مقهى جونسن النسائي في بريده هل أنت معه أم ضده ؟

[♚سر الملكة♚]

طيب ليش تتكلمون عن المقهى بالذات تبون تسكرونه ولا علشان مقهى للنساء

وتتكلمون بالاختلاط

اذا كان فيه أختلاط

فهو مدخل البنك الأهلي اللي قريب من حي المنتزه

بوابه الرجال والنساء وحده هذا اول مافتح اذا كان تغير فمااادري

[بيسان]

بصراحه توني ادري انه فيه كوفي شوب للحريم والله ونااااسه

بس مومعقوله يصير فيه زي ماتقولون شرب شيشه ودخان لا يععععععععع بسم الله علينا وحوالينا

وما اعتقد انها تاصل لهاالمواصيل ذي واعتقد مافيها شي وصدقتي اختي رحلة صمت بكل كلمة قالتها وبعد حنا احسن من الكوفي شوب حقات الشباب الله الوحيد اللي يعلم بها

اختكم نموووووووله

[ابوقش]

في اعتقادي يا اخي حنيش ..

ان الفكره جيده ولاكن فيه خلل واحد

او عيب واحد الا وهو المقهى الرجالي القريب

وهذا هو والله المشكله يعني تخيل مقهى رجال مجاور

لمقهى نساء فهذه هي المشكله يعني يمكن يتطور ويصير

عوائل فيجذب الغزل والاختلاط ولكن نتمنى ان يكون فيه

فاصل بين تلك وذاك والله اعلم ..

[هاكر]

اعتقد ان اسمه (( جوثن ))


واسم الصحيفة التي كتبت الخبر هي (( الوثن )) لابارك الله فيها ...

وهي تحب الاستهزاء والتطبيل وجعل من الحبة قبة ... حسبنا الله عليهم

والمكان المذكور هو عبارة عن مقهى ومشغل في نفس الوقت ولا شي فيه ...


وسوف يفتتح فيه عيادة للامراض الجلدية والتجميل وفي الوقت القريب ان شالله

[ثامر الناصر]

غريب الخبر من هذا الحقير !!

المقهى المقصود به هو مقهى جوثن الذي يتبع لاسواق افينيا التجارية التي تعود ملكيتها لصالح المحيميد

والمقهى ماهو مقهى كما هو متعارف عليه عند الناس /:

المسألة انه سوق نسائي ( زي الوشاح ) ويوجد بوسطة جلسات للقهوة والشاي استراحة للنساء وليس فيه اي محضور شرعي

حيث ان السوق بادارة نسائية .. اين الخلل بذلك ياناااس

كفاااانا اشاعات وخرابيط .. والمصدر وشو جريدة الوثن

ودمتم

[البـــBADERـــدر B.D.Q]

وهكذا تستمر اشعات اهالي بريده الموقرين

ياناس ياعالم والله العظيم خافوا ربكم بالي تسونه اجل المقهى صار فيه شيشه وتحشيش؟؟؟؟؟؟؟


لكن هذا الجهل ومايسوي

جوثن عباره عن مشغل نسائي زيه زي غيره بس الي زاد فيه
انه فيه كافي بس

والمقهى مافيه شي يخل بديننا الاسلامي

[The Free Man]

انا احب هالديرة
ولا اهلها غاسلاٍ ايدي منهم من زمان

أجل رايحين للملك معترضين على إفتتاح مدرسة للبنات (يقولون تعليم البنات يجيب الفساد)

أخي العزيز عندما تقف عند الإشارة في إي مدينة
او عندما تكون في مكان عام
انظر لمن هم هلي يمينك ومن هم على شمالك
يتضح لك مستوى تفكير اهل هذه المدينة

[حنيش الملز]

اقتباس:  المشاركة الأصلية كتبت بواسطة ابوقش     في اعتقادي يا اخي حنيش .. ان الفكره جيده ولاكن فيه خلل واحد او عيب واحد الا وهو المقهى الرجالي القريب وهذا هو والله المشكله يعني تخيل مقهى رجال مجاور لمقهى نساء فهذه هي المشكله يعني يمكن يتطور ويصير عوائل فيجذب الغزل والاختلاط ولكن نتمنى ان يكون فيه فاصل بين تلك وذاك والله اعلم ..

أخي الغالي أبو قش / وحتى لو كان قريبا فبحمد الله وشكره هو مكانا خاصا بالنساء لتبادل الأحاديث والحوارات والتنفيس عن الذات ، ولكن اعجب من دقة من قاس المسافه لتكون 7 أمتار تماما ..
حتى وان كان 7 امتار فما المشكله طالما هنالكم وعيي ورقابه ان امكن على المقهى الرجالي
ولو وقفت على المكان بنفسك لأدركت ان كل المسأله اشاعات وكلها قال وقيل ( يعني به ناس ماعنه شي تسولف بووه )

[حنيش الملز]

اقتباس:  المشاركة الأصلية كتبت بواسطة The Free Man     انا احب هالديرة ولا اهلها غاسلاٍ ايدي منهم من زمان أجل رايحين للملك معترضين على إفتتاح مدرسة للبنات (يقولون تعليم البنات يجيب الفساد) أخي العزيز عندما تقف عند الإشارة في إي مدينة او عندما تكون في مكان عام انظر لمن هم هلي يمينك ومن هم على شمالك يتضح لك مستوى تفكير اهل هذه المدينة

ههههههههههه يخوي وين تبي ترجعنا اربعين سنه لوراء ؟
موضوع المدارس ذاكم كان ابان عهد المغفور له الشهيد الملك فيصل وحسم الأمر في حينه ...
لكن تصل الأمور الى بث اشاعات وقال وقيل عن مجرد مقهــى نسائي مرخصا له و ذا خصوصيه فهذه لاأدري ماذا أسميها من قبل الكثيرون

[حنيش الملز]

اقتباس:  المشاركة الأصلية كتبت بواسطة سلطانكو المغترب     غريب الخبر من هذا الحقير !! المقهى المقصود به هو مقهى جوثن الذي يتبع لاسواق افينيا التجارية التي تعود ملكيتها لصالح المحيميد والمقهى ماهو مقهى كما هو متعارف عليه عند الناس /: المسألة انه سوق نسائي ( زي الوشاح ) ويوجد بوسطة جلسات للقهوة والشاي استراحة للنساء وليس فيه اي محضور شرعي حيث ان السوق بادارة نسائية .. اين الخلل بذلك ياناااس كفاااانا اشاعات وخرابيط .. والمصدر وشو جريدة الوثن ودمتم

أخسي سلطانكو ليتكم تهاتفو المحرر بالجريده فلعل لديه اجابة شافيه فالحقيقة المقال شدني ومااحتواه من تضخيم وتهويل ... الخ ولكن بدون عبارة ( الوثن ) الله يرحم والديك ....!!!!

[حنيش الملز]

المشروع رائع والفكره ممتازه ولكن ليت البعض يكف عن الاشاعات وتبهر الأخبار
طالما انه بترخيص رسمي فماذا يريد من يثير الزوابع ؟ ومن المستفيد من الاشاعات ؟
هذا رأيي
وبحمد الله اول مره نصل الى وفاق واتفاق بهذا المنتدى العامر على موضوع فالأغلبيه الساحقة أيدت المشروع كما نفت الاشاعات ،ونتمنى ان يكون نواة ليتم تعميمه على باقي وهجر المنطقه ....

[حنيش الملز]

اقتباس:  المشاركة الأصلية كتبت بواسطة البـــBADERـــدر B.D.Q     وهكذا تستمر اشعات اهالي بريده الموقرين ياناس ياعالم والله العظيم خافوا ربكم بالي تسونه اجل المقهى صار فيه شيشه وتحشيش؟؟؟؟؟؟؟ لكن هذا الجهل ومايسوي جوثن عباره عن مشغل نسائي زيه زي غيره بس الي زاد فيه انه فيه كافي بس والمقهى مافيه شي يخل بديننا الاسلامي

هلا بك ياأخوي اصبر شوي وتسمع أكثر من اشاعات .. ( اكيد انه مقهى ناجح والا كان ماسمعت )
مثل الخياط النسائي اول ما بدو يشتغلون ، قالو واشاعو ناس ان بووه دريشه يويق منه العامل يشوف الحريم !!! تخيل ؟ وكادت ان تمنع ....

[خـــــــــــــــالـــــــــد]

مالفت انتباهي ان المقال ضخم الموضوع بقوة و كانه الموضوع الاول و الاهم في الشارع البريداوي عندنا


لم اسمع بهذه التضخيمات و المبالغات الا في مقال الساحات

و في هذا المقال ...

حتى و ان واجهة بعض الاستنكارات او الاستفهامات الا انه بسيطه لا ترتقي للضجة المزعومه


فهل اذا كان فيه شيشه او منكرات سيعطى تصريح ؟؟!!

عجبي !!!

[حنيش الملز]

والخبر الآخر فمن المتوقع خلال الشهران القادمان افتتاح اول فندق نسائي ذا خمس نجوم في شمال الرياض خاص بالسيدات والفتيات فقط ، وبادرا ة واشراف طاقم نسائي 100% ننتظر ماذا سيقال عنه من اشاعات وتهاويل ...

[جوااااااااد]

الحقيقة ...

انا عندي تحفظ من تلك الاماكن

مجرد رأي