ..وصولك ...؟؟

نسأله موعد زهورك ...


* * *

[نـــزف اصيـــل]

في ظل اندفاعي بالعواطف//
وفي ظل الضغوط الجانبيه
بحثت ولالقيت اية تحالف//
مابين الحظ والنفس الشقيه
ركبت البحر وامواجه تخالف//
وجهات الشعور الموسميه
وانا ماني بهذا الموضع خايف//
لاني مااغرق ونفسي قويه
ولو ضعت وخطفني موج خاطف//
مصيري للحدود الساحليه
ااحيان امشي والقى الدرب زائف//
واحيان الضياع اكبر هديه
وانا جيتك مثل ماانته بشايف //
وسبة جيتي لك منطقيه
لأنك مؤمن بربك وعارف //
بأن الحب ماهو فيه يديه
وانا ماجيت لك تبدي التّعاطف//
عشان تقول لي اصبر شويه
ترى هالعمر يمشي وانت واقف//
تسمع هرج ذيك وذا وذيه
ابي نبني من اوراح التكاتف//
قصور الحب في ارض نديه
على ضلوعي وقف الفين عازف//
على قلبي يزفّونك هديــه
تشرفت بغلاك وجيت جارف //
عناصر دمي ودموعي سويه
وصار الجسم كله في تآلف //
وصارت كلمته ياللـــه حيه
كثير البوح لكن ريقي ناشف //
ولااقدر غير ابادلك التحيه
سجنت بداخلي عصفور خائف //
يجي مايلقى منّك قابليه .

[نـــزف اصيـــل]

من الاوراق التي جرى عليها الزمن وجفت الا انني تذكرتها وغسلتها بالدمع...


بعيش جرحك واهتني فيه وارتاح
واشرب من اعماقه نهاية قراحه
ولاشفت برقك في سما ناظري لاح
فرشت لك ورد الحنين وجراحه
الوقت يقتلني وانا فيني جراح
وطير حظي مانطلق في سراحه
ياهيه وينك والمحاني لها صياح
صيحة غريق مادرو في صياحه
لاالبحر داري به ولاهو بسباح
وطير الامل شافه كسير جناحه
مد النظر واثر البحر كله اشباح
تضحك على شوف الغريق ونياحه
لاصرت في هذا الزمن كيف ابرتاح
والناس تاخذ بالقلوب استراحه
ماشفت غيرك اهتني فيه ياصاح
واشوف فيه الصدق وايضا كفاحه
يموت ماخانت غصونه ولاانزاح
نبته عن جذور الوفا والسماحه
اهديتني وردك وانا فيك جراح
واهديتني قلبك وقلبي استباحه
مافاح عطرك بالكدر منك مافاح
مثل المسا جوّك هدوء وراحه
عزالله اني فيك ظالم وذباح
قاتل ورودك والهوا وانشراحه
هذا كلامي مقتنع فيه وضاح
في وضع مايسمح بغير الصراحه
بعد الغياب اللي ترك حزن يجتاح
صدري وضاقت بالضلوع المساحه
غايب وتاركني مثل مركب راح
واقفى اتصاله عن خطوط الملاحه
ضايع وشوفة عينك اليوم مرتاح
في ظل جرحك مرتوي من قراحه

[نـــزف اصيـــل]

هنا أعود ..لوطني ..

غربتي خارج الوطن ..كانت تجربة ورغم عدم نهايتها ..الا انه بعد مرور سنة من بدايتها ..

تعلمت منها الكثير ..داخلي مجموعة من السنين ..من الخبره ..لاسيما ومدرسة الحياه هي اكبر

جامعه ..

سأنزف هنا ..من جديد ..

[نـــزف اصيـــل]

اناوشوقي نضرب الخمس بالخمس=على صباح ماانجلى به سرابك
كل مااتقدم ..وادفع النفس ..بالنفس ==رمضى تصير .ونحترق فيها نارك
لاالورد يتفتح ..ولاالطير يهمس == شفنا على باب الرجى بانتظارك ..

[نـــزف اصيـــل]

حيرة تذبح والمسافه قصيره// بيني وبينك كم حاجز وحاجز
مدري اسير بهالدروب العسيره// والااني ابقى زي ماكنت عاجز
جمرة وتغلي بالمحاني سعيره// سكك املها امتلت بالجنايز
دون الأماني حالت المستديره// والحب مايكفي لكسر الحواجز
لانه الواقع .. طبيعة مسيره// تصنع قيود وتكسر الفين حافز
(العين تبصر لكن ايدي قصيره)// ماكل جايز صاير اليوم جايز)
والا الغلا داخل عروقي عبيره// استنشقه وازْفرْه واشربه فايز
انتي الحلا انتي الجمال ومديره//اللي ميادينه عطتك الجوائز
وانا ضحية عشق وانتي اميره،،بيني وبينك كم حاجز وحاجز

[نـــزف اصيـــل]

ضيقة صدر والليل مامرَه النور //وين النجوم اللي يقولون بــ تمرّ
بآخر الشارع لقيت الف طابور // يشكون هالدنيا لواقعهم المرّ
على رمال الشرّ ماتنبت زهور //وانازرعت الخير في كوكب الشرّ