اهـلابـكم بالمقـهى الرمضـاني للحـوار المفتــوح !!

[نجم النعايم]

الطبقين الرئيسيين السمبوسة, والشوربة .......والمهلبيه الصفراء (التطلي) أو اللي متطنزة بالتطلي الا وهي الكريمة..... والمشروب المفضل التوت. والباقي بالنسبة لي تحصيل حاصل.

وسلامتكم,,,,,,,,,,

[الذاهبة]

اقتباس:  المشاركة الأصلية كتبت بواسطة راشد الصليحاني     ســؤااااااال للجميع ياليتكم تعلموننا وش تقدمون على مائدة الإفطاااار يومياَ

استاذ راشد الصليحاني

هذا سؤال ( شروفي ) نمبر ون

و انت اللي كل عمرك تحارب الشرافة و مقتضايتها ..


طيب ماعليه ..

بجاوب على سؤالك ..

طبعاً أهم شيء في مائدتي طبقي ( السلطة ) و ( الشوربة )

و طبعاً الطبق ما يتكرر أكثر من مرة خلال الشهر ..


خذ مثلاً قائمة إفطارنا اليوم إن شاء الله :


* سلطة نيسواز + سلطة الأنديف

* غراتان القرنبيط + ريزوتو + لفائف الفاهيتا + كبة مشمشية

* شوربة كريما الفطر + شوربة مينيستروني

* رافيولي بالسلطعون

* دجاج مكسيكي + رستو بالخضار + برده بلاو

* كفته جمبري + فيلية سمك بالكاري

* أمبناداس + كلوب ساندوتش +كنابية مالحة + سوفليه بالجبنة

* فوندان الشوكولا + زوكوتو + كريب سوزيت

* كوكتيل الفاكهة الاستوائية




عاد العذر و السموحة ..






ترى أكذب ..

شعوري شعور أي مواطن سعودي ، و فطوري فطور أي مواطن سعودي برضه ..!

[مياسة]

الذهبه ... ربي يرجك....
ترانا صايمين ...



الله يهديك ... لخبطتي افرازات المعده وسال اللعاب... !!!

كل أكله اطيب من اللي بعدهاااااا

إلا كوكتيل الأستوائيه مو حلووو حامض

[جورينا]

السلام عليكم ورحمة الله وبركاته

جميع ومشاء الله مقهاكم عااااااااامر ويوسع الصدر مشكور اخ راشد على طرحك للموضوع

اما انتي يااذهبتنا جد صدقت انه فطوركم حتى عجزت اقراهن شكيت انك سعوديه ومن بريده بعد

حنا فطورررررررنا مرتب ومفيد مايسوي ارتباك و تخمه للمعده<<< دايم تسمع به مع الدكاتره المهم

يتكون من

شووربة ام فهد ولايعلى عليهاااااااااااااااااااااااااااااااااااااااااااااا اااا في العالم اجمع (( الله يحفظه لي ويطول عمره))

وتمرررررررررررر وقهوه وتوت وتانج للمبزرة

وياسلام الواحد يقوم يصلي المغرب كانه غزال

[السعلوووه]

هاكم فطورنا اليوم

طبعا تمريات وقهوه وعصير برتقال طازج ولقيمات بالجبن

بعد الصلاة سمبوسه وشوربه فطر وشوفان وفطائر وبيتزاء وكنافه

والله يديمه من نعمه

[راشد الصليحان]

اقتباس:  المشاركة الأصلية كتبت بواسطة الذاهبة     استاذ راشد الصليحاني هذا سؤال ( شروفي ) نمبر ون و انت اللي كل عمرك تحارب الشرافة و مقتضايتها .. طيب ماعليه .. بجاوب على سؤالك .. طبعاً أهم شيء في مائدتي طبقي ( السلطة ) و ( الشوربة ) و طبعاً الطبق ما يتكرر أكثر من مرة خلال الشهر .. خذ مثلاً قائمة إفطارنا اليوم إن شاء الله : * سلطة نيسواز + سلطة الأنديف * غراتان القرنبيط + ريزوتو + لفائف الفاهيتا + كبة مشمشية * شوربة كريما الفطر + شوربة مينيستروني * رافيولي بالسلطعون * دجاج مكسيكي + رستو بالخضار + برده بلاو * كفته جمبري + فيلية سمك بالكاري * أمبناداس + كلوب ساندوتش +كنابية مالحة + سوفليه بالجبنة * فوندان الشوكولا + زوكوتو + كريب سوزيت * كوكتيل الفاكهة الاستوائية عاد العذر و السموحة .. ترى أكذب .. شعوري شعور أي مواطن سعودي ، و فطوري فطور أي مواطن سعودي برضه ..!

الذاهبة !!

الشرافة عمق وطبيعة بنا يا اهل بريدة ! عجزت اتركه وش عاااد نسوي !

وش هالفطورة اللي ذكرتيه ســاكنة بالهيلتون ؟؟

ماشاءالله عليك متمدنه !!!!

[لمبة شارع]

اقتباس: * سلطة نيسواز + سلطة الأنديف * غراتان القرنبيط + ريزوتو + لفائف الفاهيتا + كبة مشمشية * شوربة كريما الفطر + شوربة مينيستروني * رافيولي بالسلطعون * دجاج مكسيكي + رستو بالخضار + برده بلاو * كفته جمبري + فيلية سمك بالكاري * أمبناداس + كلوب ساندوتش +كنابية مالحة + سوفليه بالجبنة * فوندان الشوكولا + زوكوتو + كريب سوزيت * كوكتيل الفاكهة الاستوائية

قائمة افراد المنتخب الإكوادوري لكرة القدم...تمتعو بتعليق حماسي مع عدنان حمد

[البراق999]

اقتباس:  المشاركة الأصلية كتبت بواسطة نجم النعايم     الطبقين الرئيسيين السمبوسة, والشوربة .......والمهلبيه الصفراء (التطلي) أو اللي متطنزة بالتطلي الا وهي الكريمة..... والمشروب المفضل التوت. والباقي بالنسبة لي تحصيل حاصل. وسلامتكم,,,,,,,,,,

وش خليت يانجم النعايم

هذولاي احسن شي بس عاد تصدق ماعاد احد يضبطهن الحين


الله يخليك لي ياميمتي كانت تضبطهن بجد وكنا نتهاوش على الشوربه والتطلي


عاد الحين قاموا يجيبون لنا من الكريمات اشكل والاوان وكلها اصباغ


يالله الله يفرجها علينا

بالهنا ء والعافيه .

[الذاهبة]

مرحبا يا صبايا

ترى هذا فطوري و انا مالي خلق ولا استعديت بعد !!

هه






هذي الأطباق من كتاب اسمه ( سفرة اناهيد الشهية )

مممم

لو تقرون القائمة تنهبلون ..

كلام غريب عجيب

بس إذا دققتي بالمقادير و الطريقة

كلها معروفة .. و سهلة .. و وصفات شهية و مزبوووووووووطة

بس تعرفون الليبانيز بيبول .. يحبون الدلع شوي ..





لمبة شارع الموقر ..

لو قلت منتخب البرازيل .. كان تحمست أحضر المباراة

لأني برازيلية حتى النخاع ..


هه




و ماهو موضوع الليلة .. يا أباطرة ؟؟!!

[لمبة شارع]

تبلد احساسي اليوم وانا ارى مؤشر الاسهم يخسر حوالي400 نقطة كاسرا اقوى نقاط المقاومة عند 10950والسبب هو ان كثرة الضربات تصيب بالخدر ...اليوم التراجع افقدني مبالغ تتجاوز الربح الشهري المفترض ولم اشعر بأهمية ذلك ...والسبب انك لاترى الاموال امامك وهي تحترق عينك عينك وهذا من رحمة الله....

بعد السوق بقليل كنت على موعد مع عامل مصري جاء ليأخذ حساب له فجلست اتفاصل معه بشكل دقيق..كنت اقول له ان مبلغك 885 وليس 889 كما تدعي ايها اللص الكبير ,,هل تريد ان تبخسني اربعة ريالات اضافية عدا ونقدا في وضح فوانيس رمضان!!!!

في هذه الاثناء وبينما كان يعيد توزيع تقاسيم وجهه في اماكنها الطبيعية بعد غارتي المفاجئة ..في اثناء ذلك تذكرت تلك الخسارة اليومية التي لحقت بي بسبب تراجع الاسعار ....فقلت عجبا لك يالمبة !!! هوامير السوق توهم مشلحينك ربح شهر ..!! وهذا الضعيف تفاصل معاه على اربعة ريال !!! يا شيخ استح على روحك وخلك آدمي وضف بجاحتك ولسانك البذيء ولا تتشاطر على هذا العامل واذا فيك خير رح قل شي لهوامير السوق ...

ثم قعدت اتساءل !!! لماذا لا تؤثر فينا الخسارة اليومية في سوق الاسهم وعمليات النهب الهواميري اليومية.. بينما نموت من الغيظ والكمد ونصاب بغرغرينا الدماغ عندما نشعر ان احدا ما ....يحاول يهك علينا!!!



اعلاه كانت هواجيس نتية مال امها داعي....


ماعلينا ....


هل يستطيع احدكم ان يدلني على ظروف وملابسات وتفاصيل الغياب الجماعي عن المقهى هذه الليلة...؟؟




...........................

[فارس الميدان]

ياسعد رجالكم بطبخكم ونفخكم

انشاءالله اذا اتزوجت بتجيني زوجه فنانه بالطبخ .. عشان اتفنن بتدليعها

>> واحد يحب بطنه

[السعلوووه]

اسمه مايأهل اني اصير مشرفه فيه خخخخخخخخخخخخخخخخخخخخخخ

[راشد الصليحان]

سؤاااااال ليش مايكون زواجااات برمضااان ؟؟

ادري سؤال في غير محله !!

لكني سمعت أن أحد اللاعبين الدوليين المشهورين بالمنتخب السعودي متزوج برمضاااان ؟

وش رايكم ؟؟

[فور يو]

الله يعوض عليك اخوي لمبه , الحمدلله طالع من السوق يوم الأحد بكل ما املك , ترى كل ما املك طفسه بس الحمدلله على كل حال ....

اعمار قربت وقرب الهدام ,,, الله يعين اللي متعلق بشجره وبعسيب ...

[لمبة شارع]

مابال اشاعة (تدبيل الراتب) تتفاقم كل يوم بشكل متزايد منذ خمسة ايام

في سوريا صدر مرسوم رئاسي بداية رمضان بصرف 50 بالمائة من الراتب لهذا الشهر لجميع موظفي الدولة...

وان شاء الله ابو متعب يبي (يشيل ماركت) وينسب الراتب في الثواني الاخيرة...


............................................