» صمتي تعّب دنيا .. عجز فيها الـﮑـلام «

[مـلاك الصمت !]

<- كارهتن مدونته

[مـلاك الصمت !]

سلامات وش فيه المنتدى من جفره لـ دحديره ؟

أغلب المواضيع تنقلب هواشات

الأستراحه مير راحيه وطي كل يوم طالعتن لنا هوشه ؟

[مـلاك الصمت !]

*أنت تستهبل تبي احب غيرڪْ يالخبل .!
انثبر في وسط قلبي وانت ساڪْت
لا تتميلح عشرتڪْ يالدلخ ما قد هانت

....

*امشي وافڪْر فيڪْ
والعقل بڪْ محتار
اتخيل اني معاڪْ
لين صدمني جدار!!
....

ياليتني في جيبڪْ ريال مقطوع ...
يبقى معڪْ مايقبله ڪْل دڪْان

....

حب !!
ڪْلمة من حرفين
سوت لي همين
هم التقشيم وهم الڪْنس بعدين ..
....

سألت قلبي ليش يحبڪْ وليش يذڪْرڪْ في ڪْل لحظه ؟؟
قال لي ياشين اللقافه

....

شايف القمر
شايف الليل
شايف النجوووم
طيب ليه ما تنخمد وتنام!!
....

أخيرا عرفت أن مالي
قدر عندڪْ
لأني لقيت ڪْل قدوري بالمطبخ

....

حياتي انت حلاها
ووردتى انت شذاها
وبسمتي أرز باڪْستانى طيب يمدحونه
....

كل عام وانت الحب
وكل شهر
وكل دقيقة
وكل ثانية
وكل تبن << ان شـاءالله

....

تذكر ايام الطفولة و السعادة و المرح و الحب و الحنين
يومها سلفتك نص ريال
وينه؟
....

تستاهل حبة رأس ياغالي !!
بس مادري وش تفضل
بنادول وإلا اسبرين

....

شوش
مرشوش
سن
دسن
حاس
ولاس
حور
محصور
مستانس
مثل الأهبــل اي شي تقراه ؟!
....

شئ ماتقدر تعيش من دونــہ.؟
تحتاج له ومردڪْ لعيونه !!
وشوووو؟؟
أنــا الله يخليني

[مـلاك الصمت !]

اقتباس: بسم الله عليهم ربي يحفظهم ويخليهم لكم والتصاميم مره روعه خاصه الاول

أمين يارب .. و إنتي أروع

اقتباس: كل التصـآميم حلووه بس التصميم هذ1 هههههههههههه آحس آنه زآآحــف هههههههههههه هوآيته السبآحــه ههههههههه

تسسلم .. و مهيب بعيده يكون زاحف

اقتباس: واااااااااااااااو..ماشاء الله تبارك الله وه ياناس فديــــــت هالعيون النّاعسة..فديت هالتسريحة الطايرة.. كلّهم ع بعضهم حلوووووووين...كيف مايصيرون حلوين وهم لأحلى إثنين ع الوجود.. بسم الله عليهم والله يحفظهم ويخلّيهم لعينٍ ترجيهم إذكرو الله ياجماعة ليت كل ابو دايم تصيرين طفشانة عشان يطلع معك هيك إبداع

تسسلمين .. آمييين

وليت كل آبو دايم تجربين الطفش اللي جربته وقسم إنت تطلعين من ثيابك

[مـلاك الصمت !]

كثيير منا تصير له مواقف صعبه

ولا أذكر إنه مر علي موقف أصعب من هالموقف !

العام كنت بـ مكه بـ شهر رمضان الكريم ( العشر الأواخر )

وكان الحرم مررررره زحممه .. لـ درجة إن الشوارع اللي عند القصور الملكيه كله مصلين و كله كشافه و عسكر

المهم تفرقنا وكانت معي زوجة أخوي .. عكس طبعي تماماً يعني عادي تداحم بالزحمه وتصلي بأي مكان

المهم كانوا يصلون التراويح وكنا بندخل على باب العمره مدري باب الملك فهد

وفيه مصلين فـ كانوا حاطين حاجز نقزت زوجة أخوي فـ نقزت وراه ( أمري لله )
وكله مصلين يعني نقطع صلاتهم وإذا سجدوا تخيلوا راس المصلي عند رجلي ولا رفعوا من السجود قمنا نناقز <- عليه جزمات وإنتم بكرامه وفيه سجادات صعب أطاهم ولا فيه وقت أشيلهم لأنهم بيسجدون لازم أحلق على زوجة أخوي
ولا رفعوا من السجود قمنا نناقز ولا سجدوا وقفنا والله أشكالنا تضحك كأننا نلعب ( حركه ستوب ) ههههههه

المهم خلصناهم و وصلنا الباب ودخلنا .. و جانا على اليسار مكان الحريم وكان فيه رجال شرطه وحريم ( اللي ينظمون الحريم ) وكان فيه هوشه حريم أجانب يصارخن عليهن زوجة أخوي ملزمه تدخل أقوله شوفي تعيي عليك تقول ماله دخل إتركيه وتدخل بالغصب المهم جت وحده منهم دفتني بالقوه و تمسكت بـ حرمه قدامي
وفيه وحده تسحب عباتي من ورى إلتفت لقيتها حرمه أجنبيه كبيره فـ السن ومره سمينه و تمسك بي تبيني أقومها لأن وحده من الحريم دفتها كانت بتصلي غصب وعيت عليها ودفتها والله حرام
المهم جلست أساعادها و متحمسه بالقوه بقومها وتجي وحده وتدفني عليها وتطيح بالأرض قالت لي إتركيها إلا بتصلي هنا لا تقومينها .. طيب بـ شويش وبعدين ماراح أطلع لين أقوم هالمسكينه وكنت معصبه نسيت زوجة أخوي
المهم قومت المسكينه وطلعت و جت معي زوجة أخوي و وقفت قالت بصلي هنا قلت وين والله تجي و تقطع صلاتك قالت لا تهمك قلت ماأبيها تجي تهاوش تقل أصغر عياله المهم صلت ( عنيده )
وكنت واقفه بـ جنبها ولا فكرت أصف لأني عارفه وش بـ تسوي وجت وحده منهن و وقفت بـ صلاة زوجة أخوي
و زوجة أخوي تروح يمين و تجيه يمين و اليسار نفس الشيء بـ الأخير ملت و تركّت على كتف زوجة أخوي لين قطعت صلاته حسبي الله عليه
و كان فيه عسكري يتابعنا و كنا واقفين محتارين ماندري وش نسوي قال لو سمحتي
قلت نعم قال تدورون على أحد قلت إيه على الوالده دخلت هنا ولا ندري وينها ورفضوا يدخلوننا ( <- أكذب بس بشوف وين يودينا )
قال تعالوا وراي مشينا معه ودلنا على طريق مره ضيق قال إدخلوا هنا وبتحصلون مكان فاضي قلنا جزاك الله خير
دخلنا وين فاضي مره مليان بس أغلبه شنط كبيره ( للأجانب ) جت زوجة أخوي أبعدت الشنط و صلت قالت تعالي صفي هنا قلت لا
تخيلوا راسي بـ رجلين حرمه لـ درجة إني ماأقدر أسجد لازم ألف بـ راسي يمين وإلا يسار
قلت خلاص بروح و بيننا جوال

<- أنا خوااااافه .. مستحيل أمشي خطوه إلا ومعي أحد وهنا كنت مرتبكه وخايفه من الزحمه ماأدري وين أروح

المهم أمشي مع الناس و سيدا بعد مافيه لا يمين و لا يسار كله مصلين حتى اللي عند شركة مكه مخلينه ممشى و ضيق حييل و لا فيه مكان أجلس فيه كله لـ الممشى

و المشكله صعبه أمشي معهم ظهري بظهر رجال مره متلاصقين
ومظطره أمشي حتى الحريم السعوديات مافيه إلا وحده أو ثنتين و الباقي كلهم أجانب

مررره خايفه و صلت دورة المياه لـ النساء وإنتم بكرامه .. اللي بساحة الملك فهد وكان فيه بـ جنبه حريم جالسات وعندهم عسكري
و رحت أجلس معهم توني أرتاح و اللي ريحني أكثر إن اللي بـ جنبي سعوديه
جلست حول الـ 10 دقايق الحمدلله و كل ماجن حريم بـ يجلسن قال لهن العسكري يالله لكم دقيقتين وفعلاً يجلسون شوي و يقومون أنا إستغربت ليه ماقال لي قومي ؟
<- مبسوطه
المهم جاء رجال مصري وطلع 10 و مدها لي و الحرمه اللي بـ جنبي نفس الشيء
ضحكت و قالت فاكرنا محتاجين
ضحكت و قلت رزق من الله

ثواني وإلا العسكري ملتفت لي قال إنتي من متى هنا .؟
خلاص خنقتني العبره ماأقدر أتكلم
قال يالله لك دقيقتين
يالله تمنيت الأرض تنشق و تبلعني وين أروووووووح

خلصت هالدقيقتين و قمت حتى الجوال مافيه أبراج كان أتصل على أي أحد و أوسع صدري

وصرت أمشي لين سلم الحرم ورحت أركض عند القصور أنتظر أخوي يتصل ويجي
والحمدلله عدى هاليوم على خير

بس والله ياهو أصعب يوم مر علي


<- ياكثر هذري

[مـلاك الصمت !]

وحشتني شوفة أصحابي وربعي والغلا مستور
أخبي عبرتي لامن ذكرت بيوم جمعتنا

تغير قولتي أبله وصرنا نقول يادكتور
نقول القاعه يادنيا زمان نقول حصتنا

جلست بداخل القاعه ذكرت أيامنا بالدور
وضحكن كان يحوينا ولاتكفي شطانتنا

نزعل بعض أحيان ولكن مانعرف نجور
ونرجع من بعد زعله ترجعنا صداقتنا

نحاتي بعضنا دايم ويعجبنا رجل مشهور
سوالفنا عن الموضه عن الحب وعلاقتنا

وهذا اليوم قد صارت سنه و معاها شهور
و أفكر كيف هالدنيا خذت منا وناستنا

أنا مابين ناس أغراب وسط قاعه مع دكتور
أحاول أخنق العبره و أنا أذكر كل حكايتنا


سمعت أغنيتن جابت من أقصاها بقايا شعور
يغنيها علي محمد وهي عيال حارتنا

وجا فيها ألا يادنيا ألا ليت الزمان يدور
ويرجع وقتنا الأول وننعم في بساطتنا

وأنا رديت في بيتن من الخافق ولا مكسور
أضحي بالعمر كله لجل ساعه بشلتنا

وأبيع الناس والعالم وراه قبور وكلن
راح يمشي في طريقه ويقول :عيشتنا

أنا مابي سوى لحظه وعلى الفرقا أنا مجبور
نضيق اليوم من يقدر يبدل وضع ضيقتنا

ظلامن دامس وموحش أنادي في الخفا يانور
أبي ربعن ليا من طحت عرفت شلون قيمتنا

بساطه في فرح دايم غلا صادق وله وسرور
نخطط كيف بالكذبه نضيعها دراستنا

تخرجنا نعم أدري وكلن داخله مقهور
فرح لكن مع الفرحه دموع تغم حفلتنا

بكينا والبكاء فينا ولا لحظه أبد مهجور
دموعن حرفها صادق ونعرف كيف وحشتنا

تعرفنا على ناس جديده والغلا مستور
ولاحدن يوصل لحبن جمعنا وسط شلتنا

[مـلاك الصمت !]

اقتباس: أمّي:وحيدة بكرى عندي إجتماع نسوان الجيران أبيك تخلّين الدنيا تلق لق,,

اقتباس: وحيدة:سمّي وإبشري يانور البيت.. أمّي:أبيك تنظفين المدخل والمجلس والحوش وكل ابو شي وحيدة:ماطلبتي شي غلاتي...وأزيّن لتس حلا بعد تلعطون أصابعكم وراه. راحت أمّي حق مشوار...قمت وفسّرت عن ذرعاني وضبطت الحلا.. رجعت ,,سولفنا بجمعة بكرى.. وحيدة:يمّه كم الحريم اللّي بيجن؟ أمّي:تقريباً 12 وحده. وحيدة:يمّه وش رايتس ودّي أجي؟ أمي:تعالي من مانعتس وناسة وكرّاث وفلّة حجاج.. وحيدة:وأنا وش هابلن إلاّ وناستكن بس بوه حريم ماهضمتهن. أمّي : من هن؟ وحيدة: أم فلان وفلان وفلان. أمّي: وراتس والله إنّهن ماهنا حليلهن. وحيدة: ماش يمّه ماإرتحت لهن. وحيدة لازالت محتــارة بالإجتماع مع هالنسوان..قسم هن فلّة وجلستهن وسواليفهن وكراث ومكسرّات وكل ابو خير.. بس مادري وراه أماهن كثار للحين محتارة أروح ماأروح..أدخل ماأدخل؟ ماش لاشفت الكرّاث يغرين الصراحة..!! أمّي:وحيدة لاتنامين إلاّ وأنتي غاسلة الكرّاث والجرجير والخس والبقدونس ومجهزته بسلاّت .وملاك تزيّن الصينية والمكسّرات..عشان لاقمت بكرى مايصير عندي الا تزيين القهوة والشاهي والتقليط.. وحيدة:طلباتك أوامر يانور هالبيت.. نامت أمّي..فسّرنا عن ذرعاننا أنا وملاك...يوم قضينا وجلست..إلاّ وأصرخ..ملاك:وجع وش بتس؟ وحيدة:نسينا نغسل البقدونس والخس والجرجير. ملاك:وش أزيّن أنا؟ وحيدة:قوووة نغسلهن؟ ملاك:إيه بعد شوي نغسلهن. ولازال التفكير جاااااري هل أحضر الإجتماع وإلاّ أسحب؟ والأقرب إنّي بحضر ..أغديهن مايجزمن كلّهن خخخخ والفاضي يعمل قاضي,,,خخخ...مسكت سواليف ع آخر هالليل

أبد روحي على ضمانتي .. أغدي وحده منهن تخطبتس و تنفسين عن أختس شوي

[مـلاك الصمت !]

من قآل جده غير .. مآهي غير .. قولوا لـ منهو قالها ما حزرها !

مآهي بـ حزوره ولا هي فوازير .. الغير حنا بالقصيم نخبرها !


[ ]

[مـلاك الصمت !]

من باب التغيير إعتمدته توقيع !

[مـلاك الصمت !]

[RAMS]http://faisalaladwani.com/sound/al-mzag.ram[/RAMS]

[مـلاك الصمت !]

يابنت أنا ماني بـ راغب علامه ... أو راشد الماجد جميل المحيا
الله حرمني الحلا والوسامه ... لكن بـخفة دم مرهي عليا
وأبوك طفشني بـ كثرة كلامه ... مطلع عيوب المخاليق فيّا
من يسمعه يحسبك فاتن حمامه ... مايدري إنك غصب صرتي بنيه

[مـلاك الصمت !]

يقول أبوي إن صرت كنّك على شوك
وعيّا صباحك يجلب الشمس يمّك !

إصبر مصير الشمس تطلع وأنا أبوك
وأمي تقول فعلاً كلامه و أنا أمّك !

[مـلاك الصمت !]

لا تنسون قراءة سورة الكهف .!

[مـلاك الصمت !]

إهدآء لـ وحيدووه [ - ]

[مـلاك الصمت !]

~ حنـّا / خذينا من أوّل الشمس حرفين ,
.................... و حنـّا خذينا من القمر آخر حروفه !

<-

حنّا خذنيا من أول العنب حرفين
.......................... و حنّا خذينا من الموز أخر حروفه !