سؤال يبحث عن اجابة مجرب!!!!

[دينا]

االحين توه متزوج ويبي يتزوج مسيار بعد هذا وش جاه
وش له بعوار الراس عنده زوجته او ماتكفيه
الله يهاديه بس
ويعين زوجته الي هذي بدايتها
بعدين تعااال ههههههههههههههاي يعني اذا فيه واحد من الاعضاء متزوج مسيار
بذمتك يبي يجي يقولك انطباعه
الله يعين اهلكم عليكم الي هذا مستوى تفكيركم

[قهررررر أحبه]

جاكم المليون ..
أنا ما كد تزوجت زواج رسمي
وبرضه ماكد تزوجت زواج مسيار ..
ونصيحه من لخويك وببلاش
خله يتزوج بدون ما يشاور احد ...
أنا اسمع كثير من ناس متزوجه زواج رسمي
ويا كثر ما يشتكون منه
أنا قيمت هذه الزوجات من إجابياتهن وسلبياتهن
بصراحه فرق بالمره من حيث الراحه النفسيه
مثل فرق الأمثله التي تقول أصرف مافي الجيب يأتيك مافي الغيب
أو خبي قرشك الأبيض لليوم الاسود ..
هذا فرق الزواج الرسمي عن المسيار
خله بس يتوكل على الله وياخذها قبل ماتطير من يديه
ترا غيره ينظرها ...

تحياتي

[الفاتح]

زواج المسيار اصبح اشاعة اكثر منه حقيقة

ياشيخ قل لخويك اعرس زي المسلمين واترك عنك الخربطة والا قله يطلق حرمته الاولى ويعيش عزوبي احسن


اللي يبي مسيار يتصل بي ياشباب

[ابوخالد382]

الله يرحم الشيج ابن باز والشيخ ابن عثيمين عندما كانا على قيد الحياة ,لم يتجرأ أي شخص عن الحديث على زواج المسيارأو المسفارأو المخكارأوالمطيار,,لأنه وبكل صراحة جريمة بحق المرأة وحق المجتمع,,,,وعند وفاتهما ,نعق الناعقون وأصحاب الشهوات بزواج المسيار,,,,,,الله يستر لايطلعون زواج المكشات!!!!!!!!!

[لمبة شارع]

اقتباس:  المشاركة الأصلية كتبت بواسطة ابوخالد382     الله يرحم الشيج ابن باز والشيخ ابن عثيمين عندما كانا على قيد الحياة ,لم يتجرأ أي شخص عن الحديث على زواج المسيارأو المسفارأو المخكارأوالمطيار,,لأنه وبكل صراحة جريمة بحق المرأة وحق المجتمع,,,,وعند وفاتهما ,نعق الناعقون وأصحاب الشهوات بزواج المسيار!!!!!!!!!

يصير.......

[مرسى الاحلام]

اشكر لجميع الاخوة الكرام مرورهم
وكل انسان يعبر عن وحهة نظره من منظور هو يراه ولكن اللي اسمعه ان هناك من الحريم المطلقات او الارامل من لاتستطيع الزواج المعلن لاسباب عدة تراه هي .خاصة اذا اقترن هذا الزواج بعدم الانجاب والمقصود منه العفة فماالمانع اذا تنازلت هي عن بعض الشروط مقابل عفتها هل نحجر عليها ونقول اما معلن والا مافيه لاسيما وان مجمع الفقه الاسلامي اجاز هذا النوع من الزواج وهو زواج مكتمل الشروط .ولكن يمكن خوف بعض الرجال او مجاملتهم للنساء او خوف بعض النساءالمتزوجات ان يستمري الرجال هذا النوع من الزواج وبذلك يشكل خطورة عليهن وهو السبب وراء هذه الحملة الشرسة ولكن للمعلموية انا متأكد لووحدة وضعت طلب زواج مسيار ما قدرت تلحق على الرد على المكالمات وأولهم من يحارب هذا النوع من الزواج

[العصامي]

زواج المسيار من الصعب جداً تحريمه 00
وهل العلم الشرعي إنتهى بموت الشيخ بن باز أو بن عثيمين ؟؟
ولكن أهمس بأذنك لتقولها لصاحبك الذي إستشارك 00
إترك عن هذه الأمور فالنساء والزواج والإنجاب والتعدد 00 ليست من الأمور البسيطة
فبعض الناس يعتبرها كشراء سيارة من أحد المعارض00 وهذه والله قاصمة الظهر ومصيبة الدهر !!
مالداعي لزواج المسيار ؟؟!! لماذا تشتت أبناءك ؟؟ لماذا تجعل لك من كل زوجة ولد ؟؟
تتفرق الأبناء ويكره بعضهم بعضاً 00 فتجني عليهم 00 وتندم حين لاينفع الندم 00
إجعل همتك في تربية أبناءك والنفقة عليهم 00

[ابوخالد382]

[QUOTE=العصامي;1190553][size=5][color=#CC3300][color=#CC3300]زواج المسيار من الصعب جداً تحريمه 00
وهل العلم الشرعي إنتهى بموت الشيخ بن باز أو بن عثيمين ؟؟
QUOTE]

العلم الشرعي لايموت بموت إنسان,,,ولكن على حياتهم لم ينتشر الربا بفضل الفتاوى,ولم يحلل الذهاب إلى السحرة لفك السحر وووووووووووووووووو.
هل فهمت ياأستاذي العصامي....

[عاشق ديرتي بريده]

زواج المسيار مثل المسيح الدجال نسمع فيه ولاعمر احد شافه

[لمبة شارع]

قريبا في الاسواق....


زواج الملعاب

[@ ابتسام @]

قل لرفيقك يتقي الله في بنات المسلمين ويحمد الله على نعمته .


’ يا قل ملحهم يبون حريم بدون سكن ولا نفقه ولا عيال ’ اجل وش تبي بخشتك تقابلك سنين ؟ !!


الحريم مسكينات ودبيشات بعض المرات ... وتتنازل عن حقوقها وتعيش زوجة في الخفاء


اجل يشترط عليها زوج المسيار ما تجيب عيال ويوم قدر الله الحمل طلقها عقاب !!!! حسبي الله عليك من متمتع

منت قدها اقعد بدارك مع ام عيالك .

[الفاتح]

[align=center]

اقتباس:  المشاركة الأصلية كتبت بواسطة @ ابتسام @     قل لرفيقك يتقي الله في بنات المسلمين ويحمد الله على نعمته . ’ يا قل ملحهم يبون حريم بدون سكن ولا نفقه ولا عيال ’ اجل وش تبي بخشتك تقابلك سنين ؟ !! الحريم مسكينات ودبيشات بعض المرات ... وتتنازل عن حقوقها وتعيش زوجة في الخفاء اجل يشترط عليها زوج المسيار ما تجيب عيال ويوم قدر الله الحمل طلقها عقاب !!!! حسبي الله عليك من متمتع منت قدها اقعد بدارك مع ام عيالك .

ودي اعرف وشو المسيار او وش الآلية لزواج المسيار يابسووووومة

اللي تقولين عنه انتهى وولى ولايمكن احد يرضى لاخته او بنته تتزوج بالطريقة هذي اللي تقولين عنها

الزواج المسيار الان مع اني ضده هو زواج معتبر شرعا ومشهر فيه وفيه شروط الزواج المعروف

غير انه تسقط فيه النفقة والمبيت

تصوري احد قريباتك عمرها 35 وعندها خمسة بنات

الزوج لن يقبل بعيال الناس عنده والزوجه ماراح تخلي بناتها للناس والبنات تحتاج رقابة

وبنفس الوقت تبي تتزوج

هل تقبل بالمسيار بصورته اللي قلت عنها انا او تجلس وهي تتحسر ؟

انا اقول ان المسيار علاج لبعض الحالات النادرة

من يبي مسيااااااااااااار ؟[/align]

[مرسى الاحلام]

الأخ الفاتح
اشكرلك مرورك وسعت فكرك المشكلة ان بعض البنات يرددن كلام بدون تفكير لمجرد ان اسمه زواج حتى لو هو زواج معلن بس يكون فيه تعدد فهو مرفوض .لكن يوم تضطر الوحدة بسبب بعض الظروف التي تفضلت بها هنا تنسى هالسوالف وتبحث عن رجل بأي وسيلة .لكن دور لي معك ودنا نجرب على شان نحط تجربتنا بعد الزواج

[ابوخالد382]

حبيبي الفاتح,,,لاتنسى أخوك,,تراي أبي زواج حق عطله يعني (معطال) تكفى.....

[الفاتح]

[align=center]

اقتباس:  المشاركة الأصلية كتبت بواسطة مرسى الاحلام     الأخ الفاتح اشكرلك مرورك وسعت فكرك المشكلة ان بعض البنات يرددن كلام بدون تفكير لمجرد ان اسمه زواج حتى لو هو زواج معلن بس يكون فيه تعدد فهو مرفوض .لكن يوم تضطر الوحدة بسبب بعض الظروف التي تفضلت بها هنا تنسى هالسوالف وتبحث عن رجل بأي وسيلة .لكن دور لي معك ودنا نجرب على شان نحط تجربتنا بعد الزواج

شكلكم تبون تورطونن

تلاقون الحريم والبنات الحريم الحين كل وحدة منهن ماسكة مقلاة واقفات عند الباب
ابلبس خوذة على راسي

ماعندي مسيار قم بس

اللي عندي يالله يالله يكفيني[/align]