ديواني في مدونتي

[موسى العناز]

ليت الكويت أرضي وفيها مباتي
*** أو لـيـتـنـي فيها ولـوهي زيـاره

حتى أحتفـل في مقدمك ياحياتي
*** واصنع بحسّي في قدومك إثاره

[موسى العناز]

يوم انت مـحـتاج لعطائي عـطيتك
*** حـتى غـرورك زاد مـع كـبـريـائـك

من أحلا وأعـذب نبع فيني سقيتك
*** ويوم ارتوى قـلبك توقـّف عـطائك

[موسى العناز]

شــعـّـارنـا تـفـخـر بـهـم كـل خـيـمـه
*** تــألـّـقـو بـبـحــور و أوزان و أبـيـــات

مـامـرّهـم هـزل الكـلام وهـشيـمـه
*** جـزلين حبك وسبك و أبيات جـزلات

شاعرنا رمـز .. و شاعـرتنا عـظـيـمه
*** يـفـخـر بهم حتى الشعـر والعـبارات

ودّي اعـدّدهـم و أخــاف الـظـلـيـمـه
*** لـيـا نسيت اسماء بغـفـله وسهوات

لـكـنـهـم يـسـتـاهـلـون الحـشـيـمـه
*** ويستاهلون المجد في كل الاوقات

[موسى العناز]

صباح الـطـف مـن الـنسمه
*** صباح ارهف من الإحساس

صباح أعـطـف مـن البسمه
*** من إحساسي لأعـزّ الـنـّاس

[موسى العناز]

أنـتـظـرت الـعـيـد يـاعـلـّـك تـبـان
*** أو يجي صـوتـك يهنـّي واأسمعه

وراح يوم العيد من خلف الزمان
*** ماسـمـعـت إحـساس بين المعمعه

وراح ثاني عـيـد ما شفت الحنان
*** وراح ثالث عـيـد وأفـراحـي معه

[موسى العناز]

وش السبب منتب ع بعضك اليوم
*** قـلّـي عـسى ماشر عـينـك تنـوحي

ياجعـل قـلـبـك مايعـاني من هموم
*** ياغـالي انت الطب لأهل الجروحي

لو ضاق صدرك ماتهنيت في نوم
*** و الروح طـول الليـل لـجـلك تبوحي

ماودي تقضي تالي العـمر محروم
*** مادام حلم الـعـمـر يشعـر و يوحي

انا فدا قلبك عـسى نبـضـه يــدوم
*** و أنا فدا روحـك .. و تـفـداك روحي

[موسى العناز]

شفتها مـن شـفـتـهـا روحـي عـلـيـلـه
*** شفتها و بـ جـنـبــهـا شـفـت الـمـنـيـّـه

شفت حـدّ الموت بـ رمـوش¸ ظـلـيـلـه
*** و شفت لـون الـمـوت من تحت الثـنيه

شفت برق وشفت غيم وشفت سيله
*** شفت نـار و شفت نـور و شفت ضـيّـه

شفت وقت و شفت يوم و شفت ليله
*** شفت حـب و شفت وّد بـــــروح حـيّـه

شفت آيـه شفت غـايـه بـلا وسـيـلــه
*** شفت شـيّ¸ بـا لعـمر ما شفت زيّـه

مـا تـوصـّف نـور عـيـني مـسـتـحـيـله
*** مـا يــوصّــــف زيـنـهـا الــف إعـبـريّــه

يـكـفـي إنـه عــيّـروهـا بـ الـطـويــلـه
*** لـيـن غــارت مـن حــلاها الأجـنـبـيّــه

[موسى العناز]

بـعـطـيـك نـاتـج ما حصل بيـنـنا أمس
*** الـمـوقـف اللي في حـواره جـمـعـهـا

النبضة اللي تحتمس داخـلي حمس
*** نـصـفي يـخـالـفـهـا و نصـفي تـبـعـها

والكلمة اللي تغـني لوجآت باالهمس
*** تـدفـع شعـور الغـالي اللي سمـعـهـا

والشجرة اللي ماتضلل عن الشمس
*** الـلـي يـحـسّ بـ حـسّ غـيـره قـلـعـهـا

هـذي نـتـائـج مـا حصل بـيـنـنـا أمس
*** والـمـوقـف اللي في حواره جـمـعـها

[موسى العناز]

ياوين ابرمي هاالجسد فيه وأرتاح
****** ما عاد به مصـلـوح من دون قـلـبي

قـوّة غـلا تـجـتـاح قلبي بلا اسلاح
****** لين اخضعت قلبي لها بـأمـر ربـي

لا تحسب إن الحب تـرويـح وإمـزاح
****** لـو إتـخـيـّـل .. ما تـخـيـّلـت حـبـي

ياللي تـركت الـحـال والـحـال لمّاح
****** يافاقد الإحساس حـبـك غـدر بـي

ياهاوي التـعـذيب وش تجني ارباح
****** لاشفت شي ٍ في حيـاتي عـثربي

خلـّيت عمري بين تعذيب وإجراح
****** واللي يـزيـد الـهـم .. بيديك طـبي

الله يـاخـذ عـمـرك الـيـوم وارتــاح
****** أو يـاخـذ الله حـبـك اللي بـقـلـبي

[موسى العناز]

بــــريـــــدة

الـديـره اللي في خـفـوقـي غــلاها
*** ما تـنمّحي لو جيت لندن وباريس

بـريـدة الـلـي عـطـرهـا في ثـراها
*** وفي ناسها كل الـوفا والأحاسيس

بـريــدة الـلـي حـبـهـا مـن لـفـاهـا
*** واللي يـوادعـهـا دموعه محابيس

بـريـدة الـلـي كـم قـلـب إحـتـمـاها
*** الـمـزعـله باالحيل عـبّـادة إبـلـيس

بــريــدة الـلـي كــل شـي بــذراها
*** يفوح عطره من جميع التضاريس

بـريـدة الـلـي مـا بـقـلـبـي سـواها
*** والـلـي لها بـ أعماق قلبي متاريس

[موسى العناز]

الـنـاس مـاهـي سوى بـ الـبـعـد تـتـألـّم
*** كل ٍ على حسب شوقه يرسل أشواقه

الـنـاس فـيـهـم بـلـيـد الـحـسّ مـايـهـتـم
*** وبـ الناس من لـعـبـتـه تشويق مشتاقه

وبـ الناس مـن يـاصـل المطلوب لو يفهم
*** وبـ الناس من هـو بـنـفسه ضـيّق خناقه

وأنـا لـيـا ثــــارت أشـواقـي و زاد الـهـمّ
*** قمت أتـأمـل لـهـيـب الشـوق و إحـراقه

وأقول من كل قـلـبي لك : عسى تسلمّ
*** تـعـيـش و تـجـرح كـثـيـر اقـلـوب خـفـّاقه

[موسى العناز]

أنـا قــريــب لـ ( كـلّ واحـــد ) يــعــانـي
*** حـقـه عـليّ الـقـرب مـن دون مـصـلوح

لا شـفـتـك تـعـاني حـضـرت بـ حـنـاني
*** و أشوف نفسي فيك لا صرت مـجـروح

مـا بـيـك تـشكـرنـي و تـاخـذ مـكـانـي
*** أنا أشكر إحساسك على صادق البوح

[موسى العناز]

مـا عـادت تـكفي طـيوفك
*** أجـي .. ولاّ تـجـي يـمـّـي

أبي أشكي وأنا أشوفك
*** تـشـوف الكـلمـه بـ فـمّي

عـساها تسمح اظـروفك
*** تسـاعـدني عـلى هـمـّي

[موسى العناز]

عرفتي ليه أنا خايف
*** عرفتي ليه أنا محتار

عرفتي ليه أناشايف
*** وفآء كل البشر ينهآر

[موسى العناز]

خـبـري بـ قلبي ما تـهـزّه مهـالك
*** ثـقـيـل واجـد مـا تـطـولـه أيــادي

وش السبب قلبي هوى في حبالك
*** انتي اكـيـد انـك سحـرتـي فـؤآدي