حالنا بالبر أمام الشهبان !!

[shahd2007]

8888
والنعم فيك وبخوالك وبعماانك ..
بس طبيعي يبي يتجمهرون عليكم ليش مستغربين ولا ناقدين عليهم ..ليه وين انتم عايشين ..!!
تبون تشغلون ميوزك ..وتركبون دبابات ..وتطلعون برا المخيم ولا احد يناظركم ولا يتجمهر عليكم ..
وعلى مااعتقد المنطقه ملياانه شباب

اقتباس: وبعدين على سالفة الجنزاات حسستوني ان اللي تلبسها مسويه جريمه اكييد اي أحد يطلع للبر لازم يلبس جنز (أجل تبونا نلبس قمصان ولا تنانير بالبر) أخخخ بس على التخلف اللي فييكم

لا البسي اللي تبين ..لكن تطلعين عند شباب وتلومينهم ع التجمهر
الله يلوم اللي يلومهم ..يبي يتفرجون مدام انكم عرضتوا نفسكم لهالشي

اقتباس: ومايسمح للمرأه تمارس أبسط حقوقها في (الوناسه )

تنبسط وتستانس بس بعيد عن عيون الناس كلنا نكشت ونخيم ونسوق بس بعيد محد يشوفنا ليش نعرض انفسنا للخطأ
موب تخلف اختي لكن غيره ع المحارم ..محد يرضى ان اخته ولا بنته ..يشوفه غيره

[قمر مطيحه غتر]

أختي شهد

حناا نقول لييه الشباب يعاكسون لييه مايخلون الناس بحاله

وبعدين لاتقعدون تبررون لهم وتقولون شي طبيعي راح يعاكسون لا مو شي طبيعي

تحسسوني انه شي غصب عنه او خارح إرادته انه يقعد يعاكس

اذا مايرضى هالشي على خواته لييه يرضاها على بناات النااس

حتى لو شافوا بنات وجنزات هذا مو مبرر لهم انهم يعاكسون بنات الناس ويضايقونهم

بس صدق اذا قالوا (عيب الرجال بجيبه )

والبنت مسكينه دايما هي السبب بكل شي

[قمر مطيحه غتر]

احب أبين شغله بعد

ان كل هذا اللي صاار كان بالييل مو بالنهاار

يعني الجنزات (على قولتكم ) والرقص كانت بالليل مو بالنهار

حتى الميوزك ماكانت عاليه


يعني مالكم حق تحطوون اللوم علينا أبدا

لا ومن زوود الوقاحه كانوا يحطون نور السياره علينا وحنا نظطر نقعد لين يملون ويروحون ومع ذلك مايخلون الواحد على راحته

وكان كل مره يجي واحد من عماني ويكلمهم بالحسنى (على اساس عندهم عقول )

بس لاحياة لمن تنادي زي البهم بالظبط

[نجداوي]

بطلب من صاحبه الموضوع

يغلق