تصرفات وكلمات للاطفال مضحكه

[فارس الميدان]

الله يخليكم اهتمو في اطفالكم ترا اطفالكم ثروه

انا والله مو متزوج بس نفسي يكون عندي اطفال احسها وناسه >> الله يوفق امي وتزوجني لانها مو راضيه تقول اني طافح هههههههه

المهم اني اشتغل في مستشفى وعندي اطفال مساكين صارلهم اكثر 5 سنوات مالهم اهل يزورنهم وفيهم بعض الاعاقات والبعض منهم ماله اهل ..
عاد انا اذا ضاق صدري احس ان هذولا اولادي واطير على المستشفى عشان اشوفهم واخذ لهم شكولاته .. عندي مريض اسمه سالم وهذا المريض انا احبه كثير وعمره 4 او 5 سنوات .. مريض يعاني من ضيق في التنفس دائم والجهاز 24 ساعه مشبوك على فمه
واذا فكه لمدة 5 دقائق يموت .. يعني لازم اذا فكه ما يتأخر عن 4 دقائق ويرجعه في فمه عشان ما ينكتم ، يعني حياته كلها على الاكسجين ..

اول ما ادخل القسم حقه وانا مقبل على الغرفه اصوتله واقول ، سالم سااااالم .. بعدين يفك الاكسجين ويجيني يركض فرحااااان واذا وصل عندي يضمني و ياخذ 3 لفات علي وهو يضحك علي ويقول جب جب وش معك جب .. الولد هذا يموت في العصير بشكل غريب .. انا من يوم اشوفه اخمه وابكي شوي واسولف عليه شوي واوسع صدره وبعدين اشوف الوقت ،، لانه لازم يرجع على الاكسجين واشيله واحطه على السرير واشبك الاكسجين واطلع وهو يبكي ويقول لا تخليني جبلي عصير .. اقوله اوكي تامرني ياعيوني انت ..

..

[متغربه]

يااااااااااحرام والله قطع قلبي

جزاك الله خير اخوي فارس ان شاء الله تبي تلقاه عند رب العالمين

هنياله من دخل الفرحه لطفل مثل هذا

[الرأي الأول]

بسومه 0

مادام المواقف من الاطفال مضحكه

مرة كنت فى الرياض ودخلنا مجمع صحارى للتسوق

المهم دخلنا معرض متخصص بالشنط النسائيه وكان مسوى عرض على بضاعته والناس كثيره عليه

المهم دخلنا واشترينا شنطه وحده

تصورى ايش اللى صار

لما طلعنا تعرفين مع الزحمه خرجنا من المحل

ومشينا شوى الا الهندى محاسب المحل جاء مسرع وقال انتا بنت شيل شنطه واطالع طبعا بنتين توام

واش اشوف

وحده طاقه شنطه قيمتها 600 ريال ومعلقتها على كتفها بعد وبيدها الثانيه بوك قيمته 120 ريال

البنت الثانيه شنطه قيمته 450 ريال وشايله حزام نسائى يمكن قيمته 80 ريال

الغريب جلس الهندى بياخذ اغراضه والبنات يصيحن اقى اقى اقى

ووحده عظة الهندى باصبعه

فى موقف قمة البرائه والتصرف اللاارادى

بصراحه ضحكت عليهم وكان فيه حريم متجمعه تتطالعهن ويضحكن

البنتين سنهم سنتين وثلاث شهور


تحياتى لك

والى موقف اخر مضحك

[متغربه]

هههههههههههههههههههههههه رهيبات ياحبيلهن

يبن يكشخن هههههههههههههههه

[الرأي الأول]

لك الشكر اختى مغتربه

مثل هذه المواقف اعانى منها

حين ندخل اى محل لازم يشيلن شى معهن

وننحرج من صاحب المحل

وهن على بالهن كل شى بلاش يعنى بدون قلوس

على طريقه كلامهن

تقدير ى لك

[..روز..]

أخوي الراي الأول...موضوع ولا أحلى

ياحلوهم اولادك ..الله يخليهم لك


أنا عندي مشاركة بسيطة..مع إني ماأتوقع لو فيه بنت بمكاني إنها بتكتبها




يوم كنت صغيرة (يمكن أربع سنوات أو أقل)

ضبطتني أمي وأنا متحمسة أشخمط على بطني ... وقامت تهوشني ولا عبّرتها
قالت ترا والله اعلّم عليك أبوك..!

وأنا كنت أخاف منه مرّه..ترجيتها خلاص ماما والله أنا آسف أنا آسف

يوم جا أبوي قالت له أمي على الي صار( طبعا من دون علمي) ودخل علي وهو متحمس قال :

روز وش رايك نلعب أنا وياك لعبة أنتِ تورينني بطنك وأنا أوريك بطني..؟
التفت عليه وقلت بكل شطانة : ليه .... ؟

بطنك فيه شخاميط؟؟؟؟؟؟؟؟؟

[أبوفيصل]

أحد الأطفال .. قد التبس عليه الأمر .. فصار يجمع بين يمه ويبه ... وصارت مجموعة في قوله ( يمبة ) ..

[الرأي الأول]

اشكرك اختلى روز

واخونا ابوفيصل


مواضيعكم ولااحلى منها


لكن انا مرة كنت معزوم بعرس

وبعد ماخرجنا رحت لقسم النساء لركوب الاهل

المهم شفت لى رفيق من زمان ماشفته وجلست وجلسنا نتكلم

ورجعت للسياره وركبت ومشينا يوم وقفنا عند الاشاره واشوف بنت صغيره مع ولدى

قلت منهى هذى قال بابا هذى هبيبى يعنى حبيبته

واوقف السياره واطالع الاه مهيب بنتنا

وارجع للقصر والاام البنت واقفه بالباب

انواع الصياح نزلناه والولد يصايح خلى هبيبى خلى وكل يعنى وخر

واعتذرنا من الام وما اقتنعت الالما شافت الولد يقول هبيبى


عشنا وشفنا