[mark=#0000ff]الصدر ضاق وقلت يالله عسى خير
يضيق صدري لا فقد طيبة انسـان
يابو حمد تكفى عشان الجماهـير
ارجع ياكل الطيب في قلب سلمان
ارجع تـرا فن الادارة معك غير
وأول شهودك يا القريني كحيلان
ارجع وواصل يا الغلا خطوة السير
وابشر بنا حولك ولا فيه خذلان
ارجع وغيض اهل الفرح والتباشير
علمهم ان حب النصر ماله اثمان
انا اشهد انه ما حصل منك تقصير
خدمت نادي النصر من ماض الازمان
ما يستوي من بصمته بالطباشير
ومن بصمته منحوته بكل الاذهان
اسمح لنا ما نقبل اية معاذير
لانك مميز ، ومثلك افعاله تبان
هذا مكانك خالي وما يبي الغير
شف دمعته يابو حمد كنه انسان
تكفى عشان النصر "نادي الجماهير
ارجع ياكل الطيب في قلب سلمان[/mark]
العرض العادي
