مننجعات العييري وأمير المنطقة والإحتكار !!!

[ام المقداد]

المنكر الذي لاحظته بشده
هو مضايقة بعض الرجال للنساء والدوران حولهن تقل ذبان.
والمنكر الذي جر كل المنكرات هو منع الهيئه من الدخول للمنتجع.
والله اعلم .
شكرا لك على اهتمامك وياليت توصل الملاحظات كان تقدر يالوزير .
شاكره لك سعة صدرك ,وفقك الله.

[الصيوان]

خلاص يا أم المقداد والوزير ..


كل واحد يزين سيارته

المقصود الأخلاق ..

[نــقــطــة]

المنتجع فيه شر معروف
وترتاده بعض الساقطات على مستوى المنطقة لغرض *******?
وعند هيئة إمام الدعوة الخبر اليقين

[الصيوان]

مشكور يانقطة على المشاركة ..

لكن أخي لو تثبت ذلك بارك الله فيك ..

حتى لا يكون مجرد كلام ....

شكرا لك ....

[نــقــطــة]

الأخ البرعي عذراً فللتو قرات تعقيبكم وهذا إيرادي:
كما لا يخفى على العقلاء أن نشر الغسيل عبر الأثير منهج غير رشيد.
وقد أحلتك على الخبير (الهيئة) فلا تتردد.
والسلام

[الصيوان]

جزاك الله خير ..

ومشكور على الرد ...

[الامبراطوره]

اللي يحصل للشيخ السلوم يحصل للي شيخ من الشيوخ
اذا تكلم ونصح الناس عن هذا المنتجع والابعاد عنه
اي واحد ملتزم متشدد ليحب المنتجعات هكذا وغيرها الكثير الكثير ويذهب للنصح وااالابعاد
لكن اي واحد منا متكلف عليه وكل اكثر ماله بالمنتجع
مايبي احد ينصح الناس بالابعاد عنه
وزي ماقال احد من الاخواه المنتجعات ماهي في الغرب عشان الواحد يرضى بالمنكرات والافعال الخبيثه لكن هذا انسان من عائله محترمه جدا ولايرضى لنفسك ولابناءه مايرضى على المجتمع
واللي وضعه في المنتجع تسليه لاهالي المنطقه ليست تسليه منكره ؟؟؟؟؟
والخطاء اللي يقع فيها سكان بريده لو يقول الواحد ترى الاسواق فيها وفيها كان كلن قام معه وقال صح
المنكر في كل مكان في البيت فيه منكر وفي الاسواق وفي ---------الخ
لكن كل انسان واعي يبعد عن هذه المنكرات وهذا اللي يكره اهالي وكبار بريده او القصيم عموما بفتح كل شي مثل المناطق الاخرى
وانا او احد من الاخوان لو لي مشروع وجاء مهما يكون بيسبه وهو مافيه شي ويطلب الابتعاد عنه
مو اقول لرئيس المنطقه للدوله كلها وكل واحد يشوف نفسه
لكن رئيس المنطقه لو شايف المنكرات ؟؟؟؟؟ماامر بسكوت الشيخ!!
:1: واطلب من الاخوه مايتكلمو عن شي الا اذا قالو المنكر الموجود بام عينه
عشان الواحد فعلا يبعد عنه
مثل ماحصل للدمج تسرعووووووو المشايخ واعلنوووو ان الرئاسه
ماتت
وعزوهااااا وهو ماصار شي كله اشاعه صحف وليس اعلان حكومي
الله يهدي الجميع
لو كان المنتجع بغير القصيم اول مايدخل فيه الملتزمين مو سب لهم عادي الواحد يدخل للمنتجع
لكن مايرضون بديرتهم لشي؟؟؟؟يساافر الشيخ مع العائله واكيد يتفرج وتكون سياحه طيبه؟؟؟؟؟ويزور العديد من المنتجعات والملاهي والاسواق؟؟؟؟
لماذا القصيم بالذات هي الضحيه؟؟؟؟؟؟؟

[الصيوان]

إلى الأخت / الامبراطوره ..

السلام عليكم .. ورحمة الله ..

قرأت ردك .. ويجد فيه نوع من التسرع .. وعدم التثبت .. والاتهام نوعاً ما ..

وحتى يكون فيه عدل وعدم الجور من كلا الطرفين أدرجت كلمة (( نوعاً ما )) ..

ويبدو أنك قد كتبتيه وأنت مسرعة .. لأني بصراحة .. بعض الجمل لم استطع أن أفهمها !! ..

المهم .. أنت قلت أن المنتجع وضع للتسلية وليس للمنكر ..

هذا صحيح وأنا اتفق معك .. ولكن هناك ما يدل على ذلك .. فالاختلاط موجود .. ومعاكسات الفتيات موجودة .. أليس هذا منكر ..

إذن يجب الإنكار كما قال المصطفى ( صلى الله عليه وسلم ) : من رأى منكم منكراً فليغيره بيده .. فإن لم يستطع فبلسانه .. فإن لم يستطع فبقلبه وذلك أضعفا لإيمان .. )) أو كما قال عليه الصلاة والسلام ..

وانت قلت ايضا ..
(( والخطاء اللي يقع فيها سكان بريده لو يقول الواحد ترى الاسواق فيها وفيها كان كلن قام معه وقال صح .. ))

كيف هذا

هذا واقع ومشاهد .. والمنكر موجود .. وأستطردت ايضا بقولك (( المنكر في كل مكان في البيت فيه منكر وفي الاسواق وفي ---------الخ
لكن كل انسان واعي يبعد عن هذه المنكرات وهذا اللي يكره اهالي وكبار بريده او القصيم عموما بفتح كل شي مثل المناطق الاخرى ..... ))

كلامك صحيح . إذن كيف يبتعد .. إلا بعدم المجيء إليها ..

أيضا قلت (( لكن رئيس المنطقه لو شايف المنكرات ؟؟؟؟؟ماامر بسكوت الشيخ!! )) ..

بالعكس .. هم من يقوم ضد المصلحين والله المستعان .. :4:

والشيخ له اكثر من موقف مع الأمير ..

(( مثل ماحصل للدمج تسرعووووووو المشايخ واعلنوووو ان الرئاسه
ماتت
وعزوهااااا وهو ماصار شي كله اشاعه صحف وليس اعلان حكومي
الله يهدي الجميع .... )) ..

لا لا ليس تسرع الله يرضى عليك .. بل هذا الواجب والمفروض .. فلو قعد كل شخص ولم يفعل شي .. لحصل أكثر من دمج المدارس .. بل الطلاب والطالبات جميعاً ..!! وهذا من الإنكار وأقل ما نقوم به هو أرسال برقية أو رسالة إلى ولاة الأمور حفظهم الله ...

(( لو كان المنتجع بغير القصيم اول مايدخل فيه الملتزمين مو سب لهم عادي الواحد يدخل للمنتجع .... )) ..

حاشى لله .. إذا كان فيه منكر وإختلاط أبدا لا يكمن ان يدخل الشخص العاقل الذي يغار على عائلته واهله .. فضلا عن الملتزم الذي يراقب الله في كل حين وفي كل بلد ..

(( يساافر الشيخ مع العائله واكيد يتفرج وتكون سياحه طيبه؟؟؟؟؟ويزور العديد من المنتجعات والملاهي والاسواق؟؟؟؟ ))

لا تعليق !!!! فقط تهمة :3:

(( لماذا القصيم بالذات هي الضحيه؟؟؟؟؟؟؟ )) ..

لس صحيح .. بل القصيم من المحافظين ولله الحمد ..

وأي ضحيه التي تقولين ..

هل ضحية منكر ..فإن كذلك إنا نفخر ان المنكرات لا تصل إلينا بل ترد .. :1:

أي ضحية تقصدين ؟. ؟؟؟؟؟؟ أريد أن أفهم ..

[الامبراطوره]

انا من الاشخاااااااااص المحبه في الله الملتزمين وليس كلامي فيه تهم وسب لهم
وانا ماتسرعت في الرد
لكن قولي ان المنتجع وضع للتسليه صحيح وصاحب المنتجع مادخل الشباب لحالهم عشان يعكسون البنات ولا البنات تجي لحالها كل وحده مع اسرتها والا سره المحافظه راح تعرف تصون بناتها؟؟؟؟؟
والاختلاط في كل مكان القصد مو بس بالمنتجعات يعني لازم دخول ومراقبه الهيئه في كل مكان لكن ليس مسوح وواجبهم الامر بالمعروف عند وجود منكر
مو الامر بالابتعاد وسب المنتجع لا؟؟
والقصد ان اهل بريده مع اي واحد يطلع اشاعه وراكم وراكموالمعروف وانا من بريده بريده ام الاشاعات؟؟؟وخراب كل مشروع؟؟؟؟
وبعدين رئيس المنطقه شخص مسلم وانا ماودي اتكلم باكثر من كذا؟
يعني يريد اي مصلحه ومشروع يكون بنفس منطقته
واي واحد مسلم مايرضى بالمنكرات
اما بالنسبه للدمج لو ارادت الحكومه الدمج لدمجت لكن لاتريد الاختلاط وكبرووووو عقولكم وفكرووو صح؟لو راح توافق وافقت على قيادت المراه مو الاختلاط والمملكه غير كل الدول من اجل حكومتها
والملتزمين في كل مكان من دول العرب ليه مامنعووو الاختلاط؟؟؟؟؟؟؟؟؟

وانا ماتهم الملتزمين بل كلامي صحيح يدخل الكثير من المنتجعات ماقلت انا يدخل منكرات ويدخل الملاهي والواحد يشوف كثر ماسافر وراح وجاء
يشوف العديد منهم مايمنع اسرته من الدخول لكل مكان بغ النظر من المنكرات؟؟

وانا تشوف بكلمتي منتجع كني قايله منكر؟والاختلاط في كل مكان وخااااصه الاسواق لكن الاسره المحافظه تعرف تصون نساءها وبناتها ولا ماتطلع من البيت

ولضحيه اللي اتكلم عنها مو ضحيه منكر زي ماتقول يهود شايفنا انا مارضى باي مكان فيه منكر لكن لامانع من المشاريع اللي زي المنتجعات في بريده
وكلامي واضح

[بـــســـام]

المفروض تحمدون ربكم

الحين السياحه وصلت لعندكم

يعني راح تقل السفرات للي يتسيحون

وذلك سبب انه افتتح احد المنتجات في وطننا الغالي

يعني انا ادعو الله انه تنفتح أكثر وأكثر منتجعات على شان ماانسافر للتنزه

ويصير التنزه بيننا وبين أهلنا

وبكذا نكون محافضين على مكانتنا بمجتمعنا ومرتاحيييييييييين

[غبي فاهم]

الحمد لله وكفى وسلام على عباده الذين اصطفى ….وبعد
فإن الله عز وجل قد خلق العقول متفاوتة والمدارك متباينة وكانت سنة الله الكونية القدرية أن جعل الناس مختلفين .

وإن من اخطر مسائل الخلاف الذي حدث في تاريخ الأمة كثير ومنها الحسد ونشر المهاترات ويعكس الواقع فاكل ما قيل بحق هذى الرجل سوف تسئلون عنه يوم الدين والله أعلم ( قال تعال ) ((ايحب احدكم ان يأكل لحم اخيه ميتآ فكرهتموه )) 0000 اخواني أعظاء المنتدى هل نسيتم عظم ذنب ذكركم اخيكم بيما يكره ---- ( قال رسول الله صلى عليه وسلم ( ( أتدرون ما الغيبه قالوا الله ورسوله اعلم 0 قال : ( ذكرك اخاك بما يكره ) قيل أفرأيت ان كان في أخي ما أقول قال : ( ان كان فيه ما تقول فقد اغتبته وان لم يكن فقد بهته )) روه مسلم
----------------------------------------------------------------------------

اخوكم
غبي فاهم

[الصيوان]

الإخت الإمبراطوره ..

شكرا لك ..

وعلى إهتمامك بالموضوع ..

وأنا معك بكلامك ..

وإن كنت أخطأت فأنا ألتمس العذر منكِ .....

وأما قولك في ختام كلمتك (( زي ماتقول يهود شايفنا انا مارضى باي مكان فيه منكر ))

يهود مرة واحدة !!! :3: :3:

لا لا ما تصل الأمور إلى هذا الحد ..

خلي بالك طويييييل ..

أكرر شكري لك ..

[الصيوان]

الأخ // نعوم ..

كلامك في محله ..

وكثرة المنتجعات تغري الناس بعدم الذهاب إالى خارج المملكة ..

ولكن ليس على حساب الدين ..

بحيث تكون مليئة وتعج بالمنكرات ...:4:

لا لا أبداً ..

نحن نرحب باي منتجع لا يكون فيه اي إختلاط ..

وأقرب مثال لذلك (( مدينة الأسرة الترفيهية )) بحي الإسكان ..

وهي لرجل من عائلة (( العقاب )) ..

فجزاه الله كل الخير ...

وهو بصراحة يستاهل كل خير ..

مع أني لا اعرفه .. ولم اقابله ..

فلا يسمح بدخول النساء اللواتي يلبسن بنطال .. أو قصير ..

وغيرها من المنكرات المشاهدة والمعروفة ..


أتمنى ان تكون قد فهمت مرادي ...:1: