مساااااء الخيرات وجمعة مباركة على الجميع << تناظر الاعضاء الأشناب اللي ماراحوا يصلون الجمعه وتكشش عليهم
قلت لكم قبل يومين اني في اجتماع بسيط مع كم عانسة في بيت احد العانسات
من دخلنا عليها وهي مالية الطاولات من الحلا والموالح والشيبسات
وماغير سوالف واكل من غير شعور لين بدت تزغلل عيوننا من هالحلا والموالح
وهذي كم صورة سريعة لهن ..
خللصنا من وقت الشاهي والقهوه والنقنقة .. ننتظر عشاء .. ننتظر مفاطيح ..
قالت ترى الحلا اللي قبل شوي هو عشاكم .. اللي تحس انها ماشبعت ترجع وتكمل اكل هه
يامال الفقر لو حنا دارين طالبين من اقرب مطعم .. عاد حنا شبعانين بس ماتصلح العزيمة الا اذا اخرتها عشاء
المهم اننا طلعنا عيونها لين طلبت لنا من ماكدونالدز واكلنا من غير شهوه الله لايواخذنا بس عن قولة اننا مااتعشينا .
ياربيه جلسنا يومين ماقدرنا ننام من كثر الخربطة والمطرسة اللي مطرسناها ..
كل هذا مايهم عند النقاش المجنون اللي دار فوق هالأكل واللي خلانا ناكل من غير شعور ..
خلوني اصللي وارجع اقولكم وش مسوية وحده من العانسات .. فاصل ونواصل ..