عذبــــــــة *** .. [ بعض الشعور يموت مامـره البــــوح ] .. ***

[عذبـــــة]

[align=center]مدونات تعجبني :

مدونة حور سعود : اسميها مدونة عادل امام
سوالف وفلة حجاج .. عفوية وطيبه وخفيفة دم .. بس لو ماتكثر الأيمان المغلظة [/align]

[عذبـــــة]

[align=center]مدونة ابو ريما الخالدي : مدونة غزيرة بالمعلومات .. خفيفة متنوعة في متناول جميع الاعمار وجميع الثقافات والجنسيات وخاصة انه يجيد اكثر من لهجة وخاصة المصرية ( الطعمية )
الجميل في المدونة انه يدعمها بالصور حتى لو لم تكون الصور شخصية من تصويره .. لكنها غالبا تناسب المواضيع المطروحة هناك .
واصل ياسفير الذوق والإحترام .[/align]

[عذبـــــة]

يلا انبسطوا ثبت الآن رؤية الهلال قصدي ثبت الآن تأجيل الدراسة
من قدكم ياطلاب انواع التبطح ثلاث ايام زيادة مع الخميس والجمعه
الله يطول بعمرك ياملكنا ويقومك بالسلامة

[عذبـــــة]

[align=center]

اقتباس: ياااابعـد هالدنيا انتي < بس خلاص تراه جت جميع الله يسلمك ويرفع من قدرك ..! المدونه وصاحبته وأهله وعمومته وخواله يتشرفون بطلتس < ماتمدح هالشهباء ياويلي هههههه أجل عادل امام ..! الله يسلمك عذووبة والله تحرجونن تسذا الله لا يعـيدكم ولا ساعتكم < ماقلنا لا تمدحونه يخليك ربي ابد كل مااخذتي .. اشحطي مثل هالشحطه ..! ترى تكسبين أجر لإنك تدخلين الفرح والسرور على قلب مسلم < وأنا بي أجر < والله مالظاهر خخ متشكره كتير عذوبه

حــور
ههههههههههههههه الشرهه على اللي يمدحك
والله اني ضحكت لين قلت بس على الكلمة الملونة بالأحمر
ياخيتي استحي .. وجاملي على الأقل .. انتي تشبهين عال امام بس فاصختن الحياء كلش
ان مدحتك مرتن ثانية فأنا مااعرف
اروي لنا قصة البايسن دامني شبعاااانة نوم ومروقة وبدون تسذب لو سمحتي هه[/align]

[عذبـــــة]

مدونات تعجبني :

مدونة مزاجيــة : فنانة في إخراج الصور .. احرص على دخول مدونتها لأنها تزخر بصور رائعة من تصويرها
عن نفسي اتمنى اتفنن بإخراج الصور مثلها تبارك الله .. لكن هذا كلله يبغى وقت ومزاج صافي وفضاوة .
واصلي يافنّانة .

[عذبـــــة]

[align=center]ياااااارب في هذا اليوم ارزقني بفرح تدمع منه عيناي
يااااارب عوضني واجعل هذا العام ينتهي وتنتهي معه كل الآلآم
ياااااااااااارب [/align]

[عذبـــــة]

[align=center]صباح الورد والجووري على الصايمين
واللي ماصامو ينطقون هناك لايقربون لنا حنا الصايمين << كل العالم عرفوا انها صايمة
انا مدري متى بعقل وبيتبدل نومي ويصير مثل خلق الله واتهنى بالإجازة قبل تجي الدراسة !!
من سبعة ونص مصحصحة وانا مانمت الا بعد الفجر ..
وين ام القتاتيل توسع صدري هنا
بس زين قومتي ماراحت عبث قريت قصة البايسن حقت حور هه والله من الفسق بهالبنت
انا ماجذبني بسالفتها الا الي يحك صلعة ولده بالكعبة !!
تتوقعين ياحور ان القماش الأسود اللي على الكعبة يطول الشعر ؟؟
لو انا مكانك مارجعت لين حاكة راسي بالكعبة .. ماحكوا راس ولدهم الا انهم لاقين نفع فيه هه
انا للأسف من بعد نصيحتك ماذقت البايسن احسه حق بزارين بس مايمنع اشتريه واصبه بكاس البيرة ابو رقبة طويلة واحط فيه كم مكعبة ثلجة واتخيل انه ذاك واذك واشربة واتطعم فيه << صومي يابنت
اللهم اني صائمة بس الزبدة اني بجربه الليلة اذا ربي عطاني عمر لأني بسهر واذا جاء ذبح العصافير الكبار بنام واخليهم << ذابحتها النعومة والأنوثة
لالا جد يلزمنا البايسن الليلة عشان اسهر وانام وقت الذبح ولا اصحى الين يخلصون من كل شي .
بس رجاء من جميع الأعضاء انهم يصورون خبتهم ويجون يوروني بالدور وبدون تزتيت على ماقالت حور .. صفو واحد واحد ورى حور اذا ورتنا حور صورهم يجي دوركم
بتهنى لو بالصور ..
وكل عام وانتم بخير مقدما .[/align]

[عذبـــــة]

هذا منتدانا ولا انا غلطانة بالنمرة !!!

[عذبـــــة]

السلام عليكم
وكل عام وانتووو بخير
صباح الخرفان الكئيبة الحزينة التي عطتكم عمرها ومصخرتو فيها وعلقتوها بين السماء والأرض وشقيتوو بطنها ولعبتو بحسبتها لعب
وحتى كبدتها اللي اعز ماعندها حمستوها وشوويتوها واكلتووها
العبرة فيني تجي وتروح مااتحملت صراخهن وانا بغرفتي اسمعهن يصارخن ويستنجدن بي بس عجزت انزل قلبي رهيييف
فيكم قسوة ماشافتها عيني يارجال
حتى بعض الحريم القتاليات مثل ام القتاتيل فيها بعض الإجرام .. امس تقول صبختني الشمس من كثر مااتردد على الخرفان اشوفهن واملى عيوني منهن وارجع
بس تقل انها حنت وعطفت عليهن بالليل رايحة تشتري لهن حلويات من العليان تسمح خواطرهن قبل الذبح ..
قهر ليتني شارية لهن شي افرحهن قبل يموتن ياحيي هن
راحن الله يرحمهن ويرحمنا ويقبلهن
عاد الحين شبعانة نوم وكلن دايخ يبي ينامون ويخلوني وانا بقشر بصل وابكي على اللي راحن
تعالوا وسعو صدري وسولفو علي في بروفايلي تراني باسطه هناك وحاطتن لكم حميسة وكبده
واللي مايبي حميسة وكبده يجي بحط له حلا وقهوة وورق عنب << عيد نعومات هه
نسيت اقولكم اني استقبل تهانيكم وعيدياتكم على الرسائل الخاصة والبروفايل ورقم الجوال اللي قلت لكم امس والإيميل اللي كاتبته لكم بالبروفايل
لاتبطون علي تراني جالسة اتقهوى عجلوا علي
وكل عام وخرفانكم اكثر
اعذب تحية

[عذبـــــة]

ام القتاتيل داخت من ذبح الخرفان ونامت ياحيي هي
تقول انها ذابحة ثلاثة واثنين سالختهن سلخ بس
عاد مدري عنها الحين شكلها نامت ياجعلها نومة العافية
مادري عن حور كم ذبحت من وحده
ماش هالبنات رجاليات مت وانا اعودهن على الأنوثة وماقدرت
لهن كم يوم يلبسن شماغ يقولون ارسم لنا نبي نتعود عليهن قبل العيد

[عذبـــــة]

صباح الخير
كل عام وانتم بخير حقت ثاني يوم عيد
ياناس مااحد شاف ام القتاتيل ؟
امس انا سامعة سليمان العيدي يعلن عن حالة فقدان لام القتاتيل بالقناة الاولى
مايدرون وينها فيه من بعد ذبح الخرفان
أحد يقول جايها ركلة قوية من الخروف الأخير مما أدى الى التصاقها بالشبك ويالله يالله فكوها
وأحد يقول انها مكثرة من اكل اللحم وجاها عسر بالهضم وبدت ماتشوف الشاشة لأن الدهن مغطي على عيونها وتركت المنتدى
وأحد يقول ان ماعندها نت لأن جيرانهم اللي تسرق منهم اتصال دايم انطلق خروفهم امس وتوطى في بطونهم وراحو بالهواء وجلست بلا نت
وأحد يقول ان حبيبها اللي مشغلتنا عنده بالمنتدى مسوي يتغلى وقالها يا أنا يالخروف بيوم العيد وقالت هي الخروووف .. وهي طبعا تبي تشوف غلاها عنده .. قالها خلي الخروف ينفعك وراح وخلاها واضطرت تغيب عن عيونه هالكم يوم
وأحد يقول انها من موتة الخرفان وهي مقابلة شبكهن ودمعتها على خدها وتفك وتاكل من حلويات العليان اللي جابتها للخرفان عشان تفرحهن قبل الذبح .. يمكن الللي فيها ردة فعل قوية على فراق هالخاروف
وأحد يقول انها تجي متخفية بالمنتدى تبي تشوف غلاها عندي
والله لو انتي فعلا تتغلين ياام القتاتيل انه مو احسن لك .. وتخليني اسأل عنك وماخليت قناة الا واعلنت فيها عنك .. الام بي سي وهم الام بي سي اعلانهم اليوم بعد العصر ..
كان عندك نية رجعة الحين ارجعي خليني ارجع فلوسي اللي عند الام بي سي ترى اعلانهم غالي علي
ماش قلبي يقول انك ماسكة عرموشة لحم وتقرين كلامي وتضحكين .. اي يالشينة تعرفين غلاك ولا كان ماضحكتي
رجاااء قومي غسلي ويكفي اكل لحم وتعالي عندي هناك

[عذبـــــة]

ذكرى عزيزة على قلبي

[عذبـــــة]

عودتُ لساني أن يترجم لعقلي قبل ان يترجم لقلبي

[عذبـــــة]

يامساااء الورد والفل والياسمين
يالله يامدرسين ويامدرسات قومو تجهزوا للدوامات تحسبونه بتله النوم والتبطح ؟؟
ترانا لنا ثلاث ايام مدااومين حنا
بس الحمد لله يوم السبت بيكون حلو الدوام فيه لأننا متعودين ثلاث ايام سردادي مردادي على الدوام
وانتم بقريحن يطير فيكم << من قلبها نومتهم ثلاث ايام متواصله وهي ترثع تداوم
حتى مافي مجال نغيب رصيد الإجازات كلله مخللص .. نجي وحنا مانشوف الجادة
ولو نبي نغيب غياباتنا فيها خصم الين مابقى بالراتب الا ثلاثتريل نتقاط فيها فطور جماعي ونرجع ايد من ورى وايد من قدام

[عذبـــــة]

اقتباس: استراحة - مشب - حطب ارطأ - حليب وزنجبيل - وفروة - وأعز الناس بجنبك - ولاب توب وانترنت - وواحد غالي يرسل لك بالبروفايل ((( شو بدك أكتر من هيك!! )))

ياطعم هالأمنية ياحي المنتزة
شكل البروفايل عامر عندك بالحبايب
<< تويدز بالبروفايل تشوف اذا عندها حبايب لو بالغلط هه