العنوسة وجشع بعض الآباء.....وجهان لعملة واحده!!!!!!!!!!!!!!!!

[عاشق ديرتي بريده]

ومع كل الكلام اللي تقولنه اذا راح الواحد يخطب ماعطوه وجه يقولون تبي تكمل دراستها .... مستحين يقولون انك شين !!!!!!!!!

انا استغرب عنوسه عنوسه كل الكلام عن العنوسه واذا الواحد راح يخطب مايلقى بنت !!!!

[فتحي الشقاقي]

اقتباس: عاشق ديرتي بريده ومع كل الكلام اللي تقولنه اذا راح الواحد يخطب ماعطوه وجه يقولون تبي تكمل دراستها .... مستحين يقولون انك شين !!!!!!!!! انا استغرب عنوسه عنوسه كل الكلام عن العنوسه واذا الواحد راح يخطب مايلقى بنت !!!!

شفتي يالذاهبه ؟

الحين السبب من وين ؟

[الذاهـبـة]

استاذ فتحي الشقاقي ..

الله يحفظك قبل كل شي شوف توقيعك وشو ؟

هذا و أنت رجال .. تهايط تبي لك رانج سودا هيبته مثل عيال السعود يوم العيد الصبح ..

<<< حاست ابو البيت ..

لا تقعد تقول بنت بسيطة و بسيطة .. !!

و تلوم البنيه إذا حلمت ..!!

الله يحفظك هذاك زمان أول .. تقص عليها تقول اهم شي السعادة .. لو بيتنا من حصير ..

هه .. !!

السبب الأول .. منكم أنتم ياالرجال ..

وش تبون البنت تسوي ؟ تلبس عباتها و تطلع تبحث عن عريس الغفلة .. !

و اللي يقولون له البنت تبي تدرس .. يمكن تصريفه .. ماجاز لهم ..

أو ينتظرها لحد ما تتخرج .. مافيها شي !!

[فتحي الشقاقي]

اقتباس: الذاهبـة استاذ فتحي الشقاقي .. الله يحفظك قبل كل شي شوف توقيعك وشو ؟ هذا و أنت رجال .. تهايط تبي لك رانج سودا هيبته مثل عيال السعود يوم العيد الصبح .. <<< حاست ابو البيت ..

هههههههههههههههههههههههههههههه
ههههههههههههههههههههههههههه
هههههههههههههههههههههههه
ههههههههههههههههههههه

موتيني ضحك ..

التوقيع هذا اهداء من الاخ قرناس وعيب الرفض الهديه

والبيت الصحيح هو :

هيبتة ماكنها الا هيبة عيال الســــعود
في صباح العيد واحفاد الملك متجمعه

والله شي تعرفين اشعار مواتر يالذاهبـة

اقتباس: لا تقعد تقول بنت بسيطة و بسيطة .. !! و تلوم البنيه إذا حلمت ..!! الله يحفظك هذاك زمان أول .. تقص عليها تقول اهم شي السعادة .. لو بيتنا من حصير .. هه .. !! السبب الأول .. منكم أنتم ياالرجال .. وش تبون البنت تسوي ؟ تلبس عباتها و تطلع تبحث عن عريس الغفلة .. ! و اللي يقولون له البنت تبي تدرس .. يمكن تصريفه .. ماجاز لهم .. أو ينتظرها لحد ما تتخرج .. مافيها شي !! __________________

استاذتي ولا يهمك

خلاص يا شباب .. كل واحد يدفع مهر 70 الف

ويستاجر بيت بــ 20 الف

ويأثث غرفة الاحلام بـــ 15 الف

وباقي الاثاث حق الصاله والمطبخ بـــ 20 الف

ويفصل 6 ثياب بــ 2000 ريال

وشهر العسل ماليزيا او اورباء بـــ 20 الف ريال

وفي الاخر تترزز عندك وحده شكايه حنانه تبي امها كل يومين وتبي مطاعم كل يومين وتبي هدايا وملابس و و و و

لين يتلبسك الدين وتدخل عالم الاحزان

وفي الاخر تروح البنت عند اهلها وتقول والله يمه ما توفقنا مع اني البسله واكشخله وماقد طلبت منه العود ..
وماغير تعايرك في اختي وزوجها او فلانه صديقتي وزوجها يوديها ويجيبلها و و و

هذي البنات يالذاهبة .. ليتهم عند باباهم احسنلهم من الهباب الي بيعملوه ..

[الذاهـبـة]

مممممممم

بسيطة .. دور لك وحدة بنت نعمة .. و ماعندها أم ..

صدقني بتلزق بك لزقة عنزروت ..

[أبوراشد]

اقتباس:  المشاركة الأصلية كتبت بواسطة الذاهـبـة     وفوق كذا يتشرطون .. يبي طويلة و بيضا ( وجميله ) و شعرها يسحب و عيونها قتاله و خصرها يصك عليه الخاتم

وتنكّت بعد ...... والله هذي شروطي ههههههههههههه
ولا وش أبي بالمقرود أقعد مع الشله أفضل

والمهر مايتعدى الخمسين
والله أني أشوف ان الـ 30 زينات بالحيل مابقي الا هن بعد الأسهم وخطر يطيرن


.,,,

ولا مهوب لازم عرس وخطرن علينا نصير سباكين ..

[ابوخالد382]

اقتباس:  المشاركة الأصلية كتبت بواسطة الذاهـبـة     والله يابو خالد .. الوضع شوفة عينك .. العيال النشامى .. باااااااح .. ماعاد فيه وليده بهالزمن .. اكلتهم السيارات .. و الباقين الطيب منهم يدخن و جوازه ماعاد ينشاف من الاختام .. وفوق كذا يتشرطون .. يبي طويلة و بيضا و شعرها يسحب و عيونها قتاله و خصرها يصك عليه الخاتم من وين هذي تلقى ! من زين عاد ذا الوجيه .. الواحد من كثر ما يحلق صاير وجهه تقل بلحه خضرا مابعد استوت .. المفروض كل واحد يعقد اماله على قده .. لا يقوم يتعنطز .. ! و المتزوجين .. كل واحد حاجر له وحده و يالله يالله يتنفس منها .. وين تحلون مشاكل العنوسة و الحل بيديكم انتم .. انا لو رجال .. والله العظيم لأرص 4 مدرسات .. الحياة صعبة اليوم .. ولابد من تنوع الدخل المادي .. كل وحدة تقوم بحالها .. و بيتها .. و وسع المراح و استرزق الله ..

والله جبتيها يالذاهبه ,,,,لكن ترى فيه شباب عصامي ,بس المشكله إنهم يعدون بأصابع اليد.....لكن لا نعفي الآباء اللي طمع بهالقرشين اللي يطلعن للبنت آخر الشهر...مشكور تشريفك أختنا الذاهبه,,,,وترى فتحي بالقاهرة هالحين , ...ههههههههههه

[ابوخالد382]

اقتباس:  المشاركة الأصلية كتبت بواسطة فتحي الشقاقي     الذاهبـة الولد مهما كان مصير البنت تغيره للاحسن بس مايغثك غير بنات هالوقت .. تبي مهندس او دكتور او رجل اعمال ،، تبي واحد يسافر فيها كل سنه ،، وتبي شغاله وياليت سواق بعد ،، وتبي تسكن بالحالها وعلثتها ( ياعمري انت انا ابي البسلك بناطيل وحركات وما اقدر البس وانا عند اهلك ) طلعني بالحالي .. العنوسه الحين واصله مليونين بنت .. بالله هذولا وش مصيرهم ؟؟؟ اتحداك اذا المشكله من العيال .. انا بحياتي ماشفت ولد مايبي يتزوج .. واذا شفت وسألته ليش ؟ قالك والله الحياه صعبه ومابي اخذ بنت الناس اعذبها معي وهي تبي وتبي وتبي .. لان الولد ماخذ صوره ان البنت تجي وتجيب معها المصاريييييييييييييف بالهبل .. شوفي كلام راشد الصليحاني كيف !!! الي يسمع كلامه يقول بلا زواج بلا هك يعني السبب هو المجتمع الي رسم حق الزواج هذي التكلفه وفي الاخر حطها في ظهر الشاب .. وصار الي مثلك يقول ايه شباب هالوقت يتشرط .. ياشيخه انا ابي خيشه اتزوجها بس تلمني وتكون وحده بسيييييييطه يكفيها اي شي حتى لو >> شوفتي هههههه مايحقر نفسه ..

هلا فتحي,,,أخبار الجو بالقاهرة؟؟؟؟ ,,,يقولن زحمة وغثى......
والله يافتحي كلامك فيه من الصحة الشيء الكثير...بس لا نعفي الشباب من التسبب بالعنوسة...تحياتي لك فتحي

[لمبة شارع]

المجتمع يظلم نفسه كل يوم..وبزداد ظلما لمكوناته كل يوم...

الشباب الذكور يتهربون من الزواج..في الغالب لأنهم يشعرون انهم (مهمب كفو) بسبب حالة الاحباط العامة + تراجع مستوى المرجلة والتكلان على الله...

لا اعتقد ان الناس او البنات يرفضون الخُطاب بهذا الشكل المبالغ فيه...
المشكلة احد اسبابها هو النمط الاجتماعي الغير متناسب مع الواقع الاقتصادي...

[فتحي الشقاقي]

اقتباس: لمبة شارع لا اعتقد ان الناس او البنات يرفضون الخُطاب بهذا الشكل المبالغ فيه

لا يا استاذي الفاضل
والله يالمبة شارع ما تتخيل كيف رفض الناس للشباب .. شي شي مفجع

انا اعرف شباب بالهبل كل واحد رادينه اكثر من 7 او 8 عوائل

لمبة شارع ترا الناس صايره تتشرط ..

بس والله ما تنلام من كثر المشاكل الي سمعت عنها الناس صارت تخاف على بناتها

[فتحي الشقاقي]

اقتباس: ابو خالد هلا فتحي,,,أخبار الجو بالقاهرة؟؟؟؟ ,,,يقولن زحمة وغثى...... والله يافتحي كلامك فيه من الصحة الشيء الكثير...بس لا نعفي الشباب من التسبب بالعنوسة...تحياتي لك فتحي

الجو مقرف والشعب مقرف والله يابو خالد مدري من الغبي الي تعجبه مصر ..

اسكت امس انواع البهذله بالشرطه عشان السياره وسحبو رخصي ..

وعلى بالي بوسع صدري تعرفت على مجموعة مصريين وفي الاخر طلعو عصابه كويس اني فلت بجلدي ..


انا جدا مستاء من مصر لدرجة اني كرهتها بقوة

[ابوخالد382]

اقتباس:  المشاركة الأصلية كتبت بواسطة لمبة شارع     المجتمع يظلم نفسه كل يوم..وبزداد ظلما لمكوناته كل يوم... الشباب الذكور يتهربون من الزواج..في الغالب لأنهم يشعرون انهم (مهمب كفو) بسبب حالة الاحباط العامة + تراجع مستوى المرجلة والتكلان على الله... لا اعتقد ان الناس او البنات يرفضون الخُطاب بهذا الشكل المبالغ فيه... المشكلة احد اسبابها هو النمط الاجتماعي الغير متناسب مع الواقع الاقتصادي...

فعلا النمط الإجتماعي الغير متناسب مع الوضع الإقتصادي هو من الأسباب الرئيسية لبروز الظاهرة....شرفني مرورك أستاذي.....

[ابوخالد382]

اقتباس:  المشاركة الأصلية كتبت بواسطة فتحي الشقاقي     لا يا استاذي الفاضل والله يالمبة شارع ما تتخيل كيف رفض الناس للشباب .. شي شي مفجع انا اعرف شباب بالهبل كل واحد رادينه اكثر من 7 او 8 عوائل لمبة شارع ترا الناس صايره تتشرط .. بس والله ما تنلام من كثر المشاكل الي سمعت عنها الناس صارت تخاف على بناتها

أخوي فتحي ,,ليس كل من رد من الشباب فقط من الشروط ,أحيانا الشاب يكون غير كفؤ للبنت ....لكن العنصر الإقتصادي اللعين هو السبب(تدور حوله الدوائر)فهو السبب,إما جشعا من الأب أو ضيق ذات اليد من طرف الشاب......

[بنت بريدة سابقا]

لو كل اب تمعن قول المصطفى صلى الله عليه وسلم (اعظمهن بركه ايسرهن مؤنه )
لو تمعنوا هذا الحديث لخففوا طلباتهم ورحموا الشباب قليلا
بالعكس في ها الزمن نلاقي البنات يتفاخرن بكثر مهورهن فلا حول ولا قوة الا بالله

لك موفور احترامي

[قلب الاسطوره]

والله اشوف انا اسباب العنوسه هو شروط اهل البنت من مهر ومن ومن الى اخره
غير طلبات البنت ابي اكمل دراستي ولا شكله مو عاجبني ولا ولالا اطلع 2000 عذروب عشان ماتزوج وجالسين تحطون اللوم كله الشباب
الكل ملام بس اهل البنت والبنت عليهم النسبه الكبيره من الملامه

اقتباس: الذاهبه مممممممم بسيطة .. دور لك وحدة بنت نعمة .. و ماعندها أم .. صدقني بتلزق بك لزقة عنزروت ..

هذي مراح ترضي بواحد اقل منه مستوى هذ اطلاع الي فوق
وانتم يالجنس الناعم (البنت) مستحيل تتعرفون باخطأكم لازم تتبرون
ان شاء الله مو توصلون 30 سنه ان شاء 50 سنه اذا هذي شروطكم
المشكله انا اكثركم تقر ون احاديث الرسول عليه افضل والسلام بالزواج بس ولا احد يطبق منكم (اذن من طين واذن من عجين)