&^ مدونة طاري الشوق ^&

[طاري الشوق]

كنت احسب ان البال للوقت نساي
وعن ماضي الأيام ماهوب فايق
اثر الزمن يكتب مع العمر ذكراي
ويسجل احداث العمر بالدقايق
من يوم شاف اني مخاوي لمركاي
قام وفتح عندي قديم الوثايق
شي دفنه الوقت بالروح جواي
من يوم شفته شب قلبي حرايق
قمت اتذكر والصور زادت بكاي
فيها الحنين اللي ملته الشهايق
بوحي

[طاري الشوق]

صباح الحمد والرحمة صباحات الرضا والخير
صباحات الدعاء اللي بكف الخوف مرفوعة
لوجه الله نرفعها ترفرف بالسماء وتطير
بنية خالصة وادعو ترا الدعوات مسموعة
بوحي

[طاري الشوق]

ماحدني انزف من القلب ماحد
الا انت يافارق بعيني عن الناس
ياماخذ اغلى وجودي بلا حد
كل المحبة والمشاعر والاحساس
خذ خافق مايملكه غير واحد
ياللي بروحي عايش نبض وانفاس
بوحي

[طاري الشوق]

[طاري الشوق]

وصلاة ربي عد ماطاير طار
وعد النجوم اللامعات السهيرة
وعد الرمال وعد همال الأمطار
واعداد من يسكن بلاد وديرة
مع ماخلق بالكون في بر وابحار
مع مثلهن واكثر صلاة كثيرة
على النبي الي من الله مختار
محمد الي للخلايق بشيرة
بوحي

[طاري الشوق]

حتى ولو طاحت من الغصن ورده
يبقى الغصن ثابت وقادرعلى العيش
يضحك صباحه ويتمايل بقده
يلعب مع النسمات طربان بشويش
فرحان يوم الله للريف رده
صفصف عليه اوراق حسنه كماالريش
وتغني طيور تبيه وتوده
تبني على كفه من الود تعشيش
بوحي

[طاري الشوق]

من هنا مانيب كاتب عن متاهات الغياب
حتى لو انه خفوقي يتعبه طول النوى
مابي اوراق القصايد تحمل هموم وعذاب
من هجوس لوبغى ينسى همومه ماقوى
بعتبر نزف المحبة حرف اذنب ثم تاب
دام من يكتب احاسيس الغلا شخص غوى
بوحي

[طاري الشوق]

مدري مساء الحب والا صباحه
لعيون من يقرا كتابات شعري
الي لهم بالقلب اكبر مساحه
مني لهم اغلى عبارات شكري
بوحي

[طاري الشوق]

صباح الخير ياورد الصباح وعطره الشرقي
ونــور من سنا وجـهك ملا هالكون بأشراقه
صباح المسك والعنبر وشـعرحن له طــرقي
صباح احلى القصيد الي بصدق الحب لك ساقه
بوحي

[طاري الشوق]

سلام من قلب تهزه طواريه
يحن لسنين الغرام الخوالي
ان و افقت دنياه لذة مشاهيه
حزة غلا مابين غالي وغالي
وان عاندتني مانخيت المشاريه
يبقى العتب واللوم فيني لحالي
بوحي

[طاري الشوق]

اناقصة خيالية كتبها هالزمن عني
حكاية ليل يرويها كبير السن لأحفاده
واذا نامت عيون الكون طواها واعتذر مني
يقول الليل يجمعنا على الميعاد ياساده
بوحي

[طاري الشوق]

[طاري الشوق]

[طاري الشوق]

وين ابلقى درب ياخذني اليك
والدروب الي تجيك مسكرة
وش اسوي كان هالخافق يبيك
والقلوب الي تحب مسيرة
بس ابصبر يمكن القاها واجيك
كانها ارض الغرام مدورة
بوحي

[طاري الشوق]