((النساء والكره........ اخر زمن ))

[شخصية]

اقتباس:  المشاركة الأصلية كتبت بواسطة جوان 2007     ابشرك اني متزوجه وعندي ولد.... وحياتي ماشيه على مايرام ..تشجيع ونت وهستره وغيره؟؟؟

يعني نقول ان شالله ان الولد بيكون نصراوي صميم ,, الله الله بالاخلاق الرياضية بس يتعلمها من الحين , لان تشجيع النصر , فن وذوق

[عاشق ديرتي بريده]

عادي البنت تناظر الكوره وتشجع
بس ماتوصل لحط صور لاعبين ورقص بالشوارع

المشكله الحين تشجيع بعض البنات على حسب وجه اللاعب !!!!

وابطلع عن الموضوع شوي
مدامك ماتبي البنات تناظر كوره وتشجع وترقص
انصح الشباب اللي يحطون صور فنانات ويرقصون مع اغاني المطربات !! وانت نسيت يوم تطلع نانسي عجرم والعراقيه حقت البرتقاله وش سوو الشباب !!!!!!!!!!!!!

لابنات ولا شباب كلهم متدهورين الله يستر على بنات وشباب المسلمين

[جوان2007]

اقتباس:  المشاركة الأصلية كتبت بواسطة شخصية     يعني نقول ان شالله ان الولد بيكون نصراوي صميم ,, الله الله بالاخلاق الرياضية بس يتعلمها من الحين , لان تشجيع النصر , فن وذوق

نصراوي 100% ومسمينه <ماجد> على ابو عبد الله

[ابن بريده البار]

شخصيه اذا كان هذا فهمك فهو على قدك المشكله بالناس اللي تنظر الى الحضاره بالتقليد الاعمى وخالف تعرف والظاهر ماحد يرضى لاخواته او زوجته الشي هذا بالنسبه للمغنيات هذا موضوع ثاني لانها اساسا وضعت لاغراء الشباب وليس الفتيات وياليت الواحد يقراء الموضوع قبل يرد
تحياتي

[shahd2007]

اقتباس:  المشاركة الأصلية كتبت بواسطة جوان 2007     نصراوي 100% ومسمينه <ماجد> على ابو عبد الله

بصراحه ظلم للولد ضاع مستقبله طالبتس غيري اسمه

[Queen of buraydh]

بنت جيراننا اذا سجلو هدف الهلال ادري من صراخها

الحمدلله الذي عافانا مما ابتلاههم

[ابن بريده البار]

المشكله اذا اجلت اعمال البيت علشان المباراه انعكست الايه من اول الرجال تاجل الطلعات بسبب المباريات ام النساء تاجل امر فيه نظر

[جوان2007]

اقتباس:  المشاركة الأصلية كتبت بواسطة ابن بريده البار     المشكله اذا اجلت اعمال البيت علشان المباراه انعكست الايه من اول الرجال تاجل الطلعات بسبب المباريات ام النساء تاجل امر فيه نظر

العمر يخلص والشغل مايخلص

لاقضت المباراه نتفرغ للبيت
ههههههههههههههههههههه

[الحنتريش]

ياعاشقة النصر اغدي ولدتس يطلع اسطورة ملاعب
بس لاتعلمونه التكسير من الحين او علموه على مركز هجوم لان اي واحد بدفاع النصر لازم تكسير وخشونه

[فرقعين]

السلام عليكم ورحمة الله وبركاته
بحلت وجهة نظري على الطاير.

الريـــــــــــــــــاضـــــــــــــــــــة عموما مــــــــا فيهــــــــا شئ.
بس للاسف تم توجيهها بشكل غير مناسب يعني زي ما قلت يجي سطل يناقش بنت عن المباراة
والا وحده غبية تتابع المباراة علشان فلان اللاعب او غيره (واللي يقهرك فيه بعض الدلوخ يتناقش مع
زوجتة مين الوسيم فلان اللاعب او غيره) يعني البنت نفسها ما تعرف وشي كورة القدم بس برضه ما يمنع
أنه اذا صار مثلا مباراة للمنتخب تفرح بالمعقول مو بالطهبله( اذا فاز..!!؟) وهذا يدل ان عندها وطنيه... مع ان الوطنيه اللي ذبحونا فيها ما شفناها بس برضه خل نصير حقانيين ....

وبالاخير نقول للناس الغلبانه بنات او شباب بما انك رياضي وتحب الرياضه مارسها واهتم فيها
مو تحصل الوحده وزنها ما ادري كم تقل كيس رز والا وحده صايره تقل مسواك من الريجيم اللي مسويه وتشوفها مغرمه بالكوره تقول هذي وش تبي بالضبط لا عرفت تستفيد من الرياضه ولا عرفت تضبط توازنها الغذائي فاعتقد الرياضيه مربوطه بمفهوم الشخص الغلبان اللي يحسبها بس شجع ودابتس مع خلق الله ولا يدري وش السالفه ولا الفايده من الرياضه ...!
واللي يقول الكورة تطور ومن الكلام الفاضي وانهم رفعوا رؤسنا من الهرط الزايد اعتقد انه هلس في هلس
لان اللي يقول تطور نقوله الغرب اللي ذبحتونا بهم ما التفت للكورة الا بعد ما ضبط اموره من جميع النواحي
يكفي ان الاندية تدير نفسها بنفسها .

وخلاصة هرجي
أهتمام الشخص بنفسه ومستقبله أرحم له من تقليعات المراهقين .

[ابن بريده البار]

اخونا فرقعين رد طيب ومنطقي وواقعي في نفس الوقت نحن نقول الرياضه تشد الناس دون شك لكن المشكله في المبالغه الزائده

[ابوقش]

الله يهدي شباب وبنات المسلمين عامه

وشبابنا وبناتنا خاصه يارب العالمين ..

[رومنسيه وكلي حنيه]

[align=center]

اقتباس:  المشاركة الأصلية كتبت بواسطة شخصية     من قال ان الكورة للرجال فقط ,, أما انك ماتفهم صحيح الكرة رياضة ,, فن ,, وامتاع ,, واشوف انها للجميع رجالا ونساءا وعقبال مايزيد الوعي بالرياضة عند البنات , ليتطور الى الممارسة الفعلية في جو مريح ومستقل حتى تعم الفائدة لاتحجر واسعا

عقبال ما أشوف أختك أو زوجتك تتلاعب وتتراقص بالخصوم وتطلع بالتلفزيون
والمعجبين حواليها يتمغنجون ويلتقطون الصور معاها
وتنتشر صورتها في كل مكان ..
طيب عندي لك حل وراح ترتاح وتريح .. أفتح باب أنت تطالب فيه كثير ..
ليش ما تنزل صورة أختك بالمنتدى . بكذا فتحت باب أنت تطالب ومن على شاكلتك من زمان .. ولا هوب عيب أن الواحد يسابق الزمن ..
إنسان سخيف ولا بوجهه دم [/align]

[رومنسيه وكلي حنيه]

تحياتي لك يا صاحب الموضوع ..
لي ملاحظه بسيطه .. أنت كتبت في موضوعك كلمه كره وهي بالأصل كوره ..
أما من ناحية تشجيع الكوره فالحمد لله والشكر أن ربي عافاني عن هذا الشيء
أنا متابعه فقط للمنتخب السعودي لأني دائمآ وأبدآ ضده أتمنى خسارته كثيرآ ..
شكرى لإهتمامك وحرصك ..

تحياتي والسلام

[ابن بريده البار]

بارك الله فيك اختنا اما كلمة كره فهي صحيحه لغويا وكثر الله من امثالك نحسبك من الثله الطيبه ان شاء الله والله حسيبك