الــمجــلس الإجتـمــاعـي /// لـ النقاش والحـوار الهادف !!

[راشد الصليحان]

ودي اعرف ياجماعة الخيــر شيء واحــد فقط ...! متى ينتهي طموح الإنسااااان من تحقيق كل آماله وطموحاته بالدنيا ؟؟

الواحد منا يلهث بهالدنيا ...كل يوم صاحي على امنية ونايم على امنية ...والآماني ماتنتهي ولايس لها حدووود

حسب ما اعرفه انه لايوجد على وجه البسيطة من حقق كل أمانيه ...!

هل انتم معي ام تخالوفني الرأي ..؟؟

[ابوخالد382]

اقتباس:  المشاركة الأصلية كتبت بواسطة راشد الصليحان     ودي اعرف ياجماعة الخيــر شيء واحــد فقط ...! متى ينتهي طموح الإنسااااان من تحقيق كل آماله وطموحاته بالدنيا ؟؟ الواحد منا يلهث بهالدنيا ...كل يوم صاحي على امنية ونايم على امنية ...والآماني ماتنتهي ولايس لها حدووود حسب ما اعرفه انه لايوجد على وجه البسيطة من حقق كل أمانيه ...! هل انتم معي ام تخالوفني الرأي ..؟؟

والله ياراشد ,ترى هذه أول زياره وآخر زياره ولاتسألن عن السبب,,,الأمنيات ياراشد هي من أبقت بعض الناس على قيد الحياة,,,تصدق واحدمسيكين وضعيف ,يعني شارون يرحمه من الفقر اللي ذابحه,,,يقول لي تدري وشواللي مصبرن ماطبيت من فوق حدا هالعماير وأفتك من هالعيشه؟؟؟قلت وشو؟؟؟قال :الأمنيات ,يقول :إذا جيت أنام أحيانا شبعان وأحيانا جوعان,أحط رأسي وأغمض وأنواع الأمنيات وكل أمنية أتمناها تتحقق,,,يقول مرة تمنيت إني بطل عربي قومي وبقوتي الخارقة للعادة إستطعت القبض على بوش وبلير,وأحطهم بشبك غنم وأنواع التعذيب فيهم,,,ومره يقول تمنيت إني شبح غير مرئي وأدخل للبنوك إذا دجيت ,أضف من هالدراهم وأمشي ولا مكدر ولا مندر....وبعده أقوم الصبح وأشغل الددسن وأروح لحراج الغنم أحرج ,وكل رأس غنم أمشيه آخذ عليه ريالين.....ودمتم بخير

[راشد الصليحان]

اقتباس:  المشاركة الأصلية كتبت بواسطة ابوخالد382     والله ياراشد ,ترى هذه أول زياره وآخر زياره ولاتسألن عن السبب,,,الأمنيات ياراشد هي من أبقت بعض الناس على قيد الحياة,,,تصدق واحدمسيكين وضعيف ,يعني شارون يرحمه من الفقر اللي ذابحه,,,يقول لي تدري وشواللي مصبرن ماطبيت من فوق حدا هالعماير وأفتك من هالعيشه؟؟؟قلت وشو؟؟؟قال :الأمنيات ,يقول :إذا جيت أنام أحيانا شبعان وأحيانا جوعان,أحط رأسي وأغمض وأنواع الأمنيات وكل أمنية أتمناها تتحقق,,,يقول مرة تمنيت إني بطل عربي قومي وبقوتي الخارقة للعادة إستطعت القبض على بوش وبلير,وأحطهم بشبك غنم وأنواع التعذيب فيهم,,,ومره يقول تمنيت إني شبح غير مرئي وأدخل للبنوك إذا دجيت ,أضف من هالدراهم وأمشي ولا مكدر ولا مندر....وبعده أقوم الصبح وأشغل الددسن وأروح لحراج الغنم أحرج ,وكل رأس غنم أمشيه آخذ عليه ريالين.....ودمتم بخير

اهلا ابوخالد 382

مانيب قايلك ليه مانتب جاي مرة ثانية ...لأنك بكل تأكيد تبي ترغب وترجع لمجلسنا

لكن صاحبك هذا رهيب هو وامنياته ..!! خخخخخخخخخخخ
يارجل خله يحلم براحته ويحقق مايبي لو بالهواجيس والأماني ..!!
ترى وانا اخوك كثير من جنسه عندهم طموحات واحلام يتخيلونها وعايشن على امل تحقيقها ...! صحيح معظم الأحلام ماتتحقق ...لكن اغلبها تجعل الواحد منا (يعض على ام شوشة وهو يتمنى المنقوشة ) واكثر الأحلام والأماني تخلي الواحد يصبر على وضعه ...ويمشي الحال .!

شكرا لحضورك ولاتخلينا ..!

[شاطئ الراحة]

راشد ..

ما أذكر أني غادرت رحلتي برقم 1244 المتجهه للسرير .. إلا و هي محملة بامنياتي .. و أما أن تعود إلا و أمنياتها

السابقة قديمة للامنيات اللتي جددتها بعد عودتي من رحلة البارحة ( بعد ما أصحى ) ..

ولن نتخلى عن الامنيات بضل تواجد .. الأمل في حياتنا ..

تحيتي لك

[قصمنجيه]

سبحــان الله يا الصليحـان ...

المرء في الأمور الدنيوية لا يملأ عينه و لا التراب , فهو يعيش على التمني ..
فـ كل شيء تتمناه و تحصل عليه , سرعان ما ترووووح لذته , ثم ما تلبث أن تبحث
عن أشياء ثانية تتمناها..

[@عيون الصقر@]

السلام عليكم ورحمة الله وبركاته

[لمبة شارع]

وعليكم السلام ورحمة الله وبركاته

الحمد لله على السلامة عيون...

لك وحشة ياشيخ ..كيف حالك والاهل وكيف الاحوال كلها...
...

[Queen of buraydh]

اخ لمبه ..

زميله لي عندها مُشكله في الحوار .. حاولت احلها لكني فشلت .. قلت في نفسي الحل هنا عند لمبه .. لأني خابرتك حلولك قويه ( تبارك الرحمن ) وبعيده عن الحلول التقليديه اللي لا تغني ولاتسمن من جوع ولايهونو بقية الاعضاء وصاحب المُتصفح كلكم فيكم الخير والبركه ..
وش رايك ؟ اطرح المشكله والا بتكسحني زي اخر مره ؟

[لمبة شارع]

أفا عليك يا أختي كوين..ما قد كسحتك ولا استجري...والمتصفح عندك...شوفيه...ولا لك حاجة بهالديباجة التقديمية اللي حطيتيها
بالعكس انتي مرة جبتي موضوع واهملوه الاخوان والاخوات وانا اللي شبيت عليهم يتداخلون فيه...

وعلى كل حال أنا ماشي بكرى بإذن الرحمن ويمكن ما اتواجد الاسابيع القليلةالقادمة
عندك هالذيابة قصمنجية وعيون الصقر وراشد وبقية الاخوان هنا هم شيوخنا ..ولا أوصيك إذا جاء عيون وكتب شيء احفظيه صم..ترى كلام عيون يحتاج قراية عشر مرات في عشر أيام عشان الوحد يطلع معه بالعالي ويستوعب (مخمخاته)...

[Queen of buraydh]

اقتباس:  المشاركة الأصلية كتبت بواسطة لمبة شارع     أفا عليك يا أختي كوين..ما قد كسحتك ولا استجري...والمتصفح عندك...شوفيه...ولا لك حاجة بهالديباجة التقديمية اللي حطيتيها بالعكس انتي مرة جبتي موضوع واهملوه الاخوان والاخوات وانا اللي شبيت عليهم يتداخلون فيه... وعلى كل حال أنا ماشي بكرى بإذن الرحمن ويمكن ما اتواجد الاسابيع القليلةالقادمة عندك هالذيابة قصمنجية وعيون الصقر وراشد وبقية الاخوان هنا هم شيوخنا ..ولا أوصيك إذا جاء عيون وكتب شيء احفظيه صم..ترى كلام عيون يحتاج قراية عشر مرات في عشر أيام عشان الوحد يطلع معه بالعالي ويستوعب (مخمخاته)...

اخ لمبه ,, الا اخر مره كسحتني لما كنت زعلانه من تصرف الناس بمسألة نقد المهرجان ..
وهالذيابه انا اشهد انهم ما يقصرون .. اما بالنسبه لكلام الاخ عيون صدقت والله يبغالي فتره اجلس استوعبه وانت مب بعيد عنه ..
تروح وترجع بالسلامه استاذ لمبه

[قصمنجيه]

تسونامــي الأجــازة عامل عاميله بهالمتصفـح ..

[فتحي الشقاقي]

اقتباس: لمبة شارع وعلى كل حال أنا ماشي بكرى بإذن الرحمن ويمكن ما اتواجد الاسابيع القليلةالقادمة

تروح وترجع بالسلامه .. ربي يحفظك

[راشد الصليحان]

الحمدالله على سلامتك ياعيون ..وننتظر عودة البقية .....

لمبة ..أسأل الله ان يعيدك لنا سالماَ وغانماَ ...!!

بحفظ الله .........

[التنين]

انا اقول ان الأماني كلها مشتاقه لك لكن انت بس اللي عارف انها اماني بعدين ما تتحقق كلها يمكن تتحقق بعض الأماني لكن هل انت مقتنع انها من الأماني ويوم تحقق ما تقتنع تقول لنفسك وبعدين ؟ اذن كن حذر لا تدخل نفسك بسين وجيم ترى كلها اماني يعني اقتنع بما اعطاك الله وطلب منه المزيد ولما يتحقق لاتقول وبعدين كن طموح الامم تنجح بالعمل الجاد لبناء اجيال المستقبل والسلام

[تلميذة الحياة]

مراحب
..
صبحكم بالخير..
كيفكم..
؟؟
شووعاملين ..؟؟

وش اخر اخباركم؟؟؟