‏l~ 7oor▌▌ - الصفحة 12

X 7oor S3od X · 24-10-10, 02:43 am

.
.
.
.
.
× كل ماقلت أحبك ,, قال قلبي وأنا ×

.
.

.
.
أطلق بزر بالدنيا ... يالبييييه بس

الله يخليك ويحفظك يابعـد حــور انت ..
منوره مدونتي بهالخشه اللزيزه

يابعـد راسي والله ..
: )

X 7oor S3od X · 24-10-10, 04:03 am

.
.
.
شــدووون

اقتباس:

خلاص من اليوم ورايح تراي المترجم الخاص لحور بمبلغ وقدره
موب ع كيفتس ادفعي وإلا ترجمي بمدونتس
وحده مرسله لي تقولي إن حور تقول (موب صيدي) وشلون؟؟
هههه قسم تووووحفه
موب صيدي/ أي موب قصدي
هذي الترجمه بـ 250

عمتس جوانا يالحضرميه

خابرته تبي تبيع حبتين سمبوسه بريـال يوم يسوون معه المقلب برمضان

طيب مااختلفنا ترزقي الله .. بس وش هالأسعـار يالظالمه ..!
كلمه وحده بس بهالسعـر ..؟؟!! يانغـلتس

أجل الصفحه اللي قبل ذي بكم ..؟!
والله اني احياناً ودي أترجم بعـض الكلمات بس اتعـيجر

طيب هاللي ارسلت لك وراه رايحتن تمشور الله يصلحه ..!!
تسان جت لمي وأنا اعطيه ترجمة كل المصطلحات وببلاش

عموماً مشروع ناجح

موفقه شدون خخ

X 7oor S3od X · 24-10-10, 02:05 pm

.
.
.

.

اقتباس:

رومنسي لاكن منسي

والله من الكسل ..!! خطأ إملائي بالمعـرف نفسه ..!! والله لو أنا املك الصلاحيات اللي يملكونه الزرق ماترددت ولا ثانيه وحده اني اعدل هالخطأ ..!
هماي انا وسيبويه راضعـيـن من مرتن وحده

وصايرتن حد بكل كلمه تنكتب

( لاكن ) <-- هالخطأ الإملائي له سالفه يوم أنا بخامس ابتدائي وإلى الحين مانسيته ..
تذكرون ايام ماكانت كل المواد اختبارات إلا اللهم المحفوظات والقرآن هن اللي تقويم بس
وذاك اليوم كان علينا اختبار املاء < يالبى البراءه

المهم يوم جت المعلمه وعطتنا القطعه وقضينا وسلمت الورقه له وأنا متشققه ان مابي ولا غلطه وجازمه اني باخذ الدرجه الكامله

ويوم صارت الحصه الرابعه بعـد الفسحه ونجي نركض وننابط انا والبنات وندخل الفصل بتجي ابلتنا حقت العـربي وكل وحده بتسأله عن اختباره ..!
ويوم جت وبدت تقول انتي اخذتي تسذا وانتي نقصتي نص وانتي نقصتي ربع وأنا مجلده بمكاني جازمه اني اخذه الدرجه الكامله ..!
قالت حور انتي ناقصك ربع ومير تجي العـبره من اقصاي وتلبّـق بعـرض حلقي وتغـولن غول

قلت : لا أنا دارسه زين وكاتبه القطعه كله صح

< والعبره ترقى وتنزل لاهب اللي طلعـت وريحتن ولا هب اللي راحت وفكتن من تعـتعـته وغصّـته

قالت إلا ياحور انتي ناقصك ربع ..! تبين ورقتك تأكدين ..؟ وأنا أهز راسي يعني ايه ابيه

أخاف أحتسي واقول ايه تنفجر هالعـبره اللي كل النهار وأنا أحجّـر به

ويوم شفت ورقتي واثري كاتبه لكن ( لاكن ) وإلى ساعتكم وأنا كل ماكتبته ذكرت هالعـبره

شوفوا نقصت ربع وتعـبرت بس صار درس لي .. ولو ان هالمعـلمه تغاضت عن هالخطأ تسان تلقونن محومتن اتسبدكم عند لاكن

< تراه بس بالإبتدائي متدوفره وإلا وباقي السنين لعـب وعناد وتوقيف عند الإداره وعقوبات صارمه وهوش وتهديد بتعـسير الأسئله وخسف بالدرجات

المهم نكتفي بهذا القدر

والزبده ان الشي من اساسه وعلى نشأته ... إذا تأسس صح .. يبقى طول الحياة على ماتأسس عليه ..
عاد من جد وجد ومن زرع يدور له على أقرب بنقالي يحصد له

وحنا والبطاله كل دارٍ وطنّـا

X 7oor S3od X · 26-10-10, 01:24 am

.
.
.
.
.
ودي أعيش بزمن المهدي ..! بس من يضمن لنفسه الثبات ..!
إذا قريت وش بيصير بذاك الزمن يجين حماس موب طبيعي ..
ودي أطوي السنين لين أعيش بزمانه ..
بس إذا ذكرت الفتن اللي بتجي ..! أقول يارب اقبض روحي قبل أشوفه ..!

X 7oor S3od X · 26-10-10, 01:33 am

.
.
.
.
.
على قدر بصيرة العقل يرى الإنسان الأشياء ~
فسالم العقل يرى الأشياء على قدر حقائقها , و النفس اللئيمة ترى الأشياء بطبعها .. !

X 7oor S3od X · 26-10-10, 02:10 am

.
.
.
.
اكره شي اشوفه بحياتي اللي متشدد بالدين من كل الجنسين وهم من جنبه ..! يعني على غير سنع ..!
مره أخوي دخل البيت فاااايـر دمه من القهر

قال ان فيه واحد عند باب جارنا وشافن قال نسأل الله العافيه والسلامه !!!
خييير ان شاءالله شايف قدامك يهودي لا قدّر الله ..؟!!
كل الحكايه ان اخوي ماله لحيه ..! والله لو هو يمشي مصلوخ على هالحتسي ..!
طيب وش يمنعـك انك تمد يدك وتصافحه وتقول ياحبيب قلبي وتقدم له نصيحتك بكل لطف ..! يمين بالله ان المنصوح بيستحي غصبن عليه ..
ياربي لا تواخذن أكره هالفئه من الناس

حتى الحريم اللي تجي ياسلام بالدين بس تصرفاته تناقض هالشي

أعرف وحده ملتزمه بقوووه وتحفظ القرآن وشراب يدين ورجلين وعباة ساتره وياسلام عليه ..
وكنت اقابله وجه لوجه لمدة شهر تقريباً ولا مره فكرت تمد يده تسلم وتقول كيف الحال ..؟!
أنا كان اسلم عليه ماعندي مشكله .. بس لا صارت هي تصدد ولا تبي احد يسلم عليه وشوله اكلف على نفسي أنا ..!!
يعني تخيلوا أنا واخته وافقين نسولف على بعـض جت هي ودقت كتف أخته وقالت يالله جمانه مشيت

تعـرفـن زين .. وربي تعـرفــن بس مدري وش اللي يعـيب انه تمد يده وتصافح لو مره بهالشهر ..!
والثانيه بعـد .. كنت قاعده أسولف أنا ووحده من البنات سواليف عاديه جداً بس اننا نضحك ونمزح مع بعـض بكل بساطه ..
جت مرت من عندنا قالت : كثرة الضحك تُميت القلب

<-- قطمت ضحكتي ياسفابه

وإلا اللي على اتفه سبب تقول : والله لو هو جهاد في سبيل الله

< الله يذكره بالخير ..!!
سبحان الله ناس غرررريبه فاهمين الدين غلط ..!!!

الحين وش ملح الملتزم اللي دايم مبتسم ويمزح مع هذا ويعـاند ذاك ويضحك على هذا وذاك ..! والله هالفئه يحببون الناس بالدين وبأنفسهم هم بعـد ..

X 7oor S3od X · 26-10-10, 02:55 am

.
.
.
.
به شخص بالحياة ودي اسأله سؤال ..!
اللي يوقع على ورقة قصاص ..
وهالتوقيع هو الموافقه على قطع رقبة ..!
ودي اسأله وش شعـورك وأنت تشخط هالشخطين وأنت تدري انك بالشخطين هو نهاية حياة انسان

..؟؟!

X 7oor S3od X · 26-10-10, 03:04 am

.
.
.
.
.

.
.
.
واللي خلقني اشتقت لهالمكان

X 7oor S3od X · 26-10-10, 03:33 pm

اقتباس:

بالحب والحسن والجمال الملتهب كانت هنآ يومآ ..
الاسطورة الخالدة ,والزعيمة القومية ,والاعجوبة الثامنة ,والرمز من العظمة!!< يارب تسكت..
سيميــآآء \=
قوووود باااي ايفري بآآدي ..
واشوفكم بالجنة ان شاء الله ..

سيموو يعني خلاص ودعتي يالشينه
مالك حق ..!
طيب اصبري خذينا معـك قبل تروحين ..

X 7oor S3od X · 26-10-10, 03:36 pm

.
.
.
.
.
18 / 11 / 1431

سافـروا وراحوا ماشفتهم

الله يردهم سالمين يارب ..!
لهم وحشششه

X 7oor S3od X · 26-10-10, 08:09 pm

.
.
.
.
.
السعادة لا تحتاج إلى استحالاتٍ كبيرة
أشياءٌ صغيرة
قادرة على أن تهزُنا من العُمق ~

X 7oor S3od X · 26-10-10, 08:10 pm

.
.
.
.
.
ياليييييل الملاقيف ..!
فاتحه كم صفحه تحميل ويجي واحد ملقوف ويسكر الصفحات !!
ويوم قلت وشوله تسذا ..!
قال مادري .. ماسويت شي .. بس ضغـطت على [mark=#CC0000]x[/mark] < لا أجل معذور ياحول اللي بس ضغطت على هذي