وراء كل رجل عظيم امرأة... ووراء كل هزيمة مذلة نصراوي..!!

[الكرينكوف]

لا أود التداخل مخافة أن أغث صديق او أن أجرح صديق فلهذا مجبر أن أتحدث بالحقيقة بعيداً عن هذا وعن هذا

من حيث المنتخب السعودي فلدى جميع الرياضيين بمختلف ميولهم عرف متعارف عليه من قبل الجميع بأن المجامله تحابي الهلال

فمهما تحدث النصراوي ودافع الهلالي يظل الجميع مجمع على هذا القول ولكن المكابره والغطرسه الهلاليه تحاول أن تنافي ذلك مع يقينها الداخلي بوجود هذا الأمر

ومن حيث حديث النصراويين بأن المنتخب خسر بالخمسه من اليابان وخسر من سوريا والنشامى بسبب لعيبة الهلال فهذا الأمر غير صحيح بسبب أن الجميع صفر على الشمال ولكن

ولكن هناك مجامله واضحه للهلال من حيث التمسك بياسر المتدني مستواه منذ مده وكذلك ضم الشلهوب والدوسري والعابد والأستغناء عن الأهم والمهم وأعني بذلك إبراهيم غالب

لهذا أستغرب منكم جميعاً بان تتناقشوا عن خسارة منتخب بسبب وجود عدد لاعبين عددهم كذا من الهلال وبسبب خسارة المنتخب بسبب تواجد لاعبين من النصر عددهم كذا

لنكن واقعيين مع أنفسنا أولاً بأن من أوكلت له المهام في المنتخب وفي بعض اللجان في الأتحاد السعودي ليسوا أكفاء بسبب محاباتهم نادي الهلال ومحاربتهم للبقيه

هذه مجرد وجهة نظر فقط لاغير فمن لم يقبلها آمل بأن يناقشني بهدوء وعدم الخروج عن النصوص الحواريه وشكراً للجميع

[جنرال المعركه]

طبعاً :
الحارس مبروك التركي الله يرحمه
كان خشناً وقوياً ويرتكب العنف والالتحام القوي بخشونة .
فهو اصاب لاعب الهلال // عبدالله بن عمر واعتزل اللعب بعدها .
طبعاً مهاجم العراق على كاظم ناله مثل غيره من العض بالاسنان ؟
واطلق عليه هذا اللقب ..
وهذه مقولة سعد السدحان لاعب النصر في جلسة نصراويه هلاليه
واكدها سلطان بن نصيب .

[ItaLy]

اقتباس: الإيطالي : تشوف التحجير عجزت أقضب لهم سالفة ، بس يتنابطون من كل جهة ..

شآطئ
ترا بتطيح من عيني :d

بس تجاوب عنهم
ولا تحجر لهم كثير ترا رحمتهم :d
اي شي انت تجاوب .! لا تصير حبيب بقوه .!

اذا مايعرفون تاريخ ليش يفتحون موآضيع ويجون يبربرون هنا :d
والا العولمه مسويه هوايل <<< قويه العولمه :d

شف الزبده وانا اخوك
انت قلتها للي تقول انها متخفيه خلف عبايه .!
من عرفت هالمنتدى والارقام تطلع من نصراويين .!
موضوع ياسر وموضوع غيره .!

خلهم يقولون هم . لا اعصب عليك :d

بنشوف معلوماتهم .! :d
يارب قوقل يضرب سيرفره عشان يفحطون :d

اركد وخلك حليل وخل نشوف آخر المبارزين .!

[جنرال المعركه]

اتوقف لمدة 4 ايام لظروفي الخاصة
استودعكم الله
واسمحوا لنا ان اخطأت بحق احد
خصوصاً شاطئ الراحة .

[الكرينكوف]

اقتباس:  المشاركة الأصلية كتبت بواسطة جنرال المعركه     اتوقف لمدة 4 ايام لظروفي الخاصة استودعكم الله واسمحوا لنا ان اخطأت بحق احد خصوصاً شاطئ الراحة .

عاد ليش أربعة أيام فقط عندك جلسه مع فنان سابق تغنى بالعالمي

أتغشمر وياك برضه

موفق يالغالي ترجع لنا سالماً معافا عسى دروبك كلها خير

[شاطئ الراحة]

جنرال :و الله يا أنت بثر ، عرفنا أنك مالك بالتاريخ بس زود همق .. صناديد و قريش و أفياش و تصفى على شاطئ و ابن النصر الي ذكروهم هههههههههههههه وين طهبلة الطقاقات هع ..
بالنسبة للقب الي قلت عنه ، أثبت لنا و إذا ما أثبت مجبورين تسوي ألي قلت لنا عليه ..!
عاد أنت الي دفعت بنفسك هالشكل ، و إلا مهب عوايدنا نقطع الأيدين و نتفل عليك ..!

الكرينكوف : جئت بالصميم ، و لكن من يأخذ بوجهة نظرك للاحترام ...

الحية : سامي لقب بسام ستة بعد سداسيته بالدرك الجيبوتي .. أجل سام سته .. هههههههههههههه


إيطالي :خووووووووووش حكّه ، ما تشوفهم طيروا بوية القسم .. هع
سم و أبشر ، ماراح أصحح لهم .. بس تراهم طيبين بهم ريح ذهانة ..
يسألون من باب يتحدون يدعمون خلفياتهم الرياضية بالمعلومات من نفوخ نصراوي لطيف .. هع

[الحية الرقطى]

سجلوا يا أخوان...

هذا الخطاء من الشاطئ يقول : سامي لقب بسام 6 بعد مباراة الدرك....

وانا أقول بعد اهدافه على الرائد

لتصبح الأخطاء التي صححتها للشاطئ:

1 ـ ألام الاسنان

2 ـ بدر أبانمي

3 ـ اهداف روماريو

4 ـ هدف يوسف جازع الحاسم

5 ـ لقب سامي بسام 6 امام الرائد

[شاطئ الراحة]

لاااااااااااااا تروح يا الجنرال تراك فسحتنا ..
بالتوفيق لك في حلك و ترحالك ..

دور لنا معلومة تراهنا عليه بدواعيس قوقل ..

أفحزوا له خلوه يمشي بسلام ..
<< أقعد به يالي متركين على كرتون خس يوهق .. هع

[ItaLy]

اقتباس: اتوقف لمدة 4 ايام لظروفي الخاصة استودعكم الله واسمحوا لنا ان اخطأت بحق احد خصوصاً شاطئ الراحة .

الله يساعدنا وياك والله يحفظك من كل شر


هههههههههههههههههههههه :d
قلت لكم شكل المعلومات نايم .!
او احترق سيرفر قوقل :d
اقعدوا به الي يبارزون معه :d


شآطئ << تكفأ طلبتك لا تجيب لهم الحكّه .!
والظرب بالميت حرااااااام .!
وخلاص المبارز الرئيسي حقهم متعذر لـ 4 ايام .!
ومن يبارزني ومن يبارزني :d
بيلعبون بدون قلب دفاع :d
شووووووووآرع :d

[شاطئ الراحة]

[mark=#c90695]هجوااااا جاء أبوهم ( تركي ) .. هههههههههههههههههههههه

و تكفى يالفسحة لا تبطي علينا ..
يا رمزي عندك امتحانات .. هع

أقطع أيدي و أمطخ راسي يا أنجح ..
راح عمره يحمل مواد و أستدار راسوه من الأترام

ألا يا قااااااااعد جاء تركي ، هجييييييييييييج .. هههههه

تصبحون على خير كبر هالجدار ألي قدامي .. هع[/mark]

[شاطئ الراحة]

الإيطالي : من عيوني ، و شوارع بدون عيون قطط .. هع

يالحية : سام ستة ما نزل به حديث عن النبي علشان تقول أنه على الرائد ..!
لذلك أنا أقول إنه جت من الدرك الجيبوتي .. صدقت بها و نعمه ما صدقت ببليسن يحلق بك ..!

أما بقية كلامك فقلت لك ..
ألام الأسنان في الدينمو الرئيسي وهو الرأس ، فمن الطبيعي يوجعك اصبعك من طبلة الأذن .. فهمت ..؟! و قلته لك و انتهينا ..!

بدر أبا نمي لعب ظهري بمكان الدوخي ، و أرجع لتاريخ اللاعب ، و خل عنا المراهن .. سالفة لاعبي المنتخب قدام العراق صفت على أنا جبتهن و أنتم شغلة حراج ..!

وشي هذي هدف يوسف جازع ، لا تقول حاسم وهو تعادل ..! تكفى خف رب العالمين و لا تقول شيء ماقلته ، تراه كورة ما تسوى تاخذ سيئة و الكسبان نصراوي عاد 13بطولة و حسنة بالدمااااااااااغ .. هع

الي صح عليك أهداف روماريوا الـ 1000 ..
علشان أتأكد أنا من صحة كلامك ياليت تثبت هن لي ، علشان ما ياخذنا الوقت نروح و نجي عند السالفة هذي .. هع < أكثر من انجازات ناديه و لاعبينهم بأعمارهم و أكثر من عدد عيون القطط بحارة كل لاعب .. هع الهعااااات ..


و الله يا أنا من تالي أسورب معلومات ... ووووووووووه بس يا ولد الحسون هع

[الحية الرقطى]

اقتباس:  المشاركة الأصلية كتبت بواسطة شاطئ الراحة     الإيطالي : من عيوني ، و شوارع بدون عيون قطط .. هع يالحية : سام ستة ما نزل به حديث عن النبي علشان تقول أنه على الرائد ..! لذلك أنا أقول إنه جت من الدرك الجيبوتي .. صدقت بها و نعمه ما صدقت ببليسن يحلق بك ..! أما بقية كلامك فقلت لك .. ألام الأسنان في الدينمو الرئيسي وهو الرأس ، فمن الطبيعي يوجعك اصبعك من طبلة الأذن .. فهمت ..؟! و قلته لك و انتهينا ..! بدر أبا نمي لعب ظهري بمكان الدوخي ، و أرجع لتاريخ اللاعب ، و خل عنا المراهن .. سالفة لاعبي المنتخب قدام العراق صفت على أنا جبتهن و أنتم شغلة حراج ..! وشي هذي هدف يوسف جازع ، لا تقول حاسم وهو تعادل ..! تكفى خف رب العالمين و لا تقول شيء ماقلته ، تراه كورة ما تسوى تاخذ سيئة و الكسبان نصراوي عاد 13بطولة و حسنة بالدمااااااااااغ .. هع الي صح عليك أهداف روماريوا الـ 1000 .. علشان أتأكد أنا من صحة كلامك ياليت تثبت هن لي ، علشان ما ياخذنا الوقت نروح و نجي عند السالفة هذي .. هع < أكثر من انجازات ناديه و لاعبينهم بأعمارهم و أكثر من عدد عيون القطط بحارة كل لاعب .. هع الهعااااات .. و الله يا أنا من تالي أسورب معلومات ... ووووووووووه بس يا ولد الحسون هع

يكفي من هذا كله معلومتك عن سامي لتكون للمشاهدين ليحكموا بيننا

وأول من حكم الكرينكوف

وكذلك يكفيني أنني صححت لك الذين لعبوا أمام العراق ...أنت ذكرتهم وأنا ذكرتهم

ارجع وقارن بين اللاعبين الذين ذكرتهم أنت واللاعبون الذين ذكرتهم أنا وستجد أن هناك

فرق كبير حاولت أنت تضليل القارئ ولكن كانت لك الحية بالمرصاد

[شاطئ الراحة]

^

شكلي شايفن تقسيمة المباراة مهب المباراة ..!
تذر بعيوننا الرماد ..١
لعدنك ذاكر الاحتياط ، و موهت القارئ و لا ذكرت الاحتياط ..
ما يمديك وربي ، ذكرهن نصراوي ما يمديك تواسية ..!

أقولة لك بالفم المليان سامي سام ستة من الدرك الجيبوتي ..
صدقت شيء طيب ما صدقت مايلزم يا أخي تصدق ..

تصبحوووووون على وزن حووووون
على خير و أشوفكم على خير ..


هياط الهلالي ماله جنس ..
حنا و حنا و بالأخير تصفى على نصراوي
يهذهن كلهن و خطير يجيب وش كبك غازي صدقة وقته .. هع



موهوب ماله عرّه ، شكلة توّه يفترتس على جنبه اليمين ..
نوم العوافي يا الدب .. هع

[اابن النصر]

في موضوعك تقولين إن الي شاركوا من النصر 9

اقتباس: عام 76م لعب المنتخب السعودي أمام العراق في دورة الخليج وهزم 0 ـ 7 وكانت تشكيلة المنتخب تضم تسعة لاعبين نصراويين وكان المسؤل عن المنتخب آنذاك عبدالرحمن بن سعود ويُقال أن الكابتن كان (خالد التركي)..

وفي ردك ذكرتي إنهم 7 !

اقتباس: ـ خالد التركي ـ سعد سدحان ـ مبروك التركي ـ سالم مروان (نزل كبديل) ـ فهد بن دحم ـ توفيق المقرن ـ محمد الهديان

تقولين سالم مروان نزل بديل!

وأنا أقول لك إلى نهاية المباراة كان الحارس مبروك

[الحية الرقطى]

اقتباس:  المشاركة الأصلية كتبت بواسطة اابن النصر     في موضوعك تقولين إن الي شاركوا من النصر 9 وفي ردك ذكرتي إنهم 7 ! تقولين سالم مروان نزل بديل! وأنا أقول لك إلى نهاية المباراة كان الحارس مبروك

تأكد زين مبروك خرج مطرودا

أما الأثنين الباقيين هما احتياط واحد منهم اعتقد أنه من عائلة الصقعبي من بريدة

كان يلعب بالنصر