سلملم..مقالبXمقالب..هذي بإختصار انا امووووت بالمقالب عشان كذا اكثر
شي ان انا اللي اسوي المقلب قليل مااكله..بس بقول اغرب مقلب صار لي
والغرابه فيه انه 2X1 يعني بالبداية كنت انا اللي اسوي المقلب وبالنهاية
انا اللي اكلته..بسم الله
لما كنت بالكلية<<<<< (اللي يسمعك يقول لك سنين متخرجه..)..المهم
كانت وحده من البنات اللي بطاولتنا بقسم حاسب الي وهالبنت الله يذكرها
بالخير كانت عصبية شوي مو شوي كثيير ..المهم كانت احيانا تجيب اللاب توب
حقها للكلية ومره من المرات كان عندها محاضره وماكانت محتاجه للاب توب فيها
وانا وكم وحده -بقسم ثاني طبعا- كنا هالوقت فاضين ماعندنا شي البنت قالت
بخلي جهازي عندكم..انتبهوا له..قلنا ولايهمك تامرين وتركت الجهاز وراحت للمحاضرة
انا ووحده من صديقاتي قلنا ليش مانسوي فيها حركه صغيره ونخوفها على جهازها
وأخذنا الجهاز ووديناه عند مجموعة بنات بطاولة ثانية نثق فيهم طبعا وفهمناهم
كل السالفه وهم استانسوا دام فيها مقلب معكم على طول..وتركنا الجهاز عندهم
ورجعنا لطاولتنا بكل براءة.. بعدين قمنا رحنا للبوفيه..وبعد ساعه خلصت محاضرة
الأخت وجت الطاولة مالقت احد..بعدين جتنا بالبوفيه وقعدت وتقهوت وبعدين
سألت عن جهازها..وحنا بكل برود قلنا على الطاولة ماشفتيه..البنت هنا حمرت
وصفرت قالت لا مو موجود وين راح جهازي وليش تتركونه على الطاولة هذا
وانا مأمنتكم عليه..وحنا طايرة عيوننا وين راح الجهاز..وندور ونسأل معها(قمة البراءة)
والبنت تهدد وتوعد..وبعد ماوصلت معها خلاص قلنا حرام بنرجعه ويكفيها
ماجاها..رحت انا والبنت اللي مشتركه معي بالمقلب للبنات اللي حطينا
الجهاز عندهم مالقينى الا وحده ماكانت موجوده لما جبناه..المهم سألنا عنهم
قالت راحوا يصلون..انتظرناهم ولما رجعوا سألناهم كل وحده حطت المسؤولية
على الثانية تقول قمت وتركته على الطاولة وفلانه موجوده..(هالبنات كانوا
عاقلين مرة وكلهم متزوجات وثقة) عشان كذا ماترددنا بتصديقهم وتركز
شكنا بالبنت الأخيرة اللي لقيناها بالطاوله انها تكون ماخذته..
المهم ماوصلنا لنتيجه ورجعنا لصاحبة الجهاز وقلنا لها كل شي
واننا نويناه مقلب وقلب جد ضاع جهازك..البنت هنا نست انها تعرفنا
وقلبت علينا وانواع السب والتوعد جهازي يرجع والا تدفعون 8 الاف الحين
انا مااخفي عليكم صدقتها قلت تسويها بس مالنا الا ندور قلبنا الكلية
كلها وسألنا البنات ووقفنا عند باب الخروج يمكن نلقى اللي سرقته
بس ماله اثر ولما ايسنا رحنا لشؤون الطالبات وبلغنا عن ضياعه
طبعا سمعونا كم كلمة عن الإهتمام..وبعد ماطلوا اغلب البنات والباصات
مشت حتى صديقتي راح عنها الباص..بعد هذا كله ..اعترفوا لنا بكل
شي...اللي صار انه وحده من البنات شافتنا نودي الجهاز للبنات
وراحت للمحاضرة وعلمت صاحبته بالمقلب اللي نبي نسويه فيها وجت
صاحبة الجهاز لما كنا بالبوفيه واتفقت مع البنات انهم يقلبون المقلب علينا
وأخذت جهازها وكملوا التمثيلية ..واكلناها انا وصديقتي بالعافيه..
اتمنى مااكون طولت ويكون المقلب عجبكم..
العرض العادي
