الــمجــلس الإجتـمــاعـي /// لـ النقاش والحـوار الهادف !!

[الملتاعه]

لمبه نووورت المتصفح

من شهرين تقريبا ساكنه بيتي جديد تبغى صوووور



عشان يقول أمرؤ القيس وين حنا فيه في محل ديكوراااات

[فارس الميدان]

استاذ لمبة شارع

ياليت تخلي ميدوو ينورنا في بعض الصور من بيته

اذكر غرفة النوم حقته قريبه من ذي الي بالزاويه كاني مو واهم

بس الون بنفسجي كانها على خبري

وطريقة تصميم بيته روعه بالحيل ..

لمبة بالنسبة للدرج كيف وضعه عندك ؟ مايل او شكل دائري او مستقيم عادي او كيف بالضبط ؟

[شموع تحت المطر]

وأنا عندي صور بعـــــــــــد

كل الصيف وأنا اجمع صور من النت جهازي كله صور اثاث وبويات وألوان وأجهز بيت خيو

اللي يبي يطب ويتخيـــــــــــــــر...

تبون اخضر ولا أحمر عندي صور لهن فتنــــــــــــــــــــــة..

لمبة صح تذكرت شي ابقولة لك..>>شكلك بتصبخن بالفارة...
أنتم بتصلحون مطبخ جديد,,عندي لك محــــــــــل تحفة.. ماتلاقي مثل تفصيلة..
اممممم وش مادري..اذا بغيت شي اســــــــــأل...>>ابوك يالثـــــــــــقة..

[Queen of buraydh]

شموع نزليهم اللي عندك خلينا نتفرج ..

[شمس الرياض]

مرحبا بالجميع

شوف لمبه حكاية الدهانين اللي يوم يشتغلون ويوم نايمين افضل حل هو الاعتماد على شركة خاصة بفن الديكور

انا بخصوص راي اختك شمس المتواضع

هناك يالمبه انواع واشكال في الديكور والناس اذووق


التعتيق هو معروف لدى الجميع بالوانه وتصاميمه المختلفه

وطبعا انا ارى ان الالوان الفاتحه هي الافضل

وخاصة الاصفر والبرتقالي مع التركيز على الاضاءة واختيار ااضاءءة الصفراء

وجميل جدا لو اخترت على زوايا معينه او ركن نستخدم فيها الترخيم

وهو عبارة عن لون ساده مطابق للون التعتيق الاساسي



اما المجالس الرسميه يفضل بها اللون البيج مع اسقف من اللون الاغمق مع رسم خفيف
او اختيار الحجر الطوبي المتفرق مع وجود خشب محفور به في الوسط
وايضا سيكون مناسب في الممرات المستطيله اختيار الحجر الطوبي
ركز كثير اخي لمبه على الاضاءة لانها تعكس الالوان وتميزها



وهناك نوع اخر وهو ورق الحائط

اما غرف النوم فالافضل لها الوردي او السماوي الفاتح او البيج

مع التركيز على اختيار الالوان المناسبه لغرفة النوم والوان الستائر والتحف والاضاءة

اما الارضيات

الأرضيات الخشبية .وهي الدارجه الان في المطابخ والبعض يفضلها في الدور العلوي
الأرضيات الرخامية والبلاط .وهي في الصالات وغرف الاستقبال والممرات والدرج

أرضيات الموكيت وانا شخصيا افضلها في غرفة النوم

وايضا الابواب هناك تعتيق خاص بها بالرسم على زوايا معينه

[شموع تحت المطر]

كوين ياقلبو ..

عندي ملفات كاملة.. صور كثيرة مو وحدة أوعشرين

وش انزل و أخلـــــــي... لو أنزلهن كان يقصبون رقبتي لاني بحوس منتداهم...

[بلسم]

اهلين شموع انتي موجوده الحين ولا طلعتي؟

[شموع تحت المطر]

مـــــــــــــــــــــــوجـــــــــــــــــودة..

[بلسم]

عارفه اني داخله عرض بس ياليت لو تنزلين شي من الصور اللي تقولين عنها
لاني على وشك سكن جديد خليني اخذ افكار

[Queen of buraydh]

شموع مو لازم تنزلين كثير نزلي 3 او 4 نماذج بس ..<< لزقة عنزروت

[شموع تحت المطر]

طيب ولايهمكم على راسي أنتوا..

راح انزل صور بس مو الحين لاني ماشوف الدرب..

تلاقونها اليوم بقسم الديكـــــــــــــــــــور

حددوا أنتم تبون اثاث غرف الوان اصباغ ولا مطابخ اللي تبون انزلة بأذن الله..

[Queen of buraydh]

انا ابغى الوان اصباغ ودهانات حوائط

أبغى ألوان جريئه ... راح ننتظرك ياعسل

[مــنــال]

يوه الموضوع بيصير فيه عرض

بصراحة كلكم كوم و عرض أستاذتنا فاطمة كوم ثاني ، تقول تعال مع أهلك شووفوا بيتي و أنتم لسه بتنزلون صور ؟؟

[شديد الملاحظة]

الأخ الكريم : لمبة شارع

عندي تجربة خاصة بموضوع التعتيق راح أعرضها إن شاء الله في وقت لاحق..

تقبل تحياتي ..

[لمبـة شارع]

الأخوات والإخوة منال وشموع وفاطمة الوليعي وكوين وبنت بريدة وبنت البدائع ومون وابتسام والملتاعة وفارس وشمس وبلسم والأخ شديد الملاحظة...
الشكر الجزيل لجميع التعليقات المتعلقة بتساؤلي..والصراحة أنكم فتحتوا مخي على أمور لم تكن لتطرأ في بالي خاصة بذكر ألوان إضافية ... رغم كل المجلات والسيديات وجولات عصاري الجمعة التي أقوم بها...

المهم...

كل من قال أن عنده صور أو تصورات إضافية أو أفكار من أي نوع رجاء تحميلها هنا على هذا المتصفح..ومن أرد إنزال متصفح في قسم الديكور فليتكرم بوضع الرابط هنا للمعلومية...والله لا يخلينا من معاونتكم وابداء المشورة والتجربة عبر هذا المتصفح أو غيره
الردود التي كتبتم تحتاج تصنيف واستخلاص مني لأهمية الموضوع بالنسبة لي واحتياري المستمر ..خصوصا مايتعلق بالألوان وتوزيعها بين نوعيات المساحات ...