حديقه قوافي خيمه الشعر - الصفحة 105

أنغام · 11-08-17, 11:18 pm

‏ليت ماله في ذرى صدري مجال
وليت لاجا الليل ما يطري علي..

طاري الشوق · 12-08-17, 02:18 am

يجون افواج في درب الوحيد ويمتلي متني
واهز اكتاف جيتهم ويبقى لونهم ساده
عليهم من ملامح غربتي اشياء تشبهني
شتات وبعثرة احلام وليل فاقد وساده
تسلوا في طرف ليل الغريب وماسلى حزني
وخاطوا للفرح ثوب جديد ماتت اعياده

بوحي

أنغام · 13-08-17, 05:40 pm

‏أببتسم لو يمتلي صدري طعون ،
وآغمّض عيوني وأداري غصّتي !
-
ما هي نهاية قصتي لو يرحلون ،
هذي نهاية دورهم ، في قصّتي

طاري الشوق · 13-08-17, 07:27 pm

الحشرجة في الحب ماتعني الموت
تعني كلام في الهوى ضاع نصه
هرج تعلق بين الأنفاس له صوت
بوح تعثر بالحـــيا فــيه غـصه
صوت ينادي بالحشا وسط تابوت
تمكنت منه المشاعر ترصه
وده يبوح بداخله شي مكبوت
بس الخجل لخبط مفاهيم نصه
شاعرويكتب في هوى قطعة التوت
يمكن قصيد الشوق يلقى منصه

بوحي

e7sas · 13-08-17, 08:40 pm

اقتباس:

المشاركة الأصلية كتبت بواسطة طاري الشوق


	الحشرجة في الحب ماتعني الموت تعني كلام في الهوى ضاع نصه هرج تعلق بين الأنفاس له صوت بوح تعثر بالحـــيا فــيه غـصه صوت ينادي بالحشا وسط تابوت تمكنت منه المشاعر ترصه وده يبوح بداخله شي مكبوت بس الخجل لخبط مفاهيم نصه شاعرويكتب في هوى قطعة التوت يمكن قصيد الشوق يلقى منصه بوحي

.
.
.

👏👏👏

صح لسسانك آبيات جداا رائعه
بإنتظار جديدك 😻

.

رباب · 13-08-17, 08:13 pm

ما شاء الله
شعر جزل وقوي
وتمثيل للمعنى
وكاننا نعيش معه

..

طاري الشوق · 13-08-17, 08:36 pm

رباب
اشكرك على اعجابك واشادتك وكل التقدير على الذائقة الرفيعة وصح بدنك وصحت ابدان من يقرأ ويتواجد معنا تحياتي للجميع

e7sas · 13-08-17, 08:45 pm

‏*

وإن قالوا وش هي راحتك؟
بقول قربه، ثم صوته، ثم كله💙.

كروومه · 14-08-17, 03:50 am

‏يامرحبا بك كل ماحل طاريك
‏يالغايب اللي باخلٍ في وصالك !
‏
‏مافيه بين الخلق واحد يساويك
‏ذبحت قلبٍ صار ملكك لحالك

e7sas · 15-08-17, 11:23 am

‏
_

يالله عسى الي لي .. وتخفيه الايام
أخّير من الي قد مضى من حياتي
.
.

طاري الشوق · 16-08-17, 12:46 am

e7sas
اشكرك على اعجابك واشادتك وكل التقدير على الذائقة الرفيعة وصح بدنك وصحت ابدان من يقرأ ويتواجد معنا تحياتي للجميع

طاري الشوق · 16-08-17, 12:49 am

الزهرة الي زينت بالشوق بستان الغلا
عطرت روض المحاني من عطر تحنانها
سيـدة كل الـورود الي تغـار من الحـلا
واهـني القــلب يـوم انه غـدا بسـتانها
من عبـقها غـنت طيـورالمحـبة ياهــلا
رددت احـلى ترانيـم الغــلا لاعيــانها

بوحي