اهلا اريج ,,,
وش فيك هاليومين قالبه علينا الله يهديك .,,,
اللي تفضلتي بوصف حالتهم نوع نادر جدا من الشباب ,, اللي يكافح للحصول على مبتغاه ,, بعرق جبينه ,,
اما الآن فـ الحال اقتلب ,, وصارت الآن الفتاة هي من يرثى لحالها بعد الزواج ,,
الحين شبابنا بيوم وليله تطري علية فكرة الزواج ,,
يصحى اخينا من النوم ويقول يمه ابي اتزوج ,,
وهنا يجي دور الأم تدور أحلى واحسن بنت وتقول للوالد هات المهر ,,
ودور الوالد بالزواج كلله يسطر ابنه بشيك وفيه مبلغ وقدره ,,, أو يروح يتسلف ,, او ياخذ قرض من البنك ,,
يتقدم لهذه الفتاة شاب وسيم بعد 17 مره تردد على الصالون صنفره وخربطه ,, كلله عشان يصير بأحلى شكل ,, وطبعا بيده المهر كامل وفوقه بوسة راس للخال وشوية تميلح ومرجله ,,
من بكرا يجيب لها جوال هدية الخطوبة طبعا ,, ويحيون الليل مكالمات ,,
وكل المكالمات طبعا وعود ,, انتي حبيبتي ,, انتي حياتي ودنيتي وانا الوحيد اللي بيسعدك ,, وبلبي لك كل طلباتك ,, لو تطلبين لبن العصفور مايغلى عليك ,, انا مستحيل اطلع من البيت بعد زواجنا ,, بقابلك 24 ساعه ,, و و و و ,,,,,,
وبعد ايام يجي اليوم المنتظر ,, يجتمع العروسين بعد طول انتظار ,,
تمشي ايام الطفه شهر او أقل ,, ويبدا الزوج يحن لأيام العزوبيه ,, وبعدها تبدا الطلعات والسهر ,, وتصير البنت طول اليوم عند اهلها تحت عنوان الزيارة ,, وماتجي للبيت الا حول الفجر للنوم بس ,,
وهنا البنت تضيق فيها الدنيا ,, تبي زوجها ايام الخطوبه ,, تبي تنفيذ للوعود ,, تبي رجل يقدر المسؤولية ,,, ماتلقى الا زوج هايت يسهر لأنصاف الليالي ,, مفلس ,, على الله ثم على هالراتب اللي يادوب يجيب لهم مصاريف اكل وشرب ,, واذا طلبت منه فلوس تقضي حاجياتها قال ماعندي ,, كل شي غالي شايفتني بنك .. !!!!
وينتهي هالزواج بحياة تعيسة تتمنى الزوجة انها ضللت عانس ولا ارتبطت هالارتباط اللي ضيع حياتها مع زوج مستهتر لايعي معنى الزواج ولا الإرتباط ,, كل شي جاه بالساهل ,, ماحاول ولا محاولة انه يكلف نفسة بالتفكير بمستقبله هو وزوجته وأولاده ,,
او ان هذا الزواج ينتهي بالطلاق ,, فهو الحل الأمثل لكلا الزوجين ,, منها الزوج يفتك من المصاريف والإرتباط ,, ومنها الزوجه ترجع لحياة العز في بيت ابوها ,, بلا منة رجال ماتعرف قدر الزوجة ولا الزواج ,,
هذولا شباب الحين ياأريج ,, وللأسف هذي نظرتي ونظرة اي بنت تعي هذا الزمن وتعي شبابه ,,
انا لا اعمم طبعا ,, لكن الغالبية من هم على هذه الشاكلة ,, هداهم الله وردهم الى طريق الصواب ,,
عذرا على الإطالة لكن هذا هو الحال ولابد من الدفاع عن الفتاة المظلومه التي تقع تحت ظلم زوج غير مبالي ,,
فوووووووتك بعافية ,,,
![الصورة الرمزية ღ ][ وحيدة كالقمر ][ღ](image.php?u=13863&dateline=1212288418)
العرض المتطور
