اللي تبي الاجر تتزوج سعودي !!!!!!!!!

[إخلاص]

اقتباس:  المشاركة الأصلية كتبت بواسطة الماسة محتاسة     أختي الفاضله: إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه: صباح الأمس الباكر؛ من أيقظ زوجك للعمل؟ أنت أم الساعة المنبهه؟ طبعا الساعة المنبهة.. إذا كانت الساعة؛ أين كنت؟ كنت مستيقظة اجهز الفطور.. يعني وش الصح اصحيه ولا اجهز فطوره؟؟او الاثنين معا.. طبعا الاحسن اني اجهز فطوره بعدين اصحيه عشان يكمل المسلسل... إذا كنت أنت؛ كيف أيقظتيه؟ وبأي صوت نبهتيه؟ وفي أي صورة كنت عندما تفتحت عينيه؟ لاماايقظته ولاحاجة.. بعد أن استيقظ، ودخل الحمام للدش؛ هل وجد حمامه جاهز؟ اكيد اصلا الحمام دائما جاهز.. لما خرج والأمل يحذوه في وجبة إفطار؛ هل كنت جهزت له إفطاره؟ (ولا كوب قهوه وكيكه على المكتب) لاطبعا جهزت له الافطار.. قبل أن يخرج للعمل؛ من أين أخذ ملابسه؟ (من بين يديك ولا من الدولاب) لامن الدولاب.. هل ساعدتيه في لبسه؟ (وكشختيه وعطرتيه) ههههههه ماادري هذي نكته ولا ايش... بعد اللبس (وقت الخروج)؛ هل من مودع؟ ولا أحسن إختاري اجابه واحدة مما يلي: رافقته للباب بس ماكان وداع حار... لما وصل المكتب (طبعا إذا قام يفطر الشباب بالمكتب عرفوا وش انتي من حرمه)؛ قلت لك يفطر بالبيت.. هل اتصلتي فيه تتطمنين إنه وصل بالسلامه؟ هذي نكته ثانية..طيب واذا راح لمشوار ثاني لازم اتصل عليه؟؟؟؟؟ تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل استقبلتيه؟ وشلون؟ طبعا كنت استقبله لكن سمعت ان وحدة تستقبل زوجها عند الباب..وآخرتها تزوج عليها.. بعدها بطلت.. بدا ينزع ملابسه؟ هل كنت معه ونزعتي له ملابسه و..و.. ثم علقتيها بالدولاب؟ هذي نكتة ثالثة.. (ولامنطولة بطرف السرير) لا طبعا يعلقها هو على الشماعة.. يبي يدخل الحمام وياخذ دش؛ (كرري السؤال حق دش الصباح). الظاهر السالفة صارت كلها دشوش!!!!!!! بعد الدش يبي استرخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ اي هلكان؟؟قاعد على كرسي دوار والمكيف ينفخ عليه.. لا والله انا اللي هلكانة من مصالات هالبزران.. (طشت مويه وملح وهاتك يا تدليك) اتمنى انه هو يدلكني.. الآن يبي غفوه قبل الغدا، هل ساعدتي على توفير الجو الهادئ؟ طبعا.. لما صحي؛ هل وجد الغدا جاهز ولا هو اللي جابه معه من المطعم؟ لاطبعا..لقى الغدا جاهز... عاد مااردى منه.. بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟ اكييييد.. الآن فتره مستقطعه إلى الليل، وشلون قضيتوها؟ طلع ولاشفت رقعة وجهه.. بإختصار لكل الأسئله السابقه: هل كنت أنثى مع زوجك السعودي وعيشتيه جو زوج وزوجه؟ يعني مااصير انثى الااذا سويت كل هذا!!!!!!!!!!!!! طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها. ولاباقي شي بعد؟؟؟؟!!!!! كفايه يكون في العالم العربي كله بس السعوديين محرومين من انثى. يعني الانثى ماتوجد الابرى السعودية؟؟؟؟؟ الله يسامحك ياسامي.. معلومة أختتم فيها رسالتي: تعرفون ليه الزوج السعودي يفغر لما يشوف امرأه متبرجه وتطيح سعابيله. تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه. لأنه مشفووووووح.. تعرفون ليه الزوج السعودي لما يتزوج من سوريه ولا مغربيه ولا...ولا...يحس ان فعلاًَ فيه جنس آخر بالكون غير الذكور. ههههه هذي نكته رابعة... لأنه في الأصل عايش مع واحد من ربعه. لو يعامل زوجته مثل ربعه كان ماشفت هالمشاكل.. منقول من الواقع ماظنيت..... و ان برئيي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفيكر بالزواج عليها الا اذا كان مجنووون او مريض نفسي واذا قلت لك ان اغلب رجالنا مجانين!!!!!!!!! ملاحظة هامة / الموضوع طرح بهذا الاسلوب كتذكير للمتزوجين و المتزوجات و المقصرين والمقصرات فقط او بالاصح المتزوجات والمقصرات.. لأنك الله يجزاك خير ماجبت طاري الرجال... تحياتي سامي القصمنجي آسفة ياسامي على الاجابات الهزلية.. لأن نصائحك هذي تصلح للمسلسلات الرومانسية..... (للمعلومية ترا اجاباتي ليست شخصية وانما هزلية)

خخخخخخ والله انك صادقه ياشيخه

[&نجدية كووول&]

^
^
^
^

كـــــــــــــــــــــلام جميل أخي بدر

[مان]

لأنه في الأصل عايش مع واحد من ربعه.

هنا الحل لأغلب المشاكل .

مالمانع من أن تعامل الزوجة كصديقة وازيد عليها حبيبه و أم و زوجه ؟

[هاجوس9]

موضوع قيم ... نشكرك عليه ســـــــــامي

لو رجعنا إلا الوراء ... إلا ما قبل النت والاتصالات السريعه ... والقناوات ... أيام الأعمال اليدويه ولحرفيه .. لوجدنا انا الحياة تسير .. بشكل جميل .. رغم أن يسودها الكثير من القسوى من قبل الرجال ... وفي المقابل نجد تحمل من بنات حواء ... وان الحياة ليس فيها مفترق .. إلا من يكتب له التوفيق ...


الجيل الجديد وآه من الجيل الجديد ... أعتقد انه في أيامنا هذي أعتقد .. ان كل بنت تتمنى أن تأخذ سعودي حتى ولو كانت بنت من بلداننا العربية ... لما يتمتع به الشاب من المزيد من الوعي ... والحب ... و( الدلال لمن تكون بعصمتة ) .. فلو أشتكت واحده او اثنتان .... او عشر ... فليس بغريب ... لأننا ليس با المئات بل با الملايين ..

عندما يتقدم الرجل للزواج من فتاة يحلم بأن تكون بلوره حياته .. وان يعيش معها قصه غرام ... تحكي حب جميل وليس فقط زواج لأكمال نصف الدين ....


الرجل عندما يقدم على الزواج ... يحتاج ممن يقف معه وهي زوجت المستقبل .. لكي تحقق حلمه وهوو الحب الجميل ..
فهذا يعتمد با الدرجه الأولى على بنت حواء كيف تستطيع سحر محبوبها ...
وجعلة ... يكون قريب منها ...

الكلام يطول في هذا الجانب ..

دمتم بخير

سامي شكراً

[رادار بريده]

الصراحه موضوع حيال وفعلا كل ماذكره اخوي سامي صحيح
وتقبلو مروري

[ابو الشلاليم]

غالبيه الحريم لايعجبهن العجب ولا الصوم في رجب؟؟؟؟؟؟؟؟؟؟؟؟؟؟؟؟؟؟؟

[جوان2007]

الدنيا عطني واعطيك ........يعني خله يدلعن اول بعدين ادلعه !!

[باونتي]

[align=left]ياليت يلتزم كل الطرفين بما له وماعليه

المشكله قريبتي ماشاء الله مع زوجها ماقصرت معه


بالنهايه


تزوج عليها


والا الثانية اللي تلبس حلو وتتزين لزوجها
ولاقد سمعها كلمة حلوة ومدحها

الغالب نلاقي الاهتمام من طرف واحد
وهذا سبب المشكله[/align]