&& لك في مقامات الغلا دار و قصور و ما يسكن قصور الغلا غير غالي &&

[سلطانة الغيد]

وحده احبه واموووت عليه
له طلعات تفطس من الضحك
يوم الصور المسيئه للرسول صلى الله
عليه وسلم
قلنا بنقاطع الدنمارك
وهي طبعا من اول المقاطعين
\ وأول مشترياته من السوبرماركت
هي >>>>>>>>>>>>>> جبنة بوك
هههههههههههههههههههههههههههههه
لاعادت على هالمقاطعه

[سلطانة الغيد]

مشتاق لك والغـلا قـرب يضيعنـي ...
والخـاطر اللي صِبر مل وقضى صبـره ...



بعلمك شـيٍ وإفهـم دام تسمعنـي ...
من واقع التجربه والوقـت والخبـره .




لو الخلايق على حبـك تنازعنـي
يبطون مآحركوآ فينـي مغـز إبـره..

ماغيرك أحـد ٍقـوى قلبـي وولعنـي ...

وغـلاك عندي بوسط القلب ياكبـره ..

جيتك مشتـت فكـر ودي تجمعنـي ...

متضايق من البعـاد وشوف لـي دِبْـره

لو بتكلـم غزيـر الشـوق قاطعنـي ...

مكسور والخاطر المكسور وش جبره ...

يخونني الوقـت والغيبـه تصارعنـي ...

أكتب وحتى القلـم خان ونشف حِبره ....!

رجعتلك { والغلا والشـوق } رجعنـي ..

ياحيّ هالشوف و الضحكه و هالنبـره ...

غيرك من الناس لو حـاول يطالعنـي ...

أصد عنـه ولا أشوفـه ولا أعتبـره ..

إلا أنت يالشـاري اللي منت بايعنـي ....

نظرة عيونك صفا لـو ليلتـي غبـره ...

وإن كان ودك لدرب الحب تدفعني ..!

القلـب يعشقـك مايحتـاج تختبـره ..

وأكبر دليل الخـلايق لـو تنازعنـي .!!

(...بالحب ماحركـوا فينـي مغـز إبـره ...)

[سلطانة الغيد]

ياثقل طينة النت
لامنه كتبت مشاركه وجيت بضيف الرد قطع
ودي آخذ اللاب واصكبه الجدار من الحمق

وهـ حدي عصبيه وذا يستنفذ باقي هدؤي اللي محتفظتن به

[سلطانة الغيد]

ام عبآه الراس .. هي قمـة الذوق
مآهمهـا زيف الحياه و [ ترفهـا ]


مستوره شفهـا .. اليا راحت السوق
حتى آخوهـا يمرهـا .. مآ عرفهـا

[سلطانة الغيد]

حيــــــــاك الله ياخوي ابوجنان
شرفت المدونه والحفر
حاول تقبلّ الحفــــــــــر تراه وسيع صدره


الذين يشاهدون محتوى الموضوع الآن : 2 ( الأعضاء 2 والزوار 0) ‏سلطانة الغيد* , ‏عاشق الخير

[سلطانة الغيد]

سبحان الله اتعجب إذا شفت حرمه كبيره بالسن
تروح للسوق ولا تشتغل بالمطبخ

لأني ماشفته بـ أمي الله يرحمها
لايمكن تطلع للسوق ابد
إلا بزواجي رآحت تشري لي الذهب

وانا وخواتي ماشفنا أمي تدخل المطبخ وتشتغل
وحنا موجودات لأنه خلاص جاء وقت رآحته وماورى ماجاهدت
وتعبت
وانا اتعجب من بعض البنات اللي تامر أمه
ولا تقوله حرام عليك ممازحه
ولاتهوشه عشان عياله
انا لايمكن آمر أمي قبل لو بجنبه علبة المناديل ماقلت يمه عطين اياه
انا ادور راحته مهوب اغثه
والواحد مهوب معصوم بس يحاول بقدر الأمكان
انه يبر بوالديه
والله اني افرح حيييل إذا قريت ف بعض المدونات
من ابواب البر بالوالدين او الأخوات
شي يثلج الصدر ؟؟؟؟؟؟ لاتكون أمك آخر اهتماماتك/ي
لأنها الحضن الدافي
والوطن اللي يحتويك

يااارب تصلح بناتي

[سلطانة الغيد]

أحبتي

لاتنسون سورة الكهف والذكــــــر وانتم تشاهدون
والصلاة على الرسول الكريم صلى الله عليه وسلم


فقط للتذكير لنفسي وأياكم

ولا لو الذنوب لها رائحه لم يجلس بجانبي احد
سبحان من ستر القبيح واظهر الجميل
الله يختم لنا بالحسنى
ويسترنا فوق الأرض وتحت الأرض ويوم العرض
وأحبااااابي وخلآني
ومن يشاهد

[سلطانة الغيد]

الذين يشاهدون محتوى الموضوع الآن : 3 ( الأعضاء 1 والزوار 2) سلطانة الغيد

صباااحكم طاعه وسعاده شرفتوا زواري الكراااام

[سلطانة الغيد]

عندي موقف لي بقوله بس إذا روقت وشبعت نوم

يـــــله سسسسلام
اشوفكم على خيــــــــر
بروح الظهر ال أخوي عشااان اسئله
عن العرسسس

[سلطانة الغيد]

[سلطانة الغيد]

من كثر حبي لك .. يقولون : مسحور
وإن كان حبك سحر .. فلا ابغى علاجه ..
خله يسلي خافقن فيك مغرووور !!
مادام سحرك غايته وابتهاجه ..
قلبن يحبك لاتخليه مقهـور

[سلطانة الغيد]

يوم من ايااام الربيع الجمييييل
كان اخوي طاق مخيم على مستوى
ومطبخ كبير ودورات مياه مرتبه ونظيفه
ووجار وكمار وجلسه وبلازما


وكنا طالعين لهن من صباح الله
انا راكبه مع اخوي وعياله بالجيب وخواتي مع ولد اختي بالسوبر
المهم كنا نمشي شوي شوي ونتفرج لأن الارض بالحفر مربعه
خضرا تفتح النفس والجو معتدل ذآك اليوم
وكلن جايب معه نوعين حلا بيت
يوم وقفنا عند المخيم اللي يفتح النفس
وفتحنا البيبان بننزل
واجي اقرب ابنزل وكنت راكبتن بالوسط
قسم ماحسيت إلا وجهي بالتراب مدري متى نزلت
تقول احد مدربين من الجيب
انا ماوعيت إلا باللي ميتين ضحك علي
واخوي اولهم عجز يمسك نفسه عااااد سمو علي
وقومون
وقلت لهم والله مدري كيف طحت لين هالحين
رغم اني ماحسيت بألم من الطيحه

المهم دخلنا وكنا مجهزين القهوه بالبيت غير اللي بالمخيم
وجلسنا بالخيمه المفتوح وفرشنا السفره وجبنا القهوه والحلا
ومع السواليف رجعو يضحكون على طيحتي

وبعد يمكن ساعه جهزنا الفطور
من نواشف وكبده وشكشوكه وحمص مزين بالبيت
ولحم مقلقل
وبعد ماشلنا السفره
قلت انا علي الغدا بس هالحين نبي نتمشى عشان نهضم
ونطلق رجلينا بالخلا الخضر
يوم صارت الساعه يمكن 10 وزود
توضينا وتسننا الضحى على قول عسسكريم اللهم لا رياء
بس حنا أمي معودتنا على سنة الضحى والوتر

وقمت وبديت اجهز للغداء طبعا لازم اشكل مااحب
بس نوع
وحطيت اللحمه على الغاز وغسلت الرز ونقعته
مع بعض مساعدآت اخياااتي
وجهزت مرقة الخضاااار واللحمه المفرومه الصنية المكرونه

وقصرت النار عليهن ورحنا نصلي الظهر
وصليت ونسدحت العويده بمصلاي
ويــــــووووهـ بديت مااقدر امشي
توي احس بالتعب من اثر الطيحه كل جسمي تعب

كنت ودي باللعب والرقص بس تعبت وحسيت بحراره
بس قمت اتمشى لعلي انشط
ودرنا وحنا نسولف حنا وخواتي وبنات اختي ومرت اخوي وبنته
ورجعنا وكملت الغدا وتغدينا
خلاص يوم جاء المغرب ماعاد بي حيل
وقامن خواتي وشبن الضو وسون القهوه وتحلقنا حول الوجار
وبعد ماصلينا العشاء قالت مرت اخوي قومي ياغاده اركبي
معي بالدبااااب وخلين افحط بك قلت رجليني يوجعنن
من الطيحه قالت بس قومي
واقوم واركب وراه وتشعمط به وتطير بي
وتطلعبي طعوس وشغايا وانا الهوء طير شعري
قلت شوي شوي خلين اربط شعري وتلثم
وناخذ لنا ربع ساعه وهي تجلعد بي
ونرجع للمخيم وانزل قسم خفت رجليني
قالت شفتي سواقتي طلقت رجلينك وانتِ تو
ماتقدرين تمشين من بعد الطيحه
هالجلعده صاااارت شفاء بعد الله

ياحلو الجمعه مع اهلي بس لو اسلم من الطيحااااات

[سلطانة الغيد]

ان غبت عني حن قلبــــي وتشره

[سلطانة الغيد]

وَديَ آكَملْ تآليَ آلعَمر فيَ صَمتَ ,
تعَبتَ آدور للحَروفَ آبتسَآمهِ ,
آليآ متىَ ترديد آلـآهَآتَ وَ آلكبتَ ,
آليآ متىَ للشوقَ فينيَ علـآمهِ ,

[سلطانة الغيد]

هلابـكم عـد مالشمس المطـله = هــــــــــلا بكم عـد ايام الزمــــــاني
هـلا بكم عــــد ماهـلت اهلـــه = وعـدد مـافاح عطر الزعفراني



الذين يشاهدون محتوى الموضوع الآن : 4 ( الأعضاء 1 والزوار 3) سلطانة الغيد