افيدوني يا اخوان هل العيب فيني ام في رجل المرور !!!!!!

[عبدالله الحلوه]

اخي الناقد ولد علي

اذا مااردت الحديث بمنطقية اكثر فنحن سبب المشكلة !!

نحن من ينزل من سيارته لأجل استعطاف رجل المرور لعل وعسى ان نسلم من العقاب المستحق

لو كان لدينا وعي اكبر وحفاظ اكثر على النظام لما احتجنا لكل هذا ولكان النظام هو الفيصل بيننا

النظام ايضا ينص على ان لكل مخالفة عقاب ولايوجد بالنظام مايسمى بالأستعطاف وترجي رجل المرور من اجل السماح لأنه لايحق لرجل المرور نظاماً ان يتجاوز عن اي مخالفة فلما لانحاسبه على ذلك ايضا ؟!!

متى مااستطعنا التعامل مع الحقوق بميزان واحد سواء كانت لنا او علينا فسنجد الجميع يحترمنا ويعطينا مالنا من حقوق واولها نزول رجل المرور من سيارته احتراماً لنا لأننا اساساً احترمنا انفسنا بإحترامنا للنظام


تقبل تحياتي

[zoزو]

هلابك اخوي ولد علي
والله القسايم صايره اكثر شي لعانه من العسكري

انا قبل تقريبا سنتين
معي هايلكس وكنت فاك المرايا الجانبيه
اهم شي فيه عسكري بالسوق الداخلي كل ماشافني سوا لي ازعاج يبيني اركبها
قلت له لا واذا صار عليها حجز الحين ودها اهم شي
صار من القهر يداوم بالسوق على شاني
عاد قبل شهرين بعت سيارتي
جيت بسدد القسايم لقيتها 2500 ريال
مافيها الا وحده سرعه والباقي
مرايات
يعني لو بتذكر اللي ماسكني اكثر شي 7 مرات والباقي شكله يخلص فيه الدفتر

ــــ

يعني مالك حل معهم الا تنزل وتحب راسه وخشمه
ومن القهر تركع قبل تاصل له


بس مافيه لا حسيب ولا رقيب ...

نأسف ع الاطاله

[الناقد ولد علي]

اقتباس:  المشاركة الأصلية كتبت بواسطة عبدالله الحلوه     اخي الناقد ولد علي اذا مااردت الحديث بمنطقية اكثر فنحن سبب المشكلة !! نحن من ينزل من سيارته لأجل استعطاف رجل المرور لعل وعسى ان نسلم من العقاب المستحق لو كان لدينا وعي اكبر وحفاظ اكثر على النظام لما احتجنا لكل هذا ولكان النظام هو الفيصل بيننا النظام ايضا ينص على ان لكل مخالفة عقاب ولايوجد بالنظام مايسمى بالأستعطاف وترجي رجل المرور من اجل السماح لأنه لايحق لرجل المرور نظاماً ان يتجاوز عن اي مخالفة فلما لانحاسبه على ذلك ايضا ؟!! متى مااستطعنا التعامل مع الحقوق بميزان واحد سواء كانت لنا او علينا فسنجد الجميع يحترمنا ويعطينا مالنا من حقوق واولها نزول رجل المرور من سيارته احتراماً لنا لأننا اساساً احترمنا انفسنا بإحترامنا للنظام تقبل تحياتي

اشكرك اخي الكريم عبدالله الحلوه على االتعقيب الرائع جدا
اوافقك الرأي في كل ما قلت فالعيب فينا نحن .....لكن اخي اذا جلست في السياره ولم انزل لرجل المرور ......تغير اسلوبه معي ويمكن ان يبحث عن اي سبب ليعطيني اكثر من مخالفه ....قد تصل الى ان يسألني عن طفاية الحريق مثلا .
من يحميني من تسلط وجبروت بعض رجال المرور اذا ما جلست في السياره ..
اظن يا اخي الكريم ان المشكله مشتركه والعيب مشترك بين رجل المرور وبين المواطن .

[ابو تريكه]

العساكر طبعا" يختلفون
لكن بعضهم أذا وقفك ولا نزلت من السياره قال هذا مستهتر ولا هميته فتلقاه يدور أي شي
على شان يسجل قسيمه ..
وبعضهم أذا ما نزلت تلقاه يقول هذا عنده وااااسطه ولا يعطيك قسيمه وتلقاه يسلم عليك ويرجع لسيارته...
وأذكر واحد من زملائي أخذ أغرب قسيمه في التاريخ...
وهي كان يمشي بطريق عنيزه وأقطع الموتر بنزين وقف خوينا يمين ودق على واحد من الشباب
علشان يجيبله بنزين وهو جالس ينتظر خويه وقف عنده عسكري قال العسكري وش عندك واقف
قال مقطع الموتر بنزين نزل العسكري عطاه قسيمه ومشى ...!
خويي موقف موتره صح وأوراقه كامله بس الى هالوقت مايدري وش عليه القسيمه.!

[الناقد ولد علي]

اقتباس:  المشاركة الأصلية كتبت بواسطة أبو أميرة     والله أنك جبته يالذيب لا لو ماتنزل وتمسي عليه بالخير دور عليك أي مخالفه وعطاك وإذا مالقى قال لك أنت مسرع قبل شوي !!! وخذ قسيمه

اخي الغالي ابو اميره
طيب لو نزلت واستسمحته واعطاني غرامه ........وش استفدت
ان كنت ترى انه ممكن يزود القسايم لاني ما نزلت ........فو الله مشكله ما بعده مشكله
استمرارهذا الاسلوب في تعاملنا مع رجال المرور يبي يقويهم علينا ويبي يحسون انهم فوق القانون ...
صراحه انا متحير وابي جواب شافي لسؤالي
هل انزل من السياره واخالف الانظمه واشجعه على التسلط ام اجلس في السياره وانتظر ما يجين !!!!!!!!!

[الناقد ولد علي]

اقتباس:  المشاركة الأصلية كتبت بواسطة ابو تريكه     [COLOR="Blue"]العساكر طبعا" يختلفون لكن بعضهم أذا وقفك ولا نزلت من السياره قال هذا مستهتر ولا هميته فتلقاه يدور أي شي على شان يسجل قسيمه .. وبعضهم أذا ما نزلت تلقاه يقول هذا عنده وااااسطه ولا يعطيك قسيمه وتلقاه يسلم عليك ويرجع لسيارته... COLOR]

اخي الكريم
ما اجبت على سؤالي
هل انزل من السياره واخالف الانظمه واشجعه على التسلط ام اجلس في السياره وانتظر ما يجين !!!!!!!!!

[ابو تريكه]

اقتباس:  المشاركة الأصلية كتبت بواسطة الناقد ولد علي     اخي الكريم ما اجبت على سؤالي هل انزل من السياره واخالف الانظمه واشجعه على التسلط ام اجلس في السياره وانتظر ما يجين !!!!!!!!!

أخوي الناقد ولد علي /
أذا كانت أوراقك كامله أجلس في السياره أما أذا كان العكس
لا أنزل وخلك أخلاق وعسى تفتك..

[تركي السنيدي]

اقتباس: وخاصة لبعض الإنقليز بالمرور عندنا ..!!.

هههههههههههههههههههههههههههههههههههاي
مادمر مرورنا الا هالانقليز خخخخخ

المفروض ينزلون قرار للي ينزل من سيارته للعسكري يعطونه قسيمه !!

[علي سليمان اليحي]

العرف المروري لدينا مبهم وحين يكون غير واضح لا يحتسب على أحد خطأ لأنه لا يوجد عمد بذلك.

في الغرب السائق يثبت في مكانه ورجل المرور ينزل له ولو نزل السائق فللمرور أن يطلق عليه النار.

وهذا قانون مروري يفهمه كل من قرأ تعاليم قوانين المرور لمنح الرخصة .

أما لدينا فالأمر وسع صدرك ولا يوجد تحسس لأن السائق مسالم ورجل المرور ليس بيده صلاحيات.

أما مذكرتم من ( الإنقليز أو الألمان أو الكنديين ) من سوء تصرفاتهم فهم معذورين بصراحة!
فهم بين أمرين :
بين سندان الضابط ..... ومطرقة المراهق المستهتر!!!

[ابومروان2005]

لو ينزل يغمى علي تدرون ليش ؟؟ من الفرحة طبعاً

واقول اخيراً فهموا النظام !!!

[عاشق ديرتي بريده]

العيب ليس فيك ولافي رجل المرور
العيب بالنظام اللي مانمسك له سالفه النظام معك وفجاءه يصير ضدك !!!!!
لو يطبق النظام الحقيقي كان تعرف وش لك وش عليك

[توتي]

يا اخي فنترك هذه النقطه قضية النزول

المشكله انه يكلمك من طرف انفه اللي يشوفه يقول مدير المرور او وزير المعارف ولو تبي تشرح له قال اصبر شوي وكتب القسيمة بعدين قال لك اشرح

لماذا هذه المعامله السنا بشر ..؟!!
وهم بشر مثلنا ..؟!!

او هم يلبسون غيرنا ؟؟ يمكن

تحياتي لك


توتي

[عاشق ديرتي بريده]

على طاري رجل المرور كنت ممسوك بمخالفة سرعه عند نقطة تفتيش ام سدره
وانا قاعد انتظر القسيمه جاء راعي بي ام دبلو حووت وقاله العسكري ليش مسرع ورد عليه راعي الحوت
اقولك عطني قسيمه لو ماودي اسرع كان اشتريت ددسن مثلك !!!! والله يالعسكري فشل انواع الفشيله
وقعدت اضحك شوي شوي اخاف يعطين قسيمة ضحك على العسكري !!

[الكبري]

المرور يعمل من غير نظام ،

لكن ننزل دئماَ لنتفادى المخالفة ، وكثيراَ ما تفاديناها ،

لكن ما زال المرور يحتاج للكثير من التطوير كما هي حال مؤسسات الدولة ،

لكم أطيب المنى

[ولــد بريــدة]

من يحمينا من كلاب النار ؟

ياخي خل عندك ذوق بالرد

اصلا ما فيه شخص بالمدينه ملتزم بالنظام كلهم يمشون على البركة

سرعة + قطع اشارة + تفحيط + دوران + تجمهر وين الناس الواعيه

واذا انحجزت السيارة جاء ابوه يتوسط او يشتكي

يالله امش عدال يحتار عدوك فيك