حديقه قوافي خيمه الشعر

[طاري الشوق]

حنيت لك والوقت ما قدر الشوق
عيا يطيع الوقت اشتاق والقاك
كن اللقاء من جعبة الوقت مسروق
حتى الوعد عن لذة الشوف خباك
ياغايتي يامنبع الزين والذوق
قلي متى يجمعني الوقت وياك

بوحي

[كروومه]

‏اليوم قلـت أقفــل ملفآت الاحبــاب
‏وأفتح مع الايام صفحـه جديــده
‏
‏اللــي يغيِـب الله معه حيثما غــاب
‏ويسكن وريدي من سكنت في وريده

[رباب]

فــــي عـيــونــي فـــــرح وبـقـلـبــي شــجـــون
دايـــــــــم الـــعـــنـــوان غــــيـــــر الــمــحــتـــوى
لــــيـــــه غــــربـــــت الـــهـــواويــــه بــــــــــدون
ذنــــــــب يــوجـــيـــه الــمــظــاهــر والــــغــــوى
يــــــا هـــــــوى لله فـــــــي خــلــقـــه شـــــــؤون
اتــــــرك الـــلـــي عـــذربــــو بـــــــك يـــاهــــوى
أنـــــت تـضــمــر خـــيـــر مـــمـــا يــضــمــرون
فــــــي الـنــهــايــه كـــــــل مـــــــرء ومـــانــــوى

[كروومه]

‏الذاكرة شابت وتمسح ملفات
‏ شيٍ نبيه وشي منه إسترحنا
‏
‏لكنها ما تمسح إثنين بالذات
‏ اللي فرحنا معه واللي جرحنا
‏

[بررررق]

على غثا الدنيا ترى الصبر مطلوب
واجه عناء الدنيا بصبر وعزيمه

ياالله ترزقنـا مثـل .. صبـر آيووب
صبراً تواليه .. الفـرج و الغنيمه..!!

[طاري الشوق]

وتسألني عيون اهل الهوى منهو غريب الدار ؟
واقول لي سكن جو الشموخ وعزته داره
وسط قلبه كتم حس المشاعر والمشاعر نار
يعشق الصمت عن بوح الغلا لوتحرقه ناره
تغيب الشمس ويبان الشفق والليل ابو الأسرار
وتبدا للمسا قصة غريب الدار واسراره
من كتاب الهموم الي بصدره والضلوع اسوار
يسولفها على نجم السما لاطاحت اسواره
خويه بالخلا لحن القصيد وهاجس الأشعار
يسلي خاطره عن ضيقته لاردد اشعاره
هذاك الي لمكنونه جعل لون الظلام ستار
توشح به عن عيون العذول وحطه ستاره

بوحي

[بررررق]

أنا فدا اللي ما انتظر مني أعذار
وما لامني وأنا أستحق الملامه

ما غير ينشد عن علومي والأخبار
أخَّر عتابه لي وقدم سلامه

[رباب]

لاتحـسـب إن الـوقــت لاشـــان مـــازان
ولاتـحــســب إنـــــك بـتــعــدا نـصـيــبــك

الأرزاق مـكـتـوبــه ولـلــدهــر عـــــوان
والــلــي كـتـبــه الله عـلـيــك بـيـصـيـبـك

العمـر عسـر ويسـر وأفــراح وأحــزان
تــــرزق بـمـولــودك وتــدفـــن قـريــبــك

هـذي هـي الدنيـا لـهـا أشـكـال وألــوان
تـضـحـك لـــك وتـلـقــا بــهــا مـايـريـبـك

[بررررق]

هـذي هـي الدنيـا لـهـا أشـكـال وألــوان
تـضـحـك لـــك وتـلـقــا بــهــا مـايـريـبـك



ياسلام يارباب يسلم نقلك روووعه👍🏻👏🏻👏🏻👏🏻👏🏻

[طاري الشوق]

وين الصحيب الي لشوقي يسامر
الي هوى جوه يخاوي فؤادي
مغير انا وياه والليل ساهر
يطلع علينا النور ونقول عادي
بعطيه من زين المعاني نوادر
لكن يبيله جو بالحيل هادي
مشاعر فيها الدرر والجواهر
من حلوهاغنى بها كل شادي

بوحي

[أنغام]

‏ليت ماله في ذرى صدري مجال
وليت لاجا الليل ما يطري علي..

[طاري الشوق]

يجون افواج في درب الوحيد ويمتلي متني
واهز اكتاف جيتهم ويبقى لونهم ساده
عليهم من ملامح غربتي اشياء تشبهني
شتات وبعثرة احلام وليل فاقد وساده
تسلوا في طرف ليل الغريب وماسلى حزني
وخاطوا للفرح ثوب جديد ماتت اعياده

بوحي

[أنغام]

‏أببتسم لو يمتلي صدري طعون ،
وآغمّض عيوني وأداري غصّتي !
-
ما هي نهاية قصتي لو يرحلون ،
هذي نهاية دورهم ، في قصّتي

[طاري الشوق]

الحشرجة في الحب ماتعني الموت
تعني كلام في الهوى ضاع نصه
هرج تعلق بين الأنفاس له صوت
بوح تعثر بالحـــيا فــيه غـصه
صوت ينادي بالحشا وسط تابوت
تمكنت منه المشاعر ترصه
وده يبوح بداخله شي مكبوت
بس الخجل لخبط مفاهيم نصه
شاعرويكتب في هوى قطعة التوت
يمكن قصيد الشوق يلقى منصه

بوحي

[رباب]

ما شاء الله
شعر جزل وقوي
وتمثيل للمعنى
وكاننا نعيش معه

..