بدون زعل .. نقد للمواضيع المكتوبة في منتدى بريدة

[خالد الحربي]

اقتباس:  المشاركة الأصلية كتبت بواسطة المتزن     أثرك تولف علينا يا اقلاع !!!!!! تقول انك مسوي لوبي مع الرمادي يوم كان اسمك توني بلير , وهو يقول انه ما يعرف هاك الاسم ولا سبق وقرأ مشاركة لك ؟؟؟؟!!!!!!!! وش هالحتسي اللي تسنه هرج ؟؟!! ==== أما بخصوص اقتراح إغلاق قسم السوالف والطرائف , فأنا معه قلباً وقالباً وسبق اني حاولت أشرشح هالقسم لكن ما خلون أكمل . وتقبل تحياتي 00 المتزن

شفني رديت عليه ..

يمكن أنه كان ناسي وذكرته

بس أغلب الظن أنه يبي يهرب من اللي صار ..

وقلت وذكرت أن الرمادي كان من حزب إقلاع مو توني بلير

تحياتي لك يا طيب

[عبدالله الحلوه]

اخي العزيز اقلاع


منتدى بريدة يهدف في المقام الأول ان يكون صوره عن بريدة بعيداً عن المثاليات وبعيداً عن التلميع الممجوج

يجب ان يكون منتدى بريدة يمثل بريدة كماهي ويرسم صورتها التي نريد ان تكون عليها مستقبلاً


نعم يجب السعي إلى رقي الطرح لكن لايجب انكار وجود السيئ منه فهو حقيقه لامناص من الأعتراف فيها والأعتراف بوجودها يمثل بداية مرحلة العلاج


وقسم الطرائف يمثل رغبه وتوجه فئه كبيره من اعضاء المنتدى والذين يمثلون بطبيعة الحال فئه من اهل بريدة ولا ارى بأن العلاج يكون ببترهم من هذا المنتدى بل بمحاولة الرقي بطرحهم ومعالجة سلبيات تواجدهم من خلال تطوير القسم

اقتباس: بعض المواضيع كانت بدعم منك .. انا أطرح عليك الفكرة وأنت توافق عليها .. وبعدين أستغرب أنك أنت أول شخص يعترض عليها قدام المشرفين .. ويوقفني بسببها

هناك فرق كبير بين التأييد والدعم وبين اعطاءك الحق بطرح موضوع لايحمل مخالفه لقوانين المنتدى

لم اعترض ابدا على موضوع لدي القناعه بصحته وان كان هناك اعتراض فقد يكون حدث بسبب تحول الموضوع لاحقاً جراء ردودك الخارجه عن صلب الموضوع وهذا حدث كثيراً في مواضيعك فإذا كان صاحب الموضوع لايرغب بالحفاظ على موضوعه فكيف نحافظ عليه نحن

واستغرب قولك بأني اول شخص يعترض عليها امام المشرفين !!!

جانبت الحقيقه في ذلك اما ايقافك فلا اعتقد انه تم جراء موضوع بعينه او موقف واحد وانما حدث بسبب تراكمات كثيرة وتنبيهات متعدده لم يبقَ بعدها امامنا خيار آخر سوى الأيقاف

اقتباس: تذكر موضوعي يوم أحط صور للمشرفين ومن ضمنهم انت ؟ والسكب قال لك بعطي الصور لإقلاع ويحطها ويعلق عليها .. ووافقت ورحبت في الفكرة .. حتى أنت شفت الموضوع بعد ما حطيته .. وتركته ولا حذفته ..وأخذ فترة نص يوم .. وحذف .. وبعد أحتجاج المشرفين وزعلهم .. أنكرت أنك وافقت على الموضوع

مجانبه اخرى للصواب !!

لم ارحب بالفكره وانما اوضحت رأيي فيها ولازلت اقول بأني لاارى مانعاً من طرح ذلك الموضوع (خصوصاً والسكب قال بأنه قد اخذ الأذن منهم بطرحه ) واعتراضهم على طرح صورهم كان سبب حذف الموضوع بواسطة احد المشرفين
لا اذكر هل شاهدت الموضوع ام لا فالموضوع على مااذكر طرح في وقت متأخر ولم يبقى الا ساعات قليله وتم حذفه قبل الصباح لكن ماانا متأكد منه اني لن احذفه لو رأيته إلا لسبب مقنع
كما اني لم انكر موافقتي عليه المبنيه على اخذ السكب لموافقتهم على الطرح ولا اريد اطالة الحديث عن الخلاف حول ذلك الموضوع





تقبل تحياتي ,,,,

[خالد الحربي]

هلا عبدالله الحلوة ..

(( أن عدتم عدنا .. وزدنا أكثر ))

ما كنت ناوي أن الموضوع يطلع عن مساره .. وحتما لازم أبين نقاط على شان أوضح موقفي .. مثل ما وضحت موقفك :

نبدأ بسم الله ..

(( جالس أسخن ))

اقتباس: منتدى بريدة يهدف في المقام الأول ان يكون صوره عن بريدة بعيداً عن المثاليات وبعيداً عن التلميع الممجوج يجب ان يكون منتدى بريدة يمثل بريدة كماهي ويرسم صورتها التي نريد ان تكون عليها مستقبلاً

كلام سليم ومنطقي جداً .. وهذا هو الهدف المنشود

طيب ليه تلومني إذا كنت انا أسعى لتميزكم .. وطرح وجهة نظري ؟!!!

اقتباس: وقسم الطرائف يمثل رغبه وتوجه فئه كبيره من اعضاء المنتدى والذين يمثلون بطبيعة الحال فئه من اهل بريدة ولا ارى بأن العلاج يكون ببترهم من هذا المنتدى بل بمحاولة الرقي بطرحهم ومعالجة سلبيات تواجدهم من خلال تطوير القسم

هم نسبة كبيرة مثل ما قلت (( مسكتها عليك ))

الرقي بطرحهم ؟! كيف وشلون ؟!
لي الحين تقريبا أربع سنوات .. (( والحال هو الحال )) .. نفس العناوين .. نفس المواضيع .. نفس الردود
وأقدر أقولك وش ردود الأعضاء بدون ما أدخل الموضوع .. لأن كلها محفوظة ومعروفة .. وكلها إلا (( النزر اليسير لها هدف )) ..
بعدين هالنوعية من الأعضاء (( مع أحترامي الكبير لهم )) .. تعودوا على مثل هالمواضيع (( الفارغة )) .. ولا عندهم قدره (( خلاقة )) على الإبداع أو تميز بطرح أو فكر ..
مشاركات سريعة خفيفة .. والأهم وشلون يكثر مشاركاته .. وأغلبهم يحط 300 رد بساعتين .. ما تكلفه لا مجهود قرآءة ولا رد له هدف .. مشاركته يحطها ويكتبها (( بربع دقيقة )) وكلها على نفس النسق ..

أرجع الحين لكلمتك نسبة كبيرة
(( يعني أفهم من كلامك .. هدفك هو زيادة مواضيع وردود تنحط في أسفل المنتدى .. لزيادة عدد بدون مضمون ؟! ))

أرجع وأقولك يا (( حبيب قلب قلب قلب إقلاع ))
فيه أمراض ينفع معها العلاج .. (( مثلي يعني )) .. وفيه أمراض ما ينفع معها إلا البتر ..

انا مو ضد وجود قسم لطرائف والألغاز .. بس ضد وجود مثل هالنوعية من المواضيع والردود والأعضاء .. مالها فايدة ..
فلـــــو كانت المواضيع تستحق ما تكلمت
وعلى قولتهم (( الشر يعم )) .. أكيد جتكم المطالبات بحذف هالقسم

اقتباس: هناك فرق كبير بين التأييد والدعم وبين اعطاءك الحق بطرح موضوع لايحمل مخالفه لقوانين المنتدى لم اعترض ابدا على موضوع لدي القناعه بصحته وان كان هناك اعتراض فقد يكون حدث بسبب تحول الموضوع لاحقاً جراء ردودك الخارجه عن صلب الموضوع وهذا حدث كثيراً في مواضيعك فإذا كان صاحب الموضوع لايرغب بالحفاظ على موضوعه فكيف نحافظ عليه نحن واستغرب قولك بأني اول شخص يعترض عليها امام المشرفين !!!

صح كلامك أن أغلب مواضيعي وردودي كلها (( من الخوارج )) .. بس تذكر .. أن الخروج كان من البداية .. يعني من الموضوع كله خارج عن (( قوانيين .. أو رغبات بعض المشرفين والمشرفات )) .. والأعتراض يكون على الموضوع نفسه مو على الردود

اقتباس: مجانبه اخرى للصواب !! لم ارحب بالفكره وانما اوضحت رأيي فيها ولازلت اقول بأني لاارى مانعاً من طرح ذلك الموضوع (خصوصاً والسكب قال بأنه قد اخذ الأذن منهم بطرحه ) واعتراضهم على طرح صورهم كان سبب حذف الموضوع بواسطة احد المشرفين لا اذكر هل شاهدت الموضوع ام لا فالموضوع على مااذكر طرح في وقت متأخر ولم يبقى الا ساعات قليله وتم حذفه قبل الصباح لكن ماانا متأكد منه اني لن احذفه لو رأيته إلا لسبب مقنع كما اني لم انكر موافقتي عليه المبنيه على اخذ السكب لموافقتهم على الطرح ولا اريد اطالة الحديث عن الخلاف حول ذلك الموضوع

بشهادة السكب ..

(( وهذا اللي صار )) ..

السكب كان في أجتماع مع مشرفين منتدى بريدة في أستراحة .. طبعا صورهم .. بعد ما طلع من عندهم أتصل علي (( قالي : إقلاع جبت لك موضوع يحبه قلبك عن المشرفين ، عندي صورهم في الإجتماع ..
طبعا انا ما صدقت على الله وأخذتهم منه .. بعد ما قالي انا قلت لرمادي عن نشر الصور ووافق ..
جيتك يا عبدالله في المسنجر وقلت لك .. انا عندي صوركم وبنشرها مع تعليقات خاصة لي عليكم .. قلت انت بالحرف الواحد (( ماعندي مانع أنشرها )) .. حطيت الموضوع وصارت الضجة )) ..
هذا كل اللي صار ..
بعدين انا ليش أدعي شي عليك ؟!
الحمدلله مابيني وبينك أي شي يخليني أتبلى عليك
صديق عزيز .. وهذا أنت معي ما شفت منك إلا كل خير
لو كنت شايل عليك أو صار بيني وبينك موقف .. ممكن تعتبرها تبلي

أو ممكن تبي تخلي مسؤوليتك من كل اللي صار

انا ما حبيت أن هالشي يصير .. (( بس عشان المصداقية قدام الأعضاء ذكرت هالشي )) ..

عبدالله ياملا اللي مانيب قايل ..

هات راسك أبي أمطخك عليه ببراطمي

تحياتي لك يا غالي

[خالد الحربي]

عبدالله الحلوة ..

(( جيت برجليك .. أجل قدرت أستدرجك .. جاك الموت يا تارك الصلاة ))

(( وقسمن تمسح الرد .. أشكيك عند الرمادي .. ))



************************************************

اقتباس: رغم تواجدي في الفتره التي تواجد فيها توني بلير إلا اني لااذكره ولم يسبق لي قرأة احد مشاركاته في ذلك الوقت

صح ما تعرفني بذاك الوقت .. وانا أستدركت الأمر ..

اقتباس: عرفت اقلاع حتى الضياع من خلال موضوع بالقسم العام تضمن اقتراح لفتح البوم صور في المنتدى وذكر بأن لديه مخزون هائل من الصور سيطرحها في المنتدى ليستفيد منها الجميع وطلبت منه ان يقدم لنا مايشفع افتتاح البوم خاص بها ولكن .... الشرهه على اللي شاف منها شئ !!

صح انا أقترحت هالأمر .. وقلت إذا تبون تحطون صور أفتحوا قسم جديد لألبوم الصور .. وما أنكر أني قلت لك رايح أشارك فيه بكل الصور اللي عندي ..
بس أنتم رفضتم وقتها فتح قسم لصور .. (( وبعدين ما كملت عندكم بسبب الإيقاف عشان أقدر أنشر الصور ))
(( أحرجتك صح ))

اقتباس: فوجئت بعد ذلك بهجومه على المشرفين وبالتحذيرات التي وصلتني عن طريق عدد من المشرفين بأنه شخص ليس له هدف الا المشاكل ومحاولة لفت الأنتباه على حساب الغير عدت إلى مشاركاته بأسم توني بلير والغريب ان جميع مشاركاته كانت بقسم السوالف رغم انه هنا يقول : المشاركة الأصلية بواسطة اقلاع حـتى الضياع للادارة مع التحية ..(( شيلوا قسم النكت والطرائف .. إذا الهدف هو تميز منتدى بريدة )) ...

ما سبق أني كتبت بقسم الطرائف إلا موضوعين بس .. وكان لهم هدف أكيد .. وعلى فكرة هالموضوعين فكرتي انا مو منقول .. ماهوب مثل كل المواضيع اللي فيه كلها ملطوشة ومكررة .. وفارغة من أي مضمون
أما بقية المواضيع اللي موجودة لي في الطرائف نقلت من قبل المشرفين (( حاقدين علي بعيد عنكم ))

أيه صح تذكرت .. انا حطيت موضوع عن (( طرائف من شعر العرب )) ... وأعتقد أن هالموضوع له قيمته ..

اقتباس: طلبت من المشرفين ان يتركوا موضوعه لي وراهنت على قدرتي بتغييره الى الأفضل لكن خسرت الرهان بجداره فكان الأيقاف مصيره بعد ان تورطت بمعرفته شخصياً

من ناحية تورطت صح أنت تورطت .. وأحرجتك معي .. بسسسسسس (( بقية البسسسس في آخر الرد ))

اقتباس: كل مااستطيع قوله بأنه شخص يقول مالايفعل !! وشخص يريد لنفسه مالايريده لغيره او بالأصح يرضى لغيره مالايرضاه لنفسه ففي الوقت الذي اشغلنا فيه في منتدى بريدة كان يدير احد المنتديات ويكتب فيه باسمه الصريح وبكل اتزان وعقلانيه والأغرب من ذلك انه كان يطالبني دوماً بإتخاذ خطوات هو لم يفعلها هناك !! التبرير الدائم لذلك : ( هذا منتدى بريدة ) حتى في منتدى بريدة يناقض نفسه بنفسه !!

ما فهمت قصدك من عبارة (( كل مااستطيع قوله بأنه شخص يقول مالايفعل !! ))

إذا كان قصدك على مطالبتي بإلغاء قسم الطرائف من منتدى بريدة .. بغض النظر عن المنتدى تبعي .. أكيد فيه فرق .
وأنت قلتها في عبارة (( هذا منتدى بريدة )) ..
إذا كنت تعتقد فيه مقارنه بينه وبين أي منتدى ثاني .. هذا هو قمة الفشل و (( دفن الرأس بالرمل )) ..
بكل بساطة اجاوبك ..
(( منتدى بريدة هو الصورة لمدينة بريدة .. واجهه له .. وبما أنه المنتدى الرسمي .. أكيد لازم تكون نوعية الأقسام والمواضيع اللي فيه تكون ذات مضمون له قيمته .. بعيد كل البعد عن مواضيع تافهة مالها أي قيمة تذكر .. ))
لازم يكون هالمنتدى له تميزه عن بقية المنتديات الثانية .. اللي مالها هدف إلا جمع أكبر عدد من المواضيع والمشاركات ولا يهمها المضمون ولا المحتوى ..

وبما أنك تقول أني أكتب بأسمي الصريح في منتداي .. وبكل أتزان وعقلانية .. أكيد لازم أكتب فيه بأسمي الصريح وبمواضيع ذات طابع جدي .. بعيد عن اللهجة العامية . لأني انا المسؤول عنه .. قدام الأعضاء أكيد ..
وطبعا أشارك بكثير من المنتديات الثانية بأسلوب مختلف وأغلبها بنفس أسلوبي في منتدى بريدة ..
واعتقد أن اللهجة العامية محببة أكثر من النحوي والفصيح .. أسلوب مبسط مافيه أي تعقيد ..
ونقطة ثانية ومهمة جدا .. كل منتدى يخاطب عده شرائح بعده دول ..
ما أجي مثلاُ في منتدى فيه اعضاء وزوار من عده دول عربية واكتب لهم مواضيع عامية .. لأنه يتخطى النطاق المحلي ..
عكس منتدى بريدة مثلاً .. تقريباً كل الأعضاء سعوديين وقله خليجيين ..

عرفت الفرق الحين

اقتباس: انطلق من قسم السوالف ليأتي الآن مطالباً بإلغائه يطرح هذا الموضوع ويستهلك ثلثي صفحته بالسوالف ثم يستغرب من تهميش الآخرين لمضمونه !!

قسم الطرائف جاوبتك عليه مافيه داعي لتكرار

لكل شخص أسلوبه وطريقته بطرح الموضوع .. مثلاً انا يوم ذكرت هالشي كله على شان أدخل للموضوع الرئيسي ..
أنت تسميها سوالف مالها (( داعي )) .. وانا أرد عليك أن هالموضوع كتبته على شان (( أعترف أني كنت على جانب كبير من خطأ كنت أسويه ..وبعد على شان أعتذر من اللي صارت لهم مواقف (( بايخة معي )) .. وبعد كيف تعرفت على منتدى بريدة .. مافيها شي .. وأعتقد أن الموضوع متصل في بعضه البعض ..كتبت موضوع ثانوي عشان أصل للموضوع الرئيسي .. هذا كل مقصدي )) ..

اقتباس: ايه صح نسيت اتكلم عن فكرة موضوعك بس تدري خلها وقت ثاني ويمكن بموضوع ثاني لعضو ثاني

أحسنت على الرد الأخير ..



أجي الحين لتورطك معي على قولتك ..
بعض المواضيع كانت بدعم منك .. انا أطرح عليك الفكرة وأنت توافق عليها ..
وبعدين أستغرب أنك أنت أول شخص يعترض عليها قدام المشرفين .. ويوقفني بسببها


(( وش تسمي هذا .. تناقض !! ))


(( تهقون أني زودت العيار حبتين ))

عبدالله الحلوة .. تحية لك .. ولردك ..
وأعتز بمعرفتك ...

[خالد الحربي]

عبدالله .. نسيت أقول شي مهم ..

تذكر موضوعي يوم أحط صور للمشرفين ومن ضمنهم انت ؟

والسكب قال لك بعطي الصور لإقلاع ويحطها ويعلق عليها .. ووافقت ورحبت في الفكرة ..
حتى أنت شفت الموضوع بعد ما حطيته .. وتركته ولا حذفته ..وأخذ فترة نص يوم .. وحذف ..
وبعد أحتجاج المشرفين وزعلهم .. أنكرت أنك وافقت على الموضوع

لتذكير ليس إلا

[نقد التعليم]

[align=center]

احبااااااااااااااااط

كتبت رد وش طوله وهنق الجهاز وراااااااح

قسم الطرائف يبي له قعدة مفصلة وطويلة ..
ولاعندي استعداد اعيد اللي كتبته << تحطمت

المهم خذ هالصورة ( لقيتها وانا احوس بالنت ) وعدّ كم بلكة بها ؟؟؟؟
وكل ماخلصت العدّ ابدأ من جديد الين افضي أرد ( لو عقب العيد )
وحط ببالك إنه كل مازاد عدد مرات العدّ كل ماامتلكت جدران واجد وصرت من كبار تجار الشخابيط

براااااااسي كلام وااااااااااااااااجد بس الوقت مايساعد .

[/align]

[جوكم]

خخخخخخخخخخخخ مكتوب اقلاع حتى الضياع وتحته خخخخخخ ابو جروح يعني رجليه كله دمامين خخخخخ