حديقه قوافي خيمه الشعر

[أنغام]

‏- وش يمسَح الدمع اذا حتى كفوفي بكت !

[كروومه]

‏لاتسـتحي مني ليا شفت بي عيب
‏وتـروح تحكي بي مـع اللي حكابي
‏.
‏اللي منعـك تقــدم النصـح بالطيب
‏يمنعـك من هرج القفا في غيابـي.. 👌
‏
‏

[طاري الشوق]

خلنا تنفاهم قبل نقدم على شي
قبل الزمن يقتل مفاهيم الاشواق
تعال خلك عن شموس الجفا في
واسكنك ياشوق في حظن مشتاق

طاري

[كروومه]

‏مثل القمر وأجمل من اطلاله الشمس..
‏والقلب حدد في غرامك مصيره..
‏
‏بيني وبينك حاجز بشاشه اللمس..
‏العين تبصر والايادي قصيره..

[إبن الجبل]

اقتباس:  المشاركة الأصلية كتبت بواسطة كروومه     ‏مثل القمر وأجمل من اطلاله الشمس.. ‏والقلب حدد في غرامك مصيره.. ‏ ‏بيني وبينك حاجز بشاشه اللمس.. ‏العين تبصر والايادي قصيره..

والقلب حدد في غرامك مصيره..

تسلم يدك ..على الابيات الرائعة ...

لا حرمنا إبداعاتك أستاذتنا الفاضلة

[كروومه]

اقتباس:  المشاركة الأصلية كتبت بواسطة إبن الجبل     والقلب حدد في غرامك مصيره.. تسلم يدك ..على الابيات الرائعة ... لا حرمنا إبداعاتك أستاذتنا الفاضلة

الله يسلمك وهذا من ذوقك 🌹🌹

[طاري الشوق]

انا من وين ماالد النـظر في خافقي القاك
تراك انت الذي مستعمر روحي ووجداني
وفي مـره لقــيتك في خـــيالي تلعـب بطــرياك
تمشى في ممـرات الفـكر وتبات باجـفاني
وحتى في وسط روحي تلمسته اثرممشاك
اثاريك الغرام الي سكن في كل اركاني
بوحي

[حكاية صمت]

‏بين الحين والآخر يتعمْقني حبك💛.

[أنغام]

‏عز الله انا من الدنيا تعلمنا
درساً صعيباً ع التلميذ نسيانه .

[كروومه]

خلك بعـيد وقدرك يزيـد ياهيه
وش فايدة قربك وقربـك خساره ؟
ياما على دربك لقيت المشاريه
لين أستوى عندي يمينه ويساره
وفـّـر ورودك دون لكن ولا ليه
صليت في بعـدك صلاة استخاره
لاصرت جاهل للحديث ومعانيه
حنـّا تـرانـا ماجهلنا وقـاره

[كروومه]

‏غلاك في قلبي يباري الشرايين
‏وينوب في بعض المواجيب عنها
‏:
‏بأقصى الحشا يسكن ومرباعه العين
‏سيطـر على كل الحواس وضمنها
‏:
‏أثر " الغلا" ياناس مثل السلاطين
‏اليا نزل بالقوم يحكم وطنها
‏

[ميمي نايس]

‏تعال زيح السكوت اللي كتم صدري
‏محتاج نسمة سوالف بيني وبينك
‏.
‏ما عاد باقي من اجوبتي سوى مدري
‏ولا عاد باقي من اسئلتي سوى وينك

[عبدالله ون]

يهز قلبي طيف واشواق واشتاق
واقول لك ياشوق طول غيابك
ماتدري انك طب صدري ليا ضاق
في بسمتك في نظرتك في عتابك

[طاري الشوق]

على بساط الشوق نثرت الأشواق
في ليلة قمرا بها الجو صافي
تعال واجمع من غلا الشوق مالاق
ومن صادق الأشواق لاتقول كافي
ماتدري ان الشوق ياشوق حراق
وتبيح الأشواق ماكان خافي

بوحي

[عبدالله ون]

لا تخاف البرد

وضلوعي حطب

انت شب الشوق

وابشر بالدفا