غدا زواجي ياعذابي

[العبرى]

الملكه..والمكالمات..هذا شيء صاير عند اكثر العوائل..

والخروج فترة الملكه..لاأدري..!


اما السهر للفجر بالزواج

وين القاعه اللي تسمح بكذا..؟

في بريدة مااعتقد فيه..!



وممكن تقلبها زواج من المغرب وتنبسط..

والدخله 10..


وتزوج بالشتاء تكسب وقت بالليل الطويل





تحيتي,,,

[براد]

هلا باختي العبرى
أولا وش أبي مكالمة سلمك الله قبل العرس باسبوع أو أسبوعين وبالكثير ثلاثة
يعني كلها مكالمتين أو ثلاث بالكثير خمس
لا أنا أبي اطلع وأروح أنا وهي ونتمشى وننبسط مرة من هنا ومرة من هنا
وفيها ميزة الرجال وقتها طاف والله ماعاد يقول لها لا أبدا

أما عن حكاية قصور الأفراح فكلامك عين الصواب لكن لو قاطعناهم وبدينا في الإستراحة حتى يرضخوا لمطالباتنا كان أحسن وأحسن

وفكرة إني أخلي الزواج المغرب فكرة حلووة بس خبرك بعض الناس يحب يتملص فلا لقى إن فيه وقت صلاة صلى وهج

لكن شكلي بجرب رايك

وألف شكر على كلامك الجميل

[هامة حاسوبية]

[align=center]




براد

أطلبك حلقة لعينك

نعود للموضوع

وعلى فكرة أنا بنت ولست رجل ، حتى تتخيل ما أقوله جيداً

بالنسبة للمكالمات بعد الملكة فهو أمر دارج في المجتمع وبرأيي أنه إيجابي

أما الخروج مع الزوجة فبرأيي أنه لا شي فيه - إن كان مع مراعاة حدود أنه لم يدخل بها حتى الآن - ولكن المجتمع يرفضه لسبب واحد ، وقد أقرته والدتي

وهو أنه وجود الزوج مع زوجته ، وقد تمت الملكة ، وهي الآن أمامه وبكامل زينتها ولوحدهما قد يجعل الشيطان يوسوس له ويفعل ما لا ينبغي فعله قبل ليلة الزواج

لا تقل لي أنها أصبحت زوجته ولا أحد يستطيع منعه !

لأنه حتى الآن لم يعلن الزواج ولم يدخل بها ، وبالتالي فلا ينبغي ذلك إطلاقاً

هب أنهما تطلقا وهو لم يدخل بها ، سيظن الناس أنها عذراء ، وهنا مشكلة كبيرة وقعت بها بعض بنات (كبار الحمايل)

ولذلك المجتمع يرفض الخروج قبل ليلة الزواج تجبناً لحدوث مثل تلك المشاكل

فاكتفي بالمكالمات وأعانك الله حتى تأتي ليلة الزواج

أما السهر لآخر الليل فلا أعتقد أنك (متفيج تجابل ربعك) ، فهذه ليلة (زواج) وليست عزومة شباب في استراحة

فعد إلى بيتك مع زوجتك وعش ليلتك ولا تقابل وجيه (الكشابير) على حد قول الرجل العجوز





[/align]

[براد]

أو الله اللي بلشت
والله ماشاء الله عليك وفيتي بس كنت متعود على بعض المنتديات لي عودة ولا عاد تشوفين إلا غبرته

أجي للموضع
كلامك عين العقل
بس لما يكون الولد عاقل ورزين وأد الدينا إن شاء الله بيقدر هالشئ هذا
وحتى لو قدر الله وصار شئ وتقدموا الناس لها فأكيد راح يقولون للي متقدمين
طبعا وفي حال الخروج يكون الزوجين وصلوا لمرحلة اللاعودة في الغالب مو من أول مايتملكون يفتح الباب ويقول لها يالله اركبي
لا أكيد بيكون مكالمات قبلها يتبين جدية الرجال من عدمها وهي بعد تعرفه أكثر

بصراحة اللي أبي أوصل له
إن العينين واللقاءات تنبئ عن أشياء لن يتوصل لها الزوجان من خلال المكالمات بل لابد من لقاءات
حتى لو كان هناك شئ بينهما من البداية إنه مايتم قبل مايتورطون قدام خلق الله

شكرا لك
والعين الشكوى راحت متى الحلق
والمسامح كريم

[هامة حاسوبية]

[align=center]

اقتباس:  المشاركة الأصلية كتبت بواسطة براد     وحتى لو قدر الله وصار شئ وتقدموا الناس لها فأكيد راح يقولون للي متقدمين

الأمر هنا سئ للغاية

سيعتقدون أن سبب الطلاق هو أمر محرج ... وهذا سيزيد الأمر سوءاً ، وربما لا تتزوج بعده إطلاقاً ..!!

فضلاً عن الحرج الذي ستقع فيه مع أهلها ، ومن ثم بين أهلها والناس

فكما يقال : (ابعد عن الشر وغنيله)

والملكة عادة تكون قبل الزواج بأسبوع أو أسبوعين ، وبالتالي فلا وقت للخروج مع بعض واللقاءات ، المكالمات كافية

اقتباس:  المشاركة الأصلية كتبت بواسطة براد     والعين الشكوى راحت متى الحلق والمسامح كريم

سامحناك أخي الكريم

( كلش ولا العين عاد )





[/align]

[براد]

الله يسلمك يارب
صحيح إنها عند الناس أمر مو مقبول
لكن ترى هالشيء هذا راح يقل بإذن الله واللقاء ساعات يبين بعض الجوانب السلبية عند الطرفين اللي ممكن يقدرون يتلافون هالشئ هذا من بدري
قبل يقع الفاس بالراس

[العبرى]

[align=center]

اقتباس:  المشاركة الأصلية كتبت بواسطة براد     هلا باختي العبرى أولا وش أبي مكالمة سلمك الله قبل العرس باسبوع أو أسبوعين وبالكثير ثلاثة يعني كلها مكالمتين أو ثلاث بالكثير خمس لا أنا أبي اطلع وأروح أنا وهي ونتمشى وننبسط مرة من هنا ومرة من هنا وفيها ميزة الرجال وقتها طاف والله ماعاد يقول لها لا أبدا

حياك الله..


كثير ممن اعرف تمت ملكته قبل الزواج بأشهر..

قد تصل لأربعه..!



مسألة الخروج فيها نظر مثل ماقالت هامه..

ولكن ممكن تكون طلعه خفيفه..في مكان عام

لاتتجاوز الساعه..!



وصدقني إذا كثرت..خربت

اقتباس:  المشاركة الأصلية كتبت بواسطة براد     أما عن حكاية قصور الأفراح فكلامك عين الصواب لكن لو قاطعناهم وبدينا في الإستراحة حتى يرضخوا لمطالباتنا كان أحسن وأحسن وفكرة إني أخلي الزواج المغرب فكرة حلووة بس خبرك بعض الناس يحب يتملص فلا لقى إن فيه وقت صلاة صلى وهج لكن شكلي بجرب رايك وألف شكر على كلامك الجميل

فكرة الإستراحه وعملها سهرة صباحي جداً جميله..

بإمكان العروسين الإستمتاع بليلة زفافهما وتصريفها

مثلاً البدء بالإحتفالات مع (ربعك)

قبل الزفاف بليله..

في إستراحه الفرح..

دف وطبل..والنساء ليلة حنا وإنبساط..

كثير من العوائل يقومون بهذا..


واحلى إنبساط وذكرى





تحيتي,,,[/align]

[براد]

العبرى
هلا فيك أكيد الطلعة بتكون قصيرة ومحترمة هذه زوجته أكيد بيحافظ عليها زي عيونه

وفكرة الاستراحات فكرة حلوة نبي ننبسط ونستانس مع الربع وهي مع صاحباتها
اللي صاير إن الرجال يسلم على ربعه وهي ساعات تلقينها في البيت تنتظره على حر الجمر إلين يجي أخوها أو أبوها يدخله عليها

على العموم رأينا متقارب
شاكرا لك مرورك الجميل

[•°سـرىآ اللـيـل°•]

قلت حنا مانتملك إلا قبل بأسبوع بس, قبل لايفكر ,,واللي مايرضيه طريقتنا يروح ويرزقنا الله غيره ماوقفت الدنيا عليه

[براد]

خير ياسرى
ترى الأمور ماتاصل وأنا أخوك واللي موعاجبه يروح لغيرنا
أكيد بيروح لغيركم وهو بعد مافيه أحد غاصبه عليك
وأنا اتكلم عن ظاهرة أتمنى زوالها ومو معناته لما تكون ظاهرة يعني خلاص هي الصح

أتكلم عن مفاجآت ليلة الدخلة ومابعدها ونسب الطلاق الكبيرة واللي ترجع بعض أسبابها إن ماكان هناك تعارف وتوافق نفسي من قبل

يابنت الناس دائما عندنا المقاييس فقط خارجية حلوة وسنعة وتوكل على الله لكن الأشياء الثانية مانعرفها هذه هي المشكلة ثم نكتشفها بعد الزاج إذا وقع الفاس بالراس

[Queen of buraydh]

اخ براد ... هل مازالت هناك تمنع بناتهم من الخروج مع ازواجهن ؟ او محادثتهن ؟

ارى بأنها نسبه قليله وحسب تفكير اسرتها ..

بالنسبه للمكالمات قبل بفتره طويله شخصياً لا أؤيدها ..! وبالنسبه للطفه والتمشي والوناسه ترى تجوز بعد الزواج بعد

[رايق]

[align=center]
تصل مرحلة المراهقة فتريد أن تمارسها بكامل حريتك لكن أنى لك ذلك وأنت تصحو على حلم رهيب أحدث أثرا وخريطة على فراشك عندها عليك أن ترضخ لطلب الوالد والوالدة بالبحث لك عن (بنت الحلال) والمهمة هنا منوطة بالوالدة حفظها الله فهي من ستقوم باختيار شريكة العمر ولأنك صغير لاتعرف مصلحة نفسك لذا عليك ألا تعترض حينما تختار لك بنت الجيران أو بنت الخال او بنت الشارع أو بنت العلان الأهم أن تقبل


وهــــــــــذا سبب فشل بعض الزواجات !!! إن لم يكن أغلبها !!!

وهو الزواج من غير قناعه شخصية !!! مجرد ماتقول الأم أو الأب للشاب نبي نزوجك !!!

يوافق طاعة لوالديه أو حياء منهم !!!!

وطاعة الوالدين واجبة ولكن مو في الأمور الشخصية الخاصة بالشاب !!!

يعني إذا الشاب مو مقتنع بالزواج الآن أو مو مهيئ نفسه للزواج أو حتى جاااااهل ببعض أمور الزواج !!!

ليش الوالدين يرغمانه على الزواج ؟؟؟؟

أتمنى إن الشاب مايقدم على هذه الخطوه المهمه في حياته إلا عن قناعه شخصيه بضرورة الزواج !! يعني هو اللي يقول لأهله أبي أتزوج !!!

مو أهله اللي يقولون نبي نزوجك !!!!!

تأتي مرحلة الخطوبة والملكة قتدخل طبعا تدربي الدميجة ماعندك ماعند جدتي أهم شئ إنك راح تشوف بنت كبيرة


بنت كبيرة ............!!!!!!!!!!!!!!!!!! هاذي مافهمتها !!!

فتأتي البنت وقت المشاهدة لتحضر لك كأس عصير نصفه سكر والنصف الآخر ماء ومن ثم تتعثر أمامك بحيائها لتهرب خائفة وقد تكون باكية
طيب شفنا البنت بسرعة قد تتجاوز سرعة الضوء
ولأن الحرمان العاطفي مزروع بقلوبنا منذ نشأتنا الأولى فمعنى ذلك أننا سنوافق تلقائيا


طبيعي أنك ستوافق تلقائيا !!!! تدري ليش ؟؟؟؟؟؟

لأنك من البداية وافقت على الزواج تلقائيا دون قناعة شخصية منك !!!


وافقنا وصارت الملكة طيب صارت زوجتي الان أليس لي الحق ان أحدثها واكلمها واخرج معها لأي مكان لكن بالتأكيد في مدينتي لا لا لا على كيف أمك تأخذ بنت الناس


فعلا هي زوجتك !!! ومن حقك أن تكلمها وصدقني الكلام مع الزوجة قبل الدخول عليها يريحك في كثير من الأمور !!!


أتى الزواج وهنا مربط الفرس
ليه زواجاتنا كئيبة جدا سواء كانت عائلية أو مفتوحة ليه الزوج الذي يعتبر أهم ليلة له في العمر وكذا الزوجة تتحول هذه الليلة إلى كابوس وهم
ليه طيب ماأفرح بهذه الليلة بحيث ألتقي الناس وألتقي صحبي والحضور والسهر إلى الفجر وكذلك الزوجة


الحمدلله !!

الأخ جاي يتزوج ولا جاي يقابل ربعه وناسه !!!!!!!!!!!

وش رايك قبل زواجك تروح لكذا زواج وتسهر وتنبسط وإذا طاح اللي براسك حدد موعد زواجك وتفرغ لزوجتك !!!



ياناس أبي زواج فيه فرح ووناسة ماأبي هم
ليه اللي يفرحون بالزواج هم البعاد أكثر من المعنيين


ياأخي خلهم يفرحون !!!

على الأقل هم بيفرحون ليله وحده وانت بتوفيق الله بتفرح طول العمر !!!


تحياتي[/align]

[فتاة المستقبل]

معليش المكالمات تكون قبل الزواج بفترة قصيرة ..علشان يتعارفون على بعض

أكثروتتقارب النفسية ,خاصة البنت علشان تتهيأ نفسيا للعيش مع الزوج

وتتقبله ..موب إذا جاء يوم الزواج أنواع الصياح والنياح وهونت ما تبي العرس ,

وتكره اليوم اللي وافقت فيه على الزواج ..

مشكلة الزوج في بدايات الزواج أنواع الطفه والتدليع ,, والبنت حالتها حاله ,,لاهية بروحها ,,وبعد كم شهر إذا بدت البنت تتأقلم على الوضع خلاص الطفه أنتهت من قبل الزوج ..

وبالنسبة للطلعات والروحات قبل الزواج ..

نـــــــــــو ,حط على هذا علامة × ,, أرفض هذا تمـــــــــاما ..

وبعدين وش بقيت لبعد الزواج .. إذا كنت كل الاشياء الحلوة بتسويها قبل الزواج ..

ومبــــــــــــــــــــــروك لك مقدما ..

[إلينـ اليوم]

[align=center]ياعذابي كيف انا بقوى عذابك لاصار في بعدك عذاب وفي قربك عذاب..

عنوانك يابراد قلب المواجع تصدق عن جد لاتذكرت الزواج يضيق صدري
مادري وشلون راح القى البنت اللي على مزاجي ومواصفات انا ابيها
اخاف تطلع فيها صفات اكرهم باالبنت مثل الجهل بكلام الحب والبرود الجنسي وووو..الخ
عندي سؤال لك اخوووي صحيح يقولون البنوته اذا تزوجتها تجيبها
وتطبعها على اللي انت تبيه ارجو منك افادتي ...؟؟



دمت بود..[/align]

[براد]

أهلين كوين أوف بريدة
والله على حسب معرفتي نعم غالبية المجتمع يمنعون خروج البنت قبل الزواج وبعد الملكة
أما عن المكالمات بفترة طويلة فأنا اتفق معك تماما وأزيد حتى الملكة لا أؤيدها قبل الزواج بفترة طويلة جدا كما في الحجاز
شكرا لمرورك

رايق هلا فيك أخوي
أتفق معك تماما في اغلب ماطرحته
إلا نقطة واحدة وهي قولك (الأخ جاي يتزوج أو ...الخ)
ياسيدي الكريم ليست الفكرة أنني متولع على رؤيتهم إنما كان قصدي ان هذا زواجي يجب أن أعيش جو الفرح مع الآخرين وهي كذلك أيضا
ياخي مو معقولة الساعة عشر في الصيف وتسع في الشتاء ضاف البنت من بيتهم ورايح انت وهي متنبلين بالبيت العالم مبسوطة وتزغرد وإحنا جالسين كم عدد أخواتك وإخوانك هل أمك حجت أو لا ؟
هل سبق وأن رأيتِ البقر تحج على قرونه ؟ وم هالموال اللي تدرس قبله بشهر وش تقول لزوجتك وهي المسكينة ماغير تحمر وتصفر وحالتها حالة
على العموم أشكر لك مرورك الجميل