الــمجــلس الإجتـمــاعـي /// لـ النقاش والحـوار الهادف !!

[Queen of buraydh]

لمبه خلني اقولك تجربتي ..

قبل تقريباً 4 سنوات نويت اجدد غرفتي كلّها .. وقررت اتجرأ واطلع عن الوردي والسماوي والبيج وقلت لأهلي أبغى اسوي الدهان أحمـــر اهلي رفضو بس انا نشبت في حلوقهم .. لحد ما وافقو بدون اقتناع وللحين اتذكر كلام امي لمّا قالت : الله يفشلك احمر ؟؟؟ اذا تزوجتي ندهنها من جديد .. قلت بكيفكم

وسويت اللي براسي ودهنتها احمر وعتقتها بليموني .. وبعد ما خلصت وشافتها امي تغيّر رايها وقالت ياحلو الغرفه تغيرت .. واذا تبي اصور لك جزئيه من الجدار ماعندي مانع ..

بيج ابيض من جد لازم نتجرأ ونطلع شوي عن الالوان التقليديه الممله ..

بس لازم تسوي توازن بين الالوان هذا اهم شي .. يعني اذا سويت الحائط غامق تسوي توازن مع بلون فاتح للارضيه والسقف .. او العكس ..

ادري الكلام موجه لشمس بس تخصص فنيّه لا تلوموني فرحت بالسالفه خخخ

خلني اعطيك نموذج من الالوان اللي تتناسق مع بعض :

الفوشيا مع التفاحي << لغرف الاطفال ( البنوتات )

الأحمر مع الليموني << تنفع غرفة الجلوس للحريم

الليموني مع العودي << ينفع قسم الرجال

الاورنج الزيتي ..

الليلكي مع الليموني << ينفع غرف نوم

بس اهم شي تكون الألوان صافيه يعني مافيها شهابه


اعتذر طوّلتها ما انعطى وجه تراني بهالمجال .. ابروح اشوف لغز اليوم اكيد نزل ..

[فاطمة الوليعي]

أخي لمبة .. أنصحك بشدة الابتعاد .. عن الألوان الغامقة ..
فهي ليست لبيئتنا .. ولاّ لنفسياتنا ..

ممكن غرفة النوم الرئيسية .. يكون لونها برتقالي غامق .. بشرط أن تكون مساحتها تسمح بذلك ..

بالنسبة .. للألوان الرئيسية في الاستقبال .. فمن تجربة ..
أفتح درجات الأصفر .. رائع جدا ..
يعطي انشراح .. للمكان .. ولا يمل ..

وكذلك أي قطعة تضعها فيه تبرز .. حتى لو كانت تحفه صغيره ..

ويظهر جمال هذا اللون .. إذا كان قطع الأثاث .. " البني الداكن .. " أفخم درجة من البني .. "
" أقصد الخشب اللي يكون في قطع الأثاث والكنب .. وليس لون القماش "



وبالمناسبة .. تراي راعية فزعة .. إذا تحب تشوف درجة لون الأصفر .. ممكن تسير علينا .. أنت وأم العيال .. وتشوف اللون بنفسها .. " لأني أدري أن القرار الأول والأخير لها ..



والله يوفقكم يارب
ويجعله مسكنا عامرا بالطاعة ,,

[إشراق]

هلا كوين ياليت تنزلين صور لغرفتك

باخذ فكره لاني الحين بحاول اسوي تجديدات بغرف النوم

صحيح البيت آجار

بس وش اسوي مابي احرم نفسي

العمر بيخلص وحنا ماشفنا ولاراح نشوف البيت الملك

بهني عمري لو بآجار

[امرؤ القيس]

انا داخل منتدى ولا شركة مقاولات او وش السالفة


غرفتي وغرفتك وين حنا فيه خخخخ


يصلح الاخ لمبة هو اللي مسوي موفنبيك على غفلة !

[فاطمة الوليعي]

اقتباس: المشاركة الأصلية كتبت بواسطة الفنانه والمبدعه السلام عليكم ودي اقول شي بس اخاف تفهموني غلط من باب الاحترام انكم تحترمون اراء الاعضاء واسألتهم وتردون عليهم زيهم زي غيرهم لا فرق بين عربي و اعجمي الابتقوى ولاكن للاسف انا لم اجد هذا الاحترام بالمنتدى وشكرا لكم

مرحبا بك .. أختي الكريمة .. الفنانة والمبدعة ..
تعليل أخي لمبة .. صحيح ..

فطبيعة هذا المتصفح .. تختلف عن غيره ..
ولذلك لم تعتادي عليه ..

صدقيني ليس تجاهلا للمداخلات .. أو الاشخاص ..
ولكنه تداخل الموضوعات ..

وكل عضو يرد على هذا .. وآخر يرد على ذاك ..
فتزيد الصفحات وتتباعد المشاركات >>> اتمنى انك فهمتيني حبيبتي

ولا يصير خاطرك إلا طيب ..

المهم انه ليس شيئا مما في ذهنك هنا


تقبلي تحيتي وترحيبي .. يا مبدعة

[بنت البدائع]

أنفع شي للبيت يكون البيج الفاتح على قولتك أخوي لمبة.

لأن الألوان الغامقه زي ماتفضلتوا تنفع للأقامه المحدده ..

بيتنا العزيز فيلا جديده واللون المعتق بيج مع حليبي فاتح

وصراحه جناااااان مطلع شكل رايق ...

[the_moon]

أنا الحقيقة يالمبة أنصحك بالآتي ومن واقع خبرة طبعاً
لا تتعدى اللون الإرتكوازي الفاتح مع تعتيق بإرتكوازي غامق يعني يميل للبيج شوي
صدقني إختك غلطانه هذا الكلام قديم هالحين تقدر تحط ثيل وتصير بيئتك خضرا مخضره
وبالنسبة للأرضيات أنصحك بالبرتقالي الداكن مع تعتيقه صفراء فاقع لونها سبحان الله تعطيك راحة بالنفس ماتتصورها
وزي ماقلت لك ركز على الجدران إنها تصير عشبية مع تعتيق أو خطوط أو تحديد برتقالي أو بنفسجي روح وبتدعي لي أم العيال
وبالنسبة لأثاث روح لإيكيا أمس زرته بصراحه متكتك لأنه شوف هي المسألة توزيع يعني مثلاً
غرفة الجلوس كنبة كلاسيكية لوحة كلاسيكية طاولة هادية أباجورة بزر نايم وهكذا بيطلع الأثاث مره حلو زي إيكيا
أنا كل يوم أروح إيكيا مره حلوه وراااااااااااااااايقه
الله يوفقك لمبه وتخلص بيتك وتسكن فيها وتخلف أولاد وبنات

[مــنــال]

ماشفت مشاركة فاطمة التي ماقبل الأخيرة إلا دوبي

و لو شايفتها ماكان قلت إللي قلته سوى تذكير أخي لمبة بورق الحائط .

حياك الله فاطمة .

[Queen of buraydh]

بنت بريده ابشري بس تعالي عندي بالمسن اوريك اللون

[@ ابتسام @]

السلام عليكم

اقتباس: المشاركة الأصلية كتبت بواسطة الفنانه والمبدعه السلام عليكم ودي اقول شي بس اخاف تفهموني غلط من باب الاحترام انكم تحترمون اراء الاعضاء واسألتهم وتردون عليهم زيهم زي غيرهم لا فرق بين عربي و اعجمي الابتقوى ولاكن للاسف انا لم اجد هذا الاحترام بالمنتدى وشكرا لكم

يا بنت الحلال لا تشرهين كل اللي يترددون هنا ما رين بنفس حالتك > ولو تعرف تعزي


***********

بالنسبة للالوان المعروف ان الغوامق تعطي فخامة وتكون في اماكن الضيوف والفواتح لباقي البيت لانها مبهجة ويمشي معها كل انواع الاثاث

[فاطمة الوليعي]

مرحبا منول

اقتباس: بصراحة كلكم كوم و عرض أستاذتنا فاطمة كوم ثاني ، تقول تعال مع أهلك شووفوا بيتي و أنتم لسه بتنزلون صور ؟؟

وش فيها !!!!!

لا يصير فيها شيء وأنا على نياتي !!!!!


.. لأني والله .. أشعر بمعاناتهم .. لما كنا نعمر .. وبالذات في هذه المرحلة ..
والتي تعد أخطر مرحلة ..

واللي لو ما ضبطت ... راح تعب كل .. السنين ملح " سنين العمار "


,,,,,,,,

مرحبا شموس ..
عندي ملاحظة يسيرة ..

اقتباس: اما المجالس الرسميه يفضل بها اللون البيج مع اسقف من اللون الاغمق

من الناحية العلمية .. <<< حلوة العلمية .. " مالقيت مرادف لها "

أن لون السقف لابد أن يكون أفتح من لون الحائط ..

حتى لا يعطي .. ضيق للمساحة .. وأيضا الآن .. ديكور الجبس يأخذ حيز من الأرتفاع ..
فتخيلي .. لو كان اللون أغمق .. !!!

سيأخذ حيز أكبر ... ويعطي شعور بالضيق ,,

اقتباس: أنا الحقيقة يالمبة أنصحك بالآتي ومن واقع خبرة طبعاً لا تتعدى اللون الإرتكوازي الفاتح مع تعتيق بإرتكوازي غامق يعني يميل للبيج شوي صدقني إختك غلطانه هذا الكلام قديم هالحين تقدر تحط ثيل وتصير بيئتك خضرا مخضره وبالنسبة للأرضيات أنصحك بالبرتقالي الداكن مع تعتيقه صفراء فاقع لونها سبحان الله تعطيك راحة بالنفس ماتتصورها وزي ماقلت لك ركز على الجدران إنها تصير عشبية مع تعتيق أو خطوط أو تحديد برتقالي أو بنفسجي روح وبتدعي لي أم العيال وبالنسبة لأثاث روح لإيكيا أمس زرته بصراحه متكتك لأنه شوف هي المسألة توزيع يعني مثلاً غرفة الجلوس كنبة كلاسيكية لوحة كلاسيكية طاولة هادية أباجورة بزر نايم وهكذا بيطلع الأثاث مره حلو زي إيكيا أنا كل يوم أروح إيكيا مره حلوه وراااااااااااااااايقه الله يوفقك لمبه وتخلص بيتك وتسكن فيها وتخلف أولاد وبنات

ليه تتريق علينا يا مون ..
أكيد انك ما مريت بالتجربة ..

تشوف بكرا .. إذا جيت تسألنا هنا .. بلش .. ما راح نعطيك خبراتنا

اقتباس: ماشفت مشاركة فاطمة التي ماقبل الأخيرة إلا دوبي و لو شايفتها ماكان قلت إللي قلته سوى تذكير أخي لمبة بورق الحائط . حياك الله فاطمة .

وحياك أكثر يا منال ,,

لكن ليه تقولي كذاااا

بالعكس مشاركتك ثرية .. ومفيدة ..


باستثناء .. استخدام اللون الأحمر ..

لأنه لون " طاقتة خارجية " <<< أنواع الفلسفه

لذلك استخدامنا له .. يجب أن يكون وقتي .. وينحصر في تحفه أو ما شابه ذلك ..

لتعكس وتظهر بقية الألوان .." المتدرجة "

وهو أيضا لون محفز .. ولذلك أغلب مطاعم الوجبات السريعة ..
على مستوى العالم .. تستخدمه
وتدخله .. كلون رئيسي في الديكور ..

وذلك لإثارة وتحفيز شهية الأكل .. وبالتالي الشعور بالجوع ,,


وسلامتكم ..

يا زين الحوار .. لما يكون في مجال الاهتمام

[the_moon]

[align=center]

اقتباس:  المشاركة الأصلية كتبت بواسطة فاطمة الوليعي     ليه تتريق علينا يا مون .. أكيد انك ما مريت بالتجربة .. تشوف بكرا .. إذا جيت تسألنا هنا .. بلش .. ما راح نعطيك خبراتنا

مرحباً فاطمة
المعذرة منو قالك إني قاعد أتتريق
بالعكس أنا أحب أتناقش وأتحاور وأتداخل بمثل هذه المواضيع الثقافية[/align]

[الملتاعه]

لمبه نووورت المتصفح

من شهرين تقريبا ساكنه بيتي جديد تبغى صوووور



عشان يقول أمرؤ القيس وين حنا فيه في محل ديكوراااات

[فارس الميدان]

استاذ لمبة شارع

ياليت تخلي ميدوو ينورنا في بعض الصور من بيته

اذكر غرفة النوم حقته قريبه من ذي الي بالزاويه كاني مو واهم

بس الون بنفسجي كانها على خبري

وطريقة تصميم بيته روعه بالحيل ..

لمبة بالنسبة للدرج كيف وضعه عندك ؟ مايل او شكل دائري او مستقيم عادي او كيف بالضبط ؟

[شموع تحت المطر]

وأنا عندي صور بعـــــــــــد

كل الصيف وأنا اجمع صور من النت جهازي كله صور اثاث وبويات وألوان وأجهز بيت خيو

اللي يبي يطب ويتخيـــــــــــــــر...

تبون اخضر ولا أحمر عندي صور لهن فتنــــــــــــــــــــــة..

لمبة صح تذكرت شي ابقولة لك..>>شكلك بتصبخن بالفارة...
أنتم بتصلحون مطبخ جديد,,عندي لك محــــــــــل تحفة.. ماتلاقي مثل تفصيلة..
اممممم وش مادري..اذا بغيت شي اســــــــــأل...>>ابوك يالثـــــــــــقة..