المهرجانات في بريدة ... بين المخصرات وبين بناطيل طيحني

[أحاسيس مبعثره]

فعلا فيه بنات الحياء منزوع منهم

ونشوف كثير من اللي قلت وفيه رجال الغيره منزوعه عندهم

وموضوعك حلو _

بس انا اشوف ان جملتك الاخيره خربت الموضوع باكلمه

بجمتلك هاذي شملت كل امرأه بالعااااااااااااااااااااااالم

السمنسي اتمنى ان تصحح جملتك (وتبقى المرأه هي محور الشر)

لانك اخطات بكل حق امرأه لاتملك سوى الخير

شكرآ

[وكيع]

مرحباً سمنسي يأخي اذا قريت معرفك تقل اني ودي اضحك >لاتدقق

المهم مادري احس اني مشغووول اذا فضيت رديت على موضوعك

[عجوز سمنسي]

اقتباس: سمو ذات محاولة التغيير من الواقع ليست كما صورها هنا العجوز فهو بطرحه ليست محاوله للتغيير بقدر ماهو اثارة بلبلة ليس إلا واسمحي لي أن اقول شعب اعتاد الهمجيه والشغب حتى في الإرشاد والتوجيه أما قضية المهرجانات ليس هناك اي آليات محدده كل مانراة هو اجتهادت من رجال الأمن وهيئة الأمر بالمعروف لذلك مع كل مهرجان أو حتى احتفال بسيط سيعاود العجوز وامثاله فتح مثل هذا المتصفح

كل يعمل على شاكلته وربك هو اعلم

لايمكن ان تحكري النصح والارشاد بطريقتك التي ربما هي للفشل اقرب وربما هي للصواب اقرب

فكل يرى بعينه مايراه مناسبا ومقاربا للصواب

سأعاود الظهور في كل حدث لايعجبني وسأكتب واكتب

طالما ا هناك خلل فسأكتب وطالما ان هناك رمق في داخلي فسأكتب

تحيتي لك

[عجوز سمنسي]

اقتباس:  المشاركة الأصلية كتبت بواسطة ثامر الناصر     [align=center]السمنسي تكفى علمنا منهو اللي من أعضاء الفريق الاعلامي عندنا له شدوق ؟ ماأذكر أحدن به شدوق خويانا كلهم شهبان إلا اثنين مماليح أنا وواحد :: بعدين عن موضوعك .. انا تراي مااتهمك بس اتكلم بالعموم وممكن تدخل من ضمن العموم أنت .. وأسير على ماقالت فديكا .. البعض لاقضى مقزقز وشبع جاك طاير للكيبورد ويقوم جلد بالبنيات ياحول !! ابسألك يابعدي هل لما شفت هالبنيات اللي تقول طلعت من الموقع وبسرعة لكي لاتنفتن .. أوكملت الدورة وفليتها ويوم جيت للمنتدى علكت هالبنيات ! وشكرا لك [/align]

والله ياثامر يالزين متعديك

وبعدين ابو شدوق هذا بكيفه مهب لازم نقول اسمه

ليت لك شدوق مثله يمكن نلمح لك بس ماش ياقلبي الحنك طالع عندك يبي وزنية

عادي ياقلبي دخلني مع اللي تبي

من ضمن اللي يقزقزون والا اللي ينصحون

كلها واحد عندي وربي

الاهم اني اخذت لفة وشفت شي ضيق صدري وقيل لي ايضا من ثقات مايضيق الصدر ايضا

وخرجت مهزوما نفسيا لتدني حال بناتنا وابنائنا

اشكرك ياقلبي

[عجوز سمنسي]

اقتباس:  المشاركة الأصلية كتبت بواسطة صالح العـيدي     عزيزي اصابعك ليست وحده موجود منهم التي لاتحتشم وفيه منهم المحتشمه بلبسها واخلاقها وعفافها .. مانقول غير الله يستر على بنات المسلمين ..

اهلا بك ياصالح

انا ماعممت ومن يفهم التعميم يكون مخطئا

انا اتحدث عن فئة معينة اعتقد انك تكلمت عنهم انت بموضوعك المحذوف

فئة المستهترين والمستهترات

شكرا لك ياقلبي

[عجوز سمنسي]

اقتباس:  المشاركة الأصلية كتبت بواسطة & حــور سعود &     [align=center] بكل مكان فيه الخير والشر .. وبكل مناسبه أو مهرجان تنزل مثل هالمواضيع .. ولا شفنا جديد .. ولا حركتوا ساكن ماغير فتح صفحات وبسسس .. بس قسم بالله مدري وش شايفن به الناس هالطرفيه يوم هم يدبتسون له .. صبختن شهبا يالله لك الحمد .. حتى المخميات بجنب بعـض الله لا يضيق علينا .. مدري وشلون يستانسون ويمتدون وهم كــذا .. الله والعـالم إننا لنا ثلاث سنين ماشفناه ,, وإن رحنا نروح نلقي نظره وحنا بالسياره لا أكثر .. من يقدر ينزل ويستانس والناس تقل ينهبون نهابه ههههههه يالله إن الشكوى لك !! ماأبلشه بالحـتسـه ؟

يامال الباحط مير على الرد

الحين تعبانين نكتب وهذي اخرتها وجع

وبعدين وش تبينهم يسوون ؟

شعب صحراوي تبينه يحط مهرجانه بقصر الاليزيه ؟

من الطرفية وجاي

الله يستر على الجميع

تحيتي

[عجوز سمنسي]

اقتباس:  المشاركة الأصلية كتبت بواسطة سفيرة الانسآنيهـ     اممممممممممممم الا فيه عندك بندر الحمر والمصري ابو قميص اصفر(هنو)

وطـــيـتـيـه

[عجوز سمنسي]

اقتباس:  المشاركة الأصلية كتبت بواسطة جرحي أكبر أسبابي     يؤيؤ حرام يا عجوز مسكين يا أنت ؟ لا بعد ومغلوب على أمرك ههههه من يسمعك يقول انك بريء من اللي جالس تنتقده بالمنتدى ترا أسلوبك قديم والكل كاشفك

اجل كاشفيني ؟

مشتغل بالدفاع المدني انت ؟

ياشيخ وربي ماتدري وش الكوع من البوع

خلك بس بتخيلاتك الله يشفيك

[قنوعه بدنيتي]

بعد الوناسه بدت العذاريب تكثر

[راشد الصليحان]

الأخ الكريم السمنسي
الواقع الذي رويته لنا عن المهرجانات والتجمعات الموسمية في بريدة وغير بريدة مؤشرغريب وعجيب
يشير إلى تحولات كبيرة تحدث بالمجتمع يشعرك بوجود حركة عشواية كبرى يعيشها المجتمع ..!
وجهة نظري حيال ماذكرت
عائداَ لقلة المدارس التثقيفية الإصلاحية التنويرية التي تقف في وجه طوفان الإنفتاح الجارف الذي يجرف
المجتمع السعودي من جميع الجبهات ..!
الإصلاحيون من الدعاة لايمتلكون الإمكانات الكافية لوقف هذا الطوفان الخطير .. فما يقومن به مجرد إجتهادات ومحاولات شخصية غير منظمة ..! ناهيك عن اختلافهم في التعامل مع مايجري من تبدلات ..!
فدهماء المجتمع من الرجال والنساء يتهافتون على كل جديد دون دوافع ذاتية واعية فتصبح التجمعات
المهرجانية والتجارية مكان مناسب لممارسة تلك الظواهر السيئة المتزايدة ..!
المجتمع ياعزيزي ( السمنسي ) لم يحصن بمايكفي للتعامل مع كل جديد ..! فالتحصين الذي تشربته شرائح المجتمع تركز على التمسك بالعادات والسلوم .. فقط ..!
لذا من الطبيعي ان يحدث في مجتمع مكبوت مثل تلك الظواهر التي ذكرت ..!!

لكل وللجميع تقديري

[عذبـــــة]

وانا اقرا القصه احتريك تقول انك كنت بمهرجان هلا فبراير على هالوصف
مخصرات وطيحني ومدري وشبعد
تراك بالطرفيه العبايات بيض من الغبره
والرجال شعث غبر من ملاحق الحريم والبزارين
اللي عنده نية مغازل يرجع وهو ينفث على يساره ويتعوذ من ابليس من الاشكال اللي هناك
انا رحت مره يوم رجعت اناظر روحي بالمرايه ماعرفتن احسبي خنفسانة قضيض من الغبار الله يحوم تسبودهم

[كفاني عذاب]

اقتباس:  المشاركة الأصلية كتبت بواسطة روح لايسعهآ جسـد     الهدف واضح من طرح هذا الموضوع السخيف ..!

وهدفك كمان واضح وضوح الشمس هنا في هذا المنتدى

[عمري انت]

ماخاني ظني من قبل كاتب الموضوع مارتحت منه

روح لايسعهآ جسـد نفس شعورك

[كلوز]

اخي الكريم سمنسي
خليها على الله بس والله انا استغرب من الاباء والامهات الذين يرون ابناؤهم يخرجون بمثل هذه الملابس والقصات التي هي دخيله على مجتمعنا بل ان المجتمعات الغربية يوجد بينهم من ينتقد مثل هذه الحركات وانا هنا اشد على يد هيئة الامر بالمعروف والنهي عن المنكر بضرورة مواجهة مثل هذه الظاهرة والبدء من الان بأخذ الموافقة من اعلى سلطة في البلد بتطبيق اقصى العقوبات على هولاء الاشخاص الذين اشبهم بانسان (مسخ) وضرورة التشهير بهم عبر صحيفة خاصة بالهيئة وتطبيق حد الجلد والسجن حتى يرتدع البقية.
شاكر ومقدر لك ما تتحفنى به من مواضيع مهمة وبنائه

[كفاني عذاب]

اقتباس:  المشاركة الأصلية كتبت بواسطة نواف الجهني     اخي الكريم سمنسي خليها على الله بس والله انا استغرب من الاباء والامهات الذين يرون ابناؤهم يخرجون بمثل هذه الملابس والقصات التي هي دخيله على مجتمعنا بل ان المجتمعات الغربية يوجد بينهم من ينتقد مثل هذه الحركات وانا هنا اشد على يد هيئة الامر بالمعروف والنهي عن المنكر بضرورة مواجهة مثل هذه الظاهرة والبدء من الان بأخذ الموافقة من اعلى سلطة في البلد بتطبيق اقصى العقوبات على هولاء الاشخاص الذين اشبهم بانسان (مسخ) وضرورة التشهير بهم عبر صحيفة خاصة بالهيئة وتطبيق حد الجلد والسجن حتى يرتدع البقية. شاكر ومقدر لك ما تتحفنى به من مواضيع مهمة وبنائه

استاذي الأخ نواف

ياسيدي الأن اصبح الأباء لا يعلمون ماذا يدور خلف بناته للأسف
حتي الأن صارت الفتاة تخرج بدون علم ابيها أو امها
تعصيهم وكأنهم ليسو بـ أبيها أو اميها للأسف
الأن اصبحت الفتاة تخرج وتلبس كما شائت