انت فاسق .. انت ملتزم .. ثقافتنا بين الامس واليوم

[شخصية]

الطاحونة
أليس الحال في جزيرة العرب بعد دعوة الشيخ المجدد محمد بن عبدالوهاب أفضل من واقعها قبل الدعوة , أذا الوقت حداثته وتقادمه ليس ذات أهمية في القياس على صحة التدين من عدمه

طيب مارأيك أن هناك مفكرين كثر ومنهم أسلاميين معروفين , من يعزو ويدعي أن طبيعة التدين في الماضي هو ماأنتج واقع النشوز الحاضر , الانعزال في الماضي هو ماأنتج الضعف والهوان في أيامنا , حرمنا على أنفسنا قديما كل جديد , وهانحن نحصد مافعله التشدد في السابق واقعا محزنا في وقتنا الحاضر بعد أن فوتنا الفرص في السابق

حقيقة , الواقع بالرغم مما فيه من ملاحظات أفضل مئات المرات من ماضينا, القريب منه والبعيد

أكرر , يجب أن نتعلم من الدروس وأن نحافظ على المكتسبات , حتى نخرج من فوهة الزجاجة

[عجوز سمنسي]

[align=center]

اقتباس:  المشاركة الأصلية كتبت بواسطة شموع تحت المطر     معليش يالشايب بحوس موضوعك شوي.. أنا عندي سؤال.....؟؟ ليه المطوع يلبس عقــــال.. عن نفسي اعتبر اللي عليه عقال مب مطوع يعني متدين لكن متفتح شوي.. مرة وحنى بالاشارة خطم واحد قدامنــا ..قال اخـــوي هذا إمام الجامع.... >> طارت عيوني.. وبديت بالاستجواب ليش يلبس عقال ولحيته خليجية.. ؟؟؟ الا صـــــدق النظرية اللي عند الاغلبية ان العقال عيب على المطوع وش طلَعه ..!!

يعني مايلبس العقال الا الزقرتي ؟

والله المطوع شخصية بالعقال مع اللحية بس انتن مطهبلات وتبن اللي يزلط لحيته ويلبس عقال يامال الفاري

والله سلمي لي على امام الجامع اللي لابس عقال مطينها في بريدة شكلهم يبي يفصلونه[/align]

[ابوخالد382]

اقتباس:  المشاركة الأصلية كتبت بواسطة شخصية     طيب مارأيك أن هناك مفكرين كثر ومنهم أسلاميين معروفين , من يعزو ويدعي أن طبيعة التدين في الماضي هو ماأنتج واقع النشوز الحاضر

هلا والله بالعزيز شخصية,,,,إلى أي تيار ينتمي هؤلاء الإسلاميين المفكرين؟؟؟,,,ومثل من؟؟؟؟ دمت بخير

[عجوز سمنسي]

[align=center]

اقتباس:  المشاركة الأصلية كتبت بواسطة ~ مي ~     سؤاااااال اعجبني كثيراااااا وياليت القى له اجابة مولازم تعجبني ولكن تكون منطقية يقبلها العقل ...... موضوعك رائع ياشايب بمعنى الكلمة ..... وانا اضم صوتي لك وابحث عن افادة وثوابت علمية دينية في هذا الموضوع ....... فلا تبخلوا علينا ......

اختي : اتمنى مثلك ان اجد اجابة شافيه من العقلاء وليس من المتطرفين

اشكر لك اطرائك لي[/align]

[عجوز سمنسي]

[align=center]

اقتباس:  المشاركة الأصلية كتبت بواسطة ღعبدالله العطيشانღ     لا أعلم فا يبدو لي أنهم بزمانهم الأول كانو متناقضين معظمهم إن لم يكن كلهم يعيش حياة مليئة بالتناقضات في سلوكايتهم وبعدهم عن الفئه التي ذكرت فإذا كان الدين والشرع ما حرم قربهم لفئة أقل منهم دينآ .. فهذا هو النتاقض عينه بعلمه شوف حالهم بوقتنا هذا كيف هي أخلاقهم وتنازلهم عن أشياء كثيره خلاف وقت مضى !

التناقضات كثيرة

والبعض استخدم الدين مطية لاغراضه وهو ماشاهدناه في البعض الذين استجلبوا الناس بتدينهم وسلبوا اموالهم

هلا بك ياعبودي[/align]

[عجوز سمنسي]

[align=center]

اقتباس:  المشاركة الأصلية كتبت بواسطة عايشة لوحدي     هناك الكثير من الأشرار في هذا الوقت،، وفي وقت مضى هناك متناقضين... تحيتي لك

لنكن اكثر واقعية واكثر قربا من الله لنبتعد عن الشر والاشرار ونبتعد عن التناقض

شكرا لك عائشة لوحدها[/align]

[عجوز سمنسي]

[align=center]

اقتباس:  المشاركة الأصلية كتبت بواسطة ابوخالد382     هلا بعجوزنا السيمنسي ,وأنا أخوك الدين ماوقر في القلب وصدقه العقل بعدها لن يعتريك أي تغير مهما حصل من أحداث,,,لكن البعض مع الخيل ياشقراء ,حطوا لحيه وقصروا الثوب سوى مثلهم ,وإن قصملوا اللحية وطولوا الثوب ولبسوا العقال سوى مثلهم,ومع الأسف هالنوع هو المنتشر في زماننا هذا يعني(إمعه),ألله يرحم زمان أبالبطين كان يدور بالحارات ومعه خيزرانه ومربي العرابجه ,أول مايذن المؤذن ماتلقى أحد بالشوارع...وهالحين وهو مقيم تلاقيهم متجمعين عند سياراتهم هالشباب وأنواع السواليف.تحياتي لك ياسيمنسي.

هلا فيك ابو خالد

اذا صدق القلب صدق المظهر فهل هذا الذي ينقص الكثير من الشباب الذين اعترتهم متغيرات العصر فأصبحوا لايطيقون الماضي ؟

الله يرحم ابا البطين والعييري والاخوان كلهم

اذكرهم على الجمس مطامر وراء شلات الدشير بنصوف الليالي

رحم الله الجميع

شكرا لمرورك ابو خالد وياحبي لك[/align]

[عجوز سمنسي]

[align=center]

اقتباس:  المشاركة الأصلية كتبت بواسطة عاشق ديرتي بريده     وه تعبت وانا اقراء الملتزمين لم يكونوا مخطئين بل كانوا متشددين لان اهلهم كانوا اشد واشد مير الاولين قووه يوحشون !!! والبعض منهم مخطي وغبي والا وش دخل اللي يشرب دخان ماتتكلم معه !!! وعلى فكره اخوي سمنسي ترا عندنا عيال عوائل من يوم يولد الين يموت وهو شكله مطوع مهوب كله طوع بس طبع العائله كذا ( مثل عيال السعوي وعيال التويجري اللي بضراس وعيال الخميس)مهوب كلهم مطاوعه بس اشكالهم اشكال مطاوعه لاتحسبوني اقصد انهم سرابيت لا بس ناس عاديين !!

ههههههههه

كبيت العشاء ياعاشق الديرة
وراك عاد مالقيت الا عيال السعوي والخميس ؟

كل عيال الديرة كانوا عاديين بس اهلهم كاتمين على نفسهم

بس يوم شموا شوي حرية انطلق مشوار قصملة اللحية ولبس العقال

شرفتني ياحبي[/align]

[شموع تحت المطر]

اقتباس: والله المطوع شخصية بالعقال مع اللحية بس انتن مطهبلات وتبن اللي يزلط لحيته ويلبس عقال يامال الفاري

[align=center]أول شي الفاري اللي يفري بطنك..

بعدين المطاوعة يحطون لحية ويلبسون عقـــال عشان البرستيـــج يكون زين .. مالت على هالطـــوع..

لو أني ولد كان ماصلي مع ااكا الامام ولا اسمع كلامه أجل لحية خليجية وعقــــال.. خير ان شاء الله قضوا المطاوعه..[/align]

[عبدالله الحلوه]

عجوز سمنسي

اعتقد بأنك بدأت متأخراً

لو عدت إلى ماقبل الصحوه لوجدت البساطه في التعامل وانعدام التقسيمات فحتى مع الحرص على الدين ذلك الوقت لم يكن هناك نفياً للمخالف كما حدث وقت الصحوه ومابعدها


تحياتي

[&نجدية كووول&]

بالعكس حلو يكون لابس عقال وهومطوع
موشرط العقال للمطهبلين فيه رجال مايلبسون عقال وهم
الله يعلم بحالهم وأنتم تكبرون الشي العادي

[المتزن]

اقتباس: اذا كان الدين يبيح التعايش مع الاخرين بسلوكياتهم المتعددة فهل الملتزمون بالقديم كانوا على خطأ ؟ ام الملتزمون الان هم الذي على خطأ؟

كمقارنة عامة , لا أشك أبداً أن الملتزمين في السابق أسوأ وبكثير من الملتزمين حالياً .

نمونة المطاوعة العرابجة منوّل أكثر من الحين .. لكن ترى إلى الحين عندنا مطاوعة عرابجة وكثارين بعد

وبالمناسبة :

ترانا الجين قاعدين نتطور ونتقدم ولكن ببطء .. فما قبل الصحوة أسوأ من فترة الصحوة , وفترة الصحوة أسوأ من الفترة الحالية .

يعني أبشركم ترانا قاعدين نتقدم

هه !


وتقبل تحياتي 00
المتزن

[عاشق ديرتي بريده]

اقتباس:  المشاركة الأصلية كتبت بواسطة عجوز سمنسي     [align=center] ههههههههه كبيت العشاء ياعاشق الديرة وراك عاد مالقيت الا عيال السعوي والخميس ؟ كل عيال الديرة كانوا عاديين بس اهلهم كاتمين على نفسهم بس يوم شموا شوي حرية انطلق مشوار قصملة اللحية ولبس العقال شرفتني ياحبي[/align]

هلا سمنسي
هههه اتحداك تلقى واحد من السعوي والا من الخميس والا من تويجري ضراس حالق لحيته !!!
كلهم لهم لحى طوال بس مهب مطاوعه !!

[عجوز سمنسي]

[align=center]

اقتباس:  المشاركة الأصلية كتبت بواسطة الحنتريش     عجوز يالله حسن الخاتمه بس

يالله حسن الخاتمة لنا كلنا

وشرط اني اصغر منك

هههههههه

شف وجهك صاير خريطة مواصير من الكبر ياحنتريش

العب على غيري ياحبي ياشايب قريح[/align]

[عجوز سمنسي]

[align=center]

اقتباس:  المشاركة الأصلية كتبت بواسطة الطاحونة     كل ماتقدم الزمن كلما ازداد الدين غربة . في الماضي كان الدخان والراديو والتلفاز.... كل هذا وغيرها لا توجد في بريدة وتكاد تنعدم بسبب تدين المجتمع تدينا حقيقيا وليس كما تقول يا(سمنسي) أما الآن تغير الوضع فأصبح ماهو منبوذ بالأمس محبوب اليوم من الذي تغير الآن...؟؟!! المجتمع أم الدين...؟؟؟؟؟!! الحرام يبقـــــــــى حراما مهما تغير الزمن ــــ والطقس والتضاريس<<<<وإلا مالهن دخل...!! نعم في هذا المجتمع من يطلق لحيته ليس تدينا بل خوفا من مجتمعه وسطوته فهذ الذي خلق عندهم الإزدواجية في التدين...!! (متدين بالبيت والقرية فاسق في الشارع والمدينة) ــــــــــــــــــــــــ

حبيبي الطاحونة: شرفتني ياقلبي

جميل كلامك

اذا نحن نتكلم عن صاحب الازدواجية الذي يتدين في بيتهم ويسربت في خارج السرب

تشكرات سيدي[/align]