حصيصه تعشق الفنان / مسحات ابن ملاس ( احلف ) !!

[د / ماسنجر]

اقتباس:  المشاركة الأصلية كتبت بواسطة الكبري     رائعة مقلمة د / ماسنجر لاشك أن هذا الأسلوب هو أروعها لإيصال الرسائل وخصوصاَ إن كان الحديث عنها قد استهلك . فهذا الأسلوب يلبسها ثوب آخر من المتعة والتشويق ووصول الرسالة . لكم أطيب المنى

وردك يا غااالي هو البس موضوعي اجمل ثياب العز والرفعة
والله زادنا مقام هالرد يالكبري لا ومن واحد محترم يا عيني عليك بس



وردااااتي لك سلااام

[خالد التويجري]

فعلاً أتفق مع القول أن مثل هذا الأعجاب "تخلف" ..,
لأنه خيال أكثر من كونه واقع ..,
وإلا كيف صار لمجهول قيمه "عاطفيه" و "حسيه" في عقل ذاك أو تلك .,؟

وكيف صيّر لعقل ذلك المُعجب به "أنموذج" للصح ..؟ في الأحاسيس والفكر .., والتصرف .., والعلاقه ..,!
إلا حصاد هوى النفس .., والشيطان .




تحياتي .,’

[د / ماسنجر]

اقتباس:  المشاركة الأصلية كتبت بواسطة بريداوي9     فعلاً أتفق مع القول أن مثل هذا الأعجاب "تخلف" .., لأنه خيال أكثر من كونه واقع .., وإلا كيف صار لمجهول قيمه "عاطفيه" و "حسيه" في عقل ذاك أو تلك .,؟ وكيف صيّر لعقل ذلك المُعجب به "أنموذج" للصح ..؟ في الأحاسيس والفكر .., والتصرف .., والعلاقه ..,! إلا حصاد هوى النفس .., والشيطان . تحياتي .,’

ايووووه كيف يحبونه وله معزة وله مكانته ويتابعون برامجه ومقابلته او يناظرونه لا صار يمشي او شيء !! وهو مجهول ما يعرفهم ؟؟ ولا هن حتى او هم قد سولفوا معه ؟؟

هوى نفس وهواجيس شيطانيه الله يدحروه
تشكرات ياقلبي ووالله نورت موضوعي فديتك

ورداااااااااااتي الحاره لك سلااام

[الذاهـبـة]

مرحبا دكتور مسنجر ..

الصراحة إن موضوعك قلّب مواجعي ..

أنا بعترف و هنا في هذا المتصفح إني سبق و طحت بالغرام ..

لأ .. و مرتين بعد ..

أما بطل أحلامي الأول :

فقد كان شخصية كارتونية ..

اسمه ( بسام ) في مسلسل كابتن ماجد ..

أمممممم

ما تصدق يا دكتور شكثر استحي إذا جت اللقطة عليه ..

عاد هو ملعون كان قوي مرة ..

و اسمر .. و يشمّر الفانيلة بشكل خرافي ..

أما عاد هجماته .. و الأهداف حقته .. !! مهب صاحية أبد ..

لله يذكره بالخير ..

أما البطل الثاني ..

فبرضو .. مهاجم بس حقيقي عاد موب كرتون .. !!

كنت وقتها في خامس ابتدائي .. أيام كأس العالم ..

و مازلت أتذكره ..

روبيرتو باجيو ..

المشكلة وجهه كأنه وجه عنز ..

بس ذوقي دمار يبدو .. !!

كنت أتابع الدوري الإيطالي و الإنجليزي .. و الأسباني و البرازيلي ..

و حافظة كل النوادي الأوروبية و اسماء اللعيبة ..

أنا مادري أهلي وين !!!

تاركيني أتابع مباريات .. شويه أصير " صبي " .. !!


إيــــــــــــــــــــــه يالسنين .. تزحلط بسرعة !!

المهم الإعجاب هذا خربوطي ..

و إن شاء الله ما يأثر ..

المصيبة الإعجاب المثلي .. في المدارس و الجامعات

اللي طالع موضه قوية ..

نسأل الله السلامة و العافية .. !

[د / ماسنجر]

اقتباس:  المشاركة الأصلية كتبت بواسطة الذاهـبـة     مرحبا دكتور مسنجر .. الصراحة إن موضوعك قلّب مواجعي .. أنا بعترف و هنا في هذا المتصفح إني سبق و طحت بالغرام .. لأ .. و مرتين بعد .. أما بطل أحلامي الأول : فقد كان شخصية كارتونية .. اسمه ( بسام ) في مسلسل كابتن ماجد .. أما البطل الثاني .. روبيرتو باجيو .. أنا مادري أهلي وين !!! تاركيني أتابع مباريات .. شويه أصير " صبي " .. !! إيــــــــــــــــــــــه يالسنين .. تزحلط بسرعة !! المهم الإعجاب هذا خربوطي .. و إن شاء الله ما يأثر .. المصيبة الإعجاب المثلي .. في المدارس و الجامعات اللي طالع موضه قوية .. نسأل الله السلامة و العافية .. !

بسااام اييييه يالدنياااا

قبل ايام من السنون طلع لاعب خكري اسمه رابح هذا بغيت احبه بس اشوى امتسنت عقلي
افلام كرتونيه يالذاهبه لو هي على الكرتون تسان اول من احبه هايدي واللي راسمه ابن اللذينا جامعن زين وحلا العالم كله به كل ما شفته المح لامي يماااه مالقيتي لي بنت حلال ؟؟ وانا اغز على هايدي بس للاسف امي ما عطتن وجه ذيك الايام
وانتي مثال على حب الناس للغربيين للفئه الثالثه
لو اسألك وش السبب حبيتيه مثلن هل جمال او وش كان شعورك او احاسيسك الوهميه تجاه هالشيء وش اللي دفعك تحبينه خلينا نستفد بلا استهبال < يكد

بعدين اهلك يمكن ماكان عندهم خلفيه عن الحب والامور هذي لانه انتشرت بالاونه الاخيره جعلهم يونون هالكفار ولا يسكتون


ورداااتي لك سلااام

[ابوخالد382]

اقتباس:  المشاركة الأصلية كتبت بواسطة الذاهـبـة     كنت وقتها في خامس ابتدائي .. أيام كأس العالم .. و مازلت أتذكره .. روبيرتو باجيو .. نسأل الله السلامة و العافية .. !

خامس إبتدائي ,,,وروبيرتو باجيو .....ماش عيت تركب

[د / ماسنجر]

اقتباس:  المشاركة الأصلية كتبت بواسطة ابوخالد382     خامس إبتدائي ,,,وروبيرتو باجيو .....ماش عيت تركب

هلاااااا مشرفنا ابو خالد منور ورقتي
كان واجب عليك دامك دخلت انك ترد على مضمون موضوعي يا غالي ولالا !!!!




ورداااااتي لي سلااام

[ثلوج دافئه]

أنامع الذاهبه في كلامها هذا النوع من الأعجاب بسرعه يزول وينساه الشخص المصيبه الاعجاب الي قاعدين نشوفه بين المثليين مادري وشلون هالشي أنتشر عندنا مثل أنتشار النار واضح أنه مافيه متابعه لمثل هالشي في المدارس ولا الأماكن العامه مثل هالأعجاب خطير ويحتاج متابعه من الجميع
تحياتي

[د / ماسنجر]

اقتباس:  المشاركة الأصلية كتبت بواسطة ثلوج دافئه     أنامع الذاهبه في كلامها هذا النوع من الأعجاب بسرعه يزول وينساه الشخص المصيبه الاعجاب الي قاعدين نشوفه بين المثليين مادري وشلون هالشي أنتشر عندنا مثل أنتشار النار واضح أنه مافيه متابعه لمثل هالشي في المدارس ولا الأماكن العامه مثل هالأعجاب خطير ويحتاج متابعه من الجميع تحياتي

صدقتي والله المشكلة مافية توعية من هالشيء أنا ما ادري عن البنات يجون عندهم داعيات أو لا بس مفروض يكثف هالشيء ....
تسلمين على حرصتس
ورداااتي لك سلااام

[المدير666]

ههههههههههههههههه
كلام صحيح ومشاهد انت اسكايبي مو مسنجر. مشكور .

[جمان البحر]

الله يهدي الجميع ...معك حق أخي د ماسنجر فيما ذكرت فالفتيات الان يعجبن بأي شخص مشهور فقط لانه مزيون حتى لو كان جماله بسيط ...وخذ من المعجبات باللاعب أو الفنان الفلاني آلاااااااااااااف البنات ..

وأعجبتني كثيراً حين حددت الفئه التي قصدت ولم تعمم ...

اقتباس: ( اقصد بعض الفتيات صغيرات العقول ) .

أما الذاهبه فردهاشيييييييييييييء ..أذكر كثير من البنات كانن يحبن بسام ...
والله يهدي أهلك اللي مخلينك تتابعين كل المباريات والدوريات ..<<<<صاحبة هذا المعرف تشقلبت من الضحك يوم قرأت رد الذاهبه ..

[د / ماسنجر]

اقتباس:  المشاركة الأصلية كتبت بواسطة جمان البحر     الله يهدي الجميع ...معك حق أخي د ماسنجر فيما ذكرت فالفتيات الان يعجبن بأي شخص مشهور فقط لانه مزيون حتى لو كان جماله بسيط ...وخذ من المعجبات باللاعب أو الفنان الفلاني آلاااااااااااااف البنات .. وأعجبتني كثيراً حين حددت الفئه التي قصدت ولم تعمم ...

حددت ياجمانه لان بعض البنات ما يمشون على هالطريق والدرب السيء هذا لانهن يعرفن وش الصح ووش الخطا واقرب مثال جواهر فهي كانت عين الحق بالنسبه لحصيصه ونبهتها عن الخطا ،

وردااااتي لك الكثيرااات سلااام

[نـدى الـورد]

الأمر ليس مقصور فقط على فتيات هذا الزمان

بل هو على مر الأزمان

حيث ان المرأه عندما يتردد سيرة رجل يضرب به المثل في الأخلاق والشجاع

ف انها تلقائياً تهيم به إعجاباً بل يمتد الأمر الى الحب من طرف واحد حتى لو لم

تراه لان الأذن تعشق ايضاً

وترسم بعدها أحلامها الورديه ... في ان تكون امنيه لها زوجته

ولعلمك هذا مو بس في المراهقات

حتى الناضجات

يداعب فكرهن من يستحق الإعجاب به


,

[د / ماسنجر]

اقتباس:  المشاركة الأصلية كتبت بواسطة أريج الحياة     الأمر ليس مقصور فقط على فتيات هذا الزمان بل هو على مر الأزمان حيث ان المرأه عندما يتردد سيرة رجل يضرب به المثل في الأخلاق والشجاع ف انها تلقائياً تهيم به إعجاباً بل يمتد الأمر الى الحب من طرف واحد حتى لو لم تراه لان الأذن تعشق ايضاً وترسم بعدها أحلامها الورديه ... في ان تكون امنيه لها زوجته ولعلمك هذا مو بس في المراهقات حتى الناضجات يداعب فكرهن من يستحق الإعجاب به ,

صدقتي والله يا وخيتي هالشيء بصراااحاا على قولتهم انا احسه منتشر كثير عند الحريم بس الشباب لا مو لهالدرجه يتخيل انه مرته ؟؟؟

اكرر هذي مشكله طيب ما سالتي نفسك يا اريج ليه سلكن هالطريق اللي بُعده وهمي ؟؟؟ يعني اكيد فيه اسباب ودوافع لهالشيء ؟؟


ورداااتي لك سلااام

[البرحيه]

قووووه

ماشاء الله خذيت ختم الأيزو من ثاني موضوع
اجل بتربع بمكان الحلوه بعد كم يوم..



عاد موضوعك مميز اكمن اوله خاطرة وسطه روايه واخره خطبة جمعه


انك روائي مبدع ..... بس حصيصه الأيقاع حقه ما يتماشى مع حداثة سن القارئ .. حصيصه صارت ام وجده ..واسمها يقولك تراي دايم بنت
هاديه ومثاليه ومحترمه وانا اللي اشبر وجهي قبل ما سوي العيبه
يجي صاحب اللون الكلروفيلي... ويحطني سبهه .. هاااه ولا وش رايك !!



مسحات.. خقت عليه حصيصه... << ما تحس انها صعبه ابو شنب...
تذوق عزيزي مسنجر هآآ المقطوعه >>> ....مسحات حبته رثعه ... << ذقت .... البيئه في ها المقطوعه مزهره ...


عاد ما استفت من الحكايه الجميله
ان كل وحده. تلايط و تنعجب بزوجها
واللي ماعنده زوج او ما حصلت تصبر
وتجمع مشاعره الين ما يصير عندها ..عينه مثل مسحات ..يوميها تفسفس بالمشاعر على كيفها...
واللي ابطى عليها ماجاء تجمع مشاعرها بقوطي
واول ما يوفدزها الله تكرعهن فوجهه .. وتصارحه انها تجمع من زمان
عشان كذا اندلقت عليه ..

واللي تقول فقلبها وان جاني و طلع لاقفى ولا دزدام ..؟؟
نقولها يا عيني عينك فالجنة يا بعدي هناك الرجال ..الواحد عن ثلاثين..

سارعي اختاه
عندتس فرصه تدعين الله انك تموتين الحين.....



ألتفاته... في جميع الجهات
إن كان هذا الخيال يشعرك بالسعاده .. فستمر حتى تجد خيال اخر
يسعدك اكثر منه...( البرحيه )




مسحات = مسحات طبيه ولا مسحات المزرعه.
شكرا لك......