الــمجــلس الإجتـمــاعـي /// لـ النقاش والحـوار الهادف !!

[الذاهبة]

إجبوه ..


روح خذ دورة في قسم الكمبيوطر ثم تعال نزل لنا المقاطع ..

ياربي كل شي بثمن !!

[مــنــال]

إلا على طاري البلوتوث

بسبب إستعمال البلوتوث بشكل مهين و غير جائز ، مـُـنعت زوجة من التواصل الإجتماعي

ومن " الأفراح " من قبل زوجها .. !!

شفتي كيف يالذاهبة .. !!

[:: ابعـاد ::]

[align=center]

اقتباس:  المشاركة الأصلية كتبت بواسطة Oo ManaL oO     إلا على طاري البلوتوث بسبب إستعمال البلوتوث بشكل مهين و غير جائز ، مـُـنعت زوجة من التواصل الإجتماعي ومن " الأفراح " من قبل زوجها .. !! شفتي كيف يالذاهبة .. !!

اعرف قريبهـ لي تعاني من نفس المشكلهـ

حتى كرهت شيء اسمهـ جوال كميرهـ وبلوتوث ... جوالها الفيصليهـ

مع العلم انها معلمهـ ولها مكانتها .. بس الكره شين .. وزوجها متشدد مع العلم انهـ غير متدين !!


.

.[/align]

[:: ابعـاد ::]

.

.

بصراحهـ تكرار الزيارهـ من قبل الخاطب حتى بعد الملكهـ امر غير مستساغ البتهـ

النظره الشرعيهـ وبس وممكن إذا بيطلبها مرة اخرى يعني يشوفها بحجة ماشفتها زين !

وبعده لا ...

وجهة نظر

.

.

[لمبة شارع]

اقتباس:  المشاركة الأصلية كتبت بواسطة :: ابعـاد ::     . . بصراحهـ تكرار الزيارهـ من قبل الخاطب حتى بعد الملكهـ امر غير مستساغ البتهـ النظره الشرعيهـ وبس وممكن إذا بيطلبها مرة اخرى يعني يشوفها بحجة ماشفتها زين ! وبعده لا ... وجهة نظر . .

مشاهدات شخصية ...

شوفي ابعاد ...

اخت زوجتي تزوجت في عطلة عيد الفطر اللي راح....زوجها شافها ايام الخطبة...
وبعد الملكة جاء عدة مرات...!! واختلى بها في المقلط لبضع دقائق... وكان رجل مهذب وولد ناس ومتربي...

وكل سواليفه معاها كانت نصائح حول المحافظة والبعد عن السفور واطلعها على توجهاته في ادراة الاسرة..وعدم رغبته في اقتناء دش..!! ورفضه للملابس المبتذلة ..وقال لها هذا تصوري للمستقبل..اذا في نفسك شيء ترى يمديك..!!

ليش يا ابعاد غير مستساغ !! ؟؟

برري هذه الـ عدم استساغة؟؟

[قصمنجيه]

قد يكون عدم المستساغ كون صاحبك اعتبره نادر .... _ وعذرًا على الخطمة _ يا أخ لمبة
معليش .. فـ لدينا رجال ليس فقط العزاب منهم , اصبحت اهتماماتهم سطحية , حتى بالفترة
ما قبل الزواج هناك الكثير من يستغلها لأمور سطحية .

أنا لا أرفض الملكة و ما دخل بحكمها , بل هي حلال زلال لكي لا أتهم بالتخلف .
و لكن ليست واحدة و لا اثنتين و لا ثلاث .. هن كثر كثر صدقني من المحيط لا ينصحن
الفتيات بالملكة رغم أنهن ملكن هن !! ترى لماذا ...؟؟؟
هل هن تزوجن ازواج من شواذ القاعدة ...؟؟؟

.

.


أأيد أبعاد فيما ذهبت إليه
ربما الفتاة و بحكم التكوين هي الأشد حرصًا و قلقًا على المستقبل لذلك هي تتوجس .
و لاحظ هي قالت لا ( استسيغ ) ..و عدم الأستساغة هي ما كانن يحدثنا بها من سبقنا بالتجربة.


.

[الذاهبة]

من شان شو ؟


عشان خايف أحد يصورها ؟


تصدقين أنا أقول لاهلي شوفوا ترى إن شفتوا صورة لي منتشرة ترى قسم بالله مالي ذنب

الدنيا توحش ..

بس صرت أحرص ما أطلع من البيت إلا بميك أب و ترتيب

تعرفين فشلة تطلع صورة شينة بعد !!

[لمبة شارع]

ماني جايبه..!! محد هنا كفو ارص لي في مركزتحميل وامسك سرا....<<<<<اخلاق نت!!

[الذاهبة]

أعوذ بالله ..

أنادي العمارة عليك ؟

[لمبة شارع]

لا اعتراض قصمنجية..وكنت اتحدث عن انطباع تكون نتيجة حالة واحدة عايشتها...

وشكرا لك جدا على توضيح سبب عدم استساغة الاخت ابعاد فمن الواضح انكما تتحدثان نتيجة معايشة اكثر شمولا واطلاعا وهذا ماهبتم اليه...

اذكر انه لم يمر بي ذلك شخصيا ولم افكر فيه (المجالسة بعد الملكة) اصلا كنت ناوي وخالص ولاعندي منغصات من قبيل مانسمع به

لكني اشعر بأزمة الجيل وشجونه واتعاطف معه وأسعى الى الدفع في ذلك الاتجاه...

قالت لي زوجتي مرة وهي تبدي تذمرا :

كل شوي يجي هالرجل يشوف اختي !!

قلت لها : وش فيها؟؟ هذي اهم خطوة في العمر ..ليه تستكثرون عليه الجية وهو متملك !!

قالت يعني ماترى باس ؟؟

قلت: إلا الباس في الاعتذار له وهو راغب !! والولد طيب واهله تعبين عليه لا تعقدون المسائل

[مــنــال]

مساء الفل ياقصمنجية

هي وجهة نظر منك و من الغالية أبعاد ، بس ممكن أعرف ليش ماتحبون كثرة الزيارة .. ؟؟

لأنه أنا أشوف الفترة هذي مره حلوة و ماتتخيلي قد إيه تعنيلي الفترة هذي برغم إني ماعشتها بس أحب أستمتع

في كل دقيقة و ثانية فيها <<< لا تحطمونها

غير أنه أصبح زوجك بمجرد أنه ملك عليك ، ليش تمنعيه من الزيارة .. ؟؟

أنا ماأبغى أفرض نظرتي عليكم بس حابه أستفسر ، يمكن في إجاباتكم أجد ماهو مهم و ضروري التنبه له .

و شكرا ً .

[قصمنجيه]

يا هلا و الله بمنال

يا حبي لقلبتس بعد , لا تتحطمين و لا شيء . لكن أنتم يا أهل الحجاز مأثرة فيكم مياه البحر
و مليّنة مشاعركم ..لكن أنا و لأخت أبعاد وش ترجين من عروق الطرفية و رمثه
.

.

لكن من ناحية عدم الأستساغة فـلعلي أعلق عليها من الناحية العاطفية فالفترة هذه عادة ما تكون
(حالمة) يعني مثل ما قلتي " يسمع الكلام" و ((ما تضيف شيء)) إذا جئنا نتحدث
عن الأضافة بمعناها الحقيقــي .. صدقيني قد يكون المتحمسين لها متحمسين من نواح عاطفية ....
يعني و دهم مغازل بدون جموس هيئة

[قصمنجيه]

هلا أبعـاد ..

( الحيـاء خير )

.

[شمس الرياض]

مرحبا بالجميع

بصراحة >>>انا بمنتهى السعادة تواجد جميع الاقلام الهادفة واصحاب الابداع بالمنتدى معنا

و اقلام احترمها كثيرا تواجدت في مجلسنا


بالنسبة لموضوع الزيارات المتكررة بعد الملكة انا ضدها

والله بصراحة الوحده موفاضيه تستقبل كل شوي انا وراي تجهيز واحيان اكون في وضع نفسي غير مهياْ للاستقبال

وكل شوي زياره تو ماتش مالها داعي

ممكن يكون هناك زيارات متكرره في حالت انهم يجهزون ويخرجون مع بعض واكثيرا من العائلات لاتوافق على الطلعات يكفي زيارة في البيت

عموما المكالمة كفايه والزيارة مرة او مرتين بالكثير

[مــنــال]

إيوه قصمنجيه أنا شفت تعقيبك على الأخ / لمبة ، بس برضوا ماأشوفه عذر ، ماعليه تحمليني

يعني ليش مايكون فيه حل وسط ، تخليه يزورها و يكلمها و تكون حريصة بعض الشيء .. ؟؟

بالذات أنه في الفترة هذي يكون بطل و يسمع الكلام و مررره مهذب خخخ

و عذرا ً .